Նոյը, նրա ընտանիքը, կենդանիները, տապանը և ծիածանը

Նոյը հեռանում է տապանից, Սեմ Լոլոր

Հունվարի 31-ից փետրվարի 6-ը

Ծննդոց 6-11, Մովսես 8

«Նոյը շնորհ գտավ Տիրոջ աչքում»

Երեխաների համար զվարճալի կլինի, երբ նրանք սովորեն Նոյան տապանի կենդանիների և Բաբելոնի բարձր աշտարակի մասին: Բայց հիշեք, որ այս պատմությունները նախատեսված են հավերժական ճշմարտություններ ուսուցանելու համար։ Աղոթքով խորհեք ճշմարտությունների շուրջ, որոնք Աստված ցանկանում է, որ երեխաները սովորեն:

Գրի առեք ձեր տպավորությունները

կիսվելու պատկերակ

Հրավիրեք կիսվել

Նախքան կսկսեք երեխաներին ուսուցանել Ծննդոց 6–11 և Մովսես 8-ի պատմությունները, նրանց հնարավորություն տվեք միմյանց ուսուցանել, թե ինչ գիտենՆոյան տապանի և Բաբելոնի աշտարակի մասին:

ուսուցման պատկերակ

Ուսուցանեք վարդապետությունը. կրտսեր խմբի երեխաներ

Ծննդոց 6.14–22, 7–8, Մովսես 8.16–30

Ես և իմ ընտանիքը կօրհնվենք՝ հետևելով մարգարեին։

Երբ երեխաները սովորեն հետևել մարգարեին, նրանք կօրհնվեն և հոգևորապես անվտանգ կլինեն, ինչպես Նոյի ընտանիքը ապահով փրկվեց ջրհեղեղից:

Հնարավոր վարժություններ

• Ձեր բառերով պատմեք Նոյի և տապանի պատմությունը (տես «Noah and His Family», Old Testament Stories, տես նաև «Follow the Prophet», Children’s Songbook, 110–11, verse 3): Օգնեք երեխաներին բեմականացնել պատմության մասերը, օրինակ՝ ձևացնել, թե օգտագործում են որևէ գործիք՝ կառուցելով տապանը, կամ քայլել այնպես, կարծես կենդանիները մտնում են տապան:

• Երեխաների համար կարդացեք Մովսես 8.19–20, շեշտելով, թե Տերն ինչ պատվիրեց անել Նոյին: Օգնեք երեխաներին հասկանալ, որ Նոյը մարգարե էր, և նրա ընտանիքը փրկվեց ջրհեղեղից, քանի որ նրանք հետևեցին նրան: Հարցրեք երեխաներին, թե արդյո՞ք նրանք գիտեն, թե ով է մեր մարգարեն այսօր: Ցուցադրեք նրա նկարը և օգնեք երեխաներին կրկնել նրա անունը։

• Դասարան բերեք նկարներ կամ առարկաներ, որոնք ներկայացնում են ներկայիս մարգարեի ուսմունքները, ինչպես օրինակ՝ սուրբ գրություններ կամ տաճար: Երեխաները թող հերթով ընտրեն որևէ իր և խոսեն դրա մասին: Նրանց բացատրեք, թե ինչ է ներկայացնում այդ առարկան: Հանձնարարեք նրանց նկարել իրենց նկարը, որտեղ հնազանդվում են մարգարեի ուսուցանածին։ Բերեք ձեր վկայությունը մարգարեին հետևելու օրհնությունների մասին։

Ծննդոց 9.15-16

Աստված կկատարի մեզ տված իր խոստումները։

Կարևոր է, որ երեխաներն իմանան, որ Աստված պահում է Իր խոստումները, հատկապես, երբ նրանք պատրաստվում են մկրտվելիս ուխտեր կապել Նրա հետ։

Հնարավոր վարժություններ

• Խնդրեք երեխաներին նկարել ծիածանի նկարներ: Նրանց համար կարդացեք Ծննդոց 9.15–16-ը և խնդրեք նրանց ուշադրություն դարձնել հիշել բառին: Երեխաներին հրավիրեք բարձր պահել իրենց ծիածանները, երբ լսեն բառը: Բացատրեք, որ ծիածանները հիշեցումներ են այն խոստումների մասին, որոնք Աստված տվել է մեզ:

• Երեխաների հետ խոսեք Աստծո մի քանի խոստումների մասին. օրինակ, որ մենք կարող ենք վերադառնալ Երկնային Հոր մոտ, եթե հետևենք Հիսուս Քրիստոսին կամ, որ Աստված կուղարկի Սուրբ Հոգուն՝ մխիթարելու մեզ: Բերեք ձեր վկայությունը, որ Աստված միշտ պահում է Իր խոստումները:

• Նկարների օգնությամբ պատմեք երեխաներին այն ուխտերի մասին, որոնք մենք կապում ենք Աստծո հետ, օրինակ՝ երեխայի մկրտության նկար, հաղորդության և տաճարի նկար (տես Ավետարանի նկարների գիրք, հ. 104, 108, 120):

Ծննդոց 11․1-9

Երկինք հասնելու միակ ուղին Հիսուս Քրիստոսին հետևելն է:

Բաբելոնի ժողովուրդը կարծում էր, որ կարող է հասնել երկինք՝ ավելի շուտ կառուցելով մի աշտարակ, քան թե ապրելով Հիսուս Քրիստոսի ավետարանով: Ինչպե՞ս կարող եք օգնել երեխաներին հասկանալ, որ Փրկիչին հետևելը միակ ուղին է, որը տանում է դեպի մեր Երկնային Հայրը:

Հնարավոր վարժություններ

• Ձեր բառերով պատմեք Բաբելոնի աշտարակի պատմությունը կամ կարդացեք պատմությունը «The Tower of Babel» (Old Testament Stories): Խրախուսեք երեխաներին օգնել ձեզ, պատմելով այդ պատմության այն, ինչ գիտեն:

  Բաբելոնի աշտարակի նկարը

  Բաբելոնի աշտարակի նկարը, ըստ Դեյվիդ Գրինի

• Երեխաները թող աշտարակ կառուցեն խորանարդիկներից կամ այլ առարկաներից։ Ապա նրանց ցույց տվեք Փրկիչի նկարը և հարցրեք, թե որն է Երկնային Հոր մոտ վերադառնալու ուղին. կառուցել աշտարա՞կ, թե հետևել Հիսուս Քրիստոսին: Հրավիրեք երեխաներին պատմել այնպիսի բաների մասին, որոնք նրանք կարող են անել՝ հետևելու Փրկիչին։

ուսուցման պատկերակ

Ուսուցանեք վարդապետությունը. ավագ խմբի երեխաներ

Ծննդոց 6.14–22, 7–8, Մովսես 8.16–30

Ես և իմ ընտանիքը կօրհնվենք՝ հետևելով մարգարեին։

Երեխաները մեծանում են ամբարիշտ աշխարհում, որը որոշ առումներով նման է Նոյի ժամանակների աշխարհին: Նոյի փորձառությունը կարող է նրանց վստահություն տալ այն մասին, որ նրանք կարող են հոգևոր անվտանգություն գտնել, երբ հետևեն մարգարեին:

Հնարավոր վարժություններ

• Օգնեք երեխաներին ընտրել հատվածներ Ծննդոց 6.14–22, 7–8-ից, որոնք նրանք կկարողանան պատկերել նկարի տեսքով: Օգտագործեք նրանց նկարները, որպեսզի ուսուցանեք Նոյի պատմությունը: Խնդրեք երեխաներին կիսվել, թե ինչ սովորեցին այդ պատմությունից։

• Ցույց տվեք Նոյի նկարը (տես Ավետարանի նկարների գիրք, հ. 7–8) և ներկայիս մարգարեի նկարը: Օգնեք երեխաներին Մովսես 8.16, 19–20, 23–24 հատվածներում գտնել Նոյի ուսուցանածը, որը մեր Եկեղեցու ղեկավարները դեռևս ուսուցանում են մեր օրերում: Մենք ինչպե՞ս ենք օրհնվում, երբ հնազանդվում ենք այս ուսմունքներին:

• Կիսվեք որևէ բանով, որը մեր ապրող մարգարեն ուսուցանել է մեզ վերջերս։ Խնդրեք երեխաներին թերթիկի վրա գրել որևէ բան, որը մարգարեն ուսուցանել է, և օգնեք նրանց թերթիկները դասավորել տապանի ձևով: Այս ուսմունքներն ինչո՞վ են նման Նոյի կառուցած տապանին:

Ծննդոց 9.15–17

Մենք պետք է հիշենք մեր ուխտերը։

Երբ մկրտվում ենք, մենք ուխտեր ենք կապում Աստծո հետ՝ հնազանդվելու Նրա պատվիրաններին: Ծննդոց 9.15–17-ում ծիածանը հիշեցում է Աստծո պատվիրանների մասին: Այս հատվածները կարող են ոգեշնչել երեխաներին ուղիներ փնտրել Աստծո հետ իրենց ուխտերը պահելու համար:

Հնարավոր վարժություններ

• Երեխաներին ցույց տվեք մի իր, որը ձեզ հիշեցնում է կարևոր իրադարձություն ձեր կյանքում, օրինակ՝ ամուսնական մատանի, որևէ նկար կամ օրագիր: Թույլ տվեք երեխաներին կիսվել իրենց օրինակներով: Միասին կարդացեք Ծննդոց 9.15–17 (տես նաև Ջոզեֆ Սմիթ Թարգմանություն, Ծննդոց 9.21–25 [Աստվածաշնչի հավելվածում]): Երկնային Հայրն ինչի՞ մասին է ցանկանում, որ մենք մտածենք, երբ ծիածան ենք տեսնում:

• Երեխաներին հիշեցրեք մկրտության ժամանակ իրենց կապած ուխտերի մասին, որոնք նրանք նորոգում են ամեն անգամ հաղորդություն ընդունելիս (տես Մոսիա 18.8–10, Վարդապետություն և Ուխտեր 20.77, 79): Թող երեխաները նկարեն կամ ստեղծեն ինչ-որ բան, որը նրանց կհիշեցնի իրենց ուխտերի մասին:

Ծննդոց 11․1-9

Երկինք հասնելու միակ ուղին Հիսուս Քրիստոսին հետևելն է:

Չնայած մարդիկ այսօր գուցե չեն փորձում աշտարակ կառուցել երկինք հասնելու համար, շատերը փորձում են խաղաղություն և երջանկություն գտնել՝ հետևելով ուղիների, որոնք տարբերվում են Հիսուս Քրիստոսի հաստատած ուղուց: Ինչպե՞ս կարող եք օգտագործել Բաբելոնի աշտարակի պատմությունը այս սկզբունքն ուսուցանելու համար:

Հնարավոր վարժություններ

• Խնդրեք երեխաներին կիսվել Բաբելոնի աշտարակի պատմության մասին իրենց իմացածով (տես Ծննդոց 11.1–9): Համաձայն Հելաման 6.28-ի, Բաբելոնի ժողովուրդն ինչո՞ւ էր աշտարակ կառուցում: Աշտարակի կառուցումն ինչո՞ւ էր սխալ ուղի երկինք հասնելու համար: Մենք ի՞նչ խորհուրդ կտայինք Բաբելոնի ժողովրդին:

• Հանձնարարեք երեխաներին ուսումնասիրել 2 Նեփի 31.20–21 և Հելաման 3.28-ը, որպեսզի գտնեն երկինք հասնելու ճիշտ ուղին: Բերեք ձեր վկայությունը Փրկիչ Հիսուս Քրիստոսի մասին:

սովորելու պատկերակ

Խրախուսեք տնային ուսումնասիրությունը

Խրախուսեք երեխաներին մտածել եղանակներ, որոնցով իրենց ընտանիքներին կուսուցանեն Երեխաների միությունում իրենց սովորած պատմությունները: Օրինակ, նրանք կարող են օգտագործել իրենց նկարած նկարները կամ այս շաբաթվա գործնական աշխատանքի էջը:

Բարելավել մեր ուսուցումը

Ձգտեք հասկանալ ձեր ուսուցանած երեխաներին։ Ուսուցանելիս ուշադրություն դարձրեք երեխաների հարցերին, մեկնաբանություններին, պատմություններին ու սկզբունքներին, որոնք հատկապես կարևոր են նրանց համար։ Իմանալով դրանք, դուք կկենտրոնանաք նրանց կարիքների վրա։

գործնական աշխատանքի էջ. ես և իմ ընտանիքը կօրհնվենք՝ հետևելով մարգարեին: