« ថ្ងៃទី ២០–២៦ ខែ វិច្ឆិកា ។ ពេត្រុស ទី១ និង ទី២ ៖ ‹ ត្រេកអរសាទរក្នុងទ្រង់ដោយសេចក្តីអំណរដ៏ប្រសើរ ដែលរកថ្លែងមិនបាន › » ចូរមកតាមខ្ញុំ—សម្រាប់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២១ )
« ថ្ងៃទី ២០–២៦ ខែ វិច្ឆិកា ។ ពេត្រុស ទី១ និង ទី២ » ចូរមកតាមខ្ញុំ—សម្រាប់អង្គការបឋមសិក្សា ៖ ឆ្នាំ ២០២៣
ព្រះគ្រីស្ទកំពុងផ្សាយដំណឹងល្អនៅក្នុងពិភពវិញ្ញាណ ដោយ រ៉ូប៊ើត ធី បារែត
ថ្ងៃទី ២០–២៦ ខែ វិច្ឆិកា
ពេត្រុស ទី១ និង ទី២
« ត្រេកអរសាទរដោយសេចក្តីអំណរដ៏ប្រសើរ ដែលរកថ្លែងមិនបាន »
សូមចាប់ផ្តើមការសិក្សារបស់បងប្អូនអំពី ពេត្រុស ទី១ និង ទី២ ជាមួយនឹងការអធិស្ឋាន ។ សូមចងចាំថា ការរៀបចំខ្លួនដ៏ប្រសើរបំផុតរបស់បងប្អូនដើម្បីបង្រៀននឹងទទួលបានតាមរយៈបទពិសោធន៍ការសិក្សាផ្ទាល់ខ្លួន និងជាក្រុមគ្រួសាររបស់បងប្អូន ។
អញ្ជើញឲ្យចែកចាយ
សូមបង្ហាញរូបភាពនៅក្នុង គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ហើយសូមអញ្ជើញកុមារឲ្យប្រាប់បងប្អូនពីអ្វីមួយដែលពួកគេដឹងអំពីពេត្រុស ។ សូមរំឭកពួកគេថា ពេត្រុសគឺជាអ្នកដឹកនាំសាសនាចក្រ បន្ទាប់ពីព្រះយេស៊ូវបានមានព្រះជន្មរស់ឡើងវិញ ហើយសូមពន្យល់ថា ពេត្រុស ទី១ និង ទី២ គឺជាសំបុត្ររបស់លោកទៅកាន់សមាជិកនៃសាសនាចក្រនៅសម័យរបស់លោក ។
បង្រៀនគោលលទ្ធិ ៖ កុមារតូចៗ
ខ្ញុំអាចរីករាយបាន ទោះបីនៅអំឡុងគ្រាលំបាកក្តី ។
សូមពិចារណាអំពីរបៀបដែលបងប្អូនអាចបង្រៀនខគម្ពីរទាំងនេះ តាមរបៀបមួយដែលនឹងជួយកុមារឲ្យងាកទៅរកព្រះអង្គសង្គ្រោះ នៅពេលពួកគេជួបនឹងសេចក្តីវេទនា ។
សកម្មភាពដែលអាចធ្វើបាន
-
សូមជួយកុមារឲ្យគិតពីឧទាហរណ៍នានានៃរឿងលំបាកៗដែលព្រះយេស៊ូវបានឆ្លងកាត់ ដូចជា ត្រូវគេមើលងាយ ឬសើចចំអកជាដើម ។ សូមពន្យល់ថា យើងនឹងជួបការលំបាកនៅក្នុងជីវិតរបស់យើង ។ សូមអាន ពេត្រុស ទី១ ១:៦–៧; ៣:១៤ ជាមួយគ្នា ហើយចែកចាយបទពិសោធន៍មួយនៅពេលដែលបងប្អូនបានប្រឈមមុខនឹង « ការសាកលសេចក្តីជំនឿ » ហើយព្រះអង្គសង្រ្គោះជួយបងប្អូនឲ្យរកឃើញអំណរ ។ ឬបងប្អូនអាចចែកចាយការអធិស្ឋានរបស់ព្យាការី យ៉ូសែប ស្ម៊ីធ នៅក្នុងគុកលិបើទី និងការលួងលោមដែលព្រះបានប្រទានឲ្យលោក ( សូមមើល គោលលទ្ធិ និង សេចក្តីសញ្ញា ១២១:១–៨; ១២៣:១៧ ) ។
យ៉ូសែប ស៊្មីធ នៅក្នុងគុកលិបើទី ដោយ ហ្គ្រេក ខេ អូលសិន
-
សូមដាក់តាំងរូបភាពដែលបង្ហាញពីព្រះយេស៊ូវ និងមនុស្សដទៃ ( សៀវភៅរូបភាពដំណឹងល្អ មានជាច្រើន ហើយ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារក៏មានច្រើនដែរ ) ។ សូមឲ្យកុមាររកមើលព្រះយេស៊ូវនៅក្នុងរូបភាពនោះ ។ សូមថ្លែងទីបន្ទាល់ថា ប្រសិនបើយើងធ្វើតាមព្រះអង្គសង្រ្គោះ នោះទ្រង់អាចជួយយើងឲ្យរកឃើញអំណរនៅក្នុងជីវិតរបស់យើងបាន ។
ព្រះវរបិតាសួគ៌សព្វព្រះទ័យឲ្យខ្ញុំធ្វើជាគំរូដល់មនុស្សដទៃ ។
ពេត្រុសបានបង្រៀនថា យើងគឺជា « សាសន៍របស់ព្រះ » ហើយថា កិច្ចការល្អរបស់យើងអាច « សរសើរដល់ព្រះ » ។
សកម្មភាពដែលអាចធ្វើបាន
-
សូមពិពណ៌នាអំពីអ្វីដែលខ្ពស់ជាងវត្ថុផ្សេងៗដែលនៅក្បែរវា ឬបង្ហាញរូបភាពនៃវត្ថុទាំងនោះ ។ ឧទាហរណ៍ រូបភាពនៃព្រះវិហារបរិសុទ្ធដែលខ្ពស់ជាងអគារនានាដែលនៅក្បែរវា ឬភ្នំដែលខ្ពស់នៅលើជ្រលងភ្នំ ។ សូមពន្យល់ថា នៅពេលយើងរក្សាបទបញ្ញត្តិ នោះយើងលេចធ្លោឡើង ហើយមនុស្សដទៃទៀតអាចឃើញគំរូរបស់យើង ។ សូមនិយាយអំពី « កិច្ចការល្អៗ » មួយចំនួន ដែលបងប្អូនឃើញកុមារធ្វើ ។ សូមពន្យល់ថា កិច្ចការល្អៗដូចនោះ « សរសើរដល់ព្រះ »—វាជួយឲ្យមនុស្សដទៃទៀតមានអារម្មណ៍នៃសេចក្តីស្រឡាញ់ចំពោះព្រះ និងបំណងប្រាថ្នាដើម្បីបម្រើទ្រង់កាន់តែខ្លាំងឡើង ។
-
សូមបំពេញទំព័រសកម្មភាពជាមួយនឹងកុមារ ។ តើមនុស្សដែលពួកគេរកឃើញនៅក្នុងរូបភាពនេះសរសើរដល់ព្រះដោយរបៀបណា ?
វិញ្ញាណទាំងឡាយនៅក្នុងពិភពវិញ្ញាណរៀនដំណឹងល្អ ។
បន្ទាប់ពីទ្រង់បានសុគតទៅ នោះព្រះយេស៊ូវបានយាងទៅពិភពវិញ្ញាណ ហើយបានបញ្ជូនវិញ្ញាណសុចរិត ដើម្បីបង្រៀនវិញ្ញាណផ្សេងទៀត ដែលពុំទាន់បានទទួលដំណឹងល្អនៅឡើយ ។
សកម្មភាពដែលអាចធ្វើបាន
-
សូមប្រាប់កុមារអំពីនរណាម្នាក់ដែលបងប្អូនស្គាល់ ដែលបានស្លាប់ទៅហើយ ។ សូមពន្យល់ថា នៅពេលមនុស្សស្លាប់ វិញ្ញាណរបស់ពួកគេចាកចេញពីរូបកាយរបស់ខ្លួន ហើយទៅកាន់ពិភពវិញ្ញាណ ។ សូមអាន ពេត្រុស ទី១ ៣:១៩ ហើយពន្យល់ថា នៅពេលព្រះយេស៊ូវសុគត នោះទ្រង់បានយាងទៅពិភពវិញ្ញាណ ។ នៅទីនោះ ទ្រង់បានបង្គាប់ឲ្យវិញ្ញាណសុចរិតឲ្យបង្រៀនដំណឹងល្អដល់វិញ្ញាណដទៃទៀត ដែលពុំទាន់បានទទួលយកដំណឹងល្អនៅឡើយ ( សូមមើល គោលលទ្ធិ និង សេចក្តីសញ្ញា ១៣៨:៣០ ) ។
-
សូមបង្ហាញរូបភាពព្រះវិហារបរិសុទ្ធមួយ ។ សូមពន្យល់កុមារថា នៅពេលពួកគេធំល្មម ពួកគេអាចទៅព្រះវិហារបរិសុទ្ធបាន ហើយធ្វើបុណ្យជ្រមុជទឹកសម្រាប់បុព្វការីជនរបស់ពួកគេ ដែលមិនបានទទួលបុណ្យជ្រមុជទឹកខណៈពេលនៅលើផែនដី ។ សូមជួយកុមារឲ្យបំពេញមែកធាងគ្រួសារសាមញ្ញៗ ( សូមមើលឧទាហរណ៍នៅឯ « ទំព័រផាត់ពណ៌ពង្សប្រវត្តិ » នៅលើគេហទំព័រ ChurchofJesusChrist.org ) ។
បង្រៀនគោលលទ្ធិ ៖ កុមារធំៗ
ពេត្រុស ទី១ ៣:១២–១៧; ៤:១៣–១៤, ១៦
ខ្ញុំអាចរកឃើញអំណរ និងសេចក្ដីសុខសាន្តបាន ទោះបីនៅអំឡុងគ្រាលំបាកក្តី ។
កុមារដែលបងប្អូនបង្រៀនអាចមានបទពិសោធន៍មួយចំនួននៃការឌឺដង ឬសើចចំអក ដោយសារអ្វីដែលពួកគេជឿ ។ ខគម្ពីរទាំងនេះអាចជួយពួកគេនៅអំឡុងគ្រាទាំងនោះបាន ។
សកម្មភាពដែលអាចធ្វើបាន
-
សូមសង្ខេបដំណើររឿងពីរបីអំពីព្រះយេស៊ូវ ដែលត្រូវបានគេធ្វើទុកបុកម្នេញ ឬអញ្ជើញកុមារឲ្យអានពីដំណើររឿងទាំងនេះ—ឧទាហរណ៍សូមមើល ម៉ាថាយ ១២:៩–១៤ ឬ លូកា ២២:៤៧–៥៤ ។ សូមសួរកុមារថា តើពួកគេធ្លាប់ត្រូវបានគេចំអក ឬមើលងាយពីព្រោះពួកគេរស់នៅតាមការបង្រៀនរបស់ព្រះយេស៊ូវគ្រីស្ទដែរឬទេ ។ តើវាធ្វើឲ្យពួកគេមានអារម្មណ៍បែបណា ? បន្ទាប់មក សូមអានជាមួយគ្នាក្នុង ពេត្រុស ទី១ ៣:១២–១៤; ៤:១៣–១៤, ១៦ ហើយសូមឲ្យកុមាររកមើលអ្វីដែលពេត្រុសបាននិយាយអំពីការរងទុក្ខ « ដោយព្រោះសេចក្តីសុចរិតវិញ » ។ ហេតុអ្វីបានជាយើងនៅតែសប្បាយចិត្ត នៅពេលដែលមនុស្សដទៃចំអកឲ្យយើង ដោយសារការធ្វើអ្វីដែលត្រឹមត្រូវ ?
-
សូមចែកចាយបទពិសោធន៍មួយនៅពេលបងប្អូនរកឃើញអំណរ ឬសេចក្តីសុខសាន្តអំឡុងពេលមានការសាកល្បង ឬចែកចាយពីរបៀបដែលព្យាការីយ៉ូសែប ស្ម៊ីធ រកឃើញសេចក្តីសុខសាន្តនៅពេលដែលលោកនៅក្នុងគុកលិបើទី ( សូមមើល គោលលទ្ធិ និង សេចក្តីសញ្ញា ១២១:១–៨; ១២៣:១៧ ) ។ តើយើងអាចរកឃើញអំណរ និងសេចក្តីសុខសាន្តនៅក្នុងព្រះគ្រីស្ទនៅអំឡុងការសាកល្បងរបស់យើងយ៉ាងដូចម្តេច ?
ខ្ញុំអាចត្រៀមខ្លួនរួចរាល់ដើម្បីចែកចាយដំណឹងល្អជានិច្ច ។
កុមារដែលបងប្អូនបង្រៀននឹងមានឱកាសជាច្រើន ពេញមួយជីវិតរបស់ពួកគេដើម្បីឆ្លើយនឹងសំណួររបស់មនុស្សដទៃអំពីសេចក្ដីជំនឿរបស់ពួកគេ ។ សូមពិចារណាអំពីអ្វីដែលបងប្អូនអាចធ្វើបានដើម្បីជួយពួកគេ « ឲ្យត្រៀមខ្លួនជានិច្ចដើម្បីផ្តល់ចម្លើយ » ។
សកម្មភាពដែលអាចធ្វើបាន
-
សូមប្រាប់អំពីគ្រាមួយ នៅពេលនរណាម្នាក់បានសួរបងប្អូននូវសំណួរមួយអំពីសាសនាចក្រ ហើយសូមពិពណ៌នាថា តើបងប្អូនទទួលអារម្មណ៍ថាបានប្រុងប្រៀបខ្លួនជាស្រេចដើម្បីឆ្លើយដែរឬទេ ។ សូមឲ្យកុមារនិយាយអំពីគ្រានានា ពេលដែលមនុស្សបានសួរសំណួរដល់ពួកគេអំពីសាសនាចក្រ ។ សូមអាន ពេត្រុស ទី១ ៣:១៥ ។ តើយើងអាចធ្វើតាមពាក្យទូន្មានរបស់ពេត្រុសនៅក្នុងខគម្ពីរទាំងនេះបានយ៉ាងដូចម្តេច ?
-
សូមជួយកុមារឲ្យគិតពីសំណួរពីរបីដែលមនុស្សអាចសួរអំពីព្រះយេស៊ូវគ្រីស្ទ ឬសាសនាចក្ររបស់ទ្រង់ ។ សូមឲ្យកុមារប្តូរវេនគ្នាពន្យល់ពីរបៀបដែលពួកគេនឹងឆ្លើយសំណួរទាំងនេះដើម្បីឲ្យពួកគេ « ប្រុងប្រៀប » ជានិច្ច ។ មាត្រានៃសេចក្តីជំនឿផ្តល់នូវសេចក្តីពិតងាយៗដែលកុមារអាចប្រើបាន ដើម្បីឆ្លើយនឹងសំណួរអំពីសាសនាចក្រ ។
វិញ្ញាណទាំងឡាយនៅក្នុងពិភពវិញ្ញាណរៀនដំណឹងល្អ ។
នៅពេលមនុស្សសុចរិតស្លាប់ នោះពួកគាត់ទៅពិភពវិញ្ញាណ ដើម្បីបង្រៀនដំណឹងល្អដល់អស់អ្នកដែលមិនបានទទួលដំណឹងល្អខណៈនៅលើផែនដី ។
សកម្មភាពដែលអាចធ្វើបាន
-
សូមគូររូបរាងរង្វង់នៅលើក្តារខៀនដោយមានបន្ទាត់រត់នៅកណ្តាលរង្វង់ ។ សូមសរសេរពាក្យ ស្ថានបរមសុខ នៅលើរង្វង់ម្ខាង និងពាក្យ ស្ថានឃុំព្រលឹង នៅលើរង្វង់ម្ខាងទៀត ។ សូមអញ្ជើញកុមារម្នាក់ឲ្យអាន ពេត្រុស ទី១ ៣:១៨–២០; ៤:៦ ( សូមមើលកំណែមកពីការបកប្រែដោយ យ៉ូសែប ស្ម៊ីធ ពេត្រុស ទី១ ៤:៦ ) ។ សូមពន្យល់ថា ពេលព្រះយេស៊ូវសុគតទៅ នោះទ្រង់បានយាងទៅកាន់ស្ថានបរមសុខ ។ ទ្រង់បានបង្គាប់ដល់វិញ្ញាណសុចរិតនៅទីនោះ ឲ្យបង្រៀនដំណឹងល្អដល់វិញ្ញាណនៅក្នុងស្ថានឃុំព្រលឹង ។
-
សូមអញ្ជើញឪពុក ឬម្តាយ ឬបងរបស់កុមារម្នាក់ឲ្យប្រាប់អំពីការទៅព្រះវិហារបរិសុទ្ធ និងការទទួលពិធីបរិសុទ្ធសម្រាប់បុព្វការីជនរបស់ពួកគេម្នាក់ ។
-
សូមអញ្ជើញកុមារឲ្យបំពេញមែកធាងគ្រួសារងាយៗ ( សូមមើលគំរូនៅឯ « ទំព័រផាត់ពណ៌ពង្សប្រវត្តិ » នៅលើគេហទំព័រ ChurchofJesusChrist.org ) ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យចែកចាយមែងធាងគ្រួសាររបស់ពួកគេជាមួយសមាជិកគ្រួសារ ហើយសូមឲ្យពួកគេជួយបន្ថែមឈ្មោះនៅលើមែងធាងនោះ ។
ការកែលម្អការបង្រៀនរបស់យើង
ព្យាយាមយល់ពីកុមារដែលបងប្អូនបង្រៀន ។ បងប្អូនស្គាល់កុមារដែលបងប្អូនបង្រៀន សូមសម្របសម្រួលយោបល់នៅក្នុងគម្រោងមេរៀន ប្រសិនបើចាំបាច់ដើម្បីសមស្របចំពោះសេចក្តីត្រូវការរបស់ពួកគេ ។ បងប្អូនអាចប្រើប្រាស់សកម្មភាពដែលបានផ្តល់យោបល់នៅក្នុងគម្រោងមេរៀននេះ ពុំមែនគ្រាន់តែសរសេរឡើងសម្រាប់ក្រុមអាយុដែលបងប្អូនបង្រៀននោះទេ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ៧ ) ។