Darasa la Msingi

Mpangilio wa Kufundisha

Katika nyenzo hii, utapata mpangilio unaofuata unaorudiwa katika kila muhtasari: kualika kushiriki, kufundisha mafundisho, na kuhimiza kujifunza nyumbani. Mara nyingi, unapofundisha, vipengee vya mpangilio huu vinaweza kuingiliana au kutokea kwa utaratibu tofauti. Kwa mfano, fikiria kuwa kushiriki ni fursa ya kufundisha mafundisho, na kufundisha mafundisho inapaswa kuhusisha mialiko ya kushiriki. Vivyo hivyo, kuhimiza kujifunza nyumbani kunaweza kutokea katika mjadala mzima wa darasa. Ruhusu mwingiliano huu utokee kwa kawaida, kufuatia msukumo wa Roho ili kukidhi mahitaji ya watoto unaowafundisha.

ikoni ya kushiriki

Alika Kushiriki

Kama sehemu ya kila darasa, waalike watoto kushiriki hisia zao, umaizi, na uzoefu juu ya kanuni katika somo. Maoni yao yanaweza kujumuisha uzoefu ambao wamepata wakijifunza nyumbani. Unaweza pia kuchunguza yale waliyojifunza wiki iliyopita na kuuliza jinsi yameathiri maisha yao.

ikoni ya kufundisha

Fundisha Mafundisho

Njoo, Unifuate—Kwa Watu Binafsi na Familia inaweza kukusaidia kuelewa mafundisho ambayo utawafundisha watoto. Fikiria mistari ya maandiko, dondoo, uzoefu, maswali, na nyenzo zingine ambazo unaweza kushiriki ili kuwasaidia watoto kujifunza na kutenda juu ya kanuni za injili. Tafuta njia za ubunifu kuwasaidia wawe na msisimko juu ya kile wanachojifunza.

ikoni ya kujifunza

Himiza Kujifunza Nyumbani

Kwa sababu nyumbani ni kitovu cha kujifunza injili, mojawapo ya malengo yako kama mwalimu wa msingi ni kuhimiza kujifunza nyumbani. Unawezaje kuwasaidia watoto kushiriki na familia zao kile walichojifunza katika darasa? Ni kwa jinsi gani unaweza kuwahimiza watoto na wazazi wao kuendelea kujifunza kutoka katika Agano Jipya nyumbani?