« ថ្ងៃទី ៧–១៣ ខែ កុម្ភៈ ។ លោកុប្បត្តិ ១២–១៧, អ័ហ្រាហាំ ១–២ ៖ ‹ ធ្វើជាអ្នកដើរតាមសេចក្ដីសុចរិតកាន់តែខ្លាំងឡើង › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )

« ថ្ងៃទី ៧–១៣ ខែ កុម្ភៈ ។ លោកុប្បត្តិ ១២-១៧ ; អ័ហ្រាហាំ ១ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២

ការរចនារូបភាពអ័ប្រាហាំ និង សារ៉ា ដោយ ឌីលលីន ម៉ាស

ថ្ងៃទី ៧–១៣ ខែ កុម្ភៈ

លោកុប្បត្តិ ១២–១៧ អ័ប្រាហាំ ១–២

« ធ្វើជាអ្នកដើរតាមសេចក្ដីសុចរិតកាន់តែខ្លាំងឡើង »

សូមចងចាំថាវាមិនចាំបាច់—ឬ ក៏ អាចទៅរួច—ក្នុងការបង្រៀនអ្វីៗ គ្រប់យ៉ាងនៅក្នុង គម្រោងមេរៀននេះ ។ ចូរឲ្យព្រះវិញ្ញាណដឹកនាំបងប្អូនទៅកាន់គោលការណ៍និងសកម្មភាពដែលមានអត្ថន័យបំផុតសម្រាប់កុមារដែលបងប្អូនបង្រៀន ។

កត់ត្រាចំណាប់អារម្មណ៍របស់បងប្អូន

អញ្ជើញឲ្យចែកចាយ

ក្រុមគ្រួសារនៃកុមារដែលបងប្អូនបង្រៀន ក៏ត្រូវបានអញ្ជើញឲ្យរៀនអំពីអ័ប្រាហាំនិង សារ៉ា នៅសប្តាហ៏កន្លងទៅនេះផងដែរ ។ សូមផ្តល់ឱកាសឲ្យកុមារចែកចាយនូវអ្វីមួយដែលពួកគេដឹងអំពីអ័ប្រាហាំឬ សារ៉ា ។

បង្រៀនគោលលទ្ធិ ៖ កុមារតូចៗ

អ័ប្រាហាំ ១:១៨; ២:៨

ព្រះយេស៊ូវគ្រីស្ទអាចដឹកនាំខ្ញុំដោយព្រះហស្ដ ។

អ័ប្រាហាំចង់ធ្វើជាមនុស្សសុចរិត ទោះជាសមាជិកគ្រួសារលោកទុច្ចរិចក្តី ។ ព្រះអម្ចាស់បានមានបន្ទូលទៅលោកថា « យើងនឹងដឹកអ្នកដោយដៃ » ។ ( អ័ប្រាហាំ ១:១៨ ) ។ គឺដូចជាព្រះបានសន្យាជួយដល់ អ័ប្រាហាំដូច្នោះដែរ នោះទ្រង់អាចដឹកនាំកុមារដែលបងប្អូនបង្រៀន នៅពេលដែលពួកគេមានបំណងប្រាថ្នា ជ្រើសរើសផ្លូវត្រូវ ។

សកម្មភាពដែលអាចជ្រើសរើស

សូមអាន ទៅកាន់កុមារអ័ប្រាហាំ ១:១៨ និង ២:៨ហើយអញ្ជើញកុមារឲ្យស្តាប់រកផ្នែកនៃរាងកាយដែលបានរៀបរាប់នៅក្នុងខទាំងពីរនេះ ។ តើមានអារម្មណ៍បែបណាដែរក្នុងការមានព្រះយេស៊ូវគ្រីស្ទដឹកដៃយើង ឬយកព្រះហស្តរបស់ទ្រង់ការពារយើងនោះ ? សូមថ្លែងទីបន្ទាល់ថា ព្រះយេស៊ូវដឹកនាំយើង តាមរយៈព្រះវិញ្ញាណរបស់ទ្រង់ ។
សូមប្រើ « អ័ប្រាហាំ និងសារ៉ា » ( នៅក្នុង ដំណើររឿងព្រះគម្ពីរសញ្ញាចាស់ ) ដើម្បីជួយកុមារយល់ថា មនុស្សនៅជុំវិញអ័ប្រាហាំ បានកំពុងធ្វើអាក្រក់ ប៉ុន្តែអ័ប្រាហាំចង់ធ្វើអ្វីដែលត្រូវ ហើយព្រះអម្ចាស់បានជួយលោក ។ តើព្រះវរបិតាសួគ៌ និងព្រះយេស៊ូវ គ្រីស្ទជួយយើង ដូចម្ដេចនៅពេលយើងព្យាយាមជ្រើសរើសត្រូវនោះ ? សូមច្រៀងចម្រៀងដែលទាក់ទងនឹងគោលការណ៍នេះដូចជាបទ « ប្រាប់ខ្ញុំឲ្យដើរក្នុងពន្លឺ » ( សៀវភៅចម្រៀងកុមារលេខ ៧០ ) ។

លោកុប្បត្តិ ១៣:៥–១២

ខ្ញុំអាចក្លាយជាអ្នកផ្សះផ្សា ។

ពេលពួកគង្វាលអ័ប្រាហាំ និងឡុត ឈ្លោះគ្នាពីរឿងវាលស្មៅរបស់ពួកគេ នោះអ័ប្រាហាំ បានស្នើដំណោះស្រាយមួយ ដែលនាំមកនូវសន្តិភាព ។ បងប្អូនអាចប្រើគំរូនេះ ដើម្បីបំផុសគំនិតដល់កុមារឲ្យក្លាយជាអ្នកផ្សះផ្សា ។

សកម្មភាពដែលអាចជ្រើសរើស

សូមចែកចាយជាមួយកុមារនូវដំណើររឿងមកពី លោកុប្បត្តិ ១៣:៥–១២ ហើយឲ្យពួកគេសម្តែងតាមនោះ ។ សូមឲ្យកុមារប្តូរវេនគ្នាសម្តែងជា អ័ប្រាហាំក្មួយរបស់លោក ឡុត និង ពួកអ្នកគង្វាលម្តងម្នាក់ៗ ។ សូមផ្តល់របៀបដែលពួកគេ អាចធ្វើតាមគំរូនៃការធ្វើជាអ្នកផ្សះផ្សាដូច អ័ប្រាហាំ គឺ ដូចជាការផ្លាស់វេនគ្នាលេងរបស់លេងជាមួយមិត្តភក្តិ ។ សូមអញ្ជើញពួកគេឲ្យសម្តែងតាមគំរូទាំងនេះ ។
សូមអាន ម៉ាថាយ ៥:៩ ហើយពន្យល់ថា ព្រះយេស៊ូវសព្វព្រះទ័យឲ្យយើងធ្វើជាអ្នកផ្សះផ្សា ។ សូមជួយកុមារឲ្យគិតពីអ្វីមួយដែលពួកគេអាចធ្វើដើម្បីក្លាយជាអ្នកផ្សះផ្សា នៅឯគេហដ្ឋាន ឬជាមួយមិត្តភក្តិ ។ សូមអញ្ជើញពួកគេឲ្យគូររូបភាពរបស់ខ្លួនធ្វើជាអ្នកផ្សះផ្សា ។ សូមឲ្យកុមារចែកចាយពីអារម្មណ៍របស់ពួកគេនៅពេលពួកគេធ្វើជាអ្នកផ្សះផ្សាដូចព្រះយេស៊ូវគ្រីស្ទ ។

លោកុប្បត្តិ ១៥:១-៦; ១៧:១–៨; អ័ប្រាហាំ ២:៩–១១

វាសំខាន់ខ្លាំងណាស់ក្នុងការរក្សាសន្យារបស់ខ្ញុំ ។

ការរៀនអំពីសេចក្តីសញ្ញាដែលព្រះបានធ្វើជាមួយអ័ប្រាហាំ និង សារ៉ា អាចជួយកុមារឲ្យយល់ពីអ្វីដែលសំខាន់ក្នុងការរក្សាសេចក្តីសញ្ញា ។ វាអាចជួយពួកគេរៀបចំដើម្បីធ្វើ និងរក្សាសេចក្ដីសញ្ញាទាំងឡាយ ។

សកម្មភាពដែលអាចជ្រើសរើស

សូមសួរកុមារប្រសិនបើពួកគេដឹងថាអ្វីជាសេចក្តីសន្យាឬសេចក្តីសញ្ញា ។ សូមអញ្ជើញពួកគេឲ្យចែកចាយបទពិសោធន៍នៅពេលពួកគេធ្វើការសន្យា ឬនរណាម្នាក់ដែលបានធ្វើការសន្យាដល់ពួកគេ ។ ប្រសិនបើមានប្រយោជន៍ សូមចែកចាយបទពិសោធន៍មួយចំនួនរបស់បងប្អូនផ្ទាល់ ។ សូមជួយកុមារឲ្យយល់ថា អ័ប្រាហាំនិងសារ៉ា បានសន្យាថា នឹងគោរពតាមព្រះ ។ សូមជ្រើសរើសពីរបីឃ្លាមកពី លោកុប្បត្តិ ១៥:១–៦; ១៧:១–៨; អ័ប្រាហាំ ២:៩–១១ ដើម្បីចែកចាយអំពីពរជ័យមួយចំនួនដែលព្រះបានសន្យាដល់ពួកគេ ។ ទាំងនេះអាចរួមបញ្ចូល « អាប់រ៉ាមអើយ៖ កុំឲ្យខ្លាចអ្វីឡើយ អញជាខែល » « ឯងនឹងធ្វើជាឳពុកនៃសាសន៍ជាច្រើន » « គ្រប់ទាំងគ្រួសារនៅផែនដី [នឹង] បានពរដោយសារឯង » ។
តើការសន្យាសាមញ្ញអ្វីខ្លះដែលកុមារគួរធ្វើ និងរក្សាអំឡុងពេលនៅក្នុងថ្នាក់ ? ឧទាហរណ៍ សុំឲ្យពួកគេសន្យាថា អង្គុយនៅនឹងកៅអីរបស់ពួកគេសម្រាប់រយៈពេលពីរបីនាទី ឬ រៀបកៅអីអង្គុយពួកគេទុក នៅពេលថ្នាក់បញ្ចប់ ។ សូមចែកចាយជាមួយពួកគេ នៅគ្រាដែលបងប្អូនបានធ្វើការសន្យាហើយបានរក្សាវា ហើយអញ្ជើញពួកគេឲ្យចែកចាយរាល់បទពិសោធន៍ដែលពួកគេមាន ។ សូមជួយពួកគេឲ្យយល់ថា ពួកគេ នឹងធ្វើសេចក្តីសន្យាជាមួយព្រះវរបិតាសួគ៌ ពេលពួកគេទទួលបុណ្យជ្រមុជទឹក និងនៅពេលពួកគេទៅព្រះវិហារបរិសុទ្ធ ។

បង្រៀនគោលលទ្ធិ ៖ កុមារធំៗ

អ័ប្រាហាំ ១:១២–១៧

ព្រះវរបិតាសួគ៌ព្រះសណ្ដាប់ ហើយឆ្លើយតបរាល់ការអធិស្ឋានរបស់ខ្ញុំ ។

នៅពេលដែលជីវិតរបស់អ័ប្រាហាំស្ថិតនៅក្នុងគ្រោះថ្នាក់លោកបានអំពាវនាវដល់ព្រះ ហើយលោកត្រូវបានសង្គ្រោះ ។ កុមារដែលបងប្អូនបង្រៀនអាចមាននូវបទពិសោធន៍ផ្ទាល់ខ្លួន ជាមួយនឹងការអធិស្ឋានដែលពួកគេអាចចែកចាយ ។

សកម្មភាពដែលអាចជ្រើសរើស

សូមបង្ហាញរូបភាព ទេវតាមួយអង្គសង្គ្រោះអ័ប្រាហាំ ( នៅគេហទំព័រ ChurchofJesusChrist.org ) ហើយអញ្ជើញកុមារឲ្យចែកចាយនូវអ្វីដែលពួកគេបានដឹងអំពីដំណើររឿងដែលបានពណ៌នា រកឃើញនៅក្នុង អ័ប្រាហាំ ១:១២ ,១៥–១៧ ។ ចូរសុំឲ្យកុមារអានខទាំងនេះ ហើយចែកចាយនូវអ្វីៗដែលពួកគេបានរៀនអំពីការអធិស្ឋាន ។
សូមអញ្ជើញកុមារឲ្យចែកចាយបទពិសោធន៍ នៅពេលដែលព្រះវរបិតាសួគ៌បានឆ្លើយតបការអធិស្ឋានរបស់ពួកគេ ហើយចែកចាយបទពិសោធន៏ ផ្ទាល់របស់បងប្អូនផងដែរ ។

លោកុប្បត្តិ ១៣:៥–១២

ខ្ញុំអាចក្លាយជាអ្នកផ្សះផ្សា ។

យើងទាំងអស់គ្នាប្រឈមមុខនឹងស្ថានភាពដែលល្បួងយើងឲ្យប្រែក្លាយជា ថប់បារម្ភ និង ខ្វែងគំនិតគ្នា ។ សូមពិចារណាអំពីដំណើររឿងរបស់អ័ប្រាហាំនិងឡុត ដែលអាចជួយឲ្យកុមារ ប្រែក្លាយជាអ្នកផ្សះផ្សានៅក្នុងស្ថានភាពបែបនោះ ។

សកម្មភាពដែលអាចជ្រើសរើស

សូមជួយកុមារស្វែងរកប្រធានបទ « សេចក្ដី សុខសាន្ត » និង « អ្នកផ្សះផ្សា » នៅក្នុងសេចក្ដីណែនាំដល់បទគម្ពីរទាំងឡាយ (scriptures.ChurchofJesusChrist.org ) ។ សូមឲ្យកុមារម្នាក់ៗជ្រើសយកគម្ពីរមួយអំពីសេចក្តីសុខសាន្ត ហើយចែកចាយពីអ្វីដែលគាត់ឬនាងបានរៀននៅក្នុងថ្នាក់ ។ សូមជួយឲ្យពួកគេគិតអំពីគំរូរបស់ព្រះអង្គសង្គ្រោះក្នុងការធ្វើជាអ្នកផ្សះផ្សាដូចជានៅក្នុង លូកា ២២:៥០-៥១ ។ តើយើងអាចធ្វើតាមគំរូរបស់ទ្រង់យ៉ាងដូចម្ដេច ?

Lot’s Choice, © Providence Collection/licensed from goodsalt.com

លោកុប្បត្តិ ១៧:១–៨ អ័ប្រាហាំ ២:៨–១១

ខ្ញុំអាចរក្សាសេចក្ដីសញ្ញាដែលខ្ញុំបានធ្វើជាមួយព្រះវរបិតាសួគ៌បាន ។

សូមបង្រៀនកុមារអំពីសេចក្តីសញ្ញា ដែលព្រះបានធ្វើជាមួយ អ័ប្រាហាំ និង សារ៉ា អាចជួយពួកគេគិតអំពីសេចក្តីសញ្ញារបស់ពួកគេផ្ទាល់ ។

សកម្មភាពដែលអាចជ្រើសរើស

សូមឲ្យកុមារអាន លោកុប្បត្តិ ១៧:១–៨ និង អ័ប្រាហាំ ២:៨–១១ ហើយធ្វើបញ្ជីពីរ ៖ អំពីអ្វីដែលអ័ប្រាហាំត្រូវបានស្នើឲ្យ ធ្វើ និងអ្វី ដែលព្រះអម្ចាស់បានសន្យាដល់លោកវិញ ។ តើយើងរៀនអ្វីខ្លះអំពីព្រះអម្ចាស់មកពីខគម្ពីរទាំងនេះ ?

លើកទឹកចិត្តឲ្យមានការរៀនសូត្រនៅឯគេហដ្ឋាន

ផ្ញើលិខិតមួយទៅផ្ទះជាមួយកុមារ ដើម្បីលើកទឹកចិត្តសមាជិកគ្រួសាររបស់ពួកគេឲ្យកត់ចំណាំនៅពេលដែលកុមារបានធ្វើជាអ្នកផ្សះផ្សា ជាអ្នករក្សាសេចក្តីសន្យា ឬធ្វើអ្វីផ្សេងទៀតដែលបងប្អូនបាននិយាយនៅក្នុងថ្នាក់ ។

ការកែលម្អការបង្រៀនរបស់យើង

កុមារមានភាពសកម្ម ។ នៅពេលខ្លះកុមារហាក់ដូចជា រពឹស ខ្លាំងរំខានដល់ការសិក្សា ប៉ុន្តែបងប្អូនអាចប្រើ ថាមពលរបស់ពួកគេ ជាផ្នែកមួយនៃការសិក្សារបស់ពួកគេ ។ សូមអញ្ជើញពួកគេសម្តែងរឿង ឬធ្វើសកម្មភាពតាមពាក្យសំដីនៅក្នុងបទចម្រៀង ឬព្រះគម្ពីរ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះទំព័រ ២៥–២៦) ។

ទំព័រសកម្មភាព ៖ វាសំខាន់ខ្លាំងណាស់ក្នុងការរក្សាសេចក្តីសន្យារបស់ខ្ញុំ ។