Nauvoo

Nauvoo te Tikiraoi, iroun Larry Winborg

Okitobwa 25–31

Reirei ao Berita aika Tabu 124:125

“Te Auti nakon Arau”

Tera reirei man Reirei ao Berita aika Tabu 124–25 ake a kainnanoi ataei n reiakinaki iai? Iangoa raoi te titiraki aei ngkai ko kamatebwai n te wiiki aei.

Korei Am Namakin

te aikaon ibukin te tibwatibwa

Kaunga te Tibwatibwa

Kaota tamnein te tembora ae ko kaan ma ngaia. Titirakiniia ataei bwa tera aia atatai ibukin te tembora. Anganiia bwa a na tibwaua aia namakin ibukin nakoia nakon te tembora n te bong teuana.

te aikaon ibukin te anga reirei

Reirei te Reirei: Ataei aika a Uarereke

Reirei ao Berita aika Tabu 124:15, 20

E kukurei Iesu ngke I kataia ni karaoa ae tamaroa.

N te kaotioti are e koreaki ni mwakoro 124, te Uea e kabwarabwara Ana kariaia ibukin Hyrum Smith ao George Miller ibukina bwa a kataia n Iriiria. Ko na kanga ni buokiia ataei n ataia bwa te Uea e kukurei ngkana a kataia ni karaoa ae tamaroa?

Waaki ni Kakukurei aika a Kona ni Karaoaki

• Buokiia ataei n iangoi bwaai ake a kona ni karaoi aika tamaroa. Kaotii tamnei n anganiia aia iango (ko kona ni kunei tabeua inanon Bokin Tamnein te Euangkerio ke ana maekatiin te Ekaretia). Tuangiia ataei bwa a na kotei bwaai aika tamaroa ikai. Wareka Reirei ao Berita aika Tabu 124:15 nakoia ataei, ao tuangiia bwa a na ongora bwa e kanga te Uea n tuanga Hyrum Smith n rinea te bwai ae tamaroa ae na karaoia. E kanga ana namakin Iesu ngkana ti kataia ni karaoi bwaai aika tamaroa?

• Anganiia ataei beeba aati, ao tuangiia bwa a na bon korei tamneiia ngke a karaoi bwaai aika tamaroa. Tuangiia bwa a na tibwauai bwaai ake a korei ma kaain te kiraati. Tera aron ara namakin ngkana ti karaoa ae raoiroi? Kaotia bwa e kukurei Iesu ngkana ti kataia ni karaoa te bwai ae eti.

• Anenea te kuna ibukin karaoan bwaai ake e tangiria Iesu bwa ti na karaoi, n aron “Jesus Wants Me for a Sunbeam” (Aia Boki n Anene Ataei, 60–61).

Reirei ao Berita aika Tabu 124:28–29, 39

Iesu e tuangiia Ana aomata bwa a katea te tembora.

A riki tembora n taainako bwa mwakoron ana babaire Tamara are i Karawa ibukiia Natina. Mataatam n aei e na buokiia ataei ake ko reireiniia n namakina riki te karinerine ibukin te tembora.

Waaki ni Kakukurei aika a Kona ni Karaoaki

• Buokiia ataei ni kamataataia bwa ngke Aika Itiaki a kunea mweengaia ae boou i Nauvoo, a tuangaki iroun te Uea bwa a na katea te tembora (taraa “Mwakoro 50: Aika Itiaki i Nauvoo” Karaki man Reirei ao Berita aika Tabu, 183–84, ke te witeo are e rekereke mangaia iaon ChurchofJesusChrist.org). Kaoiia ataei bwa a na baka n are ao ngkoa a katea te tembora.

• Wareka te kibuntaeka aei ma ataei: “Au auti ae tabu, are au aomata a aki toki n tuangaki bwa a na kateia nakon arau ae tabu.” (Reirei ao Berita aika Tabu 124:39). Anganiia ataei bwa a na taua tamnein te tembora n taai ake ngkoa (taraa Bokin Tamnein te Euangkerio, nambwa 52 ke te waaki ni kakukurei n te wiiki aei) ao tamnein te tembora n am aono. Kabwarabwara bwa Tamara are i Karawa ao Iesu Kristo a aki toki n tuangiia Aia aomata bwa a na katea te tembora—n taai ake ngkoa ao n ara bong. Tibwauai taeka ao kibuntaeka man Reirei ao Berita aika Tabu 124:28–29 ni buokiia ataei ni kamataataia bukin tera ngkai e tangiriira te Uea bwa ti na katea te tembora.

• Kaoiia ataei bwa a na katiaa kanoan te iteranibaa ni waaki ni kakukurei n te wiiki aei ni buokiia ni kamataataia bwa ngaira ana aomata te Atua ao bwa ana aomata te Atua aki toki n tuangaki bwa a na katea te tembora.

te aikaon ibukin te anga reirei

Reirei te Reirei: Ataei aika a Ikawai Riki

Reirei ao Berita aika Tabu 124:12–21

E kukurei te Uea ngkana I kakaonimaki.

Inanon mwakoro 124, te Uea e kamoamoaia tabeman Aika Itiaki ibukin aia kakaonimaki. Ana taeka e na kona ni buokiia ataei n atai anua ake a riai ni karikirakei.

Waaki ni Kakukurei aika a Kona ni Karaoaki

• Rinei tabeua anua aika raraoi ake a a taekinaki n Reirei ao Berita aika Tabu 124:12–21, ao korei iaon te burakibooti ni katobibia tamnein te Tia Kamaiu. Tuangiia ataei bwa a na kakaei kiibu 12–21, n tarai taeka aikai. Buokiia bwa a na ota n iango ake aki taneiai ma ngaia. Ni kaineti ma kiibu aikai, tera ana namakina te Uea ibukiia aomata ake a karikirakei anua aikai?

Reirei ao Berita aika Tabu 124:28–30, 38–41

Iesu e tuangiia Ana aomata bwa a na katea te tembora.

Ataei ake ko reireiniia n te tai ae aki maan ao a na bon ikawai ao n tau ao n nako nakon tembora ao n iri ni karaoi otenanti n te tembora. Tera ae ko kona ni karaoia ni buokiia bwa a na tauraoi?

Waaki ni Kakukurei aika a Kona ni Karaoaki

• Rabuna te tamnei ke korea tamnein te tembora. Kaoiia ataei bwa a na wareka Reirei ao Berita aika Tabu 124:38–41 ni kinraea bwa tera are n te tamnei. Anganiia ataei bwa a na kanakoa rabunan te tamnei ao ni maroroakinna tera ae reiakinaki ni kiibu aikai ibukin tera ngkai e tangiria te Uea bwa ti na katea te tembora.

• Kaoiia ataei bwa a na wareka Reirei ao Berita aika Tabu 124:28–30 ni kakaea bukina ngkai te Uea e angan Iotebwa Timiti bwa e na katea te Tembora i Nauvoo. Tibwaua am namakin ibukin te tembora ao bwaai nako ake ko rinanona ni karaoan te bwabetito ibukiia maate. Buokiia ataei ni baireia a na mannra riki imwaain ae a ikawai ao n tau ni karaoi mwakuri ni bwabetitio ibukiia maate n te tembora.

• Ngkana iai am beeba ni kariaia nakon te tembora, kaotia nakoia ataei, ke kaoa te kairake n te uoote bwa e na kaota ana beeba ni kariaia teuanne ke neienne nakoia ataei. Tuangiia ataei bukin tera ngkai e kakawaki te beeba ni kariaia nakon te tembora ao tera ae ti riai ni karaoia bwa e aonga n reke teuana. Kaungaia bwa a na moana aia katauraoi ngkai ibukin karekean aia beeba ni kariaia.

  Iotebwa Timiti ma mwaane ngke a katea te Nauvoo Tembora

  Iotebwa Timiti i Nauvoo Tembora, iroun Gary E. Smith

Reirei ao Berita aika Tabu124:91–92

Te kakabwaia mairoun te tamanuea e kona n anganai ana kairi te tamnei.

Ngkana ko a ti a ni karekea am kakabwaia mairoun te tamanuea, manga rinanona imwaain ae ko reireiniia ataei taekan kakabwai aikai. Bukin tera ngkai ko rangi ni kakaitau ibukin am kakabwaia mairoun te tamanuea? Ko na kanga ni kaungaia ataei bwa a na katauraoiia ibukin reken aia bwai?

Waaki ni Kakukurei aika a Kona ni Karaoaki

• Kaoa temanna te ataei bwa e na wareka Reirei ao Berita aika Tabu 124:91–92, ao kaoa te kiraati bwa e na ongora n te bwai are e weteaki iai Hyrum Smith iroun te Uea bwa e na karaoia. Tera ae a ataia ataei iiaon kakabwaia mairoun te tamanuea? Ngkana e a tia n reke am kakabwaia mairoun te tamanuea, kaotia nakoia ataei bwa aekakira teina. (Uringnga bwa kanoan am kakabwaia ae rangi n onoti mairoun te tamanuea e bon tabu.) Kabwarabwara bwa kakabwaia mairoun te tamanuea a rangi n onoti ao ti karekei mairouia tamanuea. Kakabwaia aikai a kona ni buokiira n reiakini riki arora ma are e tangiria Tamara are i Karawa bwa ti na karaoia.

• Iangoia bwa kona kaoa ana karo ke tarin ma mwaanen te ataei are ko reireinna n tibwauaia ma kaain te kiraati bukin tera ngkai a kakaitau ibukin aia kakabwaia mairoun te tamanuea. Tuangiia bwa a na tibwauaia bwa e kanga aia babaire ae a tangiria ibukin karekean aia kakabwaia. Kaota am koaua ibukin kakabwaia mairoun te tamanuea.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na tibwauaia ma kaain aia utu teuana te bwai are a tia n reiakinna ibukin te tembora ao bukin tera ngkai a kan nako n te tembora n te bong teuana.

Kanakoraoan Ara Anga reirei

Ataei a kona ni kinaa ana wirikiriki te Tamnei. Reireiniia ataei bwa namakinan te rau, te tangira, ao te kimwareirei are a karekea ngkana a taetae ke n anenea taekan Iesu Kristo ao Ana euangkerio e roko mairoun te Tamnei ae Raoiroi. Namakin aikai a kona ni kakorakorai aia koaua.

iteranibaa ni waaki ni kakukurei: Iesu e tuangiia Ana aomata bwa a na katea te tembora