« ថ្ងៃទី ៣១ ខែ មករា–ថ្ងៃទី ៦ ខែ កុម្ភៈ ។ លោកុប្បត្តិ ៦-១១, ម៉ូសេ ៨ ៖ ‹ ណូអេបានប្រកបដោយគុណចំពោះព្រះនេត្រនៃព្រះអម្ចាស់ › » ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាចាស់ឆ្នាំ ២០២២ ( ឆ្នាំ ២០២១ )
« ថ្ងៃទី ៣១ ខែ មករា–ថ្ងៃទី ៦ ខែ កុម្ភៈ ។ លោកុប្បត្តិ ៦–១១ ; ម៉ូសេ ៨ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
រូបគំនូរណូអេកំពុងចេញពីទូក ដោយ សែម ឡយឡ័រ
ថ្ងៃទី ៣១ ខែ មករា –ថ្ងៃទី ៦ ខែ កុម្ភៈ
លោកុប្បត្តិ ៦–១១; ម៉ូសេ ៨
« ណូអេបានប្រកបដោយគុណចំពោះព្រះនេត្រនៃព្រះអម្ចាស់ »
ការរៀនអំពីសត្វពាហៈនៈនៅក្នុងទូករបស់ណូអេ និងកំពូលប៉មបាបិលអាចសប្បាយសម្រាប់កុមារ ។ ប៉ុន្តែសូមចងចាំថាដំណើររឿងទាំងនេះគឺដើម្បីបង្រៀនពីសេចក្តីពិតដ៏អស់កល្បជានិច្ច ។ សូមពិចារណាប្រកបដោយការអធិស្ឋានអំពីសេចក្តីពិតដែលព្រះសព្វព្រះទ័យឲ្យកុមាររៀន ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
ពីមុនបងប្អូនចាប់ផ្ដើមបង្រៀនដំណើររឿងនៅក្នុង លោកុប្បត្តិ ៦–១១ និង ម៉ូសេ ៨ ដល់កុមារ សូមផ្តល់ឱកាសដល់ពួកគេដើម្បីបង្រៀនគ្នាទៅវិញទៅមកអំពីអ្វីដែលពួកគេបានដឹងអំពីណូអេ និងទូក ឬ ប៉ម បាបិល ។
បង្រៀនគោលលទ្ធិ ៖ កុមារតូចៗ
លោកុប្បត្តិ ៦:១៤–២២; ៧–៨; ម៉ូសេ ៨ :១៦–៣០ ។
ការធ្វើតាមព្យាការី នឹងផ្តល់ពរជ័យដល់ខ្ញុំ និងក្រុមគ្រួសាររបស់ខ្ញុំ ។
នៅពេលកុមាររៀនធ្វើតាមព្យាការី នោះពួកគេនឹងទទួលពរជ័យ និងរក្សាវិញ្ញាណឲ្យមានសុវត្ថិភាព គឺដូចជាក្រុមគ្រួសាររបស់ណូអេបានរក្សាឲ្យមានសុវត្ថិភាពពីទឹកជំនន់ដែរ ។
សកម្មភាពដែលអាចជ្រើសរើស
-
នៅក្នុងពាក្យសម្តីរបស់បងប្អុនផ្ទាល់សូមដំណាលប្រាប់រឿង របស់ណូអេ និង ទូក ( សូមមើល « ណូអេ និងគ្រួសាររបស់លោក » នៅក្នុង ដំណើររឿងព្រះគម្ពីរសញ្ញាចាស់ សូមមើលផងដែរ « ធ្វើតាមព្យាការី » សៀវភៅចម្រៀងកុមារ ទព័រ ៥៨–៥៩ វគ្គទី ៣ ) ។ សូមជួយកុមារសម្តែងនូវមួយផ្នែកនានានៃដំណើររឿង—ឧទាហរណ៍តាមរយៈការធ្វើជាប្រើឧបករណ៍សាងសង់ទូក ឬ ធ្វើជាសត្វដើរចូលក្នុងទូក ។
-
សូមអានទៅកាន់កុមារ ម៉ូសេ ៨ :១៩–២០ សូមសង្កត់ធ្ងន់នូវអ្វីដែលព្រះអម្ចាស់បានត្រាស់បង្គាប់ឲ្យណូអេធ្វើ ។ សូមជួយកុមារឲ្យយល់ថា ណូអេគឺជាព្យាការី ហើយថាគ្រួសាររបស់លោកត្រូវបានសង្គ្រោះចេញពីទឹកជំនន់ពីព្រោះពួកគេបានធ្វើតាមតាមទ្រង់ ។ សូមសួរកុមារប្រសិនបើពួកគេដឹងថា តើនរណាជាព្យាការីរបស់យើងនាសព្វថ្ងៃនេះ ។ សូមបង្ហាញរូបភាពរបស់លោកហើយជួយកុមារ ហៅឈ្មោះលោកម្តងទៀត ។
-
នាំយករូបភាពឬ វត្ថុដែលតំណាងឲ្យការបង្រៀនរបស់ព្យាការីបច្ចុប្បន្នមកកាន់ថ្នាក់ ដូចជារូបព្រះគម្ពីរឬ រូបព្រះវិហារបរិសុទ្ធ ។ ចូរឲ្យកុមារផ្លាស់វេនគ្នាជ្រើសរើសវត្ថុមួយ ហើយប្រាប់នូវអ្វីដែលពួកគេបានស្គាល់អំពីវត្ថុនោះ ។ សូមពន្យល់ទៅពួកគេពីអ្វីដែលវត្ថុនោះតំណាងឲ្យ ។ សូមលើកទឹកចិត្តពួកគេឲ្យគូររូបភាពមួយអំពីខ្លួនពួកគេ ដែលគោរពតាមអ្វីដែលព្យាការីបានបង្រៀន ។ ចូរថ្លែងទីបន្ទាល់របស់បងប្អូនអំពីពរជ័យនៃការធ្វើតាមព្យាករី ។
ព្រះនឹងរក្សានូវការសន្យារបស់ទ្រង់ចំពោះយើងជានិច្ច ។
វាសំខាន់ណាស់សម្រាប់កុមារដើម្បីដឹងថា ព្រះរក្សាការសន្យារបស់ទ្រង់ ជា ពិសេសនៅពេលដែលពួកគេរៀបចំធ្វើសេចក្ដីសញ្ញាជាមួយទ្រង់នៅពេលពួកគេទទួលបុណ្យជ្រមុជទឹក ។
សកម្មភាពដែលអាចជ្រើសរើស
-
សូមអញ្ជើញកុមារឲ្យគូររូបឥន្ទធនូ ។ សូមអានទៅកាន់ពួកគេនៅក្នុង លោកុប្បត្តិ ៩:១៥–១៦ ហើយសុំឲ្យពួកគេស្តាប់រកពាក្យ នឹកចាំ ។ សូមឲ្យកុមារលើករូបឥន្ទធនូរបស់ពួកគេឡើងពេលដែលពួកគេឮពាក្យនោះ ។ សូមពន្យល់ថាឥន្ទធនូគឺរំឭកយើងអំពីការសន្យាដែលព្រះបានធ្វើចំពោះយើង ។
-
សូមនិយាយជាមួយកុមារ អំពីការសន្យាមួយចំនួនរបស់ព្រះ —ឧទាហរណ៍ដូចជា យើងអាចត្រឡប់ទៅជួបព្រះវរបិតាសួគ៌វិញ ប្រសិនបើយើង ដើរតាមព្រះយេស៊ូវគ្រីស្ទ ឬព្រះនិងបញ្ជូនព្រះវិញ្ញាណបរិសុទ្ធ ដើម្បីលួងលោមយើង ។ សូមថ្លែងទីបន្ទាល់របស់បងប្អូនថា ព្រះទ្រង់តែងតែរក្សាសេចក្តីសន្យារបស់ទ្រង់ជានិច្ច ។
មានតែការធ្វើតាមព្រះយេស៊ូវ គ្រីស្ទតែប៉ុណ្ណោះទើបអាចទៅស្ថានសួគ៌បាន ។
ប្រជាជន បាបិលបានគិតថាពួកគេអាចទៅកាន់ស្ថានសួគ៌ដោយការសង់ប៉មជាជាងរស់នៅតាមដំណឹងល្អរបស់ព្រះយេស៊ូវគ្រីស្ទ ។ តើបងប្អូនអាចជួយកុមារឲ្យយល់ថា ការដើរតាមព្រះអង្គសង្គ្រោះគឺជាមធ្យោបាយតែមួយគត់ដើម្បីត្រឡប់ទៅកាន់ព្រះវរបិតាសួគ៌វិញដោយរបៀបណា ?
សកម្មភាពដែលអាចជ្រើសរើស
-
ប្រាប់ដំណើររឿងប៉មនៃក្រុងបាបិលដោយសម្តីរបស់បងប្អូនផ្ទាល់ ឬអានដំណើររឿងដែលមាននៅក្នុង « ប៉មនៃក្រុងបាបិល » ( នៅក្នុង ដំណើររឿងព្រះគម្ពីរសញ្ញាចាស់ ) ។ សូមលើកទឹកចិត្តកុមារឲ្យជួយបងប្អូនតាមរយៈការចែកចាយនូវអ្វីដែលពួកគេដឹងអំពីរឿងនេះ ។
រូបភាពផ្ទាំងរូបភាពប៉មបាបិលផ្ទាំងរូបភាពប៉មបាបិលដោយ ដេវីឌ ហ្គ្រីន
-
អនុញ្ញាតឲ្យកុមារសង់សំណង់ប៉មពីដុំប្លុកឬពីវត្ថុផ្សេងទៀត ។ បន្ទាប់មកបង្ហាញរូបភាពមួយរបស់ព្រះអង្គសង្គ្រោះដល់កុមារហើយសួរពួកគេថាតើផ្លូវមួយណាដែលអាចត្រឡប់ទៅកាន់ព្រះវរបិតាសួគ៌វិញ—តាមរយៈការសង់ប៉ម ឬក៏ការធ្វើតាមព្រះយេស៊ូវគ្រីស្ទ ។ សូមអញ្ជើញកុមារឲ្យរៀបរាប់អំពីអ្វីដែលពួកគេអាចធ្វើដើម្បីធ្វើតាមព្រះអង្គសង្គ្រោះ ។
បង្រៀនគោលលទ្ធិ ៖ កុមារធំៗ
លោកុប្បត្តិ ៦:១៤–២២; ៧–៨; ម៉ូសេ ៨ :១៦–៣០
ការធ្វើតាមព្យាការី នឹងផ្តល់ពរជ័យដល់ខ្ញុំ និងក្រុមគ្រួសាររបស់ខ្ញុំ ។
កុមារកំពុងធំឡើងនៅក្នុងពិភពលោកដ៏ទុច្ចរិតមួយ ស្រដៀងគ្នាទៅនឹងរបៀបមួយចំនួននៃពិភពលោកអំឡុងជំនាន់ណូអេ ។ បទពិសោធន៍របស់ណូអេ អាចផ្តល់ទំនុកចិត្តដល់ពួកគេថា ពួកគេអាចស្វែងរកទីសុវត្ថិភាពខាងវិញ្ញាណកាលណាពួកគេធ្វើតាមព្យាការី ។
សកម្មភាពដែលអាចជ្រើសរើស
-
សូមបង្ហាញរូបភាពណូអេ ( សូមមើល សៀវភៅរូបភាពដំណឹងល្អ ល.រ ៧–៨ ) និងរូបព្យាការីបច្ចុប្បន្ន ។ សូមជួយកុមារស្រាវជ្រាវ ម៉ូសេ ៨:១៦, ១៩–២០, ២៣–២៤ ដើម្បីស្វែងរកអ្វីដែលណូអេបានបង្រៀនដែលថ្នាក់ដឹកនាំសាសនាចក្ររបស់យើងនៅតែបង្រៀនរហូតដល់បច្ចុប្បន្ន ។ តើយើងមានពរយ៉ាងណា នៅពេលយើងគោរពតាមការបង្រៀនទាំងនេះ ?
-
សូមចែកចាយអ្វីមួយដែលព្យាការីបច្ចុប្បន្នដែលក្នុងពេលថ្មីៗនេះបានបង្រៀន ។ ចូរសុំឲ្យកុមារម្នាក់ៗសរសេរអ្វីមួយដែលព្យាការីបានបង្រៀននៅលើសន្លឹកក្រដាស ហើយជួយពួកគេបត់ក្រដាសនោះទៅជាទូក ។ តើការបង្រៀនទាំងនេះដូចការសង់ទូករបស់ណូអេដោយរបៀបណា ?
យើងចាំបាច់ត្រូវចងចាំសេចក្តីសញ្ញារបស់យើង ។
នៅពេលយើងទទួលបុណ្យជ្រមុជទឹក នោះយើងធ្វើសេចក្តីសញ្ញាជាមួយព្រះដើម្បីគោរពតាមព្រះបញ្ញត្តិទាំងឡាយរបស់ទ្រង់ ។ នៅក្នុង លោកុប្បត្តិ ៩:១៥–១៧ ឥន្ទនូរគឺតំណាងឲ្យការរំឭកសេចក្តីសញ្ញារបស់ព្រះ ។ ខគម្ពីរនេះអាចបំផុសគំនិតដល់កុមារឲ្យស្វែងរកវិធីចងចាំសេចក្តីសញ្ញារបស់ពួកគេជាមួយព្រះ ។
សកម្មភាពដែលអាចជ្រើសរើស
-
សូមបង្ហាញដល់កុមារនូវអ្វីមួយដែលបងប្អូនមានដែលរំឭកបងប្អូនពីអ្វីមួយដែលសំខាន់នៅក្នុងជីវិតរបស់បងប្អូនដូចជាចិញ្ជៀនរៀបការ រូបថតឬសៀវភៅកំណត់ហេតុមួយ ។ សូមឲ្យកុមារឲ្យចែកចាយឧទាហរណ៍របស់ពួកគេផ្ទាល់ ។ សូមអានរួមគ្នា លោកុប្បត្តិ ៩:១៥–១៧ ( សូមមើលផងដែរនៅក្នុង Joseph Smith Translation, Genesis 9:21–25 [ សេចក្ដីណែនាំដល់បទគម្ពីរទាំងឡាយ ] ) ។ តើព្រះវរបិតាសួគ៌សព្វព្រះទ័យឲ្យយើងគិតអំពីអ្វីខ្លះពេលយើងឃើញឥន្ទនូរ ?
-
សូមរំឭកដល់កុមារពីសេចក្តីសញ្ញាដែលពួកគេបានធ្វើនៅពេលពួកគេទទួលបុណ្យជ្រមុជទឹក និងថាពួកគេបានរំឭកសេចក្តីសញ្ញានោះឡើងវិញរាល់ពេលដែលពួកគេទទួលទានសាក្រាម៉ង់ ( សូមមើល ម៉ូសាយ ១៨:៨-១០, គោលលទ្ធិ និងសេចក្ដីសញ្ញា ២០:៧៧-៧៩) ។ ចូរឲ្យកុមារគូររូបឬបង្កើតអ្វីមួយដើម្បីរំឭកពួកគេអំពីសេចក្តីសញ្ញារបស់ពួកគេ ។
មានផ្លូវតែមួយប៉ុណ្ណោះដែលអាចទៅស្ថានសួគ៌បានគឺការធ្វើតាមព្រះយេស៊ូវ គ្រីស្ទ ។
ខណៈដែលមនុស្សនាសព្វថ្ងៃនេះមិនព្យាយាមសាងសង់ប៉មទៅស្ថានសួគ៌ នោះមានមនុស្សជាច្រើនព្យាយាមស្វែងរកសន្តិភាព និងសុភមង្គល តាមរយៈការដើរតាមផ្លូវផ្សេងទៀតជាជាងផ្លូវរបស់ព្រះយេស៊ូវគ្រីស្ទដែលបានបង្កើតរួចហើយ ។ តើបងប្អុនអាចប្រើប្រាស់ដំណើររឿងនៃប៉មបាបិលដើម្បីបង្រៀនគោលការណ៍នេះយ៉ាងដូម្តេច ?
សកម្មភាពដែលអាចជ្រើសរើស
-
សូមសួរកុមារឲ្យចែកចាយនូវអ្វីដែលពួកគេដឹងអំពីដំណើររឿងនៃប៉មបាបិល ( សូមមើល លោកុប្បត្តិ ១១:១–៩ ) ។ យោងតាម ហេលេមិន ៦:២៨ តើហេតុអ្វីបានជាប្រជាជនបាបិលសាងសង់ប៉មនេះ? ហេតុអ្វីបានជាការសាងសង់ប៉មនេះជាមធ្យោបាយមួយខុសឆ្គងក្នុងការឈោងទៅស្ថានសួគ៌ ។ តើពាក្យទូន្មានអ្វីខ្លះដែលពួកគេនឹងផ្ដល់ឲ្យប្រជាជនបាបិល ?
-
សូមឲ្យកុមារស្រាវជ្រាវក្នុង នីហ្វីទី ២ ៣១:២០-២១ និង ហេលេមិន ៣:២៨ ដើម្បីស្វែងរកផ្លូវដ៏ត្រឹមត្រូវទៅកាន់ស្ថានសួគ៌ ។ សូមថ្លែងទីបន្ទាល់របស់បងប្អូនកអំពីព្រះអង្គសង្គ្រោះ ព្រះយេស៊ូវគ្រីស្ទ ។
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យគិតអំពីរបៀបដែលពួកគេនឹងងបង្រៀនដល់ក្រុមគ្រួសាររបស់ពួកគេអំពីដំណើររឿងដែលគេបានរៀននៅក្នុងថ្នាក់អង្គការបឋមសិក្សា ។ ឧទាហរណ៍ពួកគេអាចប្រើរូបភាពដែលពួកគេគូរឬទំព័រសកម្មភាពប្រចាំសប្ដាហ៍ ។
ការកែលម្អការបង្រៀនរបស់យើង
ព្យាយាមយល់ពីកុមារដែលបងប្អូនបង្រៀន ។ នៅពេលបងប្អូនបង្រៀនកុមារ សូមយកចិត្តទុកដាក់ជាពិសេស ទៅលើសំណួររបស់ពួកគេយោបល់របស់ពួកគេ និងដំណើររឿងឬគោលការណ៍ទាំងឡាយដែលនឹងមានអត្ថន័យចំពោះពួកគេ ។ ការដឹងពីការណ៍ទាំងនេះនឹងជួយបងប្អូនឲ្យផ្តោតយកចិត្តទុកដាក់លើសេចក្តីត្រូវការរបស់ពួកគេ ។