Lav we I Stret Evriwan, i kam long Del Parson

27 Novemba–3 Disemba

1–3 Jon; Jud

God I Stamba blong Fasin Ya blong Lavem Man

Long Leta blong Jon mo Jud oli tij abaot lav mo laet blong Papa long Heven. Taem yu stadi long wik ia, tingting hevi se from wanem ol pikinini we yu stap tijim oli nidim laet mo lav blong Hem insaed long laef blong olgeta. Tingbaot blong tingting long evri aktiviti blong aotlaen ia, be i no olgeta nomo we listim anda long ol yia grup we yu stap tijim.

Invaetem Ol Pikinini blong Serem Wanem Oli Gat

Invaetem ol pikinini blong serem olsem wanem oli bin filim lav blong Papa God mo Jisas Kraes, o from wanem oli ting se Papa long Heven mo Jisas Kraes oli olsem wan laet long yumi.

Tijim Doktrin: Ol Smol Pikinini

1 Jon 1:5–7; 2:8–11

Taem mi folem Jisas, i tekem laet i kam long laef blong mi.

Jon i bin raetem abaot laet blong tijim abaot paoa blong Papa long Heven mo Jisas long laef blong yumi. Tingting long olsem wanem yu save helpem ol pikinini blong lanem abaot laet we Tufala i stap givim.

Samfala Aktiviti we Yu Save Mekem

• Askem ol pikinini blong talem nem blong ol samting we i givim laet. Tokbaot long olgeta abaot ol gudfala samting we laet i save givim, olsem blong helpem ol plan oli gro, letem yumi blong lukluk samting mo mekem yumi wom. Blong andastanem olsem wanem Jisas i givim laet long yumi, oli save gat wanwan janis blong stap saenem wan laet long wan pikja blong Jisas Kraes taem bae oli talem, “God hem i laet” (1 Jon 1:5). Testifae se Papa long Heven mo Jisas Kraes i givim laet long laef blong yumi taem yumi traem blong folem wanem we Tufala i talem.

• Invaetem ol pikinini blong gat wan janis blong holem wan pikja blong wan balb blong laet o wan kandel. Taem wanwan pikinini i holem pikja, helpem olgeta blong tingting long wan wei we oli save tekem laet blong Jisas Kraes i kam long laef blong yumi.

1 Jon 4:10–11, 20–21

Mi soem lav blong mi long God, taem mi stap soem lav long ol narafala man.

Helpem ol pikinini blong luksave koneksen bitwin lav we oli filim blong Papa long Heven mo lav we oli soem long ol pikinini blong Hem.

Samfala Aktiviti we Yu Save Mekem

• Ridim 1 Jon 4:11 long ol pikinini, mo singsing wan singsing abaot lav blong God olsem, “My Heavenly Father Loves Me” (Children’s Songbook, 228). Askem sam long ol pikinini blong serem olsem wanem oli save se Papa long Heven i lavem olgeta. Afta long evri ansa, invaetem ol pikinini blong haggem olgeta wanwan mo talem: “God hem i lav, mo God i lavem mi.”

• Ridim 1 Jon 4:21 long ol pikinini. Invaetem olgeta blong tokbaot o aktem ol defdefren wei we oli save soem lav long wan fren olsem, blong haggem o mekem wan kad. ?Ol samting ia oli mekem ol fren blong yumi oli filim olsem wanem? ?Papa long Heven i filim olsem wanem, taem yumi mekem ol kaen samting blong ol narafala man?

1 Jon 2:3–5; 5:3

Mi soem lav blong mi long God taem mi stap obei long ol komanmen blong Hem.

Jon i bin tijim se “ol komanmen blong God mo ol tok blong hem i no strong tumas blong folem” (1 Jon 5:3). Be, blong stap folem ol komanmen hem i wan wei blong soem lav long Hem.

Samfala Aktiviti we Yu Save Mekem

• Ridim 1 Jon 5:3, mo askem ol pikinini blong lisin long wanem ves ia i stap talem abaot olsem wanem yumi save soem se yumi lavem God. Invaetem ol pikinini blong talem nem blong evri komanmen we oli save tingting long hem. ?Yumi filim olsem wanem taem yumi obei long ol komanmen blong Papa long Heven?

• Invaetem ol pikinini blong dro wan pikja blong stap soem wan wei we oli soem long Papa long Heven se oli lavem Hem. Eksampol, oli save droem wan pikja blong olgetawan taem oli stap obei long wan komanmen.

• Singsing tugeta wan singsing abaot fasin blong stap obei olsem “Choose the Right Way” (Children’s Songbook, 160–61). ?Yumi filim olsem wanem taem yumi stap obei?

Tijim Doktrin: Ol Bigfala Pikinini

1 Jon 2:8–11; 4:7–8, 20–21

Mi soem lav blong mi long God, taem mi stap soem lav long ol narafala man.

?Olsem wanem yu helpem ol pikinini blong andastanem se, taem oli lavem God, i minim tu blong lavem olgeta raon long yumi—iven ol pipol we oli defren long yumi o i had blong lavem olgeta?

Samfala Aktiviti we Yu Save Mekem

• Askem ol pikinini blong pikjarem long maen blong olgeta se, wan man we i niu i stap atendem skul blong olgeta o wod mo i no save eniwan long ples ia yet. ?Man ia bae i filim olsem wanem? Invaetem wan pikinini blong ridim 1 Jon 4:7–8. ?Wanem nao ves i stap talem abaot olsem wanem yumi mas tritim man o woman ia? Soem sam semmak pat blong ol situesen olsem, o askem ol pikinini blong tingting long ol situesen we maet oli gat janis blong soem lav.

• Askem ol pikinini blong ridim 1 Jon 4:7–8, 20–21, mo invaetem olgeta blong wanwan i raetem wan sentens blong talem long sot toktok, wanem oli tingting se i moa impoten lesen long ol ves ia. Afta we oli serem ol sentens blong olgeta, serem wan stori blong laef blong yu o long wan Fren o Liahona magasin we yu filim se i stap tokbaot klia wanem ol ves ia oli stap tijim (lukaotem eksampol long, “Say Hello to Halim,” Friend, Jun 2019, 8–9; o Liahona, Jun 2019, F18–F19). Invaetem ol pikinini blong serem eksampol blong olgetawan. ?Olsem wanem nao yumi soem lav long olgeta raon long yumi?

1 Jon 2:3–6; 4:17–18; 5:2–5

Mi soem lav blong mi long God taem mi stap obei long ol komanmen blong Hem.

Taem yumi stap obei long ol komanmen i mekem i moa isi taem yumi andastanem ol trutok we oli tijim insaed long 1 Jon 5:3. ?Olsem wanem yu helpem ol pikinini blong oli luk no lukluk long ol komanmen olsem ol hevi samting we oli stap karem be, olsem ol janis blong soem lav blong olgeta long God?

Samfala Aktiviti we Yu Save Mekem

• Invaetem ol pikinini blong mekem wan lis long bod, abaot ol wei we oli save soem long God se oli lavem Hem. Afta ridim tugeta 1 Jon 2:5–6; 5:2–5 blong kasem moa aedia. ?Olsem nao taem yumi stap obei long ol komanmen, i soem se yumi lavem Papa long Heven?

Taem yumi stap obei long ol komanmen blong God, i helpem yumi blong winim wol.

• Ridim 1 Jon 4:17, mo eksplenem long ol pikinini se “blong no fraet taem God i jajem olgeta man” i minim blong gat tras mo pis taem bae oli stanap bifo long God blong i jajem olgeta. ?Wanem nao ves i tijim se yumi nid blong mekem blong gat tras ia? ?Wanem sam samting yumi save mekem naoia blong gat tras long fored blong God?

Jud 1:18–22

Mi save stap fetful iven taem ol narawan oli laf long mi.

From se yumi ol disaepol blong Jisas Kraes, ol narafala man oli laf long yumi from ol bilif blong yumi o wei we yumi stap laef folem gospel. Ol ves ia i gat kaonsel blong Jud long olsem wanem blong stap fetful long ol kaen situesen olsem.

Samfala Aktiviti we Yu Save Mekem

• Askem ol pikinini blong serem ol taem we ol narafala man oli laf long olgeta o wan we oli save, we hem i mekem wanem we i raet. Invaetem ol pikinini blong ridim Jud 1:18–22 mo lukaotem ol wei we yumi stap fetful taem ol narafala man oli jikim o laf long yumi. Raetem wanem oli faenem long bod, mo toktok raon long ol wei we oli save folem advaes ia.

• Talem long sot toktok, drim blong Lihae (luk long 1 Nifae 8:1–35), askem sam pikinini blong ridim ol ves ia long 1 Nifae 8:26–28, 33. Toktok raon long olsem wanem ol pipol ia long bigfala haos we i gat fulap spes oli olsem ol man blong jikim man ia nao, we Jud i tokbaot. ?Wanem nao yumi save mekem blong no harem nogud from olgeta we oli stap laf long yumi o oli no agri wetem wanem yumi biliv long hem?(luk long 1 Nifae 8:30, 33).

Stap Leftemap Tingting blong Lanem Samting long Hom

Leftemap tingting blong ol pikinini blong mekem wan plan blong mekem wan samting blong serem laet blong olgeta wetem ol famli blong olgeta.

Stap Kam Antap long Fasin blong Yumi blong Stap Tij

Ol pikinini oli laekem blong muvmuv. Long sam taem, bae yu filim se paoa blong ol pikinini i mekem se i had blong lanem samting. Be yu save mekem wan samting long nomol paoa we oli gat, blong invaetem olgeta blong aktem, dro o singsing abaot wan prinsipol blong gospel. (Luk long Teaching in the Savior’s Way, 25–26.)