Ծննդոց 11-15, 17, Աբրահամ 1-2

Աբրահամը և Սարան

Մարդկության ընտանիքն օրհնելու խոստում

Աբրահամն ապրում էր Ուր քաղաքում: Այդ քաղաքի մեղսավոր քահանաները ցանկանում էին նրան զոհաբերել իրենց կուռքերին: Աբրահամը աղոթեց և Տերը փրկեց նրան:

Աբրահամ 1․1-20

Այնուհետև Տերը պատվիրեց Աբրահամին և նրա կնոջը՝ Սարային, լքել Ուրը և մեկնել հեռավոր երկիր: Նա խոստացավ օրհնել նրանց ճամփորդության ընթացքում:

Ծննդոց 12․1-3, Աբրահամ 2․2-4

Աբրահամը և Սարան ապավինեցին Տիրոջը և լքեցին Ուրը: Սակայն նրանք տխուր էին, քանի որ չէին կարող երեխաներ ունենալ: Տերը նրանց մխիթարեց: Նա խոստացավ, որ նրանք երեխա կունենան:

Ծննդոց 11.30-31, 15.1-6, 17.2-16, Աբրահամ 2.6-9

Աբրահամն աղոթեց Տիրոջը, որ ավելին իմանա Նրա մասին: Տերն այցելեց Աբրահամին և Ինքն Իրեն անվանեց Եհովա: Եհովան ուխտ կապեց Աբրահամի հետ։ Նա խոստացավ, որ Աբրահամը կունենա քահանայություն: Նա նաև խոստացավ, որ Աբրահամի ընտանիքի միջոցով երկրի բոլոր ցեղերը կօրհնվեն:

Աբրահամ 2․6-11

Քանի որ Աբրահամն և Սարան ճամփորդում էին, նրանք պետք է սնունդ հայթայթեին: Նրանք փորձեցին ապրել Քանան կոչվող երկրում: Այնտեղ սնունդ չկար, ուստի նրանք ստիպված էին գնալ Եգիպտոս: Բայց Եգիպտոսում ապրելը նրանց համար վտանգավոր էր:

Ծննդոց 12.10-20, Աբրահամ 2.21-25

Աբրահամը և Սարան լքեցին Եգիպտոսը և վերադարձան Քանան: Եգիպտոսից նրանք սնունդ և կենդանիներ բերեցին իրենց հետ: Քանանը այն երկրի մի մասն էր, որը Տերը խոստացել էր նրանց:

Ծննդոց 13.1-4, 12, Աբրահամ 2.19

Տերը կատարեց նաև Իր այն խոստումը, որի համաձայն Աբրահամը կստանար քահանայություն: Մի օր Աբրահամը և Սարան հանդիպեցին Մելքիսեդեկ անունով մի արդար թագավորի: Աբրահամը տասանորդ վճարեց նրան:

Ծննդոց 14.18-24, Ալմա 13.15

Աբրահամը քահանայություն ստացավ Մելքիսեդեկից: Դա նույն քահանայությունն էր, որ ստացել էին Ադամ և Նոյ մարգարեները:

Ջոզեֆ Սմիթի Թարգմանություն, Ծննդոց 14.36-40, Աբրահամ 1.2-4, Վարդապետություն և Ուխտեր 84.14

Աբրահամը և Սարան երջանիկ էին Քանանում, բայց նրանք դեռևս մտահոգ էին, քանի որ երեխա չունեին: Նրանք վստահում էին Տիրոջ խոստմանը, որ մի օր իրենց ընտանիքը կաճի և կօրհնի ամբողջ երկիրը:

Ծննդոց 13.12, 15.3-6