“Tebetembwa 25–Okitobwa 1. I-Karatia: ‘Nakonako inanon te Tamnei,’” Nakomai, Iriirai—Ibukin te Moanrinan: Nu Tetemanti 2023 (2022)
“Tebetembwa 25–Okitobwa 1. I-Karatia,” Nakomai, Iriirai—Ibukin te Moanrinan: 2023
Te Tia Kamaiu imwin utina e kawara Bauro n te karabuuti (noora Makuri 23:11). Iesu Kristo e kainaomataira man te “amo n tautoronaki” (I-Karatia 5:1).
Tebetembwa 25–Okitobwa 1
I-Karatia
“Nakonako inanon te Tamnei”
Ngkai ko wareka I-Karatia, tera namakin aika ko karekei ni kainnanoia ataei bwa a na reiakinna?
Kaunga te Tibwatibwa
Tuangiia ataei bwa a na kabanea tabeua te miniti bwa a na korei bwaai ake a reiakin n te maroro n te euangkerio n te mweenga ke te taromauri. Tuangiia bwa a na tibwaa kabwarabwaraan tamnei.
Reirei te Reirei: Ataei aika a Uarereke Riki
Te Tamnei ae Raoiroi e buokai n namakina te tangira, te kimwareirei, ao te rau.
Ataei aika uarereke a kona ni kinaa uaan te Tamnei. Aio e na katauraoiia ni ukora korakoran te Tamnei ae Raoiroi inanon maiuia.
Waaki ni Kakukurei aika a Kona ni Karaoaki
-
Kaota ke korei tamnein uaanikai aika kakaokoro, ao tuangiia ataei bwa a na kabwarabwara kanakin uaanikai aikai. Kabwarabwara bwa n aron kanakin uaanikai, e okoro naba namakinan te Tamnei ae Raoiroi, n aron te tangira ma te rau. Kabwarabwarai tabeua kawai ake ko namakina iai te Tamnei ae Raoiroi ni maium, ao tuangiia ataei bwa a na reitaki te Tamnei ae Raoiroi nakoia.
Ataei n roroia nako a kona n namakina “uaan te Tamnei.”
-
Wareka I-Karatia 5:22–23 ma ataei, ao kabwarabwarai taeka ake a tuai atai. Kaoiia ataei bwa a na rinea uaan te Tamnei are e taekinaki ni kkibu aikai, ao buokiia bwa a na iangoa te tai are a namakinna inanon maiuia. Kaoiia ataei bwa a na korei tamnei bwaai aika riki inanon maiuia.
Iesu Kristo e tangirai bwa N na buokiia aomata.
Te kaetieti n I-Karatia 6:2 e titebo ma ana reirei Aramwa n Motiaea 18:8 nakoia aomata ake a nang bwabetitoaki. Aio te tai ni buokiia ataei ni katauraoi berita aika tabu n te bwabetito.
Waaki ni Kakukurei aika a Kona ni Karaoaki
-
Kaota tamnein te ataei ae bwabetitoaki (n aron Boki n Tamnei n te Euangkerio, nambwa. 104). Tuangiia ataei bwa tera ae e karaoia te ataei. Kabwarabwara bwa ngke ti bwabetitoaki, ti karaoi berita aika tabu, ke berita. Wareka I-Karatia 6:2 ke Motiaea 18:8 ni buokiia ataei n reiakin bwaai ake ti berita bwa ti na karaoi: ti na ibuobuoki imarenara. Kaoiia ataei bwa a na korei tamnein kawai ake a kona ni buokiia aomata n uotii rawawataia.
-
Wareka nakoia ataei te botantaeka man I-Karatia 6:2: “Kam na ibuobuoki imarenami.” Kabwaraan nanon aei, angan te ataei te bwai ae rawawata bwa e na tabekia. Ngkanne kakaea ae e na ibuobuoki n uota te rawawata aei. Kabwarabwara nakoia ataei bwa e mwaiti bwaai aika a kona n taraaki bwa te rawawata, n aron te aoraki, te nanokawaki ma te maroaa. Tera ae ti kona ni karaoia n buokia te aeka n rawawata aei?
Ara mwakuri, aika raoiroi ao aika buakaka, bon iai mwiia.
Man reiakinana bwa ti kana uaan are ti unikia, n aron are kabwarabwaraki n I-Karatia 6:7–9, ko kona ni reiakinia ataei n iangoi mwiin aia mwakuri.
Waaki ni Kakukurei aika a Kona ni Karaoaki
-
Kaota te koraa ke te uaanikai. Wareka I-Karatia 6:7–9 nakoia ataei. Tuangiia ataei bwa a na aongkoa a unika te koraa ngkana ongo te taeka ae unikia. Tuangiia bwa a aongkoa a kiniki baenikai man te aroka ngkana a ongo te taeka ae karekea.
-
Kaoti aeka baenikai nakoia ataei, ao buokiia ni kakaei koraan baenikai aikai. Karini koraa n te turumwa, ao tuangiia ataei bwa a na ikaruoruo n rinei ao taekina bwa tera te aroka anne ngkana a na unikia. Buokiia bwa a na nooria bwa koraan te aroka are ti unikia bon te uaa are ti na karekea, ara rinerine ake ti karaoi e na uoti mwina ao kakabwaia ake ti na karekei n tokin te tai.
-
Korea te rain n te burooa n te teibi. Korea te ubu ae moangare ao ae nanokawaki n iteran te rain are teuana. Kaoa te ataei bwa e na tei i nukan te rain, ao buokiia bwa e na iango mwakuri ake e kona n karekea te kukurei ke te nanokawaki. Man aia rinerine, tuanga te ataei are e mena i nuuka bwa e nakon te itera are kakukurei ke are kananokawaki. Kaokioka te mwakuri ni kauring aei tabeua te tai, ao tuangiia atae bwa a na tei naba iaon te teibi aei.
Reirei te Reirei: Ataei aika a Ikawai Riki
Te bwabetitoaki e “katiteuanaira inanon Kristo.”
E reirei Bauro nakoia kaain te aro I-Karatia bwa ngke e bwabetitoaki a na riki “n tii teuana inanon Iesu te Kristo.” Ko na kanga ni buokiia ataei n uaiakina te nano are kabwarabwaraaki n I-Karatia 3:26–28?
Waaki ni Kakukurei aika a Kona ni Karaoaki
-
Kaoiia ataei bwa a na wareka I-Karatia 3:26–28 ao iangoa te titiraki ae kangai: Tera ae riki ngkana I bwabetitoaki? Ko kona ni katuruturui taeka n aron “karimoa Kristo” ke “teuana inanon Kristo.” Tera nanon botantaeka aikai? E kanga “karimoaan Kristo” n tii tearon ma katokaan Aran iaora? (taraa Reirei ao Berita aika Tabu 20:75–79). Tera ae ti kona ni karaoia ni kaotia nakoia aomata bwa ti katoka iaora ara berita?
-
Bootaki wareka I-Karatia 3:28, ao katebenakoi kawai ake aomata a kabwarabwarai imwin bwabetitoakiia n ana tai Bauro. Buokiia ataei bwa a na taekinna bwa antai ngaiia ni boong aikai. Tera ae kataia Bauro n reirei nakoiran aron taraakira ibon imarena n tain te bwabetito?
Ngkana I “nakonako inanon te Tamnei,” N na karekea “uaan te tamnei.”
Ngke ti bwabetitoaki ao ni karekea ana bwaintituaraoi te Tamnei ae Raoiroi, ti kona ni karekea uaan te Tamnei inanon maiuia. Tera am ibuobuoki nakoia am ataei ni kinaa te uaa aei inanon maiuia?
Waaki ni Kakukurei aika a Kona ni Karaoaki
-
Anganiia ataei te beeba (ko kona ni korea te beeba bwa tein te uaanikai) ao butiia ataei bwa a na kakaea “uaan te Tamnei” are koreaki n I-Karatia 5:22–23. Kaoiia ataei bwa a na korea tamnein te uaanikai n iteran aia beeba ao arana n iterana are teuana. (Buokiia bwa a na oota n nanon taian taeka.) Kaoiia bwa a na tibwa aia uaanikai ma kaain te kiraati. Tera ae ti kona ni karaoi bwa e na memena iroura n tainako te Tamnei ae Raoiroi?
-
Kaoiia ataei bwa a na korei uaan te tamnei n I-Karatia 5:22–23 ao rongorongon ke tamnein te tai are namakina iai uaan te Tamnei. Tuangiia bwa na tibwaa aia tamnei ke rongorongoia ma temanna raoraoia n te kiraati. Bukin tera te uaanikai bon te kabotau ae tamaroa are ti na ataa iai korakoran te Tamnei?
Ara mwakuri, aika raoiroi ao aika buakaka, bon iai mwiia.
Buokiia ataei n ataia bwa mwiin ara mwakuri e waekoa n roko ma taai tabetai e na “roko imwiin te tai” (kibu 9).
Waaki ni Kakukurei aika a Kona ni Karaoaki
-
Bootaki wareka I-Karatia 6:7–9. Korei mwakuri (ke koraa aika ti kona n “uniki”) ao mwiina (ke te uaa are ti “karekea”). Tuangiia ataei bwa a na katomai mwakuri mwa mwiia.
-
Kaoiia ataei bwa a na korei kakabwaia ake a tangiria ni karekea mairoun Tamara are i Karawa. Buokiia bwa a na iangoi “koraa” are a riai n unikii bwa aonga n “karekei” kakabwaia aikai.
Kaungaa te Kamatebwai n te Mweenga
Buokiia ataei bwa a na kakaei kawai ni karaoi nanon koaua inanon maiuia. Te katooto, ko kona ni kaoiia bwa a na nora mwin te bwai ae tamaroa, ke te “uaanikai,” are e reke man aia rinerine ae raoiroi.
Kanakoraoan Ara Anga reirei
Bitii mwakuri ni kauring ni kabotaua ma aia ririki am ataei. Anganiia ataei aia tai bwa a na ira te waaki, ma uringa bwa ai konabwai e bon nakon roroia. Ataei aika uarereke a kainnanoa te kairi ao te kaeitieti. Ngkana a ikawai riki, a kona ataei n anga aia iango n tamaroa aia tibwatibwa. (Taraa Reirei n Ana Kawai te Tia Kamaiu, 25–26.)