22–28 Jiyè.

Travay 16-21

“Senyè a aple nou pou nou preche levanjil la“

Lè w fin li Travay 16–21, reflechi sou ki fason enspirasyon Lespri yo ak ede nan plan leson sa a ka ede w nan preparasyon leson w lan. Konsilte seksyon “Satisfè bezwen timoun piti yo” nan manyèl sa a pou èd adisyonèl.

Ekri enpresyon ou

Envite pataj

Envite timoun yo pou yo di w kijan Pòl sanble ak misyonè nou genyen jodi yo. Mande yo: “èske nou janm pataje levanjil la avèk yon lòt moun?“

Anseye doktrin nan

Timoun ki pi piti yo

Travay 16:25–34

Misyonè yo anseye moun sou Jezi.

Èske timoun w ap anseye yo konnen kisa misyonè yo ap fè? Kijan w ka ede yo konprann ke yo ka pataje levanjil la avèk lòt moun.

Aktivite posib

• Ede yo jwe wòl sou Travay 16:25–34 pandan w ap rezime istwa Pòl ak Silas k ap pataje levanjil la nan prizon an. (gade “Chapit 61: Pòl ak Silas nan prizon,” Istwa Nouvo Testaman, 158–60, oubyen videyo korespondan an LDS.org). Eksplike ke misyonè yo jodia anseye moun sou Jezi tou epi yo ede yo prepare pou yo batize.

• Prepare kèk badj misyonè pou timoun yo ka mete, epi ede yo ekri non yo sou badj yo. Anseye yo senp deklarasyon doktrinal yo ka pataje avèk lòt moun, tankou “Bondye se Papa eman nou ki nan syèl la,” “Bondye pale palentèmedyè pwofèt vivan,” oubyen “Jezikri se Sovè nou.”

• Envite yo pou yo rakonte detay osijè yon moun yo konnen ki nan misyon. Yo ka fè yon desen oubyen ekri yon lèt voye bay yon misyonè.

Travay 17:10–12

Ekriti yo temwaye de Pè Selès la ak Jezikri.

Menmsi kèk nan timoun w ap anseye yo gen dwa poko konn li, ou ka ede yo devlope yon lanmou pou ekriti yo epi ede yo wè kijan ekriti yo temwaye de Sovè a.

Aktivite posib

• Mete plizyè liv ekriti nan tout sal la, epi fè timoun yo al chèche yo. Ede youn ladan yo pou l li fraz: “Yo … te sonde ekriti yo chak jou” a (Travay 17:11). Envite yo pou yo montre w chaj jou ki nan yon kalandriye pandan y ap repete fras sa a avèk ou.

• Pou anseye timoun yo ke ekriti yo temwaye de Pè Selès la ak Jezikri, ede yo ale nan yon chapit nan ekriti yo, tankou Travay 17 oswa 18, pou yo ka jwenn egzanp sou mo Bondye oswa Senyè a. Ou gen dwa make mo sa yo la pou timoun yo ka jwenn yo pi fasil. Chak fwa yo jwenn mo yo, envite yo pou yo pataje yon bagay yo konnen osijè Pè Selès la ak Jezikri.

Travay 17:22–31

M se pitit Bondye,

Sou Mòn Mars la, Pòl te anseye doktrin debaz sou nati Bondye, enkli verite ke nou se pitit li epi li “pa lwen okenn nan nou” an (Travay 17:27). Kijan w ka ede timoun yo santi yo pwòch Pè Selès la?

Aktivite posib

• Envite yo pou yo repete fraz “Nou se ras Bondye” a (Travay 17:29), epi eksplike yo chak kisa ras la vledi. Rann temwayaj ou pou chak timoun, youn pa youn, ke l se pitit Bondye. Mande yo kijan yo santi yo lè yo tande yo se pitit Bondye. Envite yo pou yo di kijan yo santi yo apwopo Pè Selès la.

• Montre yo foto timoun avèk fanmi yo (si posib, itilize foto timoun nan klas yo). Eksplike ke nou se pitit manman nou ak papa nou, epi nou tout se pitit lespri Paran Selès.

• Chante yon kantik sou Pè Selès la, tankou “Je sais que mon Dieu vit” (Chants pour les enfants, 5). Avèk èd timoun yo, ekri mo oubyen fè desen sou tablo a ki reprezante sa nou aprann osijè Pè Selès la nan kantik la.

• Li mo sa yo ki nan Travay 17:27 pou timoun yo: “Li pa lwen okenn nan nou.” Pale de epòk kote w te santi w pwòch Pè Selès la, epi envite timoun yo pou yo fè menm bagay la tou.

Chak moun se yon pitit Bondye.

Anseye doktrin nan

Timoun ki pi gran yo

Travay 16:14–15, 25–34; 18:7–8, 24–28

M ka yon misyonè kounyeya.

Kijan w ka ede timoun yo pou yo vin tankou Pòl epi pataje avèk lòt sa yo aprann osijè levanjil la?

Aktivite posib

• Envite yo pou yo li Travay 16:14–15, 25–34; 18:7–8, 24–28. Apresa, envite yo pou yo fè lis moun yo ka pataje levanjil la avèk yo. Fè yo jwe wòl sou fason yo ka pale moun sa yo de Jezikri oubyen envite yo Legliz. Ou gen dwa envite yo pou yo ekri nòt ki rann temwayaj sou yon verite nan levanjil la voye bay moun sa yo.

• Envite misyonè aplentan yo, ansyen misyonè, oubyen misyonè pawas yo pou yo vin vizite klas la epi rakonte eksperyans yo nan pataje levanjil la. Ankouraje timoun yo pou yo poze kesyon sou fason yo ka pataje levanjil la avèk lòt moun.

Travay 17:2–4, 10–12; 18:28

Ekriti yo temwaye de Jezikri

Pwofèt yo temwaye konsènan Jezikri. Kijan w ka anseye timoun yo pou yo jwenn ni nan ekriti yo, menm lè yo pa mansyone l pa non li?

Aktivite posib

• Fè timoun yo li Travay 17:2–4, 10–12; 18:28, epi envite yo pou yo chèche kisa pasaj sa yo gen an komen. Selon vèsè sa yo, kisa k te ede moun yo kwè nan levanjil Jezikri a?

• Envite yo pou yo pataje k istwa prefere yo sou Jezi ke yo aprann nan ekriti yo ane sa a. Sou kèk moso papye, ekri referans ekriti ki anseye sou Sovè a, epi kache yo toupatou nan sal la. Apresa, envite timoun yo pou yo chèche yo. Ede yo chèche referans yo jwenn yo, epi mande yo pou youn pataje avèk lòt kisa chak ekriti anseye sou Jezi.

• Mande yo pou yo ede w kreye yon senp tablo kote yo ka make kilè yo li osijè Jezi oubyen sa yo aprann osijè li nan ekriti yo. Afiche l chak semèn pandan rès ane a, epi ede yo jwenn kote nan ekriti yo ki anseye sou Jezi.

Travay 17:22–31

M se Pitit Bondye.

Kijan w ka ede timoun yo sonje ke yo se pitit Bondye?

Aktivite posib

• Montre yo yon wòch, epi eksplike yo ke, nan epòk Pòl la, moun yo te adore bondye yo te fè an wòch ak lòt materyo. Mande yo pou yo li Travay 17:27–29. Kisa nou aprann osijè Bondye nan vèsè sa yo? Eksplike yo ke ras vledi pitit. Mande timoun yo kijan sa fè yo santi yo pou yo konnen yo se pitit Bondye.

• Mande yo pou yo li Travay 17:27. Envite yo pou yo desine kijan yo “efòse yo” pou yo chèche Bondye. Kilè yo konn santi li “pa twò lwen [yo]”?

Ankouraje aprantisaj lakay

Ankouraje timoun yo pou yo chèche yon ekriti semèn sa a ki anseye de Jezikri (yo gen dwa fè sa pandan etid ekriti pèsonèl oswa familyal yo). Semèn pwochèn, envite yo pou pataje sa yo jwenn.

Amelyore ansèyman nou

Ede timoun yo vin moun k ap pi byen aprann. Objektif ou nan anseye timoun yo se pa jis pou kominike yo laverite. Ou dwe ede yo devlope tou pou yo ka vin moun otonòm k ap chèche laverite. Paregzanp, olye w senpleman rakonte timoun yo istwa Pòl k ap preche sou Ayeropaj la, ou gen dwa planifye kèk aktivite, tankou sa yo sigjere nan plan leson sa yo, ki ka ede yo dekouvri verite ki nan istwa yo poukont yo.