« ថ្ងៃទី ២៤-៣០ ខែ មករា ។ ម៉ូសេ ៧ ៖ ‹ ហើយព្រះអម្ចាស់ហៅរាស្រ្តទ្រង់ថា ស៊ីយ៉ូន ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ២០២១ )
« ថ្ងៃទី ២៤-៣០ ខែ មករា ។ ម៉ូសេ ៧ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
ស្រឡាញ់គ្នាទៅវិញទៅមក ដោយ អិមម៉ា ដូណាល់សុន ថៃលើ
ថ្ងៃទី ២៤–៣០ ខែ មករា
ម៉ូសេ ៧
« ព្រះអម្ចាស់ទ្រង់បានហៅរាស្ត្រទ្រង់ថា ស៊ីយ៉ូន »
សូមចាប់ផ្ដើមការរៀបចំមេរៀនរបស់បងប្អូនដោយការអាន ម៉ូសេ ៧ ។ ចូរមកតាមខ្ញុំ—សម្រាប់បុគ្គល និងក្រុមគ្រួសារ អាចជួយបងប្អូនឲ្យយល់ពីជំពូកនេះ ហើយគំនិតខាងក្រោមអាចផ្ដល់គំនិតយោបល់ដល់បងប្អូនអំពីរបៀបដើម្បីបង្រៀនកុមារ ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
សូមទុកពេលឲ្យកុមារពីរបីនាទីរំឭកឡើងវិញជាមួយបងប្អូននូវអ្វីដែលពួកគេបានដឹងអំពីព្យាការីហេណុក—រួមទាំងអ្វីគ្រប់យ៉ាងដែលពួកគេបានរៀននៅក្នុងមេរៀនកាលពីសប្តាហ៍មុន ។ ប្រសិនបើវាមានប្រយោជន៍សូមបង្ហាញរូបភាពមួយមកពី គម្រោងមេរៀនសប្ដាហ៍នេះនៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ ។
បង្រៀនគោលលទ្ធិ ៖ កុមារតូចៗ
ព្រះសព្វព្រះទ័យឲ្យយើងស្រឡាញ់គ្នាទៅវិញទៅមក ។
ខទាំងនេះបានពិពណ៌នាពីចរិតលក្ខណៈនៃប្រជាជននៃក្រុងស៊ីយ៉ូន ។ តើបងប្អូនអាចជួយកុមារឲ្យអភិវឌ្ឍន៍ចរិតលក្ខណៈនេះដោយរបៀបណា ?
សកម្មភាពដែលអាចជ្រើសរើស
-
សូមចែកចាយដំណើររឿងរបស់ហេណុកចេញពី « ហេណុកគឺជាព្យាការី » ( នៅក្នុង ដំណើររឿងព្រះគម្ពីរសញ្ញាចាស់ ) ឬ ឲ្យកុមារប្រាប់ដំណើររឿងជាពាក្យសម្ដីរបស់ពួកគេផ្ទាល់ដោយប្រើរូបភាពរបស់ហេណុក នៅក្នុង គម្រោងសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។ បងប្អូនក៏អាចច្រៀងវគ្គទីពីរជាមួយកុមារនៃបទ « ធ្វើតាមព្យាការី » ( សៀវភៅចម្រៀងកុមារ ទំព័រ ៥៨-៥៩ ) ដើម្បីរំឭកដំណើររឿងឡើងវិញ ។
-
សូមជួយកុមារគិតអំពីសកម្មភាពដែលទាក់ទងនឺងឃ្លា « មានចិត្តតែមួយ និងគំនិតតែមួយ » ( ម៉ូសេ ៧:១៨ ) ។ ចូរពន្យល់ថា ឃ្លានេះមានន័យថា ប្រជាជនហេណុក មានសេចក្តីស្រឡាញ់និងមានចិត្តល្អចំពោះគ្នាទៅវិញទៅមក ។ សូមអញ្ជើញពួកគេឲ្យប្រើទំព័រសកម្មភាពសប្ដាហ៍នេះដើម្បីគូរពីរបៀបដែលពួកគេអាចបង្ហាញសេចក្តីស្រឡាញ់ ។
-
សូមច្រៀងចម្រៀងអំពីសេចក្តីស្រឡាញ់គ្នាទៅវិញទៅមកដូចជាបទ « សេចក្ដីស្រឡាញ់នៅក្នុងផ្ទះ » ( ទំនុកតម្កើង លេខ ១៨២ ) ។ សូមយកព្រះគម្ពីរដែលចង្អុលបង្ហាញពីឃ្លាសំខាន់ៗនៅក្នុងបទចម្រៀង ដើម្បីជួយកុមាររៀនពាក្យទាំងនោះ ។ សូមឲ្យកុមារចែកចាយនូវរបៀបដែលពួកគេអាចបង្ហាញក្ដីស្រឡាញ់ដល់គ្នាទៅវិញទៅមកនៅក្នុងអង្គការបឋមសិក្សានិងនៅក្នុងគេហដ្ឋានរបស់ពួកគេ ។ បន្ទាប់មកឲ្យពួកគេធ្វើ សកម្មភាពតាមគំនិតរបស់ពួកគេ ។
យើងគួរខិតខំដើម្បី « មានចិត្តតែមួយ និងគំនិតតែមួយ » ( ម៉ូសេ ៧:១៨ ) ។
ព្រះមានព្រះទ័យខ្វល់ខ្វាយពីកូនចៅរបស់ទ្រង់ ។
បងប្អូនអាចជួយកុមាររៀនថា ព្រះវរបិតាសួគ៌និងព្រះយេស៊ូវគ្រីស្ទ ខ្វល់ខ្វាយពីយើង និងសកម្មភាពរបស់យើងយ៉ាងខ្លាំង ។
សកម្មភាពដែលអាចជ្រើសរើស
-
សូមជួយកុមារគិតអំពីអ្វីដែលធ្វើឲ្យព្រះវរបិតាសួគ៌សប្បាយព្រះទ័យ ។ សូមអាន ម៉ូសេ ៧:២៨ ជាមួយកុមារនិង ពន្យល់ថា ព្រះវរបិតាសួគ៌ មានទុក្ខព្រួយ ព្រោះតែអំពើទុច្ចរិតរបស់មនុស្ស ( សូមមើល ខ៣២-៣៣ ) ។
-
សូមឲ្យកុមារគូររូបមុខកើតទុក្ខនៅលើផ្នែកម្ខាងនៃក្រដាស ហើយមុខរីករាយនៅលើក្រដាសម្ខាងទៀត ។ រៀបរាប់សកម្មភាពល្អមួយចំនួនដូចជា និយាយពាក្យអធិស្ឋាន និងចំណុចអវិជ្ជមានមួយចំនួនដូចជានិយាយកុហកហើយសុំឲ្យកុមារលើកមុខរីករាយឡើង ឬលើកមុខកើតទុក្ខដើម្បីបង្ហាញអំពីព្រះទ័យរបស់ព្រះរវបិតាសួគ៌និងព្រះយេស៊ូវគ្រីស្ទ ចំពោះជម្រើសនិមួយៗ ។
-
សូមអញ្ជើញកុមារលេងល្បែងដែលពួកគេសម្តែងពីអ្វីមួយដែលធ្វើឲ្យព្រះវរបិតាសួគ៌សព្វព្រះទ័យ ។ សូមឲ្យកុមារផ្សេងទៀតធ្វើការទស្សន៍ទាយនូវអ្វីដែលពួកគេកំពុងធ្វើ ។ សូមចែកចាយជាមួយកុមារម្នាក់ៗនូវអ្វីដែលបងប្អូនបានឃើញ ពួកគេធ្វើ ដែលធ្វើឲ្យព្រះវរបិតាសព្វព្រះទ័យ ។
ព្រះយេស៊ូវ នឹងយាងមកផែនដីម្តងទៀត ។
ហេណុកបានឃើញពួកបរិសុទ្ធថ្ងៃចុងក្រោយ រួមទាំងការយាងមកជាលើកទីពីររបស់ព្រះអង្គសង្គ្រោះនៅក្នងការនិមិត្តរបស់លោក ។ តើបងប្អូនអាចជួយកុមារឲ្យទន្ទឹងរង់ចាំការយាងមកវិញរបស់ព្រះអង្គសង្រ្គោះយ៉ាងដូចម្តេច ?
សកម្មភាពដែលអាចជ្រើសរើស
-
សូមឲ្យកុមារស្រមៃថា មានភ្ញៀវពិសេសកំពុងមកលេងពួកគេ ។ តើពួកគេនឹងធ្វើអ្វីខ្លះដើម្បីរៀបចំសម្រាប់ការមកលេងនោះ ? សូមចែក ចាយព្រះបន្ទូលរបស់ព្រះអម្ចាស់ទៅកាន់ហេណុក នៅក្នុងម៉ូសេ ៧:៦០ « យើង [ នឹង ] យាងមកនៅគ្រាចុងក្រោយបង្អស់ »។ តើវិធីមួយចំនួនដែលយើងអាចរៀបចំសម្រាប់ការយាងមកជាថ្មីម្តងទៀតរបស់ព្រះយេស៊ូវមានអ្វីខ្លះ ?
-
សូមច្រៀងអំពីការយាងមកជាលើកទីពីរ របស់ព្រះអង្គសង្រ្គោះ ដូចជាបទ « ពេលទ្រង់យាងមកម្តងទៀតសៀវភៅចម្រៀងកុមារលេខ ៤៦–៤៧ ) ។ ហើយសួរកុមារអំពីអ្វីដែលពួកគេគិត នៅពេលដែលព្រះយេស៊ូវ យាងមកម្តងទៀត ។
បង្រៀនគោលលទ្ធិ ៖ កុមារធំៗ
យើងអាចរួបរួមគ្នាដូចប្រជាជនស៊ីយ៉ូន ។
នៅពេលបងប្អូនអានអំពីស៊ីយ៉ូន អាចនឹកគិតអំពីឧទាហរណ៍នៃសាមគ្គីភាពដែលបងប្អូនធ្លាប់ឃើញ ។ តើបងប្អូនអាចជួយកុមារឲ្យរៀនរួបរួមគ្នាដូចជាប្រជាជនហេណុកយ៉ាងដូម្តេច ?
សកម្មភាពដែលអាចជ្រើសរើស
-
សូមឲ្យកុមាររកមើលពាក្យដែលពិពណ៌នាអំពីប្រជាជន ហេណុក ដែលត្រូវបានស្គាល់ថាជាស៊ីយ៉ូន កាលពួកគេអាន ម៉ូសេ ៧:១៨ ។ សរសេរពាក្យទាំងនេះជាចំណងជើង នៅខាងលើក្តារខៀន ហើយឲ្យកុមារសរសេរ នៅពីក្រោមចំណងជើងនិមួយៗនូវអ្វីដែលពួកគេអាចធ្វើ ដើម្បីប្រែក្លាយដូចជាប្រជាជន ហេណុក ។ បន្ទាប់ពីពួកគេចែកចាយ សូមសួរកុមារអំពីរបៀបដែលពួកគេអាចធ្វើឲ្យផ្ទះរបស់ពួកគេក្លាយជាស៊ីយ៉ូន ។ ពួកគេក៏អាចរកមើលគំនិតមួយចំនួននៅក្នុង នីហ្វៃទី៤ ១:១៥-១៨ ។
-
សូមឲ្យកុមាររាប់ថាតើពាក្យស៊ីយ៉ូនមានចំនួនប៉ុន្មាន ដងដែលបានលេចឡើងនៅក្នុង ម៉ូសេ ៧:១៨–២១, ៦២–៦៣, ៦៨–៦៩ ។ រាល់ពេលឃើញពាក្យ នោះសូមជួយកុមារយល់ពីអ្វីដែលខគម្ពីរនោះបាននិយាយអំពីស៊ីយ៉ូន ( សូមមើលសេចក្តីណែនាំដល់បទគម្ពីរទាំងឡាយ « ស៊ីយ៉ូន » scriptures.ChurchofJesusChrist.org ) ។ តើយើងអាចប្រែក្លាយកាន់តែដូចជាប្រជាជនដែលបានពិពណ៌នានៅក្នុងខគម្ពីរទាំងនេះយ៉ាងដូចម្ដេច ?
-
សូមប្រើទំព័រសកម្មភាពសប្ដាហ៍នេះ ដើម្បីជួយកុមារឲ្យគិតអំពីរបៀបដែលពួកគេអាច « មានចិត្តតែមួយ និងគំនិតតែមួយ » ( សូមមើល ម៉ូសេ ៧:១៨ ) ។
ព្រះទ្រង់ព្រះកន្សែងដោយសារកូនចៅរបស់ទ្រង់ ។
តើបងប្អូនអាចជួយកុមារឲ្យឃើញថាព្រះមានព្រះទ័យខ្វល់ខ្វាយអំពី យើងនិងសកម្មភាពរបស់យើងដោយរបៀបណា ?
សកម្មភាពដែលអាចជ្រើសរើស
-
សូមសួរកុមារថា តើមូលហេតុអ្វីដែលបណ្តាលឲ្យព្រះទ្រង់ព្រះកន្សែង ( សូមមើល ម៉ូសេ ៧:២៨–៣១ ) ។ សូមឲ្យកុមារស្រាវជ្រាវក្នុង ម៉ូសេ ៧:៣២–៣៣, ៣៧ រកមើលចម្លើយ ។ តើខគម្ពីរនេះបង្រៀនយើងអ្វីខ្លះអំពីព្រះទ័យរបស់ព្រះចំពោះកូនចៅរបស់ទ្រង់ ? តើយើងអាចដឹងថា ព្រះស្រឡាញ់យើងដោយរបៀបណា ? សូមចែកចាយទីបន្ទាល់របស់បងប្អូនអំពីសេចក្តីស្រឡាញ់របស់ព្រះសម្រាប់យើង ។
-
សូមបោះថង់សណ្តែក ឬ បាល់ទៅកុមារម្នាក់ ។ សុំឲ្យគាត់បញ្ចប់ឃ្លា « ខ្ញុំអាចធ្វើឲ្យព្រះសព្វព្រះទ័យដោយ … » ហើយបន្ទាប់មកបោះវត្ថុនោះ ទៅឲ្យកុមារផ្សេងទៀត ។ សូមធ្វើដូចនេះដដែលៗរហូតដល់កុមារគ្រប់គ្នាបានធ្វើ ។
ព្រះយេស៊ូវគ្រីស្ទនឹងយាងមកម្តងទៀតនៅថ្ងៃចុងក្រោយ ។
នៅពេលបងប្អូនអានអំពីការយាងមកជាលើកទីពីរ នៅក្នុង ម៉ូសេ ៧:៦០-៦៧ សូមគិតអំពីរបៀបបង្រៀនកុមារអំពីរឿងនោះក្នុងរបៀបមួយដែលរីករាយ ។
សកម្មភាពដែលអាចជ្រើសរើស
-
សូមអាន ម៉ូសេ ៧:៦០-៦៧ រួមគ្នាហើយជួយកុមារឲ្យយល់អំពីអ្វីដែលព្រះអម្ចាស់មានបន្ទូលថានឹងកើតឡើងនៅថ្ងៃចុងក្រោយ ។ សូមសួរពួកគេពីព្រឹត្តិការណ៍មួយណាដែលពួកគេទន្ទឹងរង់ចាំ និងមូលហេតុអ្វី ។
-
សូមឲ្យកុមារនិយាយអំពីគ្រាមួយដែលពួកគេបានរង់ចាំនរណាម្នាក់មកលេង ឬត្រឡប់មកផ្ទះវិញ ។ តើកុមារមានអារម្មណ៍យ៉ាងណា ? តើពួកគេត្រូវរៀបចំខ្លួនរបៀបណា ? តើយើងអាចរៀបចំខ្លួនដូចម្តេចដើម្បីជួបនឹងព្រះយេស៊ូវម្តងទៀត ?
លើកទឹកចិត្តឲ្យមានការរៀនសូត្រនៅឯគេហដ្ឋាន
តើបងប្អូនអាចលើកទឹកចិត្តកុមារ និងក្រុមគ្រួសាររបស់ពួកគេឲ្យបន្ដរៀនសូត្រពីព្រះគម្ពីរសញ្ញាចាស់នៅតាមគេហដ្ឋានដោយរបៀបណា ? ឧទាហរណ៍ កុមារអាចចែកចាយអ្វីមួយដែលពួកគេបានគូរឬផាត់ពណ៌នៅក្នុងថ្នាក់អង្គការបឋមសិក្សាដែលជាផ្នែកមួយនៃមេរៀនរាត្រីជួបជុំក្រុមគ្រួសារ ។
ការកែលម្អការបង្រៀនរបស់យើង
សូមជួយកុមារឲ្យសកម្មឡើង ។ « នៅពេលបងប្អូនបង្រៀនកុមារតូចៗ សូមអនុញ្ញាតឲ្យពួកគេសង់រូប គូររូបផាត់ពណ៌សរសេរ ហើយបង្កើតអ្វីមួយឡើង ។ រឿងទាំងនេះមានន័យច្រើនជាងសកម្មភាពដ៏សប្បាយរីករាយទៅទៀត—វាមានសារៈសំខាន់ណាស់នៅក្នុងការរៀនសូត្រ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២៥ ) ។