Ծննդոց 30, 37

Հովսեփի ոգեշնչված երազները

Մի ընտանիքում միմյանց սիրելու խնդիր կար

Ռաքելն ու Հակոբը երկար տարիներ աղոթել էին որդի ունենալու համար։ Տերը պատասխանեց նրանց աղոթքներին, երբ ծնվեց Հովսեփը: Հովսեփը Հակոբի սիրելի որդին էր, և նա Հովսեփին մի հատուկ պատմուճան նվիրեց: Հակոբի 10 մեծ որդիները նախանձեցին։

Ծննդոց 30․22-24, 37․1-4

Երբ Հովսեփը մոտավորապես 17 տարեկան էր, նա ոգեշնչված երազ տեսավ, որ իր եղբայրների հետ դաշտում որաներ էր հավաքում: Հովսեփի կապած որան ուղիղ կանգնել էր։ Իսկ նրա եղբայրների կապած հացահատկի որաները խոնարհվել էին Հովսեփի որայի առաջ։ Երբ Հովսեփը պատմեց եղբայրներին իր երազը, նրանք բարկացան Հովսեփի վրա:

Ծննդոց 37․2, 5-8

Հետագայում Հովսեփը տեսավ մեկ այլ ոգեշնչված երազ: Այդ երազում արևը, լուսինը և 11 աստղեր խոնարհվեցին Հովսեփի առաջ: Հովսեփը պատմեց իր ընտանիքին այդ երազը։ Այդ երազը կարծես ասում էր, որ Հովսեփը իշխելու էր իր ընտանիքի վրա: Հովսեփի եղբայրներն ավելի զայրացան նրա վրա: Նրանց դուր չէին գալիս Հովսեփի երազները։

Ծննդոց 37․9-11

Մի օր Հովսեփի եղբայրները տնից հեռու էին գնացել՝ ոչխարներին արածեցնելու։ Հակոբը Հովսեփին ուղարկեց, որ եղբայրների մասին լուր բերի իրեն։

Ծննդոց 37․12-19

Հովսեփի եղբայրներից մի քանիսն ուզում էին սպանել նրան։ Նրանք վերցրին Հովսեփի պատմուճանը, իսկ նրան գուբը գցեցին:

Ծննդոց 37․20-24

Մինչ Հովսեփը փոսում էր, եղբայրները տեսան Եգիպտոս գնացող ճամփորդների։ Եղբայրները որոշեցին Հովսեփին որպես ստրուկ վաճառել ճամփորդներին 20 արծաթով:

Ծննդոց 37․25-28

Հետո Հովսեփի եղբայրները այծի արյուն քսեցին նրա պատմուճանին: Նրանք գնացին իրենց հոր՝ Հակոբի մոտ և նրան ցույց տվեցին պատմուճանը: Եղբայրները ստեցին Հակոբին, ասելով, որ Հովսեփին սպանել են վայրի կենդանիները:

Ծննդոց 37․31-33

Հակոբը լացում էր, քանի որ կարծում էր, որ Հովսեփը մահացած է։

Ծննդոց 37․32-35

Սակայն Հովսեփը կենդանի էր։ Տնից շատ հեռու՝ Եգիպտոսում, նա ապրում էր որպես ստրուկ։

Ծննդոց 37․36