era vakavulici ira na gonelalai na marama ena rumu ni kalasi ni lotu

iKuri ni iVurevure ena Nodra Vakavulici na Gone

Na veivurevure oqo sa rawa ni kune ena icurucuru ni Gospel Library kei na ChurchofJesusChrist.org.

Lako Mai, Mo Muri Au—Me Baleti Ira na Tamata Yadua kei na Matavuvale

O rawa ni moica na itaviqaravi eso mai na Lako Mai, Mo Muri Au—Me Baleti Ira na Tamata Yadua kei na Matavuvale me vakayagataki ena nomu kalasi ni Lalai. Kakua ni leqataka ke ra sa cakava oti na gone na veitaviqaravi oqo kei na nodra matavuvale ena nodra itikotiko; e dau vukea nodra vuli na gone na kena tokaruataki. Era na rairai via tukuna vei iko na gone na sala era vakayacora kina na itaviqaravi kei na nodra matavuvale kei na ka era sa vulica.

Sere ni Lotu kei na iVolanisere na Gonelalai

Na sereivakatagi tabu e sureta na Yalotabu, vukei keda meda vakila na loloma ni Kalou, ka vakavulica na ivunau ena dua na sala guilecavi dredre. Me ikuri ni kena e tabaki tu ena Sere ni Lotu kei na iVolanisere ni Gonelalai, e rawa ni o kunea na katokatoni ni vidio kei na kena e rogoci ena levu na serenilotu kei na sere ni lalai ena music.ChurchofJesusChrist.org vakakina ena Sacred Music kei na Gospel Media apps.

Me baleta na vakasama eso, raica na “Vakayagataki ni Sereivakatagi me Vakavulici na iVunau” kei na “Vukei ira na Gone me Vulica ka Nanuma na Sere ni Lalai kei na Serenilotu” ena ikuri ni ivakamacala ni ivolavakarau oqo.

Dou Raici Ira na Nomudou Lalai

E vuqa na ulutaga ka tukuni ena Dou Raici Ira na Nomudou Lalai: iVolavakarau ni iSususu e sa tautauvata kei na kena o na vakavulica ena Lalai. Vakauasivi ke o vakavulici ira na gone sobu, navuca ni raica ena ivolavakarau ni isususu me baleta na ikuri ni sere, talanoa, taviqaravi, kei na cakacakaniliga eso.

iTokani

Sa vakarautaka na mekasini na iTokani na italanoa kei na itaviqaravi eso e rawa ni vukea na ivakavuvuli o vakavulica tiko mai na Lako Mai, Mo Muri Au—Me Baleti Ira na Lalai.

Na iTukuni ena Veiyalayalati Vou

Na iTukuni ena Veiyalayalati Vou e rawa ni vukei ira na gone me ra vulica na ivakavuvuli kei na italanoa eso e kune ena Veiyalayalati Vou. Sa rawa talega ni o raica na vidio ni talanoa eso oqo ena icurucuru ni Gospel Library ena GospelMedia.ChurchofJesusChrist.org.

iVola ni Rokarokataki ni Talanoa ni iVolanikalou—Veiyalayalati Vou

E tiko ena ivurevure oqo na tabana ni taviqaravi ni rokarokataki lasa eso e caka me vakatorocaketaka na nodra vulica na gone na Veiyalayalati Vou.

Vidio kei na Droini

Na cakacaka ni liga, vidio, kei na itukutuku vakau tale eso sa rawa ni vukei ira o vakavulica ni kila vakamatata na ivunau ka raitayaloyalotaka na italanoa era semati ki na ivolanikalou. Sikova na Gospel Media ena GospelMedia.ChurchofJesusChrist.org mo raica na veivurevure ni vakauitukutuku umani ni Lotu. Na Gospel Media e tiko talega ena app ni yaya livaliva veikauyaki. E vuqa na ivakatakarakara o rawa ni vakayagataka ena kalasi era kunei ena iVola ni iYaloyalo Vakosipeli.

Veivakavulici ena iVakarau ni iVakabula

Veivakavulici ena iVakarau ni iVakabula e rawa me vukei iko mo vulica ka tutaka na ivakavuvuli eso ni veivakatavulici va-Karisito. Na ivakavuvuli eso oqo e dau veivosakitaki ka taurivaki ena soqoni ni matabose ni qasenivuli.