« ថ្ងៃទី ១៧–២៣ ខែ មករា ។ លោកុប្បត្តិ ៥,ម៉ូសេ ៦ ៖ ‹ ចូរបង្រៀនការណ៍ទាំងនេះដោយសេរីដល់កូនចៅអ្នក ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ២០២១ )
« ថ្ងៃទី ១៧–២៣ ខែ មករា ។ លោកុប្បត្តិ ៥,ម៉ូសេ ៦ ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
ប្រសើរជាង ស្ថានបរមសុខ ដោយ ឃេនឌែល រ៉េ ចនសុន
ថ្ងៃទី ១៧–២៣ ខែ មករា
លោកុប្បត្តិ ៥ ម៉ូសេ ៦
« ចូរបង្រៀនការណ៍ទាំងនេះដោយសេរីដល់កូនចៅអ្នក »
ការរៀបចំខ្លួនរបស់បងប្អូនដើម្បីបង្រៀនកាលចាប់ផ្ដើមសិក្សា លោកុប្បត្តិ ៥ និង ម៉ូសេ ៦ ។ នៅ ពេលបងប្អូនធ្វើដូច្នេះ សូមស្តាប់ការបញ្ជាក់ពីព្រះវិញ្ញាណបរិសុទ្ធអំពីអ្វីដែលកុមារត្រូវរៀន ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
នៅលើសន្លឹកក្រដាស សូមសរសេរពាក្យគន្លឺះដែលអាចជួយកុមារ ឲ្យចងចាំអំពីអ្វីដែលពួកគេ បានរៀននៅផ្ទះក្នុងសប្តាហ៍នេះឬនៅក្នុងមេរៀនថ្នាក់អង្គកាបឋមសិក្សាកាលពីមុន ។ ចូរឲ្យកុមារផ្លាស់វេនគ្នាជ្រើសរើសពាក្យដោយចៃដន្យ ។ បន្ទាប់ពីបានជ្រើសរើសពាក្យមួយរួចហើយ សូមឲ្យកុមារណាម្នាក់ចែកចាយពីអ្វីដែលពួកគេបានរៀនដែលទាក់ទងទៅនឹងពាក្យនោះ ។
បង្រៀនគោលលទ្ធិ ៖ កុមារតូចៗ
ព្រះអាចជួយខ្ញុំឲ្យធ្វើកិច្ចការពិបាកៗបាន ។
ពេល ហេណុក ត្រូវបានហៅឲ្យផ្សាយដំណឹងល្អលោកព្រួយបារម្មណ៍ថាលោកនឹងត្រូវបរាជ័យ ។ ប៉ុន្តែព្រះបានជួយលោកធ្វើកិច្ចការដ៏អស្ចារ្យ ។
សកម្មភាពដែលអាចជ្រើសរើស
-
សូមឲ្យកុមារចែកចាយអំពីគ្រាដែលពួកគេត្រូវបានស្នើសុំឲ្យធ្វើអ្វីមួយ ដែលពិបាកឬ គួរឲ្យខ្លាចចំពោះពួកគេ ។ សូមចែកចាយដំណើររឿងនៃការហៅរបស់ហេណុក ដើម្បីធ្វើជាព្យាការី ដែលមាននៅក្នុង ម៉ូសេ ៦:២៧ ,៣១-៣៤ ( សូមមើលផងដែរ « ហេណុកគឺជាព្យាការី » នៅក្នុង ដំណើររឿងព្រះគម្ពីរសញ្ញាចាស់ ) ។ សូមបញ្ជាក់ថាទោះបីជាហេណុកមិនមានអារម្មណ៍ថាបានត្រៀមខ្លួនដើម្បីធ្វើជាព្យាការីក្តីតែព្រះបានសន្យាថានឹងជួយលោក ។ សូមជួយកុមារឲ្យយល់ពីរបៀបមួយចំនួនដែលព្រះជួយយើង នៅពេលយើងត្រូវបានស្នើសុំឲ្យធ្វើកិច្ចការពិបាកៗ ។
ដំណឹងល្អបានបង្រៀនខ្ញុំអំពីរបៀបត្រឡប់ទៅកាន់ព្រះវរបិតាសួគ៌វិញ ។
ព្រះបានបង្រៀនអ័ដាម អំពីអ្វីដែលយើងត្រូវធ្វើ ដើម្បីត្រឡប់ទៅជួបទ្រង់វិញ—ចូរមានសេចក្តីជំនឿ ប្រែចិត្តទទួលបុណ្យជ្រមុជទឹក ហើយទទួលអំណោយទាននៃព្រះវិញ្ញាណបរិសុទ្ធ ។ តើបងប្អូនអាចជួយកុមារឲ្យរៀនសូត្របន្ថែមអំពីការណ៍នេះដោយរបៀបណា ?
សកម្មភាពដែលអាចជ្រើសរើស
-
ស្វែងរកឬ គូររូបភាពតំណាងឲ្យសេចក្តីជំនឿការប្រែចិត្ត ពិធីបុណ្យជ្រមុជទឹក និង អំណោយទាននៃព្រះវិញ្ញាណ ( សូមមើលសកម្មភាពប្រចាំសប្ដាហ៍នេះ ) ។ ដាក់រូបភាពជាជួរ ដែលដឹកនាំ ទៅរករូបភាពរបស់ព្រះ យេស៊ូវគ្រីស្ទ ។ សូមអាន ម៉ូសេ ៦:៥២ ដល់កុមារ ហើយសុំឲ្យពួកគេឈរជិតរូបភាពដែលត្រឹមត្រូវនៅពេលដែលពួកគេឮពាក្យដែលតំណាងឲ្យរូបភាពនោះ ( នៅក្នុងខនេះ ពាក្យ « ជឿ » គឺប្រើសម្រាប់ពាក្យ « សេចក្តីជំនឿ » ) ។
-
ច្រៀងចម្រៀងដែលបង្រៀនគោលការណ៍ក្នុង ម៉ូសេ ៦:៥២ ដូចជាបទ « ជំនឿ » « បិតាសូមជួយកូន » ( វគ្គទី ២ ) « ពេលខ្ញុំបានជ្រមុជទឹក » និង « ព្រះវិញ្ញាណបរិសុទ្ធ » ( សៀវភៅចម្រៀងកុមារ ទំព័រ ៥០–៥១,៥២,៥៣,៥៤ ) ។ សូមជួយកុមារឲ្យយល់ថាការធ្វើអ្វីដែលបានបង្រៀននៅក្នុងចម្រៀង នឹងជួយយើងឲ្យត្រឡប់ទៅរកព្រះវរបិតាសួគ៌វិញ ។
ព្រះវរបិតាសួគ៌ចង់ឲ្យឪពុកម្តាយបង្រៀនដល់កូនៗរបស់ខ្លួន ។
ចាប់តាំងពីជំនាន់របស់លោក អ័ដាម និង នាងអេវ៉ាឪពុកម្តាយត្រូវបានបង្គាប់ឲ្យបង្រៀនដំណឹងល្អដល់កូនៗរបស់ពួកគេ ។ តើបងប្អូនអាចជួយលើកទឹកចិត្តកុមារឲ្យស្តាប់និងដើរតាមការបង្រៀនសុចរិតរបស់ឪពុកម្តាយរបស់ពួកគេយ៉ាងដូចម្តេច ?
សកម្មភាពដែលអាចជ្រើសរើស
-
សូមអាន ម៉ូសេ ៦:៥៨ ដល់កុមារ ហើយបង្ហាញរូបភាពក្រុមគ្រួសាររបស់អ័ដាម និងអេវ៉ានៅក្នុង គម្រោងសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ ។ សូមជួយកុមារឲ្យថាតាមឃ្លា « ចូរបង្រៀនការណ៍ទាំងនេះដោយសេរីដល់កូនចៅរបស់បងប្អូន» ។ សូមពន្យល់ថាព្រះចង់ឲ្យឳពុកម្តាយគ្រប់រូបធ្វើតាមគំរូរបស់ក្រុមគ្រួសារអ័ដាម និងអេវ៉ាដោយការបង្រៀនកូនចៅពួកគេអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។ សូមសួរកុមារពីអ្វីដែលពួកគេអាចធ្វើ នៅពេលឳពុកម្តាយរបស់ពួកគេឬ អ្នកដទៃទៀតបង្រៀនដំណឹងល្អដល់ពួកគេ ។
-
សូមជួយកុមារផ្គូផ្គងរូបថតរបស់ពួកគេជាមួយនិងឳពុកម្តាយរបស់ពួកគេ ឬរូបភាពកូនសត្វតូចៗជាមួយនិងមេរបស់វា ។ តើឳពុកម្តាយអាចជួយកូនរបស់ពួកគេយ៉ាងដូចម្ដេច ? តើពួកគាត់បង្រៀនពួកគេអ្វីខ្លះ ? សុំឲ្យកុមារគូររូបភាពក្រុមគ្រួសាររបស់ពួកគេ នៅពេលដែលឳពុកម្តាយបង្រៀនកូនៗ ដូចជាការអានព្រះគម្ពីរជាមួយគ្នា ការអធិស្ឋានជាមួយគ្នា ឬការបរិភោគអាហារជាមួយគ្នា ។
រូបភាពគ្រួសារកំពុងសិក្សាព្រះគម្ពីរឪពុកម្តាយគួរតែបង្រៀនដំណឹងល្អដល់កូនៗរបស់ពួកគេ ។
បង្រៀនគោលលទ្ធិ ៖ កុមារធំៗ
ព្រះអាចជួយខ្ញុំឲ្យធ្វើកិច្ចការពិបាកៗបាន ។
ទោះបីហេណុកមានអារម្មណ៍ពុំល្អគ្រប់គ្រាន់ក៏ព្រះបានជួយ លោកក្នុងការបំពេញការហៅរបស់លោកជាព្យាការី ។ ព្រះក៏អាចជួយកុមារដែលបងប្អូនបង្រៀនឲ្យធ្វើកិច្ចការពិបាកៗបានផងដែរ ។
សកម្មភាពដែលអាចជ្រើសរើស
-
សូមអាន ម៉ូសេ ៦:២៦–៣៤ជាមួយកុមារ ។ ហេតុអ្វីបានជាហេណុក មានអារម្មណ៍ថា គាត់មិនអាចផ្សាយដំណឹងល្អ ( សូមមើល ម៉ូសេ ៦:៣១ ) ។ តើព្រះបានជួយហេណុកយ៉ាងដូចម្តេចខ្លះ ? ( សូមមើល ម៉ូសេ ៦:៣២–៣៤, ៧:១៣ ) ។
-
សូមអញ្ជើញកុមារឲ្យរៀបរាប់ពីកិច្ចការពិបាកៗដែលកុមារអាយុស្របាលពួកគេពេលខ្លះបានធ្វើ ( ដូចជាការធ្វើលំហាត់មកពីសាលា ធ្វើល្អដាក់នរណាម្នាក់ដែលចិត្តអាក្រក់ ឬនិយាយប្រាប់ការពិត នៅពេលដែលពួកគេធ្វើខុស ) ។ ជួយកុមារស្រាវជ្រាវឃ្លានៅក្នុង ម៉ូសេ ៦:៣២–៣៤ ដែលអាចជួយដល់ពួកគេ ។ សូមឲ្យកុមារចែកចាយពីគ្រាមួយដែលព្រះបានជួយពួកគេធ្វើអ្វីមួយដែលពិបាក ។ សូមចែកចាយបទពិសោធន៍ផ្ទាល់ខ្លួនរបស់បងប្អូនផងដែរ ។
សេចក្តីជំនឿ ការប្រែចិត្តពិធីបុណ្យជ្រមុជទឹក និងពិធីទទួលព្រះវិញ្ញាណបរិសុទ្ធបានរៀបចំឲ្យខ្ញុំត្រឡប់ទៅជួបព្រះ ។
អ័ដាមនិង ហេណុក បានបង្រៀនប្រជាជនរបស់ពួកគេ នូវគោលការណ៍ ទីមួយ និងពិធីបរិសុទ្ធទាំងឡាយនៃដំណឹងល្អ គឺ ៖ សេចក្តីជំនឿ ការប្រែចិត្ត បុណ្យជ្រមុជទឹក និងការទទួលអំណោយទាននៃព្រះវិញ្ញាណបរិសុទ្ធ ( សូមមើលផងដែរ មាត្រានៃសេចក្ដីជំនឿ ១:៤ )។ តើបងប្អូនអាចជួយកុមារឲ្យយល់ពីសារៈសំខាន់នៃគោលការណ៍ និងពិធីបរិសុទ្ធទាំងឡាយនៅក្នុងជីវិតរបស់ពួកគេយ៉ាងដូចម្តេច ?
សកម្មភាពដែលអាចជ្រើសរើស
-
សូមឲ្យកុមារអាន ម៉ូសេ ៦:៥២, ៥៧ ដើម្បីស្វែងរកគោលការណ៍និងពិធីបរិសុទ្ធនៃដំណឹងល្អដែលបានរៀបរាប់នៅក្នុងមាត្រានៃសេចក្តីជំនឿទីបួន ។
-
សូមសរសេរមាត្រានៃសេចក្តីជំនឿទីបួននៅលើក្តារខៀន ហើយអញ្ជើញកុមារឲ្យអានមាត្រានោះ ។ រួចហើយលុបមួយឬ ពីរពាក្យចេញ បន្ទាប់មកសុំឲ្យពួកគេអានម្តងទៀត ដោយបំពេញពាក្យដែលបាត់ពីការចងចាំរបស់ពួកគេ ។ ធ្វើតាមដំណើរការនេះម្ដងហើយម្ដងទៀតរហូតដល់កុមារ បានរៀនពីមាត្រានៃសេចក្ដីជំនឿនេះចាំ ។
-
អញ្ជើញកុមារសរសេរសេចក្តីថ្លែងខ្លីមួយ អំពីសេចក្តីជំនឿការប្រែចិត្ត ពិធីបុណ្យជ្រមុជទឹក ឬពិធីទទួលអំណោយទាននៃព្រះវិញ្ញាណបរិសុទ្ធ—ជាអ្វីមួយដែលពួកគេអាចចែកចាយជាមួយក្រុមគ្រួសាររបស់ពួកគេ ។ រាល់សេចក្តីថ្លែងនិមួយៗរួមបញ្ជូលទាំងព្រះគម្ពីរបទពិសោធន៍ និងទីបន្ទាល់ ។ សេចក្តីថ្លែងក៏អាច ពន្យល់អំពីរបៀបដែលគោលការណ៍អាចជួយយើងឲ្យត្រឡប់ទៅរស់នៅជាមួយព្រះវរបិតាសួគ៌វិញផងដែរ ។
ឪពុកម្តាយទទួលខុសត្រូវក្នុងការបង្រៀនដល់កូនៗរបស់ពួកគេ ។
ព្រះបានទុកព្រះទ័យលើឪពុកម្តាយឲ្យធ្វើជាគ្រូបង្រៀនដំណឹងល្អដំបូងនៅក្នុងក្រុមគ្រួសាររបស់ពួកគេ ។ តើបងប្អូនអាចលើកទឹកចិត្តកុមារឲ្យគាំទ្រតួរនាទីរបស់ឪពុកម្តាយពួកគេយ៉ាងដូចម្តេច ?
សកម្មភាពដែលអាចជ្រើសរើស
-
សូមឲ្យកុមារម្នាក់អាន ម៉ូសេ ៦:៥៨ តើបទបញ្ញត្តិអ្វីដែលព្រះវរបិតាសួគ៌បានប្រទានឲ្យឪពុកម្តាយទាំងឡាយនៅក្នុងខម្ពីរនេះ ? សូមបង្ហាញរូបភាពអ័ដាម និង អេវ៉ា កំពុងបង្រៀនកូនចៅរបស់ពួកគាត់ ( សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ហើយសូមឲ្យកុមារនិយាយអំពីអ្វីដែលពួកគេបានឃើញនៅក្នុងរូបភាពនេះ ។ ចូរលើកទឹកចិត្តដល់ពួកគេឲ្យនិយាយអំពី សារៈសំខាន់នៃសេចក្ដីពិត ដំណឹងល្អដែលពួកគេបានរៀនមកពីក្រុមគ្រួសាររបស់ពួកគេ ។
-
សូមជួយកុមារសរសេរលិខិតអរគុណទៅកាន់ឪពុកម្តាយរបស់ពួកគេ ឬ ដាក់ផែនការសាមញ្ញដើម្បីបង្ហាញការថ្លែងអំណរគុណចំពោះឪពុកម្តាយរបស់ពួកគេ ។ សូមច្រៀងចម្រៀងអំពីក្រុមគ្រួសារដូចជាបទ « យើងនិយាយដោយស្នេហ៍ » ( សៀវភៅចម្រៀងកុមារ ទំព័រ ១០២-១០៣ ) ។ តើយើងអាចជួយឪពុកម្តាយរបស់យើងបង្កើតបរិយាកាសជាទីស្រឡាញ់នៅក្នុងគេហដ្ឋានរបស់យើងដោយរបៀបណា ?
លើកទឹកចិត្តឲ្យមានការរៀនសូត្រនៅឯគេហដ្ឋាន
តើបងប្អូនអាចជួយកុមារឲ្យបន្តរៀនសូត្រនៅក្រៅថ្នាក់ដោយរបៀបណា ? បងប្អូនអាចលើកទឹកចិត្តពួកគេឲ្យចងចាំដំណើររឿងនៃហេណុក នៅពេលដែលពួកគេប្រឈមមុខនឹងអ្វីដែលពិបាកក្នុងសប្តាហ៍នេះ ។
ការកែលម្អការបង្រៀនរបស់យើង
សូមប្រើទំព័រសកម្មភាព ។ ពេលកុមារផាត់ពណ៌ទំព័រសកម្មភាពសូមរំឭកគោលការណ៍នានាចេញពីមេរៀននេះ ។ សូមអាន ពាក្យទាំងឡាយនៅលើទំព័រដល់កុមារ ប្រសិនបើចាំបាច់ ។