«Գեդեոնի զորքը», Հին Կտակարանի պատմություններ (2022)
«Գեդեոնի զորքը», Հին Կտակարանի պատմություններ
Գեդեոնի զորքը
Ապավինել Տիրոջը ճակատամարտում
Իսրայելի ժողովուրդը երկար տարիներ օրհնված էր: Սակայն հետո նրանք սկսեցին չհնազանդվել Տիրոջը: Որպեսզի օգներ նրանց հիշել Իրեն, Տերը թույլ տվեց, որ նրանց թշնամիները՝ մադիանացիները, վերցնեին իրենց սնունդը և կենդանիներին: Իսրայելացիները սովում էին, ուստի նրանք հիշեցին Տիրոջը և աղոթեցին Նրան օգնության համար:
Գեդեոնը աղքատ ընտանիքից էր: Տերը հրեշտակ ուղարկեց, որ նրան կանչեր ազատելու Իսրայելը: Գեդեոնը զարմացել էր, թե ինչու էր Տերը ընտրել իրեն:
Տերը Գեդեոնին ասաց, որ ոչնչացնի այն վայրերը, որտեղ իսրայելացիները երկրպագում էին կեղծ աստվածներին: Երբ Գեդեոնը հնազանդվեց, մարդիկ զայրացան:
Իսրայելացիները ցանկանում էին սպանել Գեդեոնին: Բայց Գեդեոնի հայրը համոզեց նրանց չվնասել նրան: Գեդեոնն ապահով մնաց։
Գեդեոնը չէր կարծում, որ կարող էր ազատել Իսրայելը: Մադիանական բանակում ավելի քան 135,000 զինվոր կար։ Բայց Տերը Գեդեոնին իմաստություն և ուժ տվեց:
Տերը ցանկանում էր, որ իսրայելացիներն իմանային, որ կարող էին հաղթել ոչ թե իրենց սեփական, այլ՝ Աստծո ուժով: Թեև Իսրայելն ուներ ընդամենը 32,000 զինվոր, Տերը խնդրեց Գեդեոնին տուն ուղարկել այն զինվորներին, ովքեր վախենում էին: 22,000 զինվորի տուն գնալուց հետո իսրայելացիները մնացին 10,000 զինվորով:
Տերն ասաց, որ 10.000 զինվորը նույնպես շատ է։ Նա Գեդեոնին ասաց, որ բանակը ներքև տանի՝ ջրի մոտ։ Նրանք, ովքեր անմիջապես բերանով ջուր էին խմում, պիտի ուղարկվեին տուն: Նրանք, ովքեր ձեռքերով էին ջուր խմում, կարող էին մնալ: Այդպիսով, մնացին ընդամենը 300 տղամարդ:
Ի վերջո, իսրայելացիները պատրաստ էին կռվելու: Տերը Գեդեոնին ցույց տվեց, թե ինչպես հաղթել մադիանացիներին: Գեդեոնն իր բանակին ասաց, որ փողերը և ջահերը օգտագործելով վախեցնեն նրանց։ Աղմուկն ու լույսերը այնքան շփոթեցրին մադիանացիներին, որ նրանք սկսեցին կռվել միմյանց դեմ: Հետո նրանք աղաղակելով փախան:
Քանի որ Գեդեոնը վստահում էր Տիրոջը, իսրայելացիները ջախջախեցին մադիանացիների մեծ զորքին՝ ընդամենը 300 զինվորով: Տերն ազատեց Իսրայելի ժողովրդին: