Abentekiti B

Katauraoaia Ataei nakon Maiuakinan ana Kawai ni Berita te Atua

N namwakaina ake nimaua aia Tabati, taan reirei n te Moanrinan a kaungaaki bwa a na onea mwiin Nakomai, Iriirai are e kaotaki n te kanimaua n Tabati ma teuana ke e mwaiti riki man waaki n angareirei aikai.

Tuua ao Otenati n ana Euangkerio Iesu Kristo

Ana reirei Kristo e reireiniira arora n okira te Atua.

Ngke e kaoti Iesu Kristo i Amerika, E reireiniia Ana reirei. E taku bwa ti kona n rin n Aba n Uean te Atua ngkana iai ara onimaki, ti rairannano, ti bwabetitoaki, karekea te Tamnei ae Raoiroi, ao ti teimatoa ni uaa te toki (taraa 3 Nibwaai 11:31–40; Reirei ao Berita aika Tabu 20:29). Waaki ni kakukurei aika i nano e kona n ibuobuoki n reiakiniia ataei ae tuua ao otenanti aikai e kona n ibuobuoki ni kaaniira ma te tia Kamaiu inanon maiura.

Bwa ti aonga n reiakina riki ae bati iaon ana reirei Kristo, taraa 2 Nibwaai 31.

Waaki ni Kakukurei aika a Kona ni Karaoaki

• Anganiia ataei tamnei aika a tei ibukin te onimaki iroun Iesu Kristo, te rairannano, te bwabetito, ao te kamatoa (taraa Gospel Art Book, 1, 111, 103, ao 105). Wareka ke atongnga ma ataei te kaaua n taekan te onimaki, ao tuangiia bwa a na tabekirake aia tamnei ngkana te tua ke te otenanti anne e taekinaki. Buokiia ataei bwa a na oota bwa e kanga tuua ma otenanti aikai n buokiira bwa a na riki n aiaron Tamaia are i Karawa ao Iesu Kristo.

• Ko na kanga ni buokiia ataei n oota bwa te onimaki, te rairanano, te bwabetito, ao te kamatoa bon tiaki bwaai aika riki n tii teuana te tai ma a bon karika naba rikiraken tamneira rinanon maiura? Te katooto, ko konaa n kaota nakoia tamnein te koraa ke te ati ao te aroka ae bubura (ke korei tamneia iaon te burakibooti). Buokiia n iangoi bwaai ake a buoka rikiraken te ati aio ao n riki bwa te aroka ae bubura, n aron te ran, te tano ke te bon, ao te riringa. Buokiia bwa a na nooria ae bwaai aikai ai arona bwaai ae ti karaoi bwa ti aonga n kaaniaki ma te Atua rinanon maiura—mwakuriian ara onimaki iroun Iesu Kristo, rairannano ni katoa bong, maiuakinan ara berita ngke ti bwabetitoaki, ao kakauongo nakon te Tamnei ae Raoiroi.

• Tibwauaia ma ataei karakinan te firecracker man ana rongorongo Elder Dale G. Renlund “How Can Repenting Help Me Feel Happy?” (Rao, Ritembwa. 2017, 12–13, ke Riaona, Ritembwa. 2017, 70–71; noora naba te witeo “Repentance: A Joyful Choice” [ChurchofJesusChrist.org]). N taai tabetai inanon tain te karaki, kaoia ataei bwa a na iangoia bwa aekara ana namakin Elder Renlund. Bukin tera ti namakina te kimwareirei ngkana ti raira nanora? Tibwaua ma ataei te kimwareirei ao te tangira ae ko namakinnna ngkana ko butiia Tamam are i Karawa bwa e na kabwarai am bure.

Bwabetito

E katea te banna ni katoto Iesu Kristo ngke E bwabetitoaki.

E ngae ngke e maiu n itiaki man te bure Iesu, E bon bwabetitoaki n katea te banna ni katooto ae kororaoi ibukin te ongeaba nakon Tamara are i Karawa (taraa 2 Nibwaai 31:6–10).

Bwa ko aonga n reiakina ae bati riki iaon te bwabetito, taraa Reirei ma Berita aika Tabu 20:37; Atuu n reirei man te Euangkerio, “Bwabetito,” topics.ChurchofJesusChrist.org.

Waaki ni Kakukurei aika a Kona ni Karaoaki

• Kaota tamnein ana bwabetito te tia Kamaiu ao ana bwabetito temanna (ke noora Gospel Art Book, nambwa. 35 ke nambwa. 103 ke nambwa. 104). Tuangiia ataei bwa a na tibwaia bwa tera ae kaokoro ao n titebo imarenan tamnei aika uoua aikai. Uaia n wareka Mataio 3:13–17 ke “Mwakoro 10: E Bwabetitoaki Iesu” n New Testament Stories, 26–29, ke mataku n te witeo iaon ChurchofJesusChrist.org. Anga te tai nakoia ataei bwa a na kotei bwaai n te tamnei ngkana a atongaki nte wareware ke te witeo. Tuangiia ataei taekan am tangira ibukin te Tia Kamaiu ao nanom ni kan Iriiria.

• Ongora nakon te anene ke anenea te anene ae taekan te bwabetito, n ai aron “When Jesus Christ Was Baptized” (Aia Boki n Anene Ataei, 102). Tera ae ti reiakinna iaon te bwabetito man te anene aei? Wareka 2 Nibwaai 31: 9–10, ao kaoiia ataei bwa a na ongora bwa bukin tera ngke e bwabetitoaki Iesu Kristo. Kaoiia bwa a na korei tamneia n te bong are e a bwabetitoaki iai.

I kona n rineia bwa N na karaoa au berita ae tabu ma te Atua ao n bwabetitoaki.

Katauraoam nakon te bwabetito bon iaon riki te katauraoi ibukin te bwai ae e na riki. Nanona bon te katauraoi ibukin karaoan te berita ae tabu ao manga kawakinan te berita ae tabu anne i nanon maium ni kabanea. Karaua iangoia i nanom bwa kona kanga n buokiia ataei bwa a na oota n te berita ae tabu ae a na karaoia ma Tamaia are i Karawa ngkana a bwabetitoaki, ao n ikotaki ma tenaan berita E karaoi nakoia ao berita ake a karaoia nakoIna.

Waaki ni Kakukurei aika a Kona ni Karaoaki

• Kabwarabwara bwa te berita ae tabu bon te berita are i marenan temanna ao Tamara are i Karawa. Ngkai ti kabanea ara konaa n kawakin ara berita nakon te Atua, te Atua e berita bwa e na kakabwaiaira. Koroia iaon te burakibooti Au Berita nakon te Atua ao Ana Berita te Atua Nakoiu. Uaia n wareka Motiaea 18:10, 13 ao Reirei ma Berita aika Tabu 20:37, ao buokiia ataei n koroi berita ake a kona n kunei iaan atuu n reirei ake a tau ni mena i aana (taraa naba Dallin H. Oaks, “Your Baptism Covenant,” Rao, Beberuare. 2021, 2–3). Tibwaia bwa e kanga Tamara are i Karawa n kakabwaiako ngkai ko keiaki n kawakin am berita ngke ko bwabetitoaki.

• Kaotii nakoia ataei tamnein bwaai ake e karaoi Iesu ngke e mena iaon te aba (ibukin katooto tabeua, noora Gospel Art Book, nambwa. 33–49). Tuangiia ataei bwa a na kabwarabwara bwa tera ae e karaoia Iesu n tamnei akanne. Wareka Motiaea 18:8–10, 13, ao kaoiia ataei bwa a na kakauongo nakon bwaai ake a berita bwa a na karaoia ngkana a bwabetitoaki (taraa naba “The Baptism Covenant,” Rao, Beberuare. 2019, 7; Riaona, Beberuare. 2019, F3). A na kanga berita aikai n buokii aron ara mwakuri ni katoa bong? Kaoiia ataei bwa a na bon korei tamneia ngke a buoka temanna n aron are e karaoia Iesu. Ke ko kona n karaoa aia badge ataei ae a kona n bwainna ma aran te Tia Kamaiu iaona.

  

  Ngkana ti bwabetioaki, ti karaoi berita nakon te Atua ao E karaoi berita nakoira.

Te Kamatoa

Ngkana I kamatoaaki, I a riki bwa te membwa n Ana Ekaretia Iesu Kristo ibukia Aika Itiaki ni Boong Aika Kaitira.

Te riki bwa te membwa n Ana Ekaretia Iesu Kristo ibukiia Aika Itiaki ni Boong aika Kaitira e uota te kakabwaia ae bati, n ikotaki ma tai aika kakaawaki bwa a na riki bwa taan kaaina ana mwakuri te Atua.

Bwa ko aonga n reiakina ae bati i aon te kamatoaaki ao te bwaintangira ae te Tamnei ae Raoiroi, noora Gary E. Stevenson, “How Does the Holy Ghost Help You?,” Riaona, Meei 2017, 117–20; Gospel Topics, “Tamnei ae Raoiroi.,” topics.ChurchofJesusChrist.org.

Waaki ni Kakukurei aika a Kona ni Karaoaki

• Kaoa temanna ae e a tibwa bwabetitoaki ao n kamatoaaki nakon te kiraati bwa a na tibwauaa bwa tera aroia ngke a kamatoaaki. Tera nanon ae ea riki bwa te membwa n Ana Ekaretia Iesu Kristo ibukiia Aika Itiaki ni Boong aika Kaitira nakon te aomata aio? Buokiia ataei bwa a na iangoi kawai ike a na kona n kawakinii aia berita aika tabu ngke a bwabetitoaki ao n riki bwa membwa nte Ekaretia (n aron karaoan te mwakuri n ibuobuoki nakoia tabeman, kaoaia tabeman bwa a na reiakina taekan Iesu, karaoan te tataro n tain te bowii, ao a mwaiti riki). Tibwauaia bwa a kanga karaoan bwaai aikai n buokiko n namakina te kukurei ni kaainakin ana Ekaretia Kristo.

• Kaota tamneia aomata ake a mena n te Ran are Moomon (taraa Gospel Art Book, nambwa. 76), ao tuangiia ataei bwa ana kabwarabwara te bwai ae a kona n nooria n te tamnei. Karakina rongorongon Aramwa ao ana aomata ake a bwabetitoaki ikekei (taraa Motiaea 18:1–17; “Mwakoro 15: Alma Teaches and Baptizes,” Book of Mormon Stories, 43–44, ke tamneina te witeo iaon ChurchofJesusChrist.org). Manga taraa Motiaea 18:8–9 ao kaoia ataei bwa a na katei kaina bwa e na buokiia n uringii bwaai are a kukurei nanoia aomata ni karaoi kai membwa ngaiia n ana Ekaretia Kristo. Tibwaua te tai ae ko a tia n kakoauaa bwa membwa n te Ekaretia a ibuobuoki n anga aikai.

Ngkana I a tia ni kamatoaki, I karekea te Tamnei ae Raoiroi.

Ngkana ti bwabetitoaki ao n kamatoaaki, Tamara are i Karawa e berita bwa “e na memena Tamneina [iroura] n taainako” (Reirei ao Berita aika Tabu 20:77). Te bwaintangira mai iroun te Atua ae moan te tamaroa aio e aranaki bwa ana bwai n tituaraoi te Tamnei ae Raoiroi.

Waaki ni Kakukurei aika a Kona ni Karaoaki

• Wareka Reirei ao Berita aika Tabu 33:15, ao tuangiia ataei bwa a na ongora nakon te bwaintangira ae onoti are ti anganaki iroun Tamara are i Karawa ngkana ti bwabetitoaki ao n kamatoaaki. Bwa aonga n reiakina riki ae bati bwa e na kanga n buokiia te bwai n tituaraoi ae te Tamnei ae Raoiroi, manga rinanona Ioane 14:26; I-Karatia 5:22–23; 2 Nibwaai 32:5; 3 Nibwaai 27:20. Ko kona naba n manga rinanon te rongorongo ae “The Holy Ghost Is …” (Riaona, Tuun 2019, F12–F13).

• Imwaain te kiraati, butiia aia karo ataei bwa ana tibwauaia bwa tera kakabwaiaia ae reke kai iai irouia te bwai n tituaraoi ae te Tamnei ae Raoiroi. E kanga ni buokiia? A kanga n ongo bwanaana?

• Bootaki anenea te kuna ae taekan te Tamnei ae Raoiroi, n aron “The Holy Ghost” (Aia Boki n Anene Ataei, 105). Buokiia ataei bwa ana oota bwa tera reiakinara man te anene aio bwa e na kanga n buokiira te Tamnei ae Raoiroi.

Te Tamnei ae Raoiroi e kona ni taetae nakoiu n aanga aika bati.

Ataei ake a kona n kinaa bwanaan te Tamnei a tauraoi n karekei kaotioti bon ibukiia are e na kona n kairiia rinanon maiuia. Reireiniia ae a bati aanga ke kawai ae e kona n taetae iai nakoira te Tamnei ae Raoiroi.

Waaki ni Kakukurei

• Buokiia ataei bwa ana iangoi kawai are a na kona n reitaki iai ma raraoia ae e raroanako aia tabo ni maeka, n aron korean te reta, kanakoan am imeeri, ke te taetae iaon te tareboon. Reireinia ae Tamara are i Karawa e kona n taetae nakoira rinanon te Tamnei are Raoiroi. Kabonganaa ana maroro President Dallin H. Oaks “How Does Heavenly Father Speak to Us?” bwa e na buokiia ataei n ataia ae aanga ake e kona iai n taetae te Tamnei ae Raoiroi bon te taetae nakon ara iango ao nanora (Riaona, Maati. 2020, F2–F3).

• Tibwauaa te tai ike e reitaki ma ngkoe te Tamnei ae Raoiroi, ngkana tao rinaon am iango ke te namakin i nanom (taraa Reirei ao Berita aika Tabu 6:22–23; 8:2–3; taraa naba ana marooro Henry B. Eyring, “Open Your Heart to the Holy Ghost,” Riaona, Aokati. 2019, F2–F3). Kaota am koaua bwa te Tamnei ae Raoiroi e kona n buokiia n aron naba anne.

• Buokia ataei ni iangoi taai are a namakina iai te tamnei—te katooto, ngkana a anenea te anene i bukin te Tia Kamaiu ke ngkana a karaoa te bwai ae tamaroa ibukiia tabemwaang. Buokiia n kinaa te namakin n tamnei are e uotia te Tamnei ae Raoiroi. Bukin tera kai te Tamnei ae Raoiroi e anganiira namakin ae aron akanne? Buokiia ataei n iangoi baika ti riai n karaoi bwa ti aonga n ongo ana aetae te Tamnei ae Raoiroi nakoira. Marooroakina te bwai ae ko karaoia n ongo nakon te Tamnei n te aro ae e itiaki.

Te Toa

Ngkana I ana te toa, I uringa ana anganano n Ana mwakuri ni kamaiu te Tia Kamaiu ao ni kabouii au berita.

E anganiira te toa te Tia Kamaiu bwa ti aonga n uringa ana anganano n Ana mwakuri ni kamaiu te Tia Kamaiu ibukira ao kabouii ara berita. Ibukin te otenanti ae katoa wiiki aio, ti kona n reitinako n maiuakinii kakabwaia ake a roko man ara bwabetito inanon maiura ni kabanea.

N reiakina ae bati, taraa Mataio 26:26–30; 3 Nibwaai 18:1–12; Reirei ao Berita aika Tabu 20:77, 79.

Waaki ni Kakukurei aika a Kona ni Karaoaki

• Kaoiia ataei bwa ana karana “Jesus Introduced the Sacrament to the Nephites” inanon Scripture Stories Coloring Book: Book of Mormon (2019), 26. Tuangiia bwa ana kotei bwa tera aia iango aomata ake inanon te tamnei. Warekii nakoia ataei tabeua kiibu man 3 Nibwaai 18:1–12 ke “Mwakoro 45: Jesus Christ Teaches about the Sacrament and Prayer,” Book of Mormon Stories, 126–27, ke tamnei n witeona ChurchofJesusChrist.org. Tera ae ti kona ni karaoia bwa tina uringa Iesu Kristo n tain te toa?

• Tuangiia ataei bwa ana tuangko tabeua bwaai a ana riai n ururinga bwa ana karaoia n taainako, n aron kabaean aia kau ke tebokan baia imwain ae a amwarake. Bukin tera e kakawaki uringakinataakin bwai aikai? Wareka Moronaai 4: 3 nakoia ataei, ao kaoiia bwa ana kakauongo nakon baike ti beritanaki bwa tina uringa ngkana ti anaa te toa. Bukin tera e kakawaki bwa tina uringa Iesu Kristo? Buokiia ataei bwa ana oota bwa e kanga te kariki ma te ran ake n te toa n buokiira n uringnga bwa tera ae ea tia n karaoia i bukira Iesu (taraa Moronaai 4:3; 5:2).

• Koroia iaon te burakibooti “I berita bwa .” Wareka tataron te toa nakoia ataei (taraa Reirei ao Berita aika Tabu 20:77, 79). Ngkana a ongo te berita ae ti karaoia nakon te Atua, tooki ao buokiia n kabwanina te kiibuntaeka iaon te burakibooti ma te berita are a ongo. Buokiia bwa ana oota bwa ngkana ti anaa te toa, ti bon karaoi naba berita ake ti karaoi ngke ti bwabetitooaki.

• Tera ae nanonaki ni katoka iaom aran Iesu Kristo? Bwa ko aonga ni buokiia ataei n kaeka te titiraki aio, tibwauaa te katooto iaon te bwai teuana ae ti katokai arara iaona. Bukin tera ti korei arara iaon bwaai aikai? Bukin tera ngkai Iesu Kristo e tangria ni kan katokaa Arana iaora? Iangoia bwa kona tibwauaa te kabwarabwara mai iroun Beretitenti Russell M. Nelson: “Katokaan aran te Tia Kamaiu iaora bon katanoataan ao te kakoaua nakoia tabeman—n ara mwakuri ao n ara taetae—bwa Iesu bon te Kristo” (“Aran te Ekaretia ae e Eti,” Riaona, Nobembwa. 2018, 88).

Mwaakan te Nakoanibonga, Kariaia ao Kiing

Te Atua e kakabwaiaia Natina rinanon mwaakan te nakoanibonga.

Natin te Atua ni kabane—aine ao mwaane, aika kairake ao a kara—a karekea mwaakan te Atua ngkai a kawakinii aia berita ake a tia ni karaoia ma Ngaia. Ti karaoi berita aika tabu aikai ngkana ti karekei otenanti man te nakoanibonga n aiaron te bwabetito (taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 3.5, ChurchofJesusChrist.org).

N reiakina ae bati, taraa Russell M. Nelson, “Spiritual Treasures,” Riaona, Nobembwa. 2019, 76–79; “Priesthood Principles,” mwakoro 3 n Aeniboki ni Kabuta.

Waaki ni Kakukurei aika a Kona ni Karaoaki

• Buokiia ataei bwa ana kinai kakabwaia ake a karekei ibukin te nakoanibonga. N anganiia iango tabeua, ko kona n kaota te witeo “Blessings of the Priesthood” (ChurchofJesusChrist.org). Iangoia n karinanii kakabwaia aikai iaon te burakibooti. Bukin tera ngkai a kakawaki kakabwaia aikai nakoira? Kakoaua bwa kakabwaia aikai a reke nakoira mai iroun Iesu Kristo ao mwaakan Ana nakoanibonga.

• Koroi atuun maroro aikai iaon te burakibooti: Mwaakan te Atua ao Mwaakan ao ana kariaia te Atua anganaki mwaane iaon te aba. Tuangiia ataei bwa ana kanimii tamnei iaan te moan atuu ni maroro are e na buokiira ni kaotaira bwa e kanga te Atua n kabonganaa mwaakana n kakabwaiaira, n aron karikan te aonnaba, kairiirara ao kawakinara, kaotaana nakoira ae E tangiriira ao E kinaira, ao ongoraeakinan ao kaekaan ara tataro (taraa Gospel Art Book, nambwana. 3, 68, 90, 111). Tuangiia ngkanne bwa ana kanimwii tamnei iaan te kauoua n atuu ni marooro are e na buokiira n oota bwa a kanga mwaane aika a itiaki ke n tau n kabonganaa mwaakan ao ana kariaia te Atua ni kakabwaiaira, te katooto man kakabwaiaiaakiia aoraki, bwabetito, kamatoa, karaoan te toa, ao kabaeakiia utu (taraa Gospel Art Book, nambwa. 46, 104, 105, 107, 120). Tibwauaia bwa bukin tera ngkai ko kakaitau ibukin te nakoanibonga ao te naan kakabwaia ake e uotii.

• Teuana mai ibuakon anga ike ti karekei iai kakabwaia man mwaakan te Atua inanon maiura bon rinanon otenanti man te nakoanibonga (taraa Reirei ao Berita aika Tabu 84:20). Bwa ko aonga ni buokiia ataei bwa ana reiakina te koaua aio, ko konaa n karinanii kiibu aikai iaon te burakibooti: 3 Nibwaai 11:21–26, 33 (bwabetito); Moronaai 2 (kamatoa); Moronaai 4–5 (te toa). Ataei a kona n rinea teuana te kibu n taeka ao n kanikinaea te otenanti are e kabwarabwaraa. Kaoiia ataei bwa a na tibwaia bwa a kanga n tia ni kakabwaiaki man karekean otenanti man te nakoanibonga.

• Buokiia ataei bwa ana oota ae a na karekea te mwaaka mai iroun te Atua ngkai a bwabetitoaki ao n kawakinii aia berita aika tabu inanon te bwabetito. Titirakiniia ataei bwa e na kanga te mwaaka n buokiia.

Ana mwakuri te Atua e bon kairaki man kiiingin te nakoanibonga ao n katiaaki man te kariaiakaki.

Mwaane aika membwa n te Ekaretia ao man tau a kona ni katabuaki nakon ana aobiti te nakoanibonga. Irarikin anne, n te tai are e kakabwaiaaki temanna ao n weteaki nakon nakoana ae e boou ke n katabeaki bwa e na ibuobuoki n ana mwakuri te Atua, te aomata anne e kona ni kaota kamwakuran anganakina te kariaia n te nakoanibonga. Kabonganaan ni kabane kariaiakaki n te nakoanibonga n te Ekaretia e kairaki irouia naake a taui kiingin te nakoanibonga, n aron te beretienti n te titeiki, te bitiobi, ao beretitenti n te kooram. Kiing n te Nakoanibonga bon te kariaia ni babaire ni kabonganaan te nakoanibonga ni karaoan ana mwakuri te Atua.

Waaki ni Kakukurei aika a Kona ni Karaoaki

• Warekia ma ataei Mareko 3:14–15, ao kaotia nakoia te tamnei n te bwaai are e riki ao n kabwarabwaraaki naba ikekei (n aron Gospel Art Book, nambwa. 38). Tuangiia ataei ngkana arona bwa a tia n noora temanna ae e katabuaki nakon te aobiti n nakoanibonga ke tao n angnaki te wewete (ke bon tuangiia ibukin taneiai ake ko a tia n karekei). E kanga n titeboo anne nakon are e karaoia te Tia Kamaiu ao Ana Abotoro? Buokiia ataei n karinanii aobitin te nakoanibonga ke wewete are a kona n anganaki membwa n te Ekaretia, n aron te tia reirei ke te tia kairiiri n te bootaki. Irarikin aobiti ke nakoa ni kabane, ko kona n koreia bwa tera te aobiti ke te wewete are iai te kariaia n karaoia. Tuangiia ataei bwa e kanga te kamatoaaki iroun temanna iaan ana kairiiri kiingin te nakoanibonga e tia ni buokiko n karaoa am beku.

• Buokiia ataei bwa ana iangoa te bwai teuana ae a na kainanoa te kiing ibukina, n aron te kaa ke te mataroa. Tera ae e na rki ngkana arona bwa akea iroum te kiing? Botaki wareka Reirei ao Berita aika Tabu 65:2, ao kaota am koaua iaon kakawakin ae iai kiingin te nakoanibonga iaon te aonnaba. Ko kona naba ni mataku n te witeo “Where Are the Keys?” (ChurchofJesusChrist.org) ao kakaea bwa tera ae e reiakiniira Unimwaane Stevenson iaon kiingin te nakoanibonga.

• Titirakina temanna n te uoote ae e tauii kiing bwa e na roko nakon e kiraati ao n tibwauaia ma ataei tera nanon tauakin kiingin te nakoanibonga. Kaoa bwa e na kabwarabwarai tabena. Tera mwakoron ana mwakuri te Atua ae e kairia? E kanga ni buokia te Tia Kamaiu?

Te Tembora ao te Babaire ni Kakukurei

Te tembora bon Ana auti te Uea.

Tembora bon mwakoron ana babaire Tamara are i Karawa ibukiia Natina. Inanon tembora, ti karaoi berita aika tabu ma Ngaia, ti kakabwaiaaki ma te mwaaka n nakoanibonga, karekei kaotioti, karaoi otenanti ibukiia ara bakatibu ake a tia ni mate, ao n kabaeaki ma ara utu n aki toki. Aikai ni kabane ake a kona n koro nanona ibukin Iesu Kristo ao Ana mwakuri n anganano.

Kona kanga n buokiia ataei ake ko reireiniia n ataa mimitongin Ana auti te Uea ao n katauraoiia bwa ana tau n karaoi otenanti n te tembora? Iangoia ni manga rinanon bwaai n reirei aikai: Reirei ao Berita aika Tabu 97:15–17.; Russell M. Nelson, “Closing Remarks,” Riaona, Nobembwa. 2019, 120–22; “Why Latter-day Saints Build Temples,” temples.ChurchofJesusChrist.org.

Tembora bon mwakoron ana babaire Tamara are i Karawa ibukiia Natina.

Waaki ni Kakukurei aika a Kona ni Karaoaki

• Kaota teuana ke e raka riki tamnein te tembora. Tuangiia ataei bwa tera ae e karika te tembora bwa te tabo ae e onoti. Kamataata ae iaon tembora ni kabane e koreaki ae kangai: “E tabu bwa a na bwai te Uea: Ana Auti te Uea.” Tuangiia ataei bwa tera nanon “E Tabu bwa Ana Bwai te Uea.” Bukin tera kai e aranaki te tembora bwa Ana auti te Uea? Tera ae ti reireinaki n aei ibukin te Tembora? Ngkana iai mai buakoia ataei ae a tia n rin n te tembora, a kona n tibwauaia bwa tera aia namakin ngke a mena ikekei. Ngkana ko a tia n rin n te tembora, tibwauaia bwa ko kanga n namakina tamnein te Uea ikekei, ao maroroakinna bwa bukin tera ngkai te tembora bon te tabo ae tabu nakoim.

• Ikotaki wareka Reirei ao Berita aika Tabu 97:15–17. Tuangkia ataei bwa a na kakaea bwa tera ae e kainanoia te Uea mai irouia ake a rin n Ana auti ae tabu. Bukin tera ti riai n tau bwa ti aonga n rin n Ana auti? Inanon tain te maroro, marooroakinna nakoia ataei taekan te beebwa ni kariaiakaki n rin n te tembora, n ikotaki bwa ko na kanga n karekea. Ko kona n kaoa temanna kaain te bitiobiriki n tibwauaia ma atatei bwa tera aron te intawiu ibukin karekean te beebwa n kariaiakaki n rin n te tebora ao tera titiraki aika a titirakinaki.

Inanon te tembora, ti karaoi berita aika a tabu ma te Atua.

Beretitenti Russell M. Nelson e reirei, “E kaoira Iesu Kristo bwa ti na toua kawain te berita n okira mweengaia ara Karo ake i Karawa ao ni mena irarikiia naake ti tangiriia” (“Come, Follow Me,” Riaona, Meei 2019, 91). Buokia ataei bwa ana oota bwa kawain te berita ae tabu bon te bwabetito, kamatoaaki, ao te entaumente n te tembora ao te kabaeaki.

Waaki ni Kakukurei aika a Kona ni Karaoaki

• Tuangiia ataei bwa ana buokiko n rinanon riki te berita ae tabu are ti karaoia ma te Atua ngkana ti bwabetitoaki ao bwa tina kabooua ngkana ti anaa te toa (taraa Motiaea 18:10; Reirei ao Berita aika Tabu 20:77, 79). Kaota tamnein te tembora nakoia ao kabwarabwaraa ae Tamara are i Karawa e tiraua riki ana kakabwaia are E kan anganiira inanon te tembora.

• Korea te mataroa are e kairiraa nakon te kawai. Tuangiia ataei bukin tera ngkai e ibuobuoki bwa e na iai te kawai ae e na touaki. Uaia n wareka 2 Nibwaai 31:17–20, ike Nibwaai e kabootaua te berita ae tabu nakon te mataroa ao n kaoira bwa tina reitiako iaon te kawai imwiin te bwabetito. A mwaiti riki berita aika tabu ae a na karaoaki imwiin te bwabetito, n ikotaki ma berita aika tabu ake a karaoaki inanon te tembora. Kabwarabwaraa ae Beretitenti Nelson ea tia n arana te kawai aio bwa te “kawai ni berita.”

N te tembora, ti kona ni bwabetitoaki ao ni kamatoaaki ibukiia ara bakatibu ake a tia ni mate.

Ana euangkerio Iesu Kristo e karikia bwa natin te Atua ni kabane bwa ana kona n okiria ni maeka ma Ngaia, e ngae ngkana ko mate n aki ataa te euangkerio. Inanon te tembora, ti kona ni bwabetoaki ao n kamatoaaki ibukiiia membwa n ana Ekaretia Iesu Kristo ao n tei ibukiia.

Waaki ni Kakukurei aika a Kona ni Karaoaki

• Maroroakina te tai ike temanna e karaoa te bwai nakoim ae ko bon aki kona n karaoia ibukim. Kaoia ataei bwa ana tibwai naba aia taneiai ae aekan anne. Kabwarabwaraa bwa ngkana ti nakon te tembora, ti kona n karekei otenanti aika tabu n ai aron te bwabetito ibukiia tabeman ake a tia ni mate. Ti kanga n riki n ai aron Iesu ngkana ti karaoi mwakuri i bukiia maate? Tera ae e a tia ni karaoia te Tia Kamaiu ibukira ae ti aki kona ni karaoia i bon ibukira?

• Kaoiia ataei tabeman ake a tia ni bwabetitoaki bwa a na tibwaua te bwai are a rinanona. Titirakiniia bwa aekara te rin inanon te tembora. Kaungaia bwa ana tibwauaa te namakin ae e roko irouia ngke a karaoa te mwakuri ibukiia ana bakatibu.

• Korea tamnein te aroka iaon te burakibooti, n ikotaki ma wakaana ao mwaangana. Tuangiia ataei bwa ana iangoia bwa e na kanga n kabotaauaki te utu n ai aron te aroka. Arana wakaana bwa Bakatibu, arana mwaangana bwa Kanoara, ao arana biroton te aroka bwa Ngkoe. Uaia n wareka te kibuntaeka aio man Reirei ao Berita aika Tabu 128:18.: “Bwa aki kona ni kakororaoaki n akeaia [ara bakatibu]; ke ana aki kona ni kakororaoaki raoi ngkana aki kakororaoaki iroura.” Maroroakin titiraki n aron aikai: “Bukin tera ngkai ti kainnanoiia ara bakatibu? Bukin tera ngkai a kainanoira kanoara? A kanga n tia ni buokiira ara karo, tibura, ao ara bakatibu?” Kaoiia ataei bwa ana ukora ni kabanea Doctrine and Covenants 128:18 ao n kakaea te kibuntaeka ae e kabwarabwaraa bwa tina kanga n buokiia ara bakatibu.

• Iangoa te mwakuri ma kaaro n kakaea kaka temanna ara bakatibu bwa e na uotia te ataei nakon te tembora (taraa FamilySearch.org).