Oktoba 23–29

1 na 2 Timotheo; Tito; Filemoni

“Uwe Mfano kwao Waaminio”

Paul alifundisha kwamba “maandiko yametolewa … kwa ajili ya maelekezo katika haki” (2 Timotheo 3:16). Unapojifunza nyaraka hizi, tafakari jinsi zinavyoweza kuwashawishi watoto kuishi kwa haki.

Alika Kushiriki

Waombe watoto kuzungumza kuhusu mtu fulani ambaye ni “kielelezo cha waaminio” kwao. Wao wanafanya nini ili kuwa mifano mizuri kwa wengine?

Fundisha Mafundisho: Watoto Wadogo

1 Timotheo 3:1–2; Tito 1:7–9

Maaskofu wanaongoza kata kama watumishi wa Mungu.

Paulo alimfundisha Timotheo na Tito kuhusu umuhimu wa maaskofu. Unawezaje kuwafundisha watoto kile askofu hufanya? (Rais wa tawi analinganishwa na askofu.)

Shughuli Yamkini

• Chora picha ya kawaida ya askofu wako ubaoni. Waombe watoto wataje baadhi ya vitu wanavyojua kuhusu askofu. Je, yeye yukoje? Je, hufanya nini? Je, ni kwa jinsi gani anaibariki kata? Unaweza kupata baadhi ya sifa za askofu katika 1 Timotheo 3:1–2 na Tito 1:7–9.) Wakati watoto wanashiriki mawazo yao, yaandike kwenye vipande za karatasi na waache watoto waviweke kwenye ubao karibu na mchoro.

• Andika kazi za askofu kwenye vipande vya karatasi—kama vile kuwasaidia watoto na vijana katika kata, kupokea zaka na matoleo ya mfungo, kutoa miito, kusaili waumini, kuwasaidia wenye huhitaji. Weka vipande hivi katika bakuli, na mwalike kila mtoto achukue kimoja. Kisha msaidie mtoto kuigiza kazi hizi pamoja nawe. Shiriki ushuhuda wako kwamba askofu wako ameitwa na Mungu.

• Waombe watoto kuchora picha ya askofu akimhudumia waumini wa kata. Pendekeza kwamba watoe michoro yao kwake kama kumshukuru. Tunaweza kufanya nini ili kumsaidia?

“Mtu awaye yote asiudharau ujana wako; bali uwe kilelezo kwao waaminio” (1 Timothy 4:12).

1 Timotheo 4:12.

Ninaweza kuwa “kielelezo kwao waaminio.”

Unaweza kufanya nini ili kuwashawishi watoto kuwa “kielelezo kwao waaminio.

Shughuli Yamkini

• Imba pamoja na watoto “Do as I’m Doing” (Kitabu cha Nyimbo za Watoto, 276). Waombe watoto kufuata mfano wako kwa kufanya vitendo unavyofanya. Acha watoto wachukue zamu kuongoza darasa zima katika kufuata matendo yao. Soma 1 Timotheo 4:12, na waulize watoto nini wanaweza kufanya kuwa mifano mizuri kwa wengine.

• Shiriki uzoefu wakati ulipojaribu kuwa mfano mzuri kwa mtu fulani au wakati mtu fulani alipokuwa mfano mzuri kwako (pengine ikijumuisha watoto katika darasa lako. Waalike watoto kuwa mifano mizuri kwa wanafamilia wao na marafiki.

2 Timotheo 3:14–17

Maandiko yatanisaidia kujifunza ukweli.

Kama unaweza kuwasaidia watoto kujifunza kupenda maandiko, mafundisho katika maandiko yatabariki maisha yao kwa miaka ijayo.

Shughuli Yamkini

• Onyesha seti ya maandiko, na wasaidie watoto kuwa na mazoea nayo kwa kuwaonesha majina ya kurasa za Biblia, Kitabu cha Mormoni, Mafundisho na Maagano, na Lulu ya Thamani Kuu. Mwalike mtoto avishike vitabu hivi unaposoma 2 Timotheo 3:15–17. Waambie watoto kwa nini unapenda maandiko, na waache watoto waonyeshe hisia zao.

• Waombe watoto wazungumzie kuhusu mali yao yenye thamani kubwa. Wanaifanyia nini? Wanaichukulia vipi? Acha watoto wachukue zamu kuyashika maandiko na kwa uangalifu kugeuza kurasa. Tunatumia maandiko kwa ajili ya nini? Kwa nini tuyatunze kwa uangalifu? Shuhudia kwamba maandiko yana kweli ambazo Baba wa Mbinguni anatutaka tuzijue.

• Wasaidie watoto wabuni vitendo vinavyoendana na nyimbo kuhusu maandiko, kama vile “Search, Ponder, and Pray” (Kitabu cha Nyimbo za Watoto, 109).

Fundisha Mafundisho: Watoto Wakubwa

1 Timotheo 4:12

Ninaweza kuwa “kielelezo kwao Waaminio.”

Timotheo alikuwa kijana kuwa kiongozi wa Kanisa, lakini Paulo alimtaka ajue kwamba bado anaweza kuwa kielelezo. Unaweza kuwashawishi watoto kuweka mifano mizuri kwa watu wanaowazunguka.

Shughuli Yamkini

• Someni pamoja 1 Timotheo 4:12, na waombe watoto kutafuta njia sita Paulo alisema tunaweza kuwa “kielelezo kwa waaminio.” Wagawanye watoto katika jozi, na omba kila jozi kufikiria hali ambayo wanaweza kuwa mfano wa waaminio. Waombe waigize hali yao kwa ajili ya darasa zima.

• Waulize watoto kama watapenda kushiriki uzoefu wo wote wakati walipojaribu kuwa mfano mzuri kwa wengine. Waambie jinsi ambavyo wamekuwa vielelezo kwa waaminio kwako na jinsi ulivyowaona wakiweka mifano mizuri kwa wengine.

1 Timotheo 6:7–12

Mambo ya milele ni ya thamani zaidi kuliko pesa.

Ulimwengu unaweka kipaumbele cha juu kwenye pesa na vitu ambavyo pesa inaweza kununua. Unawezaje kuwasaidia watoto kuweka fokasi yao na upendo unapolenga kwa Baba wa Mbinguni na Yesu Kristo?

Shughuli Yamkini

• Waalike watoto wazungumze kuhusu wangenunua nini kama wangekuwa na pesa zote za ulimwenguni. Soma 1 Timotheo 6:7–12 pamoja na watoto, na waombe kufanya muhtasari wa nini Paulo alimfundisha Timotheo kuhusu pesa. Kisha waalike watoto kusoma mstari wa 11–12 tena, wakitafuta vitu ambavyo Paulo alivitaja kwamba vina thamani zaidi kuliko pesa.

• Panga picha za vitu vya ulimwengu (kama vile pesa, mwanasesere, au burudani) na vitu vya milele (kama vile familia au mahekalu). Waalike watoto wachambue picha na kuviweka kwenye mafungu mawili—vitu ambavyo vinatuleta karibu zaidi na Kristo na vitu ambavyo vinaweza kutuvuta mbali kutoka kwa Kristo kama tutavipenda zaidi kuliko tunavyompenda Yeye. Kwa nini “kupenda pesa … chanzo cha uovu wote”? Je, kufokasi kwa Yesu Kristo kunatufanyaje sisi tuwe na furaha?

2 Timotheo 3:14–17

Baba wa Mbinguni alitupa maandiko ili kutusaidia kujua ukweli na makosa.

Unawapofundisha watoto kuhusu maandiko, tafuta njia za kuwatia moyo kuwa na uzoefu wao wenyewe wenye nguvu wa neno la Mungu.

Shughuli Yamkini

• Waalike watoto kusoma 2 Timotheo 3:15–17. Onyesha picha zinazoonesha hadithi kutoka kila moja ya vitabu vitakatifu, na waalike watoto kadhaa kuokota picha na kusimulia hadithi yake. (Unaweza kupata picha katika Kitabu cha Sanaa za Injili na katika nyenzo za Njoo, Unifuate ). Waombe watoto washiriki kitu chochote wanachojua kuhusu kitabu hicho cha maandiko. Je, ni kwa jinsi gani maandiko “yanatufanya sisi kuwa na busara hata wokovu”?

• Shiriki mstari wa maandiko uupendalo au uzoefu wa wakati maandiko yalipokusaidia kujenga imani yako katika Baba wa Mbinguni na Yesu Kristo. Waalike watoto kushiriki mstari wanaoupenda wenyewe.

• Muombe mtoto asome Moroni 10:4–5. Ni nini Moroni aliahidi katika mistari hii? Waulize watoto jinsi gani wao wamepata ushuhuda kwamba maandiko ni ya kweli. Waalike kusoma au kusikiliza maandiko kila mara na kumwuliza Mungu kama ni ya kweli.

Himiza Kujifunza Nyumbani

Waalike watoto kushiriki na familia zao kile walichojifunza kuhusu maandiko na kutafuta mstari mmoja wa maandiko ambao wanaweza kushiriki na darasa wiki ijayo (na kwa msaada kutoka kwa wazazi wao, kama unahitajika).

Kuboresha Ufundishaji Wetu

Tohoa shughuli ili kukidhi mahitaji. Badala ya kuichukulia mihutasari hii kama maelekezo ambayo ni lazima uyafuate, itumie kama chanzo cha mawazo kuanzisha mwongozo wako wa kiungu unapotafakari mahitaji ya watoto unaowafundisha. Unaweza kutohoa shughuli ili kuwafundisha watoto wa umri wo wote.