Երեմիա 1-52

Երեմիա մարգարեն

Կանչվել էր նախքան ծնվելը

Երիտասարդ տարիներին Երեմիան ապրել է Երուսաղեմում։ Մի օր Տերը եկել է Երեմիայի մոտ և նրան կանչել է որպես մարգարե: Տերը Երեմիային ասել է, որ նա ընտրվել է որպես մարգարե դեռ ծնվելուց առաջ: Տերը գիտեր, որ Երեմիայի կյանքը դժվար էր լինելու: Բայց Նա խոստացել էր Երեմիային, որ միշտ իր հետ կլիներ:

Երեմիա 1․1-10

Երուսաղեմի ժողովուրդը չէր պահում Տիրոջը տված խոստումները։ Մարդկանց ամբարշտության պատճառով Երեմիան զգուշացրեց նրանց, որ իրենց երկիրը գրավելու են: Տերն ասել էր, որ եթե նրանք Հանգստության օրը սուրբ պահեին, Երուսաղեմ քաղաքը չէր ավերվի: Բայց մարդիկ չէին լսում։

Երեմիա 6․1-19, 8-9, 17․21-27

Երեմիան երկար տարիներ ուսուցանեց մարդկանց: Սակայն նրանք չապաշխարեցին։ Փոխարենը նրանք հետապնդեցին Երեմիային և բանտ գցեցին նրան:

Երեմիա 20․2, 26․8-9, 37․15-18, 38․6

Երեմիան սիրում էր մարդկանց։ Նա լաց եղավ նրանց մեղքերի պատճառով: Ինչպես նա ասել էր՝ Երուսաղեմը կործանվեց, իսկ մարդիկ գերեվարվեցին:

Երեմիա 9․1-8, 25․9-12, 52․1-10

Երեմիային տարան Եգիպտոս։ Տերն ասաց նրան, որ գրի առնի իր մարգարեությունները: Երեմիան հնազանդվում էր Տիրոջը, նույնիսկ այն ժամանակ, երբ ամեն ինչ շատ դժվար էր: Նա շարունակեց ասել իր ժողովրդին, որ կատարեն Տիրոջը տված իրենց խոստումները։

Երեմիա 36․1-2, 27-32