“Beberuare 27–Maati 5. Mataio 8; Mareko 2–4; Ruka 7: ‘E Kamaiuko Am Onimaki,’” Nakomai, Iriirai—Ibukin te Moanrinan: Nu Tetemanti 2023 (2022)
“Beberuare 27–Maati 5. Mataio 8; Mareko 2–4; Ruka 7,” Nakomai, Iriirai—Ibukin te Moanrinan: 2023
Beberuare 27–Maati 5
Mataio 8; Mareko 2–4; Ruka 7
“E Kamaiuko Am Onimaki”
I nanon warekan Mataio 8; Mareko 2–4; ao Ruka 7 n te wiki aei, iangoia am ataei. Tataro bwa ko na anganaki tenaan iango iroun te Tamnei ae Raoiroi are e na buokiko ni kunei mwakoro aikai.
Kaunga te Tibwatibwa
Tuangiia ataei bwa a na karakina rongorongon Iesu ngke e karaoa te kakai (nora taian kakai i nanon te kanoa n reirei n te wiki aei i nanon Nakomai, Iriirai—Ibukiia Aomata n Tatabemaniia ao Utu). Ko kona naba ni kaoti tamnei (n aron Te Boki n Tamnei n te Euangkerio, nambwa. 40).
Reirei te Reirei: Ataei aika a Uarereke Riki
Iai mwaakan Iesu ni karaoi taian kakai.
Ngkai ko karaua n iangoa ana kakai te Tia Kamaiu ni kamaiuia aomata, karaua iangoia bwa engaa mai buakon kakai ae ko na tibwaia. Ko na kanga ni buokiia am ataei bwa a na mataata ni kakaawakin te onimaki ni karaoan taian kakai iroun Iesu?
Waaki ni Kakukurei aika a Kona ni Karaoaki
-
Karakina rongorongon te mwaane are e tenakibaina Mareko 2:1–12. Ibukin buokam, tara “Mwakoro 23: Te Mwaane Are Aki Kona n Nakonako” (n Karaki man Nu Tetemanti, 57–58, ke te tamnei ae irekereke ma te reirei n ChurchofJesusChrist.org). Kabwarabwara bwa te mwaane aei e aki kona n nakonako. Buokiia bwa a na ataia ae e kamaiuko iroun te Tia Kamaiu.
-
Kaoiia ataei bwa a na taekina te tai are a aoraki iai. Karakina teuana rongorongon Iesu ni kamaiuia aika a aoraki, n aron are ni Mataio 8:1–4, 5–13, 14–15; Mareko 3:1–5; Ruka 7:11–16. Kaoia ataei bwa a na karakina te rongorongo aei n ootaia. Kaota am koaua bwa mwaakan Iesu e kona ni kamaiu, ni kakabwaia, ao n anga te rau.
I kona ni kaota te tangira nakoia aomata n aron are E karaoia Iesu.
E kaota ana tangira ae korakora Iesu man kamaiuaia aika a aoraki ma ni korakai. Karaua iangoia bwa tera am reirei nakoia am ataei bwa a na kaota te akoi nakoia aomata aika a kainnano.
Waaki ni Kakukurei aika a Kona ni Karaoaki
-
Rinea teuana ke raka riki man rongorongo aikai ike Iesu e kaota ana tangira nakokn te aomata ae kainnano Mataio 8:1–4, 5–13, 14–15; Mareko 2:1–12; 3:1–5; Ruka 7:11–16. (Tara naba te witeo “Widow of Nain” n ChurchofJesusChrist.org.) Tibwaua te tai are iai ae e buokiko n te tai are ko kainnano iai ao tera am namakin. Kaoia ataei bwa ana tibwai rongorongoia.
-
Kaota te tamnei “Gordon Hinckley: Lessons I Learned as a Boy” ke “The Coat” (ChurchofJesusChrist.org). Tera ae a karaoia ataei aika n te witeo n ira ana katooto Iesu? Kaoiia ataei bwa a na tibwauai taai are a kainnanoa te ibuobuoki aomata. Tera ae ti kona ni karaoia ni buokiia iai?
-
Anenea te kuna i aon kaotan te tangira ma te akoi nakoia aomata, n aron “Kindness Begins with Me” (Aia Boki n Anene Ataei, 145).
Man te Maaku nakon te Onimaki, iroun Howard Lyon
Ngkana I maaku ke I reke n te kangaanga, e kona n anganai te rau Iesu.
Rongorongon Iesu ngke e katoka te angibuaka e kona ni buokiia ataei n ataia bwa E kona n anganiia te rau ngkana a maroa.
Waaki ni Kakukurei aika a Kona ni Karaoaki
-
Buokiia ataei bwa a na iangoia ae angkoa a mena i aon te kaibuke ngkai ko wareka Mareko 4:35–41. (Tara naba “Mwakoro 21: E katoka te Ang ma te Nao Iesu,” i nanon Karaki man Nu Tetemanti, 53, ke te witeo ae irekereke ma te reirei n ChurchofJesusChrist.org.) Tuangiia ataei bwa a na kabwarabwara aia namakin ngke arona bwa a mena n te tai anne. Ningai taai ae a maroa iai ataei? A kanga ni karekea te rau?
-
Kaoiia ataei bwa a na katanga tangin te angibuaka ao n toki ngkana iai ae e kangai “Toki, e na raoi.” Kaota am koaua bwa ngkai e kona n anganira te rau Iesu n tain te angibuaka, E kona naba n anganira te rau inanora ngkana ti rawawata.
-
Reia kain ana katenikibu te anene ae “Tell Me the Stories of Jesus” (Aia Boki n Anene Ataei, 57), ao aneneia ma katean kaina.
Reirei te Reirei: Ataei aika a Ikawai Riki
E kona ni karaoi taian kakai Iesu i nanon maiu ngkai iai au onimaki irouna.
E karaoi kakai aika mwaiti Iesu n Ana tai ni maiu. Ko na kanga ni buokiia ataei n ataia bwa a bon ririki naba ngkai taian kakai?
Waaki ni Kakukurei aika a Kona ni Karaoaki
-
Tuangiia ataei bwa a na rinea teuana te kakai man kiibu aikai bwa a na warekia: Mataio 8:1–4, 5–13, 14–15; Mareko 2:1–12; 3:1–5; Ruka 7:11–16. Kaoiia ataei bwa ana kabwarabwarai aia tamnei nakon te kiraati. Tera rongorongon Iesu ae ti reiakin man karaki aikai?
-
Tuangiia ataei bwa a na mwakurii baike a namakin ngkana aoraki, nanokawaki, marooa, ke raraoma. E na kanga Iesu ni buokiira ngkana iai iroura namakin aikai? Kaota am koaua bwa e koana Iesu ni buokiia ataei n aaro nako.
-
Kaoiia ataei bwa a na tibwaua rongorongoia ke rongorongon temanna ae a kina ngke e karekea ana kakabwaia te nakoanibonga. Tera aron te aomata anne ni kakabwaiaaki?
E bon tangirai naba Iesu e ngae ngkana I bwaka ao e tangirai bwa N na rairananou.
Rongorongo aika ni Mareko 2:15–17 ao Ruka 7:36–50 e kona ni buokiia ataei n oota bwa e tangiriira Iesu Kristo e boni ngae ngke ti bwaka. E tangiria bwa ti na rairananora ao ni kaaniia.
Waaki ni Kakukurei aika a Kona ni Karaoaki
-
Korea Tera taraan te kairua iroun Iesu? ao Tera ana namakin Iesu ngkana ti karaoa te bure? iaon te burakibooti. Tuangiia ataei bwa a na iangoi titiraki aikai ni warekan Mareko 2:15–17 ao taekina aia kaeka. (Tao ko kan bootaki ni wareka“Publican” n Te Kairi nakon Koroboki aika Tabu [scriptures.ChurchofJesusChrist.org].) Bukin tera e kakawaki bwa ti na ataia ae e tangiriira Iesu, e boni ngae ngke ti aki kororaoi? E kanga ataakin aei ni buokiira n rairananora?
-
Tabeua te bong imwaain te kiraati, kaoa temanna te ataei ao kaain ana utu bwa a na roko n tekiraati n tibwaa te rongorongo ae koreaki n Ruka 7:36–50. A kona ni korei tamnein mwakoron te karaki nakoia ataein te reirei. Maroro ma ataei bwa tera ae tangiria mairoura te Uea man te karaki aei.
Ngkana I maaku ke I reke n te kangaanga, e kona n anganai te rau Iesu.
Ataei a riai n ataia bwa te Tia Kamaiu e kona n anganiia te rau ngkana kaitara ma angibuakn te maiu aei—ngkai ao taai aika a na roko.
Waaki ni Kakukurei aika a Kona ni Karaoaki
-
Tuanga temanna te ataei bwa e na wareka Mareko 4:35–41 ao te tamnei Jesus Calms the Storm (Te Boki n Tamnei n te Euangkerio, nambwa. 40) ni karakina rongorongon katokan te buaka. Tuangiia ataei bwa a na kabwarabwara aia namakin ngke arona bwa a mena n te tai anne.
-
Kaoiia ataei bwa ana tibwauai aia taneiai ngke a namakina te rau imwiin aia tataro ni bubutii buokaia. Kauringiia bwa te rau e roko mairoun te Tia Kamaiu.
-
Anga nakon te ataei tamnein te nang ae koreaki iaon te beeba, ao tuanga bwa e na korea iaona te kataaki iaona are e taonaki iai temanna. Katuka tamnein te nang iaon te burakibooti, ao karabaa moa tamnein te Tia Kamaiu. Kaoa te ataei bwa e na kanakoa teuana te nang ao n anga te kawai ni buoka te aomata ae kakaea te rau inanon te kanganga. Ngkana a bane n nako taian nang, kaota am koaua ni mwaakan te Tia Kamaiu ni katoki angibuaka inanon maiura.
Kaungaa te Kamatebwai n te Mweenga
Buokiia ataei bwa an a korea te mwakuri n ibuobuoki ae a ana karaoia n te wiiki aei.
Kanakoraoan Ara Anga reirei
Ataei a rangi n takaremwaremwa. N taai tabetai ko na bae n namakinna bwa korakoraia ataei bon te tutuki man aia kamatebwai. Ma ko kona ni kabongana marurungia ngkana ko tuangiia bwa a na katei kain karaki ke ni karaoi kaai ake irekereke ma taian karaki n te kuna ke te kibu. (Taraa Reirei n Ana Kawai te Tia Kamaiu, 25.)