« ថ្ងៃទី ២៧ ខែធ្នូ-ថ្ងៃទី ២ ខែមករា ម៉ូសេ ១ អ័ប្រាហាំ ៣ ៖ ‹ នេះហើយជាកិច្ចការរបស់យើង និង សិរីល្អរបស់ យើង › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាថ្មី ឆ្នាំ ២០២២ ( ២០២១ )
« ថ្ងៃទី ២៧ ខែធ្នូ-ថ្ងៃទី ២ ខែមករា ម៉ូសេ ១ អ័ប្រាហាំ ៣ ៖ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
ថ្ងៃទី ២៧ ខែ ធ្នូ–ថ្ងៃទី ២ ខែ មករា
ម៉ូសេ ១ ; អ័ប្រាហាំ ៣
« នេះហើយជាកិច្ចការរបស់យើង និងសិរីល្អរបស់យើង »
កាលបងប្អូនអាន នូវអ្វីដែលព្រះបានមានព្រះបន្ទូលទៅកាន់ម៉ូសេ និង អ័ប្រាហាំ សូមគិតអំពីអ្វីដែលទ្រង់អាចនឹងមានព្រះបន្ទូលទៅកាន់កុមារដែលបងប្អូនបង្រៀន ។ តើបងប្អូននឹងជួយឲ្យពួកគេមានអារម្មណ៍នៃសេចក្ដីស្រឡាញ់របស់ទ្រង់ចំពោះពួកគេដោយរបៀបណា ?
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
នៅពេលខ្លះ ចម្រៀងអាចជួយកុមារឲ្យនឹកចាំពីអ្វីដែលពួកគេកំពុងរៀន ។ លេងភ្លេង ឬ គ្រហឹមពីរបីខ្ទង់នៃបទ « ខ្ញុំជាកូនរបស់ព្រះ » ( សៀវភៅចម្រៀងកុមារ ទំព័រ ២ ) ។ ហើយឲ្យកុមារទាយបទចម្រៀងនោះ ។ សូមជួយកុមារឲ្យគិតអំពីរបៀបដែលឳពុកម្តាយរបស់ពួកគេនិងអ្នកផ្សេងទៀត « នាំ [ ពួកគេ ] ដឹក [ ពួកគេ ] និង « ជួយ [ ពួកគេ ] ឲ្យរកផ្លូវ » ។
បង្រៀនគោលលទ្ធិ ៖ កុមារតូចៗ
ខ្ញុំជាកូនរបស់ព្រះ ។
តើបងប្អូនបានរៀនអ្វីខ្លះមកពី ម៉ូសេ ១:១–៤ ,៦ អំពីទំនាក់ទំនងរបស់បងប្អូនជាមួយនឹងព្រះវរបិតាសួគ៌ ? តើអ្នកអាចជួយកុមារឲ្យរៀនអំពីអត្ថន័យដើម្បីក្លាយជាកូនរបស់ព្រះដោយរបៀបណាខ្លះ ?
សកម្មភាពដែលអាចជ្រើសរើស
-
ចូរអានទៅកាន់កុមារនូវអ្វីដែលព្រះមានបន្ទូលទៅកាន់ម៉ូសេ « អ្នកជាបុត្ររបស់យើង » ( ម៉ូសេ ១:៤ ) ។ អញ្ជើញកុមារម្នាក់ឲ្យមកខាងមុខថ្នាក់ហើយសុំឲ្យកុមារទាំងឡាយ ថាតាមបងប្អូន « [ ឈ្មោះកុមារ ] អ្នកជាកូនរបស់ព្រះ ។ សូមអានឃ្លានោះម្តងហើយម្តងទៀតសម្រាប់កុមារម្នាក់ៗក្នុងថ្នាក់ ។
-
សូមបង្ហាញរូបថតរបស់កុមារបីបួននាក់ ហើយសួរកុមារថាតើពួកកុមារទាំងនេះជាកូនរបស់ព្រះដែរឬទេ ។ សូមបញ្ជាក់ថាមនុស្សគ្រប់រូប គឺជាកូនរបស់ព្រះ ។ ចូរឲ្យកុមារផ្លាស់វេនគ្នាមើលទៅក្នុងកញ្ចក់ ហើយថ្លែងទីបន្ទាល់ថា ពួកគេទាំងអស់គ្នាក៏ជាកូនរបស់ព្រះដែរ ។
-
សូមច្រៀងជាមួយកុមារនូវបទ « ខ្ញុំជាកូនរបស់ព្រះ » ( សៀវភៅចម្រៀងកុមារ ទំព័រ ២ ) ។ សូមអញ្ជើញកុមារឲ្យផាត់រូបទំព័រសកម្មភាពនៅក្នុងសប្ដាហ៍នេះ ហើយប្រើវាដើម្បីរំឭកអំពីសេចក្តីពិតដែលចម្រៀងនេះបង្រៀន ។
រូបភាពព្រះយេស៊ូវគ្រីស្ទនៅក្នុងហ្វូងផ្កាយព្រះគ្រីស្ទ និងអង្គបង្កបង្កើត ដោយ រ៉ូប៊ឺត ធី. បារ៉ែត
ខ្ញុំបានរស់នៅជាមួយនឹងព្រះវរបិតាសួគ៌ពីមុនខ្ញុំបានមកចាប់កំណើតម្ល៉េះ ។
ការដឹងអំពីជីវិតមុនឆាកជីវិតនេះអាចបំផុសគំនិតយើងឲ្យធ្វើការជ្រើសរើស ដោយផ្អែកទៅលើ សេចក្តីពិតដ៏អស់កល្បជានិច្ច ។ នៅពេលបងប្អូនសិក្សា អ័ប្រាហាំ ៣:២២–២៨ សូមពិចារណាអំពីរបៀបដែលបងប្អូនបង្រៀនកុមារអំពីអត្តសញ្ញាណដ៏នៅអស់កល្បរបស់ពួកគេ ។
សកម្មភាពដែលអាចជ្រើសរើស
-
ប្រើប្រាស់ « អំពីព្រះគម្ពីរសញ្ញាចាស់ » ( នៅក្នុង ដំណើររឿងព្រះគម្ពីរសញ្ញាចាស់ ) ដើម្បីបង្រៀនកុមារអំពីជីវិតមុនជីវិតនេះ ។ បន្ទាប់មកអញ្ជើញកុមារឲ្យតំណាលរឿងនេះសារឡើងវិញប្រាប់ដល់បងប្អូន ។ ហេតុអ្វីព្រះវរបិតាសួគ៌បញ្ជូនឲ្យយើងមកកាន់ផែនដី ? សូមជួយកុមារឲ្យរកចម្លើយ នៅពេលបងប្អូនអានទៅកាន់ពួកគេ អ័ប្រាហាំ ៣:២៥ ។
-
សូមច្រៀងចម្រៀងមួយជាមួយកុមារអំពីផែនការរបស់ព្រះ សម្រាប់យើង ( ដូចជាបទ « ខ្ញុំនឹងធ្វើតាមផែនការព្រះ » [ សៀវភៅចម្រៀងកុមារទំព័រ ៨៦–៨៧ ] ) ។ សូមជួយពួកគេឲ្យយល់អំពីសេចក្ដីពិតដ៏អស់កល្បដែលបានបង្រៀននៅ ក្នុងទំនុកទាំងនេះ ។
ព្រះវរបិតាសួគ៌សព្វព្រះទ័យឲ្យខ្ញុំត្រឡប់ទៅរស់នៅជាមួយនឹងទ្រង់ម្តងទៀត ។
តើសេចក្ដីពិតនៅក្នុង « ម៉ូសេ ១:៣៩ » ប្រទានពរដល់ជីវិតបងប្អូនយ៉ាងដូចម្ដេច ? តើបងប្អូនអាចធ្វើអ្វីខ្លះដើម្បីជួយដល់កុមារឲ្យទទួលបទពិសោធន៍នៃពរជ័យទាំងនេះដែរ ?
សកម្មភាពដែលអាចជ្រើសរើស
-
ចង្អុលបង្ហាញឃ្លា « នេះហើយជាកិច្ចការរបស់យើង » និង « ជីវិតដ៏នៅអស់កល្បជានិច្ច » ម៉ូសាយ ១:៣៩ ហើយជួយកុមារឲ្យអានឃ្លានេះឡើងវិញ ។ សូមប្រាប់កុមារអំពីកិច្ចការដែលបងប្អូនធ្វើជារៀងរាល់ថ្ងៃ ។ សូមបង្រៀនពួកគេថា កិច្ចការរបស់ព្រះវរបិតាសួគ៌គឺដើម្បីជួយយើងឲ្យទទួលបាននូវជីវិតដ៏នៅអស់កល្បជានិច្ច ដែលវាមានន័យថាគឺការប្រែក្លាយដូចជាទ្រង់ហើយរស់នៅជាមួយនឹងទ្រង់ម្តងទៀត ។
-
សូមអញ្ជើញឳពុកម្តាយមក កាន់ថ្នាក់ ហើយនិយាយអំពីរបៀបដែលគាត់ ទទួលអារម្មណ៍នៅពេលដែលឃើញកូន ត្រឡប់មកផ្ទះវិញបន្ទាប់ពីបានទៅឆ្ងាយមួយរយៈ ( ឧទាហរណ៍ មកពីសាលារៀន ឬមកពីបម្រើបេសកកម្មវិញ )ឬចែកចាយពីអារម្មណ៍ដែលបងប្អូនមាន អំឡុងពេលនៃបទពិសោធន៍ទាំងនេះ ។ សូមប្រើឧទាហរណ៍នេះដើម្បី បង្រៀនដល់កុមារអំពីរបៀបដែលព្រះវរបិតាសួគ៌សព្វព្រះទ័យ ឲ្យយើងម្នាក់ៗត្រឡប់ទៅកាន់ទ្រង់វិញ ។
បង្រៀនគោលលទ្ធិ ៖ កុមារធំៗ
ម៉ូសេ ១:៤, ៣០, ៣៧–៣៩ ; អ័ប្រាហាំ ៣:២២–២៨
ខ្ញុំជាកូនរបស់ព្រះ ហើយទ្រង់សព្វព្រះទ័យដើម្បីជួយខ្ញុំឲ្យត្រឡប់ទៅរកទ្រង់វិញ ។
ម៉ូសេ ១ :៤, ៣៧–៣៩ និង អ័ប្រាហាំ ៣: ២២–២៨ បង្រៀនអំពីសេចក្តីពិតដ៏មានតម្លៃអំពីទំនាក់ទំនងរបស់យើងជាមួយព្រះ និង ព្រះរាជបំណងរបស់ទ្រង់ដែលបញ្ជូនយើងមកកាន់ផែនដី ។ សូមពិចារណាពីរបៀបដែលអ្នកនឹងជួយកុមារឲ្យរៀនអំពីសេចក្តីពិតទាំងនេះ ។
សកម្មភាពដែលអាចជ្រើសរើស
-
សូមអានជាមួយកុមារនៅក្នុង ម៉ូសេ ១ :៤,, ៣៧–៣៩ ; អ័ប្រាហាំ ៣:២៤-២៥ ។ ផ្ដល់ឱកាសឲ្យពួកគេសួរសំណួរនិងចែកចាយព្រះបន្ទូល ឬឃ្លាដែលពួកគេ ពេញចិត្តនៅក្នុងខគម្ពីរទាំងនេះ ។ តើយើងបានរៀនអ្វីខ្លះអំពីព្រះវរបិតាសួគ៌ ? អំពីខ្លួនរបស់យើងចេញពីខគម្ពីទាំងនេះ ?
-
សូមបង្ហាញរូបភាពមួយចំនួនអំពីការបង្កបង្កើតជាច្រើនរបស់ព្រះវរបិតាសួគ៌ដល់កុមារ ។ សូមអាន ម៉ូសេ ១:៣០ រួចហើយពន្យល់ថា ម៉ូសេបានសួរដល់ព្រះអំពីព្រះរាជបំណងនៃការបង្កបង្កើតទាំងនេះ។ សូមជួយកុមារឲ្យស្រាវជ្រាវនៅក្នុង ខទី ៣៩ ដើម្បីស្វែងរកចម្លើយរបស់ព្រះ ។ សូមថ្លែងទីបន្ទាល់ថាព្រះរាជបំណងរបស់ព្រះ គឺដើម្បីជួយកុមារម្នាក់ៗ ឲ្យទទួលបានជីវិតដ៏អស់កល្បជានិច្ច ។
-
សូមជួយកុមារគិតអំពីស្ថានភាព ដែលពួកគេ ត្រូវជ្រើសរើសថា តើត្រូវធ្វើតាមឬមិនត្រូវធ្វើតាម « នឹងប្រព្រឹត្តនូវអ្វីៗគ្រប់យ៉ាង ដែលព្រះអម្ចាស់ដ៏ជាព្រះរបស់ពួកគេនឹងបញ្ជាដល់ពួកគេ » ( អ័ប្រាហាំ ៣:២៥ ) ។ សូមទុកពេលឲ្យពួកគេអនុវត្តន៍ ឬ ពិភាក្សា អំពីអ្វីដែលឆ្លើយតបទៅនឹង ស្ថានភាពទាំងនោះ ។ តើព្រះអង្គសង្គ្រោះអាចជួយយើងនៅពេលយើងជ្រើសរើសខុសដោយរបៀបណា ?
ខ្ញុំអាចទប់ទល់នឹងការល្បួងទាំងឡាយរបស់សាតាំង ។
នៅពេលបងប្អូនសិក្សា ម៉ូសេ ១:១២–២៦ សូមស្វែងរកអ្វីដែលម៉ូសេ បានធ្វើដើម្បីទប់ទល់នឹងសាតាំង ។ តើគំរូរបស់ម៉ូសេអាចជួយដល់កុមារ នៅពេលដែលពួកគេប្រឈមមុខនឹងការល្បួងបានយ៉ាងដូចម្តេច ?
សកម្មភាពដែលអាចជ្រើសរើស
-
សូមសង្ខេបបទពិសោធន៍របស់ម៉ូសេ នៅក្នុង ម៉ូសេ ១:១២–២៦ ដោយសម្ដីរបស់បងប្អូនផ្ទាល់ ឬសុំឲ្យកុមារម្នាក់ធ្វើដូច្នេះ ( សូមមើលវីដេអ៊ូ « I Am a Son of God » [ ChurchofJesusChrist.org ] ) ។ សូមអញ្ជើញកុមារឲ្យស្រាវជ្រាវខគម្ពីរទាំងនេះ ដើម្បីរៀនអំពីរបៀបដែលម៉ូសេ អាចយកឈ្នះលើសាតាំង ។ ( ប្រសិនបើពួកគេត្រូវការជំនួយ សូមចង្អុលបង្ហាញដល់ពួកគេនៅក្នុង ខ ទី ១៣,១៥, ១៨, ២០-២២, ២៦ ។ )
-
សូមនាំយកប្រអប់ឧបករណ៍ ( ឬរូបភាពនៃឧបករណ៍ ) ហើយបិទស្លាកនៅលើឧបករណ៍ទាំងនោះនូវវិធីសាស្ត្រដែលយើងអាចទប់ទល់នឹងការល្បួង ( ដូចជាការអធិស្ឋាន ការច្រៀងទំនុកតម្កើង ការអានព្រះគម្ពីរ ឬការបម្រើអ្នកដទៃ ) ។ ចូលឲ្យកុមារម្នាក់ៗចាប់យកឧបករណ៍មួយរួចហើយនិយាយអំពីស្ថានភាព ដែលសកម្មភាពបានសរសេរលើស្លាកបិទនៅលើឧបករណ៍នោះអាចជួយ យើងទប់ទល់នឹងការល្បួង ។ សូមអាន ខ ទី ២៥–២៦ ជាមួយគ្នាហើយថ្លែងទីបន្ទាល់ថាព្រះនឹងជួយយើងនៅពេលយើងប្រឈមនឹងការល្បួង ។
ខ្ញុំបានរស់នៅជាមួយនឹងព្រះវរបិតាសួគ៌ពីមុនខ្ញុំបានមកចាប់កំណើតម្ល៉េះ ។
ខទាំងនេះពិពណ៌នាអំពីការនិមិត្តរបស់អ័ប្រាហាំ អំពីជីវិតមុនឆាកជីវិតនេះរបស់យើង ដែលអាចជួយកុមារឆ្លើយនឹងសំណួរ « តើខ្ញុំមកពីកន្លែងណា ? » ហើយ « ហេតុអ្វីខ្ញុំនៅទីនេះ ? » តើបងប្អូនអាចជួយពួកគេស្វែងរកចម្លើយដោយរបៀបណា ?
សកម្មភាពដែលអាចជ្រើសរើស
-
សូមសរសេរសំណួរដែលទាក់ទងនៅលើក្តារខៀន អ័ប្រាហាំ ៣:២២–២៨ ដូចជា តើមានអ្វីកើតឡើងចំពោះជីវិតរបស់យើងពីមុនកំណើតនេះ ? តើនរណានៅទីនោះ ? ហេតុអ្វីផែនដីត្រូវបានបង្កើតឡើង ? សូមអញ្ជើញកុមារឲ្យអានខទាំងនេះដើម្បីស្វែងរកចម្លើយ ។
-
បើមានទារកទើបនឹងកើតក្នុងវួដសូមអញ្ជើញឳពុកម្តាយយកមកថ្នាក់ ហើយចែកចាយអារម្មណ៍របស់ពួកគេក្នុងការស្វាគមន៍ទារកនេះចូលមកក្នុងពិភពលោក ។ ( បងប្អូនក៏អាចបង្ហាញរូបថតរបស់ទារកទើបនឹងកើត ) ។ សូមនិយាយជាមួយកុមារអំពីទីកន្លែងដែលវិញ្ញាណរបស់ទារកនេះមកពីណាពីមុនចុះមកកាន់ផែនដីនេះ ។ ហេតុអ្វីក៏វាសំខាន់ចំពោះទារកនេះដើម្បីរៀនថា ពួកគេគឺជាកូនរបស់ព្រះ?
-
សូមច្រៀងចម្រៀងមួយជាមួយកុមារអំពីផែនការរបស់ព្រះសម្រាប់យើងដូចជាបទ « ខ្ញុំដឹងព្រះបិតានៅរស់ »ឬ « ខ្ញុំនឹងធ្វើតាមផែនការព្រះ » ( សៀវភៅចម្រៀងកុមារ ទំព័រ ៧-៨ ,៨៦–៨៧ ) ។ សូមអញ្ជើញកុមារឲ្យគូររូបដែលត្រូវនឹងទំនុកទាំងនោះ ។ ចូរឲ្យពួកគេប្រើរូបរបស់ពួកគេ ដើម្បីបង្រៀនសេចក្តីពិតពីបទចម្រៀងដល់គ្នាទៅវិញទៅមក ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមពិចារណាពីវិធីសាស្រ្តរៀនសូត្រដែលបានបង្កើតនៅក្នុងថ្នាក់អង្គការបឋមសិក្សារបស់បងប្អូនដែលអាចលើកទឹកចិត្ត គាំទ្រ ឬ ពង្រឹងការរៀនសូត្ររបស់កុមារនៅតាមគេហដ្ឋាន ។ ឧទាហរណ៍បងប្អូនអាចអញ្ជើញកុមារចែកចាយទំព័រសកម្មភាពប្រចាំសប្ដាហ៍ជាមួយគ្រួសាររបស់ពួកគេ ។
ការកែលម្អការបង្រៀនរបស់យើង
កុមាររៀនតាមវិធីជាច្រើន ។ កុមារចូលចិត្តការរៀនសូត្រតាមរយៈបទពិសោធន៍ថ្មី និងខុសៗគ្នា ។ សូមប្រើសកម្មភាពនានាដែលអនុញ្ញាតឲ្យពួកគេធ្វើចលនាបានប្រើអស់ទាំងញាណទាំងឡាយរបស់ពួកគេ ហើយសាកល្បងរឿងថ្មីៗ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ២៥–២៦ ) ។