Հովսեփը Եգիպտոսից բանտում է

Հովսեփը Եգիպտոսից բանտում է, ըստ Ջեֆ Ուարդի

Մարտի 7-13-ը

Ծննդոց 37-41

«Տերը Հովսեփի հետ էր»

Ձեր դասարանի երեխաները Ծննդոց 37–41 գլուխներից ո՞ր ճշմարտությունները պետք է ավելի լավ հասկանան: Ուշադրություն դարձրեք հուշումներին, որոնք գալիս են ձեր միտքը, երբ պատրաստվում եք ուսուցանել:

Գրի առեք ձեր տպավորությունները

կիսվելու պատկերակ

Հրավիրեք կիսվել

Երեխաներին տվեք մի քանի րոպե, որպեսզի նկարեն այն, ինչ սովորել են ավետարանի մասին տանը կամ եկեղեցում։ Խնդրեք երեխաներին պատմել և խոսել իրենց նկարների մասին:

ուսուցման պատկերակ

Ուսուցանեք վարդապետությունը. կրտսեր խմբի երեխաներ

Ծննդոց 37

Ես կարող եմ բարի լինել իմ ընտանիքի հանդեպ։

Հովսեփի եղբայրները նախանձում էին նրան և չարությամբ վերաբերվում: Ինչպե՞ս կարող եք օգնել երեխաներին հասկանալ ուրիշների, հատկապես ընտանիքի անդամների հանդեպ բարի լինելու կարևորությունը:

Հնարավոր վարժություններ

• Հովսեփի և նրա եղբայրների պատմությունը Ծննդոց 37-ից պատմելու համար կարող եք օգտագործել նկարները Եկ, հետևիր ինձ. Անհատների և ընտանիքների համար ձեռնարկից կամ «Joseph in Egypt» (Old Testament Stories): Երեխաներին թույլ տվեք օգնել՝ կիսվելով մանրամասներով, որոնք նրանք գիտեն պատմության մասին: Տվեք նրանց նմանատիպ հարցեր. «Ինչպե՞ս էր արտահայտվում եղբայրների չարությունը Հովսեփի հանդեպ»: Օգնեք երեխաներին մտածել այն ամենի մասին, ինչ եղբայրները կարող էին անել Հովսեփի հանդեպ սեր ցույց տալու համար: Մենք ի՞նչ պետք է անենք, երբ բարկանում ենք մեր ընտանիքի անդամների վրա:

• Ցույց տվեք ընտանիքի մի նկար (տես Ավետարանի նկարների գիրք, հ. 112) կամ հրավիրեք երեխաներին նկարել իրենց ընտանիքի նկարը: Խնդրեք երեխաներին կիսվել, թե ինչպե՞ս կարող են բարի լինել իրենց ընտանիքի անդամների հանդեպ:

• Միասին երգեք որևէ երգ մեր ընտանքիներին սիրելու մասին, օրինակ՝ «A Happy Family» (Children’s Songbook, 198): Ի՞նչ կարող ենք անել, որպեսզի օգնենք մեր ընտանիքներին երջանիկ լինել:

• Թույլ տվեք երեխաներին գունավորել այս շաբաթվա գործնական աշխատանքի էջը և հատկացված տեղում նկարել ընտանիքի անդամների մի նկար բարի դեմքերով:

Ծննդոց 37.18–28, 39.20–23

Աստված կարող է օգնել ինձ, երբ վատ բաներ պատահեն:

Շատ վատ բաներ պատահեցին Հովսեփի հետ, բայց նա իր ընտրությամբ պահեց պատվիրանները, իսկ Տերը նրա հետ էր: Կրտսեր խմբի երեխաները կարող են սրանից սովորել, որ Աստված ցանկանում է օգնել նրանց իրենց կյանքի դժվարին ժամանակներում:

Հնարավոր վարժություններ

• Նկարագրեք մի քանի դժվարություններ, որոնք պատահեցին Հովսեփի հետ (տես Ծննդոց 37.23–28, 39.20 կամ «Joseph and His Dreams» և «Joseph in Egypt» Old Testament Stories): Երբ երեխաներին պատմեք յուրաքանչյուր դժվարության մասին, որին բախվեց Հովսեփը, խնդրեք նրանց կրկնել. «Տերը Հովսեփի հետ էր» (Ծննդոց 39.2):

• Ցույց տվեք Փրկիչի նկարներ, որտեղ Նա օգնում է մարդկանց, ովքեր բախվում են դժվարությունների հետ (տես Ավետարանի նկարների գիրք, հ. 40–43): Խնդրեք երեխաներին պատմել, թե Փրկիչն ինչպես էր օգնում մարդկանց: Բերեք ձեր վկայությունը, որ Տերը կարող է օգնել մեզ, երբ մեզ հետ վատ բաներ են պատահում։

• Միասին երգեք մի երգ Փրկիչի հոգացող սիրո մասին, օրինակ՝ «Jesus Is Our Loving Friend» (Children’s Songbook, 58): Կիսվեք որևէ վկայությամբ, երբ զգացել եք Աստծո սերը դժվարին իրավիճակում։ Ցույց տվեք Հիսուսի նկարը և խնդրեք երեխաներին կիսվել Նրա հանդեպ իրենց վերաբերմունքով:

Ծննդոց 41․15-36, 47-57

Աստված նախազգուշացնում է ինձ վտանգի մասին։

Աստված օգնեց Հովսեփին հասկանալ, որ Փարավոնի երազները նախազգուշացնում էին պատրաստվել ապագա դժվարին ժամանակներին: Օգնեք երեխաներին հասկանալ, որ Աստված կարող է զգուշացնել նրանց վտանգի մասին, ներառյալ՝ հոգևոր վտանգների մասին:

Հովսեփը բանտում մեկնաբանում է երազները

Հովսեփը մեկնաբանում է մատռվակի և հացագործի երազները, ըստ Ֆրանցիսկոս Գերարդի

Հնարավոր վարժություններ

• Սենյակում տեղադրեք ուտելիքների նկարներ և խնդրեք երեխաներին հավաքել ու «պահեստավորել» դրանք տարայի մեջ: Այս վարժության միջոցով պատմեք երեխաներին, թե Աստված ինչպես զգուշացրեք Փարավոնին պատրաստվել այն ժամանակների համար, երբ ուտելիք չէր լինելու (տես Ծննդոց 41.15–36, 47–57): Հրավիրեք երեխաներին նկարել նկարները այն բաների, որոնք Փարավոնը տեսել էր երազում, իսկ հետո օգտագործել իրենց նկարները՝ ուսուցանելով իրենց ընտանիքներին։

• Ցույց տվեք ներկայիս մարգարեի նկարը: Երեխաներին պատմեք այն ուսմունքների և նախազգուշացումների մասին, որոնք Աստված նրա միջոցով տվել է մեզ։ Բացատրեք, որ երբ հետևենք ապրող մարգարեին, մենք կօրհնվենք և պաշտպանված կլինենք: Հրավիրեք երեխաներին դերախաղով ցույց տալ այն ամենը, ինչ նրանք կարող են անել՝ մարգարեի խորհրդին հետևելու համար։

ուսուցման պատկերակ

Ուսուցանեք վարդապետությունը. ավագ խմբի երեխաներ

Ծննդոց 39․1-3, 20-23, 41.38

Եթե ես հավատարիմ եմ, Աստված կօգնի ինձ դժվարին ժամանակներում։

Թեպետ Հովսեփը շատ դժվարին փորձություններ ունեցավ, սակայն նա հավատարիմ մնաց, և «Եհովան նորա հետ էր» (Ծննդոց 39.3): Հովսեփի փորձառությունները կարող են օգնել երեխաներին վստահ լինել, որ Աստված կօգնի իրենց փորձությունների ժամանակ։

Հնարավոր վարժություններ

• Խնդրեք երեխաներին գտնել բառեր և արտահայտություններ Ծննդոց 39.1–3, 20–23, 41.38 հատվածներում, որոնք ցույց են տալիս, որ Աստված Հովսեփի հետ էր նրա դժվարին ժամանակներում: Հնարավորության դեպքում խնդրեք երեխաներին մի փոքրիկ նշան պատրաստել, որը ցուցադրում է նրանց գտած արտահայտություններից մեկը: Խրախուսեք նրանց իրենց նշանները տանել տուն, որոնք կհիշեցնեն նրանց, որ Տերը իրենց հետ կլինի փորձությունների ժամանակ:

• Խնդրեք երեխաներին կիսվել, թե իրենց կարծիքով, ինչ է նշանակում «Եհովան Հովսեփի հետ էր» արտահայտությունը (Ծննդոց 39.2): Հրավիրեք ուսանողներին կիսվել փորձառություններով, երբ նրանք զգացել են, որ Տերը իրենց և իրենց ընտանիքների հետ էր դժվարին ժամանակներում: Կիսվեք ձեր կյանքի նմանատիպ փորձառություններով:

Ծննդոց 37․3-28

Ես կարող եմ երջանիկ լինել, երբ լավ բաներ են պատահում ուրիշների հետ։

Նախանձը առաջնորդեց Հովսեփի եղբայրներին սարսափելի ընտրություններ կատարել: Նրանց սխալ ընտրությունները վնասեցին Հովսեփին և շատ մեծ վիշտ պատճառեցին իրենց հորը: Այս պատմությունը կօգնի երեխաներին երջանիկ լինել, երբ ուրիշներն օրհնվեն Տիրոջ կողմից։

Հնարավոր վարժություններ

• Հանձնարարեք երեխաներին վերանայել Ծննդոց 37.3–11-ը և նկարել Հովսեփի պատմուճանն ու նրա երկու երազները: Հովսեփի եղբայրներն ինչպե՞ս էին վերաբերվում Հովսեփին: Ուրիշ ինչպե՞ս կարող էին վերաբերվել նրանք: Քննարկեք, թե ինչու է կարևոր երջանիկ լինել, երբ լավ բաներ են պատահում ուրիշներին:

• Խնդրեք երեխաներին կիսվել մի քանի իրավիճակներով, երբ մարդը կարող է նախանձել մեկ ուրիշին: Միասին երգեք որևէ երգ ուրիշների հանդեպ սեր ցուցաբերելու մասին «Love One Another» (Children’s Songbook, 136–37): Շեշտեք, որ Երկնային Հայրը կարող է օգնել, որ մենք նախանձի զգացումը փոխարինենք սիրո զգացումով:

Ծննդոց 39․7-12

Տիրոջ օգնությամբ ես կարող եմ խուսափել գայթակղությունից։

Երբ ձեր ուսուցանած երեխաները իրենց կյանքում բախվեն գայթակղությունների, նրանք կարող են զորություն ստանալ գայթակղությունից խուսափելու Հովսեփի օրինակից:

Հնարավոր վարժություններ

• Ցույց տվեք Հովսեփի և Պետափրէսի կնոջ նկարը (տես Ավետարանի նկարների գիրք, հ. 11), և կիսվեք Ծննդոց 39.7–12-ի պատմությամբ։ Հովսեփը ինչպե՞ս դիմակայեց գայթակղությանը: Օգնեք երեխաներին Ծննդոց 39.7–12-ում գտնել բառեր, որոնք պատասխանում են այս հարցին. օրինակ՝ Հովսեփը գիտեր, որ Պետափրէսի կնոջ հետ լինելը «Աստուծոյ դէմ մեղանչել» կլիներ (հատված 9):

• Հրավիրեք երեխաներին մտածել իրավիճակների մասին, երբ նրանց տարիքի երեխաները կարող են գայթակղվել և սխալ ընտրություններ կատարել: Խնդրեք նրանց դերախաղով ցույց տալ, թե նրանք ինչպես կարող են հետևել Հովսեփի օրինակին այսպիսի իրավիճակներում. օրինակ՝ ինչպե՞ս կարող ենք հիշել Աստծուն, երբ գայթակղվում ենք:

• Ցույց տվեք երկու մագնիսներ, որոնք ներկայացնում են Աստծուն և սատանային, և մի փոքր մետաղյա առարկա, օրինակ՝ թղթի ամրակ, որը ներկայացնում է մեզ: Օգտագործեք մագնիսները, ցույց տալով, որ որքան մոտ ենք Աստծուն, այնքան ուժեղ է Նրա ազդեցությունը մեզ վրա, և նույնը ճիշտ է նաև սատանային մոտ լինելու դեպքում: Ի՞նչ կարող ենք անել Աստծուն մոտենալու համար: Ինչպե՞ս կարող է Սուրբ Հոգին օգնել մեզ։

սովորելու պատկերակ

Խրախուսեք տնային ուսումնասիրությունը

Խնդրեք երեխաներին կիսվել, թե ինչպե՞ս կարող են ավարտել հետևյալ նախադասությունը. «Ես կարող եմ նմանվել Հովսեփին : Խրախուսեք նրանց իրենց ընտանիքի անդամների հետ կիսվել, թե ինչպես ավարտեցին նախադասությունը:

Բարելավել մեր ուսուցումը

Հրավիրեք կիսվել Երբ քննարկեք ավետարանի սկզբունքները, խնդրեք երեխաներին կիսվել իրենց խոհերով, զգացմունքներով և փորձառություններով: Դուք կտեսնեք, որ նրանք ունեն շատ խորիմաստ մտքեր:

գործնական աշխատանքի էջ. ես կարող եմ բարի լինել իմ ընտանիքի անդամների հանդեպ