Հովնան 1-4

Հովնան մարգարեն

Սովորում ենք ապավինել Տիրոջ ողորմածությանը

Հովնանը մարգարե էր։ Տերը պատվիրեց նրան նախազգուշացնել Նինվեի բնակիչներին, որ նրանց քաղաքը կործանվելու է, եթե նրանք չապաշխարեն։

Հովնան 1.1-2

Սակայն Նինվե քաղաքի ժողովուրդն իսրայելացիների թշնամին էր։ Հովնանը չէր ցանկանում քարոզել նրանց։ Ուստի, նա նավ նստեց՝ Նինվեից հեռու գնալու նպատակով:

Հովնան 1.3

Հովնանը նավում էր, երբ մեծ փոթորիկ բարձրացավ: Նավում գտնվող մարդիկ վախենում էին, որ կմահանան: Նրանք Հովնանին խնդրեցին աղոթել Տիրոջը փրկության համար:

Հովնան 1.4-6

Հովնանը գիտեր, որ Տերը փոթորիկ էր ուղարկել, որովհետև ինքը փախչում էր նրանից, ինչ Տերը նրան պատվիրել էր անել: Հովնանն ուզում էր փրկել նավում գտնվող մարդկանց։ Նա նրանց ասաց, որ եթե նրանք իրեն ծովը գցեն, փոթորիկը կդադարի:

Հովնան 1.12

Մարդիկ չէին ուզում Հովնանին նավից դուրս նետել: Նրանք փորձեցին նավը դեպի ցամաք վարել, բայց փոթորիկը շատ հզոր էր: Ի վերջո, նրանք Հովնանին նավից դուրս նետեցին:

Հովնան 1.13-15

Փոթորիկն ավարտվեց: Սակայն մի հսկա ձուկ կուլ տվեց Հովնանին:

Հովնան 1.15, 17

Հովնանը ձկան փորում երեք օր ու երեք գիշեր անցկացրեց: Այդ ընթացքում Հովնանն աղոթում էր և ապաշխարում: Նա ցանկանում էր անել այն, ինչը ճիշտ էր, և լսել Տիրոջը: Տերը լսեց Հովնանի աղոթքները և ստիպեց ձկանը դուրս թքել Հովնանին:

Հովնան 1.17, 2.1-10

Աստված կրկին կանչեց Հովնանին քարոզել Նինվե քաղաքի ժողովրդին։ Այս անգամ Հովնանը հնազանդվեց: Նա գնաց Նինվե և ասաց մարդկանց, որ ապաշխարեն, այլապես Տերը կկործանի նրանց քաղաքը։ Թագավորն ու իր ժողովուրդն ապաշխարեցին: Տերը ներեց նրանց և չկործանեց Նինվեն:

Հովնան 3

Սակայն Հովնանը հիասթափված էր, որ Նինվեի բնակիչները չկործանվեցին: Նրա կարծիքով նրանք ներման արժանի չէին:

Հովնան 4.1-2

Հովնանին դաս տալու նպատակով Տերը ծառ աճեցրեց՝ Հովնանին արևից պատսպարելու համար: Ծառը թոշնեց և Հովնանը վշտացավ բույսի համար:

Հովնան 4.5-9

Տերը Հովնանին Իր զավակների մասին մի դաս ուսուցանեց: Հովնանը սովորեց, որ ինքը պետք է տխրի, երբ մարդիկ չեն ապաշխարում և ուրախանա, երբ նրանք ապաշխարում են:

Հովնան 4.10-11