E kororeta Bauro man te karabuuti

Okitobwa 9–15

I-Biribi; I-Korotia

“I Konai Bwaai Ni Kabane Rinanon Kristo Are Kakorakoraai”

Wareka I-Biribi ao I-Korotia, ao iangoia am ataei ake ko reireiniia. Ukorii iango ake a na buokia n am anga reirei ni mwakoro aikai.

te aikaon ibukin te tibwatibwa

Kaunga te Tibwatibwa

Tuangiia ataei bwa tera ae a karaoia n te wiiki ae nako ni maiukina reireiai n te wiki ae nako n te kiraati. Te katooto, antai raoraoia ae a buokia are e kainanoa raraona?

te aikaon ibukin te anga reirei

Reirei te Reirei: Ataei aika a Uarereke Riki

Philippians 1:3–4; Colossians 1:3, 9

Taan kairiiri n te Ekaretia a tangirai ao a tataro ibukiu.

E waaki ana reta Bauro ma kaota ana tangira ibukiia kaain te aro ao n tuangiia bwa e tataro ibukiia. Iangoa am ibuobuoki nakoia ataei bwa a na ataia ae taan kairiiri n te Ekaretia a tangiriia.

Waaki ni Kakukurei aika a Kona ni Karaoaki

• Wareka I-Biribi 1:3–4 ao I-Korotia 1:3, 9 ni kabaibati, ao tuangiia ataei bwa a na booti baia mani kabaraaki atuuia ngkana a ongo taeka aika tataro, I tataro, ao te tataro. Kabwarabara bwa te Abotoro Bauro e tataro ibukiia kaan te aro, n aroia taan kairiiri n te Ekaretia a tataro ibukira ni boong aikai.

• Kaota tamnein Iesu Kristo, ao wareki tabeua kiibu ake a na kabwarabwara Ana tataro ibukin te aomata (te katooto, Ruka 22:32; 3 Nibwaai 19:21, 23). Tera ana bubuti Iesu ngkana e tataro ibukiia aomata?

• Buokiia ataei n atong araia taan kairiiri n te Ekaretia, n aron te berentitenti n te Moanrinan, te bitiobi, ao te Beretitenti n te Ekaretia. Kabwarabwara bwa taan kairiiri aikai a butiia Tamara are i Karawa bwa a na buokiia ataei ni maiuakina te maiu ae raoiroi. Iangoa tuangakiia ataei aikai bwa tera kanoan am tataro ngkana ko tataro ibukiia.

I-Biribi 4:4, 8

I kona ni kimwareirei inanon te Uea.

Bauro e kaungaia kaain te aro bwa a na kimwareirei—e boni ngae ngke a kaitara ma kanganga ao e kabureaki Bauro. Ko na kanga ni buokiia ataei n nooria bwa Iesu Kristo e uota te kimwareirei?

Waaki ni Kakukurei aika a Kona ni Karaoaki

• Tuangiia ataei bwa ana kakauongo nakon te taeka ae e okioki ngkana ko wareka Philippians 4:4. Tuangiia ataei bwa ana kaota te bwai ae a karaoia ngkana a kukurei. Tuangiia ataei bukin “am kimwareirei iroun te Uea”—bukin tera ko kukurei iroun Iesu Kristo. Tuangiia ataei bwa a na kaota aia namakin ibukin Iesu.

• Kaoti bwaai ke tamnei ake a tei ibukin bwaai ake anganiko te “kimwareirei inanon Kristo” (I-Biribi 4:4), n aron Ana karikibwai, te tembora, Mangautina, ke te utu. Tuangiia ataei bwa a na rinei tamnei ke bwaai, ao ngkanne tuangiia bwa bukin tera a anganiko te kukurei. Kaoiia bwa a na tibwai bwaai ake a anganiia te kukurei.

• Wareka I-Biribi 4:8 ao buokii ataei bwa a na iangoi bwaai aika a botau bwa kabwarabwara aika n te kibu aei (taraa naba Taekan te Onimaki 1:13). Kaoiia ataei bwa na korei tamnein bwaai aikai.

I-Korotia 1:23; 2:6–7

Au onimaki e riai n “wakaa” iroun Iesu Kristo.

Ngkana kateia aia onimaki ataei iroun te Tia Kamaiu, a na bon kona ni kaitarai angibuakan te maiu aei.

Waaki ni Kakukurei aika a Kona ni Karaoaki

• Kaota tamnein te aroka man te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu inanon am tai n warekii taeka man Colossians 1:23; 2:6–7 (ke kaota te witeo ae “Spiritual Whirlwinds” iaon ChurchofJesusChrist.org). Tera ae e na riki nakon te aroka ngkana e roko te angibuaka ao e aki matoa wakaan te aroka? Tuangiia ataei bwa a na tei ao aongkoa a riki bwa te aroka are marau wakaan n tain te angibuaka ao ngkanna aongoa a manga riki bwa te aroka are matoa wakaana. Kaota am koaua bwa te onimaki iroun te Tia Kamaiu e buokiia n riki bwa te aroka are matoa wakaana. Ngkanne ti a kona ni kaitarai “angibuaka,” n aron kariiri ma taai aika matoatoa.

• Kaoa te ataei bwa e na korea tamnein te aroka n te burakibooti. Tuangiia ataei bwa ana atongii bwaai tabeua ake a konaa iai n “nim” nakon Iesu Kristo. Ngkana e taekina te bwai teuana, kaoa neieene ke teuanne bwa e korea wakaan te aroka.

te aikaon ibukin te anga reirei

Reirei te Reirei: Ataei aika a Ikawai Riki

I-Biribi 4:4–13

Ngkana I onimakina Iesu Kristo, I kona ni kukurei n taai aika karawawata.

Bauro e bati rawawatana, ma e kukurei bwa ibukina bwa e onimakin Iesu Kristo.

Waaki ni Kakukurei aika a Kona ni Karaoaki

• Tuangiia ataei bwa a na iangoia bwa mena n te karabuuti, n aron te Abotoro Bauro ngke e korea Reta nakoia I-Biribi. Wareka I-Biribi 4:4–13 ma ataei, ao tuangiia bwa a na tarai taeka n aron “kimwareirei,” “rau,” ao “kukurei.” Bukin tera Bauro e karekea te kimwareirei ao te rau n te karabuuti? Ngkanne tuangiia ataei bwa a na kakaei taeka n aron “Uea,” “Atua,” ao “Kristo” ni kiibu akanne. Buokiia bwa a na mataata bwa ana onimaki Bauro iroun Iesu Kristo are e anganna te kimwareirei.

• Kaoiia ataei bwa a na ibuobuoki ni kabwanina te kibuntaeka ae kangai: “I kona ni mena te roo ao n noori bwaai ngkana iai au . I kona ni mena itinaniku ngkana e kabuebue ao n namakina te mwaitoro ngkana iai au . N na kaitarai taai aika matoa ma N na kimwareirei ngkana I .” Tera ae taku I-Biribi 4:4–13 n aron karekean te kimwareirei? Kaoiia ataei bwa a na tibwai tabeua kuuna ke kiibu ae taekinna bwa Iesu e kona ni buokiia inanon taai ni karawawata.

I-Biribi 4:8

I kona n “iango iaon bwaai” aika eti, koaua, man itiaki.

Ataei ni bon angiin te tai a noori bwaai aika a buakaka man aki itiaki. Ko kona ni buokiia bwa a karekei bwaai aika kakukurei man itiaki.

Waaki ni Kakukurei aika a Kona ni Karaoaki

• Tuanga te ataei bwa e na wareka I-Biribi 4:8 ni kabaibati ao ataei ake tabeman a na kakaei taeka n Taekan te Onimaki 1:13 ake a titebo. Kaoa te aomata bwa e na korei taeka aikai n te burakibooti. Tuangiia ataei bwa tera nanon taeka, ao buokiia ni kabwaranakoia ngkana e riai. Bukin tera e riai bwa ti na “iangoi” bwaai aikai? Ti na kanga “n ukokoria”?

• Tuangiia ataei bwa a na korei bwaai ake a kabwarabwaraaki n I-Biribi 4:8. Kaoiia bwa a na korei bwaai n te wiiki ae ake a noori ake bon kabwarabwaraia raoi aikai. Kaungaia bwa a na uota baike a korei n te kiraati n te wiiki ae imwaira ao tibwaa aia kukune.

I-Korotia 1:23; 2:6–7

Au onimaki e riai n “wakaa” iroun Iesu Kristo.

Tatan e kataia ni kamemerea ara onimaki rinanon kariiri ao reirei aika kairua. Ko na kanga ni kaungaia ataei bwa a na kakorakora aia onimaki iroun te Tia Kamaiu bwa e aongan n ae a “aki kamwaingaki man ana kantaninga te euangkerio”? (I-Korotia 1:23).

Waaki ni Kakukurei aika a Kona ni Karaoaki

• Kaoiia ataei bwa a na korei tamnein koaua ake a wareki n I-Korotia 1:23; 2:6–7. Tuangiia bwa a na kaotii tamneia nakoia ataei ao ni kabwarabwarai koaua ake e tei ibukin tamnei.

• Kaota te tamnei ae “Angibuakan te Maiu n Tamnei.” Tera tabeua kariiri ao reirei aika kairua n te aonnaba ngkai are a kamemerea ara onimaki? Kaungaia ataei bwa a na korea te bwai teuana ae a kona ni karaoia ni kakorakora aia onimaki bwa e aonga ni matoa “wakaaia” (I-Korotia 2:7) iroun Iesu Kristo. Tuangiia bwa a na katekei n te tabo are a na noori ni katoa bong.

te aikaon ibukin te kamatebwai

Kaungaa te Kamatebwai n te Mweenga

Kaoiia ataei bwa a na tibwaia nakoia aia utu reireia iroun Iesu Kristo. A kona ni kabonga te iteraniba ibukin te mwakuri ni kauring ke te kibu are a warekia n te kiraati n te bong aei.

Kanakoraoan Ara Anga reirei

A kan ataia ataei ao n reirei bwaai aika a boou. Kabonganai mwakuri nikauring ni buokiia ataei bwa a na mwaingiing, ni kabongai aia bwai n namakin, a na kakae, ao n katai baika a boou. Iango ake n “Meeting the Needs of Younger Children” ni moan te boki aei e kona n ibuobuoki. (Tara naba Reirei n Ana Kawai te Tia Kamaiu, 25–26.)

iteraniba ibukin te waaki ni kakukurei: ngkana e wakaa au onimaki iroun Iesu Kristo