Vodo kameli na Tamata Vuku

Let Us Adore Him, mai vei Dana Mario Wood

Janueri 14–20

Luke 2; Maciu 2

Keitou sa Lako Mai me Cuva Vua

Tekivu ena nomu wilika na Maciu 2 kei na Luke 2. iTuvatuva ni macawa oqo mai na Lako Mai, Mo Muri Au—Baleta na Tamata Yadua kei na Matavuvale e rawa ni vukei iko mo kila na wase eso oqo, ka rawa ni solia vei iko eso na vakasama ni veivakavulici na ituvatuva oqo.

Vola na Veika o Uqeti Kina

ivakatakilakila ni veiwasei

Sureta na Veiwasei

Kerei ira na gone me ra tukuna vei iko na veika era nanuma baleta na sucu nei Karisito. Na tiki ni italanoa cava era dau taleitaka duadua?

ivakatakilakila ni veivakavulici

Vakavulica na iVunau

Gone Sobu

Luke 2:1–14

A sucu ko Jisu.

A biuta ko Jisu na Nona itikotiko mai vei Tamada Vakalomalagi me mai sucu e vuravura me rawa kina ni noda iVakabula. O na vukei ira vakacava na gone me ra nanuma na italanoa ni sucu nei Karisito?

iTaviqaravi e Rawa ni Caka

• Ni o wilika na italanoa ni sucu i Karisito, sureti ira na gone me ra matanataka vakataki ira na italanoa se vakayagataka na tabana ni itaviqaravi ni macawa oqo. Raica talega na “Wase 5: Jesus Christ Is Born,” New Testament Stories, 13–15, se na kena vidio ena (LDS.org).

• Ke tiko e dua na nomu, kauta mai na iVakatakarakara ni Sucu ka sureti ira na gone me ra tuva vakadodonu na veitikina ni o tukuna tiko vei ira na italanoa ni sucu i Jisu Karisito. E rawa ni o vakaraitaka na iyaloyalo ena ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale). Dusia na tamata duidui ena iVakatakarakara ni Sucu ka sureti ira na gone me ra wasea na veika era kila baleta na tamata yadua.

• Ni lagata vata na nodra sere taleitaki na gone baleta na sucu i Jisu. Ni vakayacori tiko qori, vaqara na madigi mo wasea nomu ivakadinadina ni iVakabula ka sureti ira na gone me ra wasea na vuna era lomani Jisu kina.

Maciu 2 :1–12

Au rawa ni solia na iloloma vinaka vei Jisu.

Ratou solia vei Jisu na Tamata Vuku na iloloma koula, na ka boi vinaka, kei na mura. O na vakayagataka vakacava na italanoa oqo mo vakavulica vei ira na gone ni rawa me ra solia talega vei Jisu na ka ni loloma—me vaka na loloma, veiqaravi, kei na talairawarawa?

iTaviqaravi e Rawa ni Caka

• Vakaraitaka e dua na kedratou iyaloyalo na Tamata Vuku ni o railesuva na kedratou italanoa, ka kunei ena Maciu 2:1–12, vata kei ira na gone. E rawa ni o vakaraitaka na iyaloyalo Wise Men Present Gifts (LDS.org).

• iYaloyalo ni iolo ni loloma se iyaya ka matataka na iloloma eso e rawa ni da solia vei Jisu. Sureti ira na gone me ra vukei iko ni cereka na ka ni loloma ka veivosakitaka na ivakarau eda solia kina na ka ni loloma vua na iVakabula.

• Vukea na gone yadua me droinitaka se vola na ituvatuva ni ka ni loloma e rawa ni solia vei Jisu, me vaka “me dua na itokani vinaka” se “na masu.” Sureti ira na gone me ra wasea nodra ituvatuva ena kalasi ka digitaka e dua me cakacakataka ena macawa oqo.

Luke 2:40–52

A gone lailai talega vakataki au o Jisu.

Na vulici ni bula vagone ni iVakabula sa rawa ni vukei ira na gone o vakavulica me ra kilai Koya. Tarogi ira na gone na cava e rawa ni ra vulica mai na veitikina oqo ena ivakarau e rawa ni ra vakataki Jisu kina ena gauna oqo.

iTaviqaravi e Rawa ni Caka

• Sureta e dua na itabagone ena tabanalevu me sikova mai na kalasi ka wasea na italanoa kei Jisu ni veivakavulici tiko ena valetabu ni se cauravou.

• Kerea e vica na gone ni se vo toka na gauna me ra kauta mai na kedra itaba vaka gonedramidrami me ra veiwaseitaka. Taroga se sa vakaevei beka nodra tubu. Wasea eso na sala sa tubu kina o Jisu (raica na Luke 2:40, 52). Lagata vata kei ira na gone “Jesus Once Was a Little Child,” Children’s Songbook, 55, se dua tale na sere baleta na iVakabula.

• Wilika na Luke 2:52 ka vakamacalataka na ibalebale ni “vuku” kei na “yagona”. O na rairai kerei ira na gone me ra cakava eso na ivukivuki e vakaraitaka na ibalebale ni tubu cake ena vuku kei na nona vinakata vakalevu cake tikoga na Kalou kei ira talega na tamata. Me ivakaraitaki, e rawa ni ra matanataka ni ra wilika tiko e dua na ivola se vukea tiko e dua e vakaleqai tu.

ivakatakilakila ni veivakavulici

Vakavulica na iVunau

Gone Qase Cake

Luke 2:1–21; Maciu 2:1–2

Era sa tukuna rawa na parofita makawa na sucu ni iVakabula.

Era a sa namaka tu na parofita kei na tamata vakabauta ena vicavata na senijiuri na sucu ni iVakabula. Na kilai matata ni dina oqo sa rawa ni vukei ira na gone ni rawata na yalo ni vakavinavinaka titobu me baleta na bula kei na ilesilesi ni iVakabula.

iTaviqaravi e Rawa ni Caka

• Kerei ira na gone me ra tukuna eso na ka era namaka, me vaka e dua na siganisucu se vakacagicagi. Me ra wilika na gone na Ilamani 14:2–5 me ra kunea e dua na ka era a dau namaka tu na parofita.

• Ni wilika vata eso na parofisai ni nona sucu na iVakabula (raica na Aisea 7:14; 9:6; 1 Nifai 11:18; Ilamani 14:5). Vukei ira na gone me ra tuva na matailalai ni veiparofisai oqo ka raica na kedra vakataucokotaki ena Luke 2:1–21 kei na Maciu 2:1–2.

• Sureti ira na gone me ra droinitaka na iVakatakarakara ni Sucu ka wasea na vuna era vakavinavinakataka kina na sucu nei Jisu.

Meri, Josefa, kei Simione kei na gonelailai ko Jisu

Vakarokorokotaka na Gone ko Karisito o Simione, mai vei Greg K. Olsen

Luke 2:40, 52

A gone lailai talega vakataki au o Jisu.

Me vakataki Jisu, e tiko e dua na itavi bibi me ra vakarautaki ira kina na gone o vakavulica. Na cava e rawa ni ra vulica mai na ivakaraitaki nei Jisu?

iTaviqaravi e Rawa ni Caka

• Ni o wilika na Luke 2:40, 52, tukuna vei ira na gone me ra vakarogoca na veika a cakava ko Jisu. Sureti ira na gone me ra wasea na sala eso era sa tubu kina me tekivu mai na nodra se lalai. Wasea na veika o sa sotava ena nomu vulica vakalalai na kosipeli; qai wasea na nomu ivakadinadina.

• Vakacavara na itaviqaravi e vakaraitaka na veimalanivosa ena Luke 2:40, 52. Me ivakaraitaki, e rawa ni o vakarautaka na kedra balavu na gone yadua (“sa tubu cake ko Jisu … ena yagona”) se me ra wasea nodra ivolanikalou taleitaki (“sa tudei tikoga vakayalo”). Vukei ira na gone me ra vola na veisala eso era sa tubu tiko kina ka wasea vata kei na nodra matavuvale.

• Ni sa railesuvi oti na Luke 2:40, 52, sureti ira na gone me ra wasea nodra nanuma se dau vakaevei tu beka o Jisu ena gauna e yacova kina nodra yabaki. Ena dau vakaevei beka Nona ivakarau vei Tinana? Ira na tacina kei na ganena?

Luke 2:41–52

Au rawa ni muria na ivakaraitaki nei Jisu.

Ni se cauravou mada ga, sa vakavulici ira tiko na qase o Jisu ena loma ni valetabu. Me vakaoqori, sa levu tu na ka me ra vakavulica na gone ena nomu kalasi kivei ira ka wavoliti ira tu.

iTaviqaravi e Rawa ni Caka

• Sureta e dua na gone me vakarautaki koya mai me vakalekalekataka na italanoa ena Luke 2:41–52. Me vukea nodra kila na gone na italanoa, vakavulica na ibalebale ni “vale nei Tamaqu.” Kena ivakaraitaki, e rawa ni o tukuna vei ira na gone na nomu cakacaka se o rau nomu itubutubu. Na cava na cakacaka se “bisinisi” nei Josefa, na tamai Jisu vakavuravura? (raica na Maciu 13:55). Na cava na bisinisi ni Tamana Vakalomalagi? (raica na Luke 2:46–49; raica talega na Mosese 1:39).

• Wilika vata kei ira na gone na Luke 2:46–49 ka taroga, “A cakava tiko vakacava o Jisu na ‘bisinisi nei Tamana’?” Vukei ira na gone me ra tuva se droinitaka ena papa na ivakarau e rawa ni ra veivuke kina ni cakava talega na bisinisi ni Tamada Vakalomalagi.

• Me vukei ira na gone me ra yalodei tu me rawa, vakataka na gonetagane o Jisu, ni ra vakavulica na kosipeli, vukei ira me ra vakatovotovo ena nodra veivakavulici vakaiira ena dua na ivakavuvuli mai na Me iSakisaki ni iTabagone.

ivakatakilakila ni vuli

Vakauqeta na Vuli e Vale

Sureti ira na gone me ra vakavulica ena nodra matavuvale e dua na ka era sa vulica me baleta na sucu i Karisito.

Vakatorocaketaki Noda Veivakavulici

Era dau lomatarotaro na gone ka vuli ena vuqa na sala. Era dau marautaka na gone me ra vuli ena veika vovou ka duidui era sotava. Vakayagataka na itaviqaravi eso ena vukea me ra veitosoyaki, vakayagataka taucoko nodra wakilakila, vakadidike, ka tovolea na veika vovou. (Raica na Veivakavulici ena iVakarau ni iVakabula, 25–26.)

tabana ni itaviqaravi: Jisu ena valenimanumanu