Fare tāpe’ara’a nō Liberty

Tau fa’atupura’a rā’au, te fare tāpe’ara’a nō Liberty, nā Al Rounds

18–24 nō ’Ātopa.

Te Parau Ha’api’ira’a ’e te mau Parau Fafau 121–123

« E te Atua, teihea ra ’oe ? »

’A tuatāpapa ai ’outou i Te Parau Ha’api’ira’a ’e te mau Parau Fafau 121–23, ’a feruri i te mea tā te mau tamari’i i roto i tā ’outou piha i ’ite a’e na. ’A pure nō te ’ite nāhea ’ia patu i ni’a i te mea tā rātou i ’ite.

Pāpa’i i te mau mana’o e tae mai

ītona fa’a’itera’a

Tītau i te mana’o

Mai te mea ’ua fa’aitoito ’outou i te mau tamari’i ’ia fa’a’ite mai i te hō’ē mea tā rātou i ha’api’i mai i roto i te piha ha’api’ira’a i te hepetoma i mā’iri a’enei i tō rātou ’utuāfare, e hōro’a ia rātou te taime nō te fa’a’ite mai i tō rātou mau ’itera’a.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī a’e

Te Parau Ha’api’ira’a ’e te mau Parau Fafau 121:7–8 ; 122–7

E nehenehe te mau taime fifi e riro ’ei maita’i nō tātou.

E hōro’a te mau parau a te Fatu ia Iosepha Semita i roto i te fare tāpe’ara’a nō Liberty i te rāve’a nō te tauturu i te mau tamari’i ’ia ’ite ē, i te tahi taime e mea fifi te orara’a, terā rā, e nehenehe te Metua i te Ao ra ’e ’o Iesu Mesia e tauturu ia tātou.

Mau ’ohipara’a e nehenehe e rave

• E ani i te mau tamari’i ’ia fa’aro’o i te ta’o « hau » ’a fa’a’ite ai ’outou ia rātou te « Pene 46 : Iosepha Semita i roto i te fare tāpe’ara’a nō Liberty » (Te mau ’ā’amu o te Parau Ha’api’ira’a ’e te mau Parau Fafau, 172–74) ’aore rā, Te Parau Ha’api’ira’a ’e te mau Parau Fafau 121:7–8. Tauturu i te mau tamari’i ’ia feruri i te mau rāve’a e nehenehe ai tātou e ti’aturi i te Fatu mai tā Iosepha i rave, ’ia ti’a ia tātou ’ia fāri’i i te hau. E fa’ata’a ē, noa atu ’ua fa’aruru Iosepha i te mau fifi rahi, tei pīha’i iho noa te Fatu iāna.

• Nō te tauturu i te mau tamari’i ’ia ’ite ē, tō tātou mau tāmatara’a « e riro ato’a ’ei maita’i nō [tātou] » (Te Parau Ha’api’ira’a ’e te mau Parau Fafau 122:7), ’a parau ia rātou nō ni’a i te fa’ararahira’a i tō tātou mau uaua ’ia amo ana’e tātou i te hō’ē ’ohipa teiaha. E vaiiho ia rātou ’ia fa’ahua e amo ra i te hō’ē ’ohipa teiaha ’aore rā, e ’ohipa pa’ari ra. E fa’ata’a ē, te haerera’a nā roto i te mau taime fifi e tauturu te reira i tō tātou vārua ’ia tupu i te rahi—mai te mea e fāriu tātou i te Fatu nō te fāri’i i te tauturu. ’A hōro’a i te tahi mau hi’ora’a ’o tā te mau tamari’i tā ’outou e ha’api’i ra e fa’ati’a atu. E ani ia rātou ’ia fa’ahiti fa’ahou nā muri ia ’outou i te pereota « teie mau mea ato’a ra… e riro nō tō [tātou] maita’i ».

Te Parau Ha’api’ira’a ’e te mau Parau Fafau 122:8

’Ua ’ite Iesu Mesia i tā’u e fāri’i ra.

I roto i te fare tāpe’ara’a nō Liberty, ’ua parau Iesu Mesia ia Iosepha Semita ē, ’ua pou ’oia i raro a’e i te mau mea ato’a (hi’o Te Parau Ha’api’ira’a ’e te mau Parau Fafau 122:8). Te aura’a ’oia ho’i, ’ua ’ite ’oia i te mea tā tātou e fa’aruru nei ’e e nehenehe tātou e fāriu atu iāna ra.

Mau ’ohipara’a e nehenehe e rave

• Nō te tauturu i te mau tamari’i ’ia ha’api’i mai i te fāriu i ni’a i te Mesia, ’ia ora ana’e rātou i te orara’a fifi, e ani ia rātou ’ia fa’a’ite mai i tō rātou hōho’a mata ’ia oto, ’ia pēpē aore rā, ’ia māuiui rātou. ’O vai te nehenehe e tauturu ia tātou ’ia tae mai terā mana’o ? E tai’o i Te Parau Ha’api’ira’a ’e te mau Parau Fafau 122:8, ’e e fa’ata’a ē te aura’a o te reira, ’ua ’ite o Iesu Mesia i tā tātou e fāri’i ra ’e e nehenehe ’oia e tauturu mai ia tātou.

• Hīmene ’āmui « Jesus enfant » (Chants pour les enfants, 34), ’e e fa’a’ite pāpū ē, e nehenehe Iesu Mesia e tauturu ia tātou nō te mea ’ua ’ite ’oia i tā tātou e fāri’i ra.

  Iesu i te fenua i Getesemane

  ’Ua māramarama Iesu i tō tātou mau māuiui. ’Eiaha i tō’u hina’aro, i tō ’oe rā, nā Walter Rane

Te Parau Ha’api’ira’a ’e te mau Parau Fafau 123:17

’Ua hina’aro te Atua iā’u ’ia rave ma te ’oa’oa i te mea ato’a e nehenehe iā’u.

Noa atu tei roto Iosepha Semita i te fare tāpe’ara’a nō Liberty ’e ’ua ti’avaruhia te feiā mo’a i tō rātou mau fare, ’ua fa’aitoito ’oia i te feiā mo’a ’ia « rave ma te ’oa’oa i te mau mea ato’a e nehenehe ia tātou ».

Mau ’ohipara’a e nehenehe e rave

• Tai’o i te mau tamari’i i Te Parau Ha’api’ira’a ’e te mau Parau Fafau 123:17, ’e e ani ia rātou ’ia ti’a i ni’a ’e ’ia pōpō ’ia fa’aro’o ana’e rātou i te ta’o « ma te ’oa’oa ». E ani ia rātou e fa’ahua e rave ma te ’oa’oa i te mau ’ohipa ta’a ’ē nō te tāvinira’a.

• Hīmene ʼāmui i te hōʼē hīmene nō niʼa i te tāviniraʼa ma te ’oa’oa, mai te « Nous aidons tous avec joie » (Chants pour les enfants, 108). Tauturu i te mau tamari’i ’ia feruri i te mau rāve’a e tāvini ai rātou ma te ’oa’oa i tō rātou ’utuāfare ’e tō rātou mau hoa.

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari

Te Parau Ha’api’ira’a ’e te mau Parau Fafau 121:7–9 ; 122:7–9

E nehenehe tō’u mau tāmatara’a e riro ’ei maita’i nō’u.

Hō’ē rāve’a tā te Fa’aora nō te tāmāhanahana ia Iosepha Semita ’a māuiui ai ’oia i roto i te fare tāpe’ara’a nō Liberty, ’o te ha’api’ira’a ïa iāna ē, « nā roto i teie mau mea ato’a nei, ’e e riro ho’i ’ei maita’i nō ’oe na » (Te Parau Ha’api’ira’a ’e te mau Parau Fafau 122:7). E ha’amaita’i teie parau mau i te mau tamari’i ’ia fa’aruru ana’e rātou i tō rātou iho mau tāmatara’a.

Mau ’ohipara’a e nehenehe e rave

• E ani i te mau tamari’i ’ia fa’a’ite mai e aha tā rātou i ’ite nō ni’a i te ’itera’a ’ia Iosepha Semita i roto i te fare tāpe’ara’a ’e i te feiā mo’a tei fa’ahepohia e fa’aru’e ia Missouri (hi’o i te mau pene 45–47 ’o Te mau ’ā’amu o te Parau Ha’api’ira’a ’e te mau Parau Fafau, 167–75). E ani i te mau tamari’i e aha tā rātou e fāri’i mai te mea ’o Iosepha Semita ’aore rā, ’o te hō’ē feiā mo’a rātou i terā taime. Tai’o ’e te mau tamari’i Te Parau Ha’api’ira’a ’e te mau Parau Fafau 121:7–9 ; 122:7–9, ’e e ani ia rātou ’ia ’imi mai i te mea tā te Fatu i parau ’o tē hōpoi mai ia rātou te hau. Nāhea tō tātou mau ’itera’a rau fifi e riro ai « ’ei maita’i nō [tātou] ? »

• E ani e piti tamari’i ’ia tāpe’a i te mau hope’ara’a o te hō’ē taura e nava’i maita’i te roa nō te huti i te tahi a’e pae o te piha. E ani i te tahi atu tamari’i ’ia ’ōfati i te hō’ē vāhi i ni’a i te taura. Tai’o Te Parau Ha’api’ira’a ’e te mau Parau Fafau 121:7–8, ’e e fa’ata’a ē, tē fa’ahōho’ahia nei te taura i te mau matahiti o te tau mure ’ore, ’e te vāhi na’ina’i tei ’ōfatihia ’o tō tātou ïa matahiti i ni’a i te fenua nei. E aha te aura’a o te reira, ’o tō tātou ānei mau tāmatara’a i ni’a i te fenua nei, nō te hō’ē noa « tau poto ? »

• Tauturu i te mau tamari’i ’ia feruri e aha te huru te fa’aeara’a e maha ’āva’e i roto i te hō’ē vāhi mai te fare tāpe’ara’a nō Liberty. E aha tā tātou e mihi roa a’e ? Nāhea tātou i te fa’a’ohipa i tō tātou taime ? E aha tā Iosepha Semita i ha’api’i mai i roto i Te Parau Ha’api’ira’a ’e te mau Parau Fafau 121:7–9 ; 122:7–9 tei tauturu iāna ’ia fa’a’oroma’i i teie ’ohipa e tupu nei ? E fa’aitoito i te mau tamari’i ’ia pāpa’i i te hō’ē rata i te hō’ē ta’ata ’o tē fāri’i nei i te hō’ē taime fifi, ’e e ani ia rātou ’ia fa’a’ohipa i te hō’ē mea nō roto mai i Te Parau Ha’api’ira’a ’e te mau Parau Fafau 121:7–9 ; 122:7–9 i roto i tā rātou rata.

Te Parau Ha’api’ira’a ’e te mau Parau Fafau 121:34–46

E ti’a ia tātou ’ia vai parauti’a nō te fāri’i i te « mau mana o te ra’i ».

Tauturu i te mau tamari’i o tā ’outou e ha’api’i nei ’ia ’ite ē, e nehenehe tātou e fāri’i i te mana o te Atua i roto i tō tātou orara’a mai te mea noa e vai parauti’a tātou.

Mau ’ohipara’a e nehenehe e rave

• Pāpa’i i te hō’ē rēni ’e te mau ta’o mana rahi i te hō’ē pae ’e mana ha’iha’i i te tahi pae. Pāpa’i i te hō’ē te’a e fa’atoro ra i te rōpū i te rēni. E mā’iti e rave rahi mau ta’o ’aore rā, te pereota nō roto mai i Te Parau Ha’api’ira’a ’e te mau Parau Fafau 121:34–46 ’o tē ha’api’i nei nāhea tātou ’ia fa’aiti ’aore rā fa’arahi i te mana o te ra’i i roto i tō tātou orara’a (mai te « tāpo’ira’a i tā tātou mau hara », « te’ote’o », « marū », ’e « here »). E ani i te mau tamari’i te tahi i muri mai i te tahi ’ia mā’iti i te hō’ē ta’o, ’ia fa’a’oti e arata’i ānei te ta’o i te fa’aha’iha’ira’a ’aore rā, i te fa’arahira’a i te mana, ’e ’ia fa’anu’u i te te’a e ti’a ai. E paraparau i te mau tamari’i nō ni’a i te mau ta’ata tā rātou i ’ite tei riro ’ei fa’aurura’a maita’i nō vetahi ’ē nō te mea ’ua pe’e rātou i te parau a’o a te Fatu i roto i teie mau ’īrava.

• Tai’o Te Parau Ha’api’ira’a ’e te mau Parau Fafau 121:41–42, 45, ’e e ani i te mau tamari’i ’ia tāpura mai i te mau maita’i i roto i teie mau ’īrava, tā te Fatu e hinaaro ’ia fāri’i tātou. Tauturu ia rātou ’ia fa’ata’a i te mau ta’o tā rātou e ’aita e māramarama nei. E hōro’a i te tamari’i tāta’itahi i te hō’ē huru maita’i, ’e e tauturu ia rātou ’ia feruri i te hō’ē rāve’a nō te fa’a’ite i te reira. I te taime ’a oti ai rātou pā’āto’a i te fa’a’ite mai, e ani ia rātou ’ia tai’o i te mau ’īrava 45–46 ’e ’ia tāpura i te mau ha’amaita’ira’a tā rātou e fāri’i mai te mea e fa’ananea rātou i teie mau huru maita’i.

• Tai’o ’āmui i te rēni mātāmua o Te Parau Ha’api’ira’a ’e te mau Parau Fafau 121:46. Nāhea te Vārua Maita’i e riro ai, ’ei « hoa tāmau nō tātou ? » E hīmene ’āmui « Le Saint Esprit » (Chants pour les enfants, 56) ’aore rā, te tahi atu hīmene nō ni’a i te hōro’a o te Vārua Maita’i. E aha tā te hīmene e ha’api’i nei ia tātou nō ni’a nō te aha tātou e hina’aro ai i te Vārua Maita’i ’ia riro ’ei hoa tāmau nō tātou ?

ītona ’apora’a mai

Fa’aitoito i te ’apora’a mai i te fare

E ani i te mau tamari’i ’ia feruri i te hō’ē ta’ata e fa’aruru nei i te hō’ē tau fifi. Tauturu ia rātou ’ia ’ite mai i te hō’ē ’ohipa tā Iosepha Semita i ha’api’i mai i roto i te fare tāpe’ara’a nō Liberty ’o tā rātou e nehenehe e fa’a’ite i taua ta’ata ra.

Ha’amaita’ira’a i tā tātou ha’api’ira’a

Fa’aitoito i te ha’api’ira’a mai i te fare « ’O te mau metua te mau ’orometua ha’api’i ’evanelia faufa’a roa a’e nō tā rātou mau tamari’i—tei ia rātou ra te hōpoi’a tumu ’e te mana rahi a’e nō te fa’auru i tā rātou mau tamari’i (hi’o Deuteronomi 6:6-7) ’A ha’api’i ai ’outou i te mau tamari’i i te fare purera’a, ’a ’imi nā roto i te pure i te mau rāve’a nō te pāturu i tō rātou mau metua i roto i tō rātou ti’ara’a faufa’a rahi » (Ha’api’ira’a mai tā te Fa’aora, 25

’api ’ohipara’a : ’Ua ’ite ’o Iesu Mesia i te mea ’o tā’u e fa’aruru nei