Far West

Far West, iroun Al Rounds

Okitobwa 11–17

Reirei ao Berita aika Tabu 115–120

“Ana Anganano E na Rang n Tabu riki Nakoiu Nakon Rikirakena”

Kariaia te Tamnei bwa e na kairiko nakon reirei ake a kainnanoi riki ataei. Ko kona ni kunei iango aika ibuobuoki inanon waaki ni kakukurei ibukiia ataei ake a uarereke riki ke ibukiia ataei ake a ikawai riki.

Korei Am Namakin

te aikaon ibukin te tibwatibwa

Kaungaa te Tibwatibwa

Inanon taina, e kona n tamaroa ngkana ko taetae ma ana karo temanna te ataei imwaina ao n tuangiia bwa e na roko te ataei nakon te kiraati n tauraoi n tibwaua te bwai are teuanne ke neienne e a tia n reiakinna ni mweengana. Te ataei e kona ni kukukrei ni kaira te kiraati n te waaki ni kakukurei are teuanne ke neienne e a tia ni karaoia ma kain ana utu.

te aikaon ibukin te anga reirei

Reirei te Reirei: Ataei aika a Uarereke

Reirei ao Berita aika Tabu 115:4–5

Ngai bon Kaain Ana Ekaretia Iesu Kristo Ibukiia Aika Itiaki ni Boong aika Kaitira.

Kona kanga ni buokiia ataei n atai taian kakabwaia man rikiia bwa mwakoron ana Ekaretia Iesu Kristo?

Waaki ni Kakukurei aika a Kona ni Karaoaki

• Tuangiia ataei ngkana iai mai irouia ae kona n taekina aran te Ekaretia ae bwanin. Kaota nakoia ana kainikina te Ekaretia (iaon ana boreeti te Ekaretia ke n aia taeki n araia mitinare), korea te ara iaon te burakibooti, ke warekia nakoia man Reirei ao Berita aika Tabu 115:4. Tuangiia ataei bwa a na taekina te ara ma ngkoe ngkai ko kotei taeka nako. Kaoti kakaawakin taeka inanon te ara, ao buokiia ataei bwa a na ota bwa bukin tera taeka aikai a kakaawaki (taraa “Mwakoro 43: Iesu Kristo e Arana Ana Ekaretia,” Karaki man Reirei ao Berita aika Tabu, 164).

• Ikotaki anenea “The Church of Jesus Christ” (Aia Boki n Anene ataei, 77), ao tibwaia ma ataei aron am namakin ibukin kainakin ana Ekaretia Iesu Kristo. Anganiia bwa a tibwaia bwa e kanga aia namakin ibukin te Ekaretia.

• Kaoiia ataei bwa a na tei ngkana ko wareka te taeka ae “teirake” n Reirei ao Berita aika Tabu 115:5. Kaoia bwa a na katikii baia ma tabonibaia n aron otan taai ngkai ko wareka “oota nako.” Ikotaki anenea te kuna iaon te oota nakoia tabeman, n aron “I Am like a Star” (Aia Boki n Anene Ataei, 163). Kauringiia ataei bwa otara e roko mairoun Iesu Kristo, ao buokiia n iangoi kawai ake a kona iai n “kaotaa nako.”

Reirei ao Berita aika Tabu 117:6

Iesu Kristo e karaoa te aonaaba ao bwaai ni kabane ake inanona.

Ni kaungakiia William Marks ao Newel K. Whitney bwa a na anganako aia bwai ao ni mwaing nako Missouri, te Uea e kauringiia bwa E karaoi bwaai ni kabane iaon te aba. A na kanga ni kona ni kakabwaiaki ataei man ataakin te koaua aei?

Waaki ni Kakukurei aika a Kona ni Karaoaki

• Uota ke korea tamnein te karikibwai inanon Reirei ao Berita aika Tabu 117:6 are e taku te Uea bwa E na karaoi (ke kaoia ataei bwa a na korea oin aia tamnei). Kaoia ataei bwa a na taua i eta ke ni kotea te tamnei ngkai ko wareka te kibu. Tuangaiia ataei bwa bukin tera e kakaawaki iroum bwa kona ataia bwa Iesu e karaoi bwaai aikai.

• Aneneia ma ataei kunan ana karikibwai te Atua, n aron “My Heavenly Father Loves Me” (Aia Boki n Anene ataei, 228–29). Anganiia ataei bwa a na maroroakin bwaai tabeua ake a e a tia ni kariki te Atua ibukiia ake a buokiia n namakina Ana tangira.

Reirei ao Berita aika Tabu 119–20

Te kabwianibwai e buoka te Ekaretia ni karaoa ana mwakuri te Atua.

Angiina ataei ake ko reireiniia a bon bae n rangi ni uarereke ibukin te kareke mwane ao ni kabwaka te kabwianibwai, ma e tamaroa ibukiia bwa a na ataia ao e kanga aron te bwakamwane n te kabwianibwai ni kabonganaki ni kabutan ana mwakuri ae korakora te Ekaretia ni kabutaa te Aonaaba.

Waaki ni Kakukurei aika a Kona ni Karaoaki

• Kabwarabwara bwa ti kanga ni kabwaka ara kabwianibwai ao tera ae e kabonganaki ibukina (taraa “Mwakoro 44: Kabwianibwai,” Karaki man Reirei ao Berita aika Tabu 165–66, ke witeo ake a irekereke iaona ChurchofJesusChrist.org). Korei 10 te koin iaon te burakibooti, ao tuangiia ataei bwa a buokiko ni wareki. Kakaea bwa mwaitira ae ko na angan te Uea ibukin te kabwianibwai.

• Ikotaki anenea te kuna iaon te kabwianibwai, na aron “I Want to Give the Lord My Tenth” (Aia Boki n Anene Ataei, 150), ao tuangiia ataei bwa bukin tera ko rineia ni kabwaka te kabwianibwai. Ngkana e kona, tibwa te rongorongo ae bon ibukim.

te aikaon ibukin te anga reirei

Reirei te Reirei: Ataei aika a Ikawai Riki

Reirei ao Berita aika Tabu 115:4–6

Au banna ni katooto e kona ni buokiia tabeman n nakon Kristo ao ni karekea te kamanoaki.

Ataei ake ko reireiniia a bae n ataia aomata ake a rootaki n angibuakan te maiu ao a kainnanoa te “kamanomano” (kibu 6) are e katauraoaki n te Ekaretia. Iangoia kona kanga ni kaungaiia ataei bwa a na “teirake ao karaneanea ootaia” (kibu 5) ao n tibwa otaia ma aomata aikai.

Waaki ni Kakukurei aika a Kona ni Karaoaki

• Bwaatina ni karaunna te tooti, tamnein taai, ke te bwai riki teuana ae e tei ibukin otan ana euangkerio te Tia Kamaiu. Ngkana aia tai n taua te taura, kaoiia ataei bwa a na wareka Reirei ao Berita aika Tabu 115:4–5 ao atonga te bwai teuana ae a kona ni karaoia bwa a na “teirake ao karaneanea ootaia” n aron te taura ibukiia tabeman (taraa 3 Nibwaai 18:24).

• Kaoia ataei bwa a na korea te tamnei are e kabwarabwara Reirei ao Berita aika Tabu 115:6. Te katooto, a kona ni korea tamnein te buaka ni kanoan te bong, ma aomata aika a kataniia n ana kateitei te Ekaretia. Tera riki bwaai tabeua aika a kona n tei ibukin te buaka ni kanoan te bong? E kanga te Ekaretia ni katauraoa te katantan ibukin bwaai aikai?

Reirei ao Berita aika Tabu 117

Au anganano a tabu nakon te Uea.

N mwakoro 117, te Uea e reirei ma William Marks ao Newel K. Whitney bwa a na anganano n aia bwai i Kirtland ibukin kakabwaia aika a korakora riki i Missouri. E karinea naba Oliver Granger ibukin ana anganano are e karaoia. Tera ae ko namakinna bwa ataei a kona n reiakinna man aia banna ni katooto?

Waaki ni Kakukurei aika a Kona ni Karaoaki

• Kaoia ataei bwa a na iangoia bwa iai te tia bwaibwai n te titoa ae nakoraoi i Kirtland, n ai aron Newel K. Whitney. Tera aia namakin ngkana te Uea e tuangiia bwa a na kiitana aia titoa ao ni mwaing nakon te tabo ae boou? Warekia nakoia ataei Reirei ao Berita aika Tabu 117:1–11, ao tuangiia bwa a na katokiko ngkana a ongo te bwai are e na buokiia ni karekea te onimaki ni karaoi anganano ao n ongeaba nakon te Uea. Tera ae ti anganano iai n te bong aei n ongotaeka nakon te Uea?

• Kauarerekea n tuangiia ataei bwa bukin tera Aika Itiaki a kiitana Kirtland, ao angan temanna te ataei bwa e na karaoia (taraa “Mwakoro 41: Kaangaanga i Kirtland,” Karaki n Reirei ao Berita aika Tabu, 158–60). Kabwarabwara bwa te Uea e tuanga Oliver Granger bwa e na tiku i Kirtland ni kabwaka ana taarau te Ekaretia. Bukin tera e na kaangaanga te mwakuri anne? Tera ae e taekinna te Uea n Reirei ao Berita aika Tabu 117:13 are e kona ni buoka Oliver—ke temanna mai ibuakora—ni karaoa te anganano n ongeaba nakon te Uea?

Reirei ao Berita aika Tabu 119–20

Te kabwianibwai e buoka te Ekaretia ni karaoa ana mwakuri te Atua.

Iangoia kona kanga ni buokiia ataei n ota n aron te kabwianibwai—riki n te mwaiti ae e rangi ni uarereke are a kona ni kabwaka—anga nakon katean abanuean te Uea (taraa Koaua nakon te Onimaki, 180–82).

Waaki ni Kakukurei aika a Kona ni Karaoaki

• Kaoia ataei bwa a na iangoia bwa ao ngkoa raoraoia e noora n ana kateitei te Ekaretia ao n titiraki, “E kanga am Ekaretia ni kabwakamwane ibukin te kateitei anne?” Ti na kanga ni kabwarabwara te kabwianibwai nakon te rao aei? Kaotia bwa ataei a na taraa Reirei ao Berita aika Tabu 119:4; 120:1 ngkai a iangoa te titiraki aei.

• Buokiia ataei bwa a na iangoi bwain te Ekaretia ake e kona te Ekaretia ni karaoi ibukin te kabwianibwai. A kanga bwaai aikai ni kakabwaiai maiura? Tibwa am namakin ibukin tuan te kabwianibwai ao e kanga n tia ni kakabwaiako.

  te ataeinimwaane ae kabwaka ana kabwianibwai

  Man kabwakaan te kabwianibwai, ti kona ni kaota ara tangira ibukin te Atua ao ni buoka Ana mwakuri.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na atai bwaai aika a namakini i nanoia ke n aia inago are e roko n aia iango n tain te reirei n te Moanrinan n te bong aei. Kaungaia bwa a na tibwauai namakin ao iango akanne ma aia utu.

Kanakoraoan Ara Anga reirei

Boutokaia kaaro. Kakaai kawai n tibwaia ma aia karo te bwai are a reiakinna natiia n te Moanrinan, ao tuangiia bwa kona kanga ni boutoka aia mwakuri ni karo (taraa Teaching in the Savior’s Way, 25).

iteraniba ni waaki ni kakukurei: te kabwianibwai e buoka te Ekaretia ni karaoa ana mwakuri te Atua