ថ្ងៃទី ១៦–២២ ខែ តុលា ៖ ថែស្សាឡូនីច ទី១ និង ទី២ ៖ ‹ បំពេញសេចក្តីអ្វីដែលខ្វះ ខាងឯសេចក្តីជំនឿរបស់អ្នករាល់គ្នា › » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២១ )
« ថ្ងៃទី ១៦–២២ ខែ តុលា ៖ ថែស្សាឡូនីច ទី១ និង ទី២ » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២៣
ថ្ងៃទី ១៦–២២ ខែ តុលា
ថែស្សាឡូនីច ទី១ និង ទី២
« បំពេញសេចក្តីអ្វីដែលខ្វះ ខាងឯសេចក្តីជំនឿរបស់អ្នករាល់គ្នា »
កាលបងប្អូនអានប្រកបដោយការអធិស្ឋាននៅក្នុង ថែស្សាឡូនីច ទី១និង ទី២ ដោយគិតដល់កុមារ នោះបងប្អូននឹងរកឃើញគោលការណ៍ទាំងឡាយដែលពួកគេត្រូវការយល់ដឹង ។
អញ្ជើញឲ្យចែកចាយ
នៅក្នុងមេរៀនកាលពីសប្ដាហ៍មុន តើបងប្អូនបានអញ្ជើញកុមារឲ្យអនុវត្តតាមអ្វីដែលពួកគេបានរៀនតាមរបៀបមួយចំនួនដែរឬទេ ? សូមទុកឲ្យកុមារប្រើពេលវេលាពីរបីនាទីដំបូងនៃថ្នាក់រៀនសប្ដាហ៍នេះ ដើម្បីចែកចាយបទពិសោធន៍របស់ពួកគេ ។
បង្រៀនគោលលទ្ធិ ៖ កុមារតូចៗ
កាលដែលខ្ញុំធ្វើតាមព្រះបញ្ញត្តិរបស់ព្រះ នោះខ្ញុំនឹងត្រៀមខ្លួនជាស្រេចសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
យើងពុំដឹងពីពេលណាដែលព្រះអង្គសង្រ្គោះនឹងយាងមកកាន់ផែនដីវិញនោះទេ ។ ប៉ុន្តែយើងអាចរង់ចាំផ្លូវទ្រង់ និងរៀបចំខ្លួនសម្រាប់ការយាងមករបស់ទ្រង់បាន ។
សកម្មភាពដែលអាចធ្វើបាន
-
សូមអញ្ជើញម្តាយម្នាក់ឲ្យចែកចាយសង្ខេបៗអំពីសភាពដែលរង់ចាំឲ្យកូនរបស់គាត់កើតមក ។ សូមអាន ថែស្សាឡូនីច ទី១ ៥:២–៣ រួចប្រាប់កុមារថា ព្រះយេស៊ូវគ្រីស្ទនឹងយាងមកផែនដីម្ដងទៀត ប៉ុន្តែគ្មាននរណាដឹងយ៉ាងប្រាកដទេ—ដូចម្ដាយដែលមិនដឹងថា ទារករបស់គាត់នឹងកើតមកពេលណាដែរ ។
-
សូមឲ្យកុមារនិយាយអំពីគ្រាដែលពួកគេបានត្រៀមខ្លួនធ្វើដំណើរ ឬចូលរួមព្រឹត្តិការណ៍ណាមួយ ។ តើពួកគេបានធ្វើអ្វីខ្លះដើម្បីរៀបចំខ្លួន ? សូមយកវ៉ាលី ឬកាបូបមួយមក ហើយឲ្យកុមារសម្តែងជារៀបចំវា ដើម្បីត្រៀមខ្លួនទៅធ្វើដំណើរកម្សាន្ត ។ ជាមួយនឹងរបស់របរនីមួយៗដែលពួកគេសម្តែងជាធ្វើការរៀបចំ សូមជួយកុមារឲ្យគិតអំពីវិធីមួយដែលយើងអាចរៀបចំខ្លួនសម្រាប់ការយាងមករបស់ព្រះយេស៊ូវគ្រីស្ទម្តងទៀត ។
-
សូមអាន ថែស្សាឡូនីច ទី១ ៥:៦ ឲ្យកុមារស្តាប់ ហើយសូមពន្យល់ថា ប្រសិនបើយើងមិនបានរៀបចំខ្លួនសម្រាប់ការយាងមកម្តងទៀតរបស់ព្រះយេស៊ូវទេ នោះវាហាក់ដូចជាយើងដេកលក់ ហើយយើងមិនបានត្រៀមខ្លួនសម្រាប់ការយាងមករបស់ទ្រង់ឡើយ ។ សូមអញ្ជើញកុមារឲ្យធ្វើជាដេកលក់ ។ សូមពន្យល់ថា ប្រសិនបើយើងពិតជាត្រៀមខ្លួនមែន នោះវាហាក់ដូចជាយើងមិនដេកលក់ ហើយយើងកំពុងរង់ចាំទ្រង់ ។ សូមអញ្ជើញពួកគេឲ្យក្រោកឡើង ។
-
សូមច្រៀងចម្រៀងមួយបទរួមគ្នាអំពីការយាងមកជាលើកទីពីរ ដូចជាបទ « ពេលទ្រង់យាងមកម្តងទៀត » ( សៀវភៅចម្រៀងកុមារ ទំព័រ ៤៦–៤៧ ) ។
ប៉ុលបានបង្រៀនថា ការក្បត់សាសនានឹងកើតឡើងពីមុនព្រះយេស៊ូវគ្រីស្ទយាងមកម្តងទៀត ។
សាសនាចក្រដែលព្រះយេស៊ូវគ្រីស្ទបានស្ថាបនា បានធ្លាក់ទៅក្នុងការក្បត់សាសនានៅទីបំផុត ការណ៍នេះមានន័យថា សិទ្ធិអំណាចបព្វជិតភាព និងសេចក្ដីពិតនៃដំណឹងល្អ ត្រូវបានដកចេញពីផែនដី ។ ប៉ុលបានព្យាករថា « ការក្បត់សាសនា » នេះនឹងកើតឡើងពីមុនព្រះអង្គសង្គ្រោះយាងមកជាលើកទីពីរ ។
សកម្មភាពដែលអាចធ្វើបាន
-
បន្ទាប់ពីអាន ថែស្សាឡូនីច ទី២ ២:៣ ជាមួយកុមាររួចហើយ សូមជួយពួកគេឲ្យសង់ប៉មមួយដោយប្រើពែងជ័រ ឬដុំឈើ ។ សូមប្រាប់កុមារថា ពែងក្រដាស ឬដុំឈើតំណាងឲ្យបំណែកសំខាន់ៗនៃសាសនាចក្រដ៏ពិត មានដូចជាសេចក្ដីពិតនៃដំណឹងល្អ បព្វជិតភាព ពិធីផ្សារភ្ជាប់ក្នុងព្រះវិហារបរិសុទ្ធ និងព្យាការី ។ បន្ទាប់ពីប៉ុល និងសាវកដទៃទៀតបានស្លាប់ទៅ នោះអ្វីទាំងអស់នេះបានបាត់បង់ ហើយសាសនាចក្រដ៏ពិតពុំបានមានវត្តមាននៅលើផែនដីអស់រយៈពេលជាច្រើនឆ្នាំ ។ សូមអញ្ជើញកុមារឲ្យអង្រួនប៉ម រួចពន្យល់ថា ការធ្វើដូចនេះត្រូវបានហៅថា « ការក្បត់សាសនា » ។ នៅពេលព្រះយេស៊ូវបាននាំយកសាសនាចក្ររបស់ទ្រង់មកវិញ វាត្រូវបានហៅថា ការស្តារឡើងវិញ ។
-
សូមដាក់បង្ហាញព្រះគម្ពីរមរមន និងរូបភាពព្យាការី និងព្រះវិហារបរិសុទ្ធ ។ សូមអញ្ជើញកុមារឲ្យថាពាក្យ « ការក្បត់សាសនា » នៅពេលបងប្អូនលាក់របស់នៅក្នុងថង់ និងថា « ការស្ដារឡើងវិញ » នៅពេលបងប្អូនយករបស់នោះចេញមកវិញ ។
-
សូមច្រៀងចម្រៀងដែលបង្រៀនពីសេចក្តីពិតដែលត្រូវបានដកយកចេញអំឡុងពេលការក្បត់សាសនា និងត្រូវបានស្តារឡើងវិញនៅសម័យរបស់យើង ដូចជាបទ « សាសនាចក្រព្រះយេស៊ូវគ្រីស្ទ » « បព្វជិតភាពបានស្ដារឡើងវិញ » និង « ខ្ញុំចូលចិត្តមើលព្រះវិហារបរិសុទ្ធ » ( សៀវភៅចម្រៀងកុមារ ទំព័រ ៤៨, ៦០, ៩៩ ) ។
បង្រៀនគោលលទ្ធិ ៖ កុមារធំៗ
កាលដែលខ្ញុំធ្វើតាមព្រះបញ្ញត្តិរបស់ព្រះ នោះខ្ញុំនឹងត្រៀមខ្លួនជាស្រេចសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
ដំបូន្មានរបស់ប៉ុលអាចជួយយើងឲ្យត្រៀមខ្លួនរួចរាល់ ហើយចាំមើលទិវាដ៏មហស្ចារ្យនៅពេលព្រះអង្គសង្គ្រោះយាងមកផែនដីម្ដងទៀត ។
សកម្មភាពដែលអាចធ្វើបាន
-
សូមអញ្ជើញកុមារម្នាក់ឲ្យអាន ថែស្សាឡូនីច ទី១ ៥:១–៦ ខណៈពេលដែលកុមារដទៃទៀតអានតាម ។ បន្ទាប់ពីអានចប់ខគម្ពីរនីមួយៗ សូមឲ្យកុមារសង្ខេបសេចក្ដីដែលពួកគេគិតថាខគម្ពីរនេះបានប្រាប់ ។ បងប្អូនអាចនឹងចង់ពន្យល់ថា « ថ្ងៃនៃព្រះអម្ចាស់ » មានន័យថា ការយាងមកជាលើកទីពីររបស់ព្រះយេស៊ូវគ្រីស្ទ ។ ហេតុអ្វីការយាងមកជាលើកទីពីរត្រូវបានប្រៀបប្រដូចនឹងចោរមកនៅពេលយប់ ឬស្រ្តីមានគភ៌ទៅវិញ ?
-
សូមប្រាប់កុមារឲ្យស្រមៃថា ព្រះអង្គសង្រ្គោះនឹងយាងមកមើលថ្នាក់របស់ពួកគេនៅថ្ងៃណាមួយ ។ តើយើងអាចរៀបចំខ្លួនសម្រាប់ការយាងចុះមកមើលរបស់ទ្រង់ដោយរបៀបណា ? សូមជួយកុមារឲ្យគិតពីអ្វីដែលយើងអាចធ្វើបាន ដើម្បីរៀបចំខ្លួនរបស់យើងសម្រាប់ថ្ងៃដែលព្រះយេស៊ូវគ្រីស្ទនឹងយាងមក ។ ឧទាហរណ៍ យើងអាចប្រែចិត្ត អភ័យទោស អភិវឌ្ឍទំនាក់ទំនងរបស់យើងជាមួយគ្រួសាររបស់យើង ធ្វើតាមព្យាការី ស្វែងរកឥទ្ធិពលនៃព្រះវិញ្ញាណបរិសុទ្ធ និងរក្សាសេចក្តីសញ្ញារបស់យើង ។ សូមលើកទឹកចិត្តកុមារឲ្យជ្រើសរើសរឿងមួយដែលពួកគេនឹងធ្វើ ដើម្បីរៀបចំខ្លួនរបស់ពួកគេទទួលព្រះអង្គសង្រ្គោះនៅឯការយាងមករបស់ទ្រង់ ។
ប៉ុលបានបង្រៀនថា ការក្បត់សាសនាមួយនឹងកើតឡើងនៅពីមុនព្រះយេស៊ូវគ្រីស្ទយាងមកម្ដងទៀត ។
ប្រសិនបើកុមារយល់ថា សាសនាចក្ររបស់ព្រះយេស៊ូវគ្រីស្ទ និងដំណឹងល្អរបស់ទ្រង់ ត្រូវបានដកចេញពីផែនដីអំឡុងការក្បត់សាសនាដ៏ធំ នោះភាពចាំបាច់នៃការស្ដារឡើងវិញនឹងកាន់តែមានភាពច្បាស់លាស់សម្រាប់ពួកគេ ។
សកម្មភាពដែលអាចធ្វើបាន
-
សូមអញ្ជើញកុមារម្នាក់ឲ្យអាន ថែស្សាឡូនីច ទី២ ២:១–៣ ។ យោងតាមខគម្ពីរទាំងនេះ តើមានអ្វីកើតឡើងពីមុន « ថ្ងៃនៃព្រះអម្ចាស់ » ដែលមានន័យថាជាការយាងមកជាលើកទីពីរ ? តើឃ្លាដែលថា « សេចក្តីក្បត់សាសនា » មានអត្ថន័យដូចម្តេច ? សូមធានាឲ្យបានថាកុមារយល់ថា វាគឺជាការក្បត់សាសនាដ៏ធំ ដែលបានកើតឡើងបន្ទាប់ពីមរណភាពរបស់ពួកសាវករបស់ព្រះអង្គសង្រ្គោះ ។ បងប្អូនអាចចង់ចែកចាយព័ត៌មានចេញពី « សេចក្ដីក្បត់សាសនា » ដែលមាននៅក្នុងសេចក្តីណែនាំដល់បទគម្ពីរទាំងឡាយ ( នៅលើគេហទំព័រ scriptures.ChurchofJesusChrist.org ) ។
-
សូមជួយកុមារឲ្យសរសេរនៅលើក្តារខៀននូវសេចក្តីពិត និងពរជ័យមួយចំនួនដែលយើងរីករាយជាមួយ ដោយសារតែដំណឹងល្អនេះ ។ សូមលុបពាក្យទាំងនេះម្ដងមួយៗ រួចសួរកុមារថា តើជីវិតរបស់ពួកគេនឹងមានសភាពខុសពីនេះយ៉ាងដូចម្ដេច ប្រសិនបើគ្មានពិធីបរិសុទ្ធទាំងនេះទេនោះ។ សូមពន្យល់ថា សេចក្តីពិតទាំងនេះបានបាត់បង់អំឡុងការក្បត់សាសនាដ៏ធំ ។ ហេតុអ្វីបានជាវាមានសារៈសំខាន់ ដែលសាសនាចក្រនៃព្រះយេស៊ូវគ្រីស្ទត្រូវតែបានស្ដារឡើងវិញនៅលើផែនដីនេះនៅថ្ងៃចុងក្រោយ ? សូមអញ្ជើញកុមារឲ្យ « ស្ដារ » ឬសរសេរសេចក្ដីពិត និងពរជ័យនានានៅលើក្ដារខៀន ។
ព្រះវរបិតាសួគ៌សព្វព្រះទ័យឲ្យខ្ញុំធ្វើការ ។
តើបងប្អូនអាចជួយកុមារឲ្យចាត់ទុកការងារថាជាពរជ័យ មិនមែនជាអ្វីមួយដែលត្រូវគេចចេញ យ៉ាងដូចម្ដេច ?
សកម្មភាពដែលអាចធ្វើបាន
-
សូមអញ្ជើញកុមារឲ្យដាក់វេនគ្នាអានខគម្ពីរចេញពី ថែស្សាឡូនីច ទី២ ៣:៧–១៣ ហើយស្វែងរកបញ្ហាដែលពួកបរិសុទ្ធបានជួបប្រទះ ។ ហេតុអ្វីបានជាព្រះវរបិតាសួគ៌សព្វព្រះទ័យឲ្យយើងធ្វើការ ? តើអ្វីដែលនឹងកើតឡើង ប្រសិនបើយើងមិនរៀនដើម្បីខិតខំធ្វើការទេនោះ ? សូមឲ្យកុមារដាក់វេនគ្នាសម្ដែងធ្វើជាធ្វើការងារផ្ទះ ខណៈពេលកុមារដទៃទៀតទាយថា តើពួកគេកំពុងធ្វើអ្វី ។
-
សូមអញ្ជើញកុមារឲ្យនិយាយអំពីគ្រាមួយ ដែលពួកគេបានខិតខំធ្វើការងារមួយ គម្រោងមួយ ឬគោលដៅណាមួយ ។ តើពួកគេមានអារម្មណ៍ដូចម្ដេចអំពីខ្លួនពួកគេ នៅពេលពួកគេបានបញ្ចប់ការងារទាំងនោះ ? តើឃ្លាថា « កុំឲ្យរសាយចិត្តខាងឯការល្អឡើយ » មានន័យដូចម្ដេច ? ( ថែស្សាឡូនីច ទី២ ៣:១៣ ) ។ តើអ្វីទៅដែលធ្វើឲ្យយើងបន្តឆ្ពោះទៅមុខនៅពេលដែលជួបការងារលំបាក ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យប្រាប់សមាជិកគ្រួសារ ឬមិត្តភក្តិម្នាក់ពីមូលហេតុមួយដែលពួកគេមានអំណរគុណ ដែលយើងមានដំណឹងល្អនេះនៅលើផែនដីនាសព្វថ្ងៃនេះ ( ទំព័រសកម្មភាពសប្តាហ៍នេះអាចផ្តល់ជាគំនិតដល់ពួកគេបាន ) ។
ការកែលម្អការបង្រៀនរបស់យើង
គាំទ្រឪពុកម្ដាយរបស់កុមារ ។ « ឪពុកម្ដាយគឺជាគ្រូបង្រៀនដំណឹងល្អដ៏សំខាន់បំផុតសម្រាប់កូនចៅរបស់ពួកគេ—ពួកគេមានទាំងការទទួលខុសត្រូវជាចម្បង និងអំណាចដ៏អស្ចារ្យក្នុងការមានឥទ្ធិពលទៅលើកូនចៅរបស់ពួកគេ ( សូមមើល ចោទិយកថា ៦:៦–៧ ) ។ កាលបងប្អូនបង្រៀនកុមារនៅឯព្រះវិហារ សូមអធិស្ឋានស្វែងរករបៀបគាំទ្រដល់ឪពុកម្ដាយរបស់ពួកគេនៅក្នុងតួនាទីដ៏ចាំបាច់ ហើយសំខាន់របស់ពួកគេ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ២៥ ) ។