« ថ្ងៃទី ១៤–២០ ខែ កុម្ភៈ ។ លោកុប្បត្តិ ១៨–២៣ ៖ ‹ តើមានការអ្វីដែលព្រះយេហូវ៉ាធ្វើមិនកើតដែរឬអី ? ›ចូរមកតាមខ្ញុំ—សម្រាប់ថ្នាក់បឋមសិក្សា ៖ ព្រះគម្ពីរសញ្ញាចាស់ឆ្នាំ ២០២២ឆ្នាំ ២០២១ )
« ថ្ងៃទី ១៤–២០ ខែ កុម្ភៈ ។ លោកុប្បត្តិ ១៨–២៣ » ចូរមកតាមខ្ញុំ—សម្រាប់ថ្នាក់អង្គការឋមសិក្សា ៖ ឆ្នាំ ២០២២
សារ៉ា និងអ៊ីសាក ដោយ ស្កត ស្នូ
ថ្ងៃទី ១៤–២០ ខែ កុម្ភៈ
លោកុប្បត្តិ ១៨–២៣
« តើមានការអ្វីដែលព្រះយេហូវ៉ាធ្វើមិនកើតដែរឬអី ? »
នៅពេលបងប្អូនស្វែងរកតម្រូវការ របស់កុមារដែលបងប្អូនបង្រៀន សូមពិចារណាលើគំនិតនានានៅក្នុងគម្រោងមេរៀនសម្រាប់ទាំងកុមារធំ និងកុមារតូចៗ ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
ដើម្បីជួយកុមារឲ្យចែកចាយអំពីអ្វីដែលពួកគេបានដឹងរួចហើយអំពី លោកុប្បត្តិ ១៨:២៣ សូមបង្ហាញរូបភាពអំពីព្រឹត្តការណ៍មួយឬច្រើនជាងនោះ ពីជំពូកទាំងនេះ ហើយសុំឲ្យកុមារចែកចាយអំពីអ្វីដែលពួកគេចងចាំអំពីរឿងនោះ ។
បង្រៀនគោលលទ្ធិ ៖ កុមារតូចៗ
ខ្ញុំអាចទុកចិត្តព្រះថាទ្រង់នឹងរក្សាសេចក្តីសន្យារបស់ទ្រង់ ។
ទោះបីជាព្រះបានសន្យានឹង អ័ប្រាហាំ និង សារ៉ាថាពួកលោក នឹងមានកូនប្រុសម្នាក់ នៅពេលដែលពួកគេមានវ័យចំណាស់ទៅក្តីក៏វាហាក់បីដូចជាសេចក្តីសន្យានោះ មិនទំនងជាអាចបំពេញបាន ។ តើបងប្អូនអាចប្រើរឿងនេះដើម្បីជួយកុមារឲ្យមានជំនឿថាព្រះអម្ចាស់នឹងតែងតែរក្សាសេចក្តីសន្យារបស់ទ្រង់ដោយរបៀបណា ?
សកម្មភាពដែលអាចជ្រើសរើស
-
សូមសង្ខេបសេចក្តីសន្យារបស់ព្រះចំពោះអ័ប្រាហាំ និង សារ៉ាថាពួកគេនឹងមានកូនម្នាក់ និងការបំពេញសេចក្តីសន្យានេះ ( សូមមើល លោកុប្បត្តិ ១៧:១៥–១៩; ១៨:៩–១៤; ២១:១–៧ ) ។ ឬក៏សូមអញ្ជើញគូស្វាមីភរិយាមួយគូ ស្លៀកពាក់ដូចជា អ័ប្រាហាំ និង សារ៉ា ហើយដំណាលប្រាប់ដំណើររឿងនេះ ។ សូមជួយកុមារឲ្យយល់ថា អ័ប្រាហាំ និង សារ៉ា គឺបានមានអាយុច្រើនពេក ក្នុងការមានកូន ។ សូមសួរសំណួរទៅកាន់ពួកគេចេញពី លោកុប្បត្តិ ១៨:១៤,៖ « តើមានការអ្វីដែលព្រះយេហូវ៉ាធ្វើមិនកើតដែរឬអី ? » សូមថ្លៃងទីបន្ទាល់ថា ព្រះអម្ចាស់ អាចបំពេញសេចក្តីសន្យារបស់ទ្រង់ ទោះបីវាហាក់បីដូចជាមិនអាចទៅរួចក៏ដោយក្តី ។
-
សូមធ្វើការសន្យាមួយទៅកាន់កុមារថា បងប្អូននឹងបំពេញវានៅចុងបញ្ចប់មេរៀន ( ឧទាហរណ៍ បងប្អូននឹងអនុញ្ញាតិឲ្យគេផាត់ពណ៌រូបភាព ) ។ នៅអំឡុងពេលក្នុងថ្នាក់ សូមរំឭកពួកគេអំពីសេចក្តីសន្យារបស់បងប្អូន ហើយបន្ទាប់មកបំពេញការសន្យានោះ ។ សូមពន្យល់ថាព្រះអម្ចាស់តែងតែគោរពសេចក្តីសន្យារបស់ទ្រង់ជានិច្ច ។
-
សូមឲ្យកុមារចែកចាយអំពីគ្រាមួយ កាលដែលពួកគេត្រូវរង់ចាំអ្វីមួយ ដែលពួកគេពិតជាចង់បាន ។ សូមច្រៀងចម្រៀងដែលថ្លែងទីបន្ទាល់អំពីសេចក្តីសន្យារបស់ព្រះជាមួយកុមារ ដូចជាបទ« រក្សាបទបញ្ញត្តិ » ( សៀវភៅចម្រៀងកុមារ លេខ ៦៨–៦៩ ) ។ សូមជួយកុមារឲ្យស្គាល់អំពីអ្វីដែលព្រះបានសន្យាដល់យើង ប្រសិនបើយើងស្មោះត្រង់ ។
-
សូមបង្ហាញរូបភាពអំពីពិធីបុណ្យជ្រមុជទឹក ឬពិធីសាក្រាម៉ង់ ( សូមមើល សៀវភៅរូបភាពដំណឹងល្អ លេខ ១០៣, ១០៤, ១០៧, ១០៨ ) ។ សូមជួយកុមាររៀនអំពីសេចក្តីសន្យា ដែលយើងបានធ្វើជាមួយព្រះ និងអ្វីដែលព្រះបានសន្យាវិញ នៅពេលដែលយើងបានទទួលពិធីបុណ្យជ្រមុជទឹក និងនៅពេលទទួលទានសាក្រាម៉ង់ ។ ( សូមមើលផងដែរ ពិតចំពោះសេចក្តីជំនឿ ២៣–២៥ ) ។
អ័ប្រាហាំបានគោរពតាមព្រះអម្ចាស់ ។
វាពិតជាមានការពិបាកខ្លាំងណាស់សម្រាប់អ័ប្រាហាំក្នុងការធ្វើតាម បទបញ្ញត្តិរបស់ព្រះឲ្យបូជាកូនប្រុសរបស់លោក ។ សូមពិចារណាអំពីរបៀបមួយដែលត្រឹមត្រូវក្នុងការប្រើប្រាស់រឿងនេះ ដើម្បីលើកទឹកចិត្តកុមារឲ្យគោរពព្រះ ទោះបីជាពេលខ្លះវាពិបាកក្តី ឬពួកគេមិនបានដឹងពីមូលហេតុពេញលេញចំពោះព្រះបញ្ញត្តិទាំងឡាយរបស់ទ្រង់ក្តី ។
សកម្មភាពដែលអាចជ្រើសរើស
-
សូមបង្ហាញរូបភាព អ័ប្រាហាំ និង អ៊ីសាក ( សូមមើល គម្រោងសិក្សាសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ ) ហើយសូមប្រើវាដើម្បីដំណាលប្រាប់រឿងរបស់ អ័ប្រាហាំ និង អ៊ីសាក ( សូមមើលផងដែរ « អ័ប្រាហាំ និង អ៊ីសាក, » នៅក្នុង ដំណើររឿងព្រះគម្ពីរសញ្ញាចាស់ ) ។ សូមបង្ហាញរូបភាព ព្រះយេស៊ូវ គ្រីស្ទ ហើយនិយាយប្រាប់កុមារអំពីដំណើររឿងរបស់អ័ប្រាហាំ និង អ៊ីសាក អាចរំឭកយើងអំពីការបូជារបស់ព្រះវរបិតាសួគ៌ និងព្រះយេស៊ូវ គ្រីស្ទ បានធ្វើសម្រាប់យើងទាំងអស់គ្នា ។
-
សូមលេងល្បែងងាយៗ ដែលតម្រូវឲ្យកុមារធ្វើតាមការណែនាំនានា ។ ឧទាហរណ៍ សេចក្តីណែនាំនោះអាចដឹកនាំទៅរកទិសដៅរូបភាពរបស់ព្រះអង្គសង្គ្រោះ ដែលបានលាក់នៅក្នុងថ្នាក់រៀន ។ តើព្រះវរបិតាសួគ៌ បានសុំឲ្យយើងធ្វើរឿងអ្វីខ្លះ ? សូមជួយកុមារឲ្យយល់ថា ការគោរពតាមបទបញ្ញត្តិទាំងឡាយរបស់ទ្រង់ អាចជួយយើងឲ្យត្រឡប់ទៅរស់នៅជាមួយទ្រង់ និងព្រះយេស៊ូវ គ្រីស្ទម្តងទៀត ។
បង្រៀនគោលលទ្ធិ ៖ កុមារធំៗ
ព្រះអម្ចាស់បានបំពេញសេចក្តីសន្យារបស់ទ្រង់ ទោះបីវាហាក់បីដូចជាមិនអាចទៅរួចក្តី ។
អ័ប្រាហាំ និង សារ៉ា ត្រូវបានប្រាប់ថាពួកគេនឹងមានកូនប្រុសម្នាក់ ប៉ុន្តែវាហាក់បីដូចជាមិនអាចទៅរួច—អ័ប្រាហាំ មានអាយុ ១០០ ឆ្នាំ ហើយ សារ៉ា មានអាយុ ៩០ ឆ្នាំ ( សូមមើល លោកុប្បត្តិ ១៧:១៧ ) ។ ព្រះបានបំពេញសេចក្តីសន្យារបស់ទ្រង់ ហើយដំណើររឿងនេះអាចជួយកុមារដែលបងប្អូនបង្រៀនឲ្យពង្រឹងសេចក្តីជំនឿរបស់ពួកគេទៅលើសេចក្ដីសន្យាទាំងឡាយរបស់ព្រះសម្រាប់ពួកគេ ។
សកម្មភាពដែលអាចជ្រើសរើស
-
សូមសរសេរពាក្យនីមួយៗចេញពីឃ្លាទីមួយនៃ លោកុប្បត្តិ ១៨:១៤ នៅលើក្រដាសមួយសន្លឹក ហើយចែកឲ្យកុមារម្នាក់មួយៗ ។ បន្ទាប់មកសុំឲ្យសិស្សតម្រៀបពាក្យទាំងនោះតាមលំដាប់លំដោយឲ្យបានត្រឹមត្រូវ ។ សូមអាន លោកុប្បត្តិ ១៨:៩–១៤; ២១:១–៧ ជាមួយកុមារដើម្បីស្វែងរកឧទាហរណ៍មួយចេញពីជីវិតរបស់អ័ប្រាហាំ និង សារ៉ា នៅពេលដែលព្រះបានធ្វើអ្វីមួយដែលហាក់ដូចជាមិនអាចទៅរួច ។ តើយើងអាចរៀនអ្វីខ្លះ ចេញពីបទពិសោធន៍របស់អ័ប្រាហាំ និង សារ៉ា ដែលអាចលើកទឹកចិត្តយើង ឲ្យទុកចិត្តទៅលើការសន្យារបស់ព្រះ ?
-
សូមបង្ហាញរូបភាពនៃដំណើររឿងក្នុងព្រះគម្ពីរអំពីអ្វីដែលព្រះបានធ្វើដែលមើលទៅដូចជាមិនអាចធ្វើបាន ឬដែលពិបាក ( ឧទាហរណ៍ សូមមើល សៀវភៅរូបភាពដំណឹងល្អ, លេខ ៧, ៨, ២៥, ២៦ ) ។ សូមអញ្ជើញកុមារឲ្យចែកចាយអំពីអ្វីដែលពួកគេបានដឹងអំពីព្រឹត្តិការណ៍ ដែលបានពិពណ៌នានៅក្នុងរូបភាពនេះ ហើយជួយពួកគេមើលឃើញអំពីរបៀបដែលព្រះអម្ចាស់បានបំពេញសេចក្តីសន្យារបស់ទ្រង់នៅក្នុងឧទាហរណ៍នីមួយៗ ។ សូមចែកចាយអំពីរបៀបដែលព្រះអម្ចាស់រក្សាសេចក្តីសន្យារបស់ទ្រង់ នៅក្នុងជីវិតបងប្អូន ឬនៅក្នុងជីវិតនៃមនុស្សដែលបងប្អូនស្គាល់ ( ឧទាហរណ៍មួយចំនួនអំពីសេចក្តីសន្យារបស់ព្រះអម្ចាស់ សូមមើល ម៉ាឡាគី ៣:១០ , យ៉ូហាន ១៤:២៦–២៧, គោលលទ្ធិ និង សេចក្តីសញ្ញា ៨៩:១៨–២១ ) ។ សូមឲ្យកុមារចែកចាយឧទាហរណ៍ស្រដៀងគ្នាដែលពួកគេដឹង ។
ខ្ញុំអាចភៀសខ្លួនចេញពីអំពើទុច្ចរិត ។
ដំណើររឿងរបស់ ឡុត និងក្រុមគ្រួសាររបស់លោក បានភៀសខ្លួនចេញពីទីក្រុងទុច្ចរិត អាចបំផុសគំនិតកុមារដែលបងប្អូនបង្រៀនឲ្យភៀសខ្លួនចេញពីឥទ្ធិពលអារក្សនៅក្នុងជីវិតរបស់ពួកគេ ។
កំពុងភៀសខ្លួនចេញពី សូដុំម និង កូម៉ូរ៉ា ដោយ ជូលៀស ឆ្នូ វន់ ខារូលស្វីល
សកម្មភាពដែលអាចជ្រើសរើស
-
សូមសង្ខេប លោកុប្បត្តិ ១៩:១៥–២៦ ដោយពន្យល់ថា ក្រុមគ្រួសាររបស់ ឡុត បានរស់នៅក្នុងទីក្រុងមួយដែលទុច្ចរិតបំផុត ហើយទេវតាបានព្រមានឲ្យពួកគេចាកចេញ ។ សូមអាន ខទី ១៥–១៧,២៦ ហើយជួយកុមារឲ្យសញ្ជឹងគិតថាតើវាអាចនឹងមានអត្ថន័យដូចម្តេចសម្រាប់ពួកគេនាសព្វថ្ងៃនេះដើម្បី « គេចចេញ » ពីអារក្ស ហើយ « កុំមើលក្រោយឡើយ » ( ខទី ១៧ ) ។
-
សូមដាក់តាំងរូបភាពនៃព្រះអង្គសង្គ្រោះ ហើយសុំឲ្យកុមារឈានជំហានទៅមុខ នៅពេលពួកគេចែកចាយមួយចំណុច ដែលពួកគេអាចគេចចេញពីអំពើទុច្ចរិត ហើយខិតកាន់តែជិតព្រះគ្រីស្ទ ។
-
សូមពិភាក្សាអំពីស្ថានភាពដែលមិត្តម្នាក់អាចនឹងអញ្ជើញកុមារឲ្យធ្វើអ្វីមួយដែលមិនត្រឹមត្រូវ ។ តើយើងអាច « គេចចេញ » ពីស្ថានភាពទាំងអស់នោះយ៉ាងដូចម្តេច ? តើយើងអាចនឹងនិយាយអ្វីខ្លះទៅកាន់មិត្តរបស់យើង ?
ព្រះវរបិតាសួគ៌បានបញ្ជូនព្រះរាជបុត្រារបស់ទ្រង់មកដែលទ្រង់បានបូជា ជីវិតទ្រង់ផ្ទាល់សម្រាប់យើងទាំងអស់គ្នា ។
នៅពេលបងប្អូនបង្រៀនអំពីឆន្ទៈរបស់អ័ប្រាហាំក្នុងការបូជា អ៊ីសាក សូមយល់ដល់អារម្មណ៍របស់កុមារ ។ សូមប្រើដំណើររឿងនេះជួយកុមារឲ្យពង្រឹងសេចក្តីស្រឡាញ់របស់ពួកគេ និងអបអរចំពោះពលិកម្មរបស់ព្រះអង្គសង្គ្រោះ ។
សកម្មភាពដែលអាចជ្រើសរើស
-
ដើម្បីជួយដល់កុមាររៀនអំពីដំណើររឿងនៅក្នុង លោកុប្បត្តិ ២២:១–១៤ សូមអានខទាំងនេះទៅកាន់ពួកគេ ហើយអញ្ជើញពួកគេគូររូបភាព អំពីអ្វីដែលបងប្អូនកំពុងអាន ។ ហេតុអ្វីព្រះអម្ចាស់ដាក់បញ្ញត្តិឲ្យបូជា អ៊ីសាក ជាអ្វីដែលពិបាកក្នុងការគោរពតាមចំពោះអ័ប្រាហាំ ? តើយើងរៀនអ្វីខ្លះអំពីអ័ប្រាហាំចេញពីដំណើររឿងនេះ ?
-
សូមប្រើរូបភាពរបស់អ័ប្រាហាំ និង អ៊ីសាក និងការឆ្កាង ( សូមមើ សៀវភៅរូបភាពដំណឹងល្អ, លេខ៩, ៥៧ ) ដើម្បីប្រៀបប្រដូចដំណើររឿងនៅក្នុង លោកុប្បត្តិ ២២ ជាមួយនឹងការឆ្កាងរបស់ព្រះអង្គសង្គ្រោះ សូមមើល ម៉ាថាយ ២៧:២៦–៣៧ ) ។ តើយើងអាចរៀនអ្វីខ្លះអំពីព្រះវរបិតាសួគ៌ និងព្រះយេស៊ូវ គ្រីស្ទដែលចេញមកពីដំណើររឿងរបស់អ័ប្រាហាំ និង អ៊ីសាក ហើយនឹងការឆ្កាង ?
-
សូមបង្ហាញវីដែអូ «For God So Loved the World » ( ChurchofJesusChrist.org ) ឬច្រៀងចម្រៀងរួមគ្នាអំពី ការពលិកម្ម របស់ព្រអង្គសង្គ្រោះ ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ២០–២១ ) ។ សូមអញ្ជើញឲ្យកុមារនិយាយអំពីរបៀបដែលពលិកម្មរបស់ព្រះយេស៊ូវ បង្ហាញពីសេចក្តីស្រឡាញ់់របស់ព្រះវរបិតាសួគ៌សម្រាប់យើង ។
សូមលើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យចែកចាយជាមួយគ្រួសាររបស់ពួកគេអំពីគ្រាដែលព្រះប្រទានពរដល់ពួកគេ នៅពេលដែលពួកគេគោរពតាមបទបញ្ញត្តិរបស់ទ្រង់ ។
ការកែលម្អការបង្រៀនរបស់យើង
សូមលើកទឹកចិត្តឲ្យមានគារវភាព ។ បើចាំបាច់នៅក្នុងអំឡុងពេលរៀន បងប្អូនអាចរំឭកកុមារឲ្យមានគារវភាព ។ បងប្អូនអាចច្រៀងដោយស្ងៀមស្ងាត់ ឬគ្រហឹមនូវបទចម្រៀងមួយ ឬតាមរយៈការបង្ហាញរូបភាពព្រះយេស៊ូវ ។