Ծննդոց 42-46

Հովսեփը և սովը

Եղբայրը հնարավորություն ուներ միավորելու իր ընտանիքը։

Հակոբի ընտանիքը քաղցում էր սովի պատճառով։ Եվ Հակոբն ուղարկեց որդիներին Եգիպտոս՝ սնունդ գնելու։ Կրտսեր որդուն՝ Բենիամինին, Հակոբը պահեց տանը։ Նա վախենում էր կորցնել Բենիամինին, ինչպես տարիներ առաջ կորցրել էր Հովսեփին: Նա չգիտեր, որ իր ավագ որդիները վաճառել էին Հովսեփին ստրկության։

Ծննդոց 42․1-4

Այդ ժամանակ Հովսեփը մեծ առաջնորդ էր Եգիպտոսում: Նա վերահսկում էր սննդամթերքի վաճառքը սովի ժամանակ։ Եղբայրները հանդիպեցին Հովսեփի հետ և նրանից ուտելիք խնդրեցին: Նրանք չճանաչեցին Հովսեփին:

Ծննդոց 42․5-8

Հովսեփը ճանաչեց նրանց, բայց ձևացրեց, իբր չի ճանաչում: Նա հարցրեց նրանց ընտանիքի մասին՝ պարզելու, թե արդյո՞ք հայրն ու եղբայրը՝ Բենիամինը, ողջ են:

Ծննդոց 42․10-14

Հետո Հովսեփն իր եղբայրներին ուտելիք տվեց: Հովսեփը եղբայրներին ասաց, որ այլևս ուտելիքի համար չգան, եթե իրենց հետ չբերեն իրենց կրտսեր եղբորը՝ Բենիամինին:

Ծննդոց 42․15-20

Երբ ընտանիքը նորից սպառեց սնունդը, Հակոբը գիտեր, որ պետք է Բենիամինին մյուս որդիների հետ ուղարկեր Եգիպտոս: Հակոբը դեռ վախենում էր բաց թողնել Բենիամինին: Բայց Հուդան՝ եղբայրներից մեկը, խոստացավ, որ Բենիամինին ապահով կպահի:

Ծննդոց 43․1-15

Երբ եղբայրները եկան Եգիպտոս, Հովսեփն այնպես արեց, որ իբր Բենիամինն է գողացել արծաթե գավաթը: Նա ուզում էր տեսնել, թե արդյո՞ք իր ավագ եղբայրները փոխվել են: Հուդան աղաչեց Հովսեփին, որ չպատժի Բենիամինին, այլ նրա փոխարեն իրեն պատժի:

Ծննդոց 44

Հովսեփն ուրախ էր, երբ տեսավ, որ եղբայրները փոխվել են: Նրանք այնքան էին սիրում Բենիամինին, որ պաշտպանեցին նրան: Եվ վերջապես, Հովսեփը նրանց ասաց, թե ով է ինքը:

Ծննդոց 42․21-24, 45․1-4

Հովսեփը ներեց իր եղբայրներին իրեն ստրկության վաճառելու համար: Հովսեփն ասաց, որ դա Տիրոջ միջոցն էր՝ օգնելու իրենց ընտանիքին գոյատևել սովի ժամանակ:

Ծննդոց 45․5-8

Հովսեփի եղբայրները վերադարձան իրենց հոր՝ Հակոբի մոտ և պատմեցին նրան կատարվածի մասին։ Հակոբն իր ողջ ընտանիքը տեղափոխեց Եգիպտոս։

Ծննդոց 45․24-28, 46․1-26

Փարավոնն ընդունեց Հակոբի ընտանիքին։ Նա նրանց հողեր և անասուններ տվեց, որպեսզի նրանք կարողանային բավականաչափ ուտելիք ունենալ: Հակոբի ընտանիքը խաղաղությամբ ապրեց երկար տարիներ։

Ծննդոց 45․16-23