“M̧aaj 14–20 Jenesis 42–50: ‘Anij Ear Pepe Bwe en Em̧m̧an,’” Itok, Ļoor Eō—N̄an Būraimere: Kallim̧ur M̧okta 2022 (2021)
“M̧aaj 14–20 Jenesis 42–50,” Itok, Ļoor Eō—N̄an Būraimere: 2022
Kōmeļeļe eo kōn Josep eo ilo Ijipt, jān Robert T. Barrett
M̧aaj 14–20
Jenesis 42–50
“Anij Ear Pepe Bwe en Em̧m̧an”
Eaorōk bwe kwon jeļā eoon ko kwoj katakin kaki, ak eaorōk bwe kwon jeļā kajjien ajri ro kwoj katakin er. Bōk iien n̄an kejakļo̧kjeņ im jar kōn jim̧or.
Je En̄jake ko Rej Im̧we Eok
Kajjitōk bwe ren Kwaļo̧k
Kōn bwebwenato eo ilo Jenesis 42–50 ej m̧ōttanļo̧k bwebwenato eo ilo katak eo an wiik eo ļo̧k, jān Jenesis 37–41, bōk iien ilo jinoin kūlaaj eo n̄an kōtļo̧k bwe ajri ro ren kwaļo̧k ta eo rej keememeje kōn Josep, ekoba ta eo rekar ekkatak ilo Būraimere im ilo m̧ōko m̧weer.
Katakin Katak eo: Ajri ro Reddikļo̧k
Imaron̄ kwaļo̧k iakwe n̄an baam̧le eo aō.
N̄an ajri ro reddik, kwomaron̄ kōņaan kwaļo̧k m̧ōttan ko ilo bwebwenato eo in me Josep ekar kwaļo̧k iakwe n̄an baam̧le eo an.
M̧akūtkūt ko Maron̄ Kōm̧m̧ani
-
Kōjerbal “Joseph and the Famine” (ilo Old Testament Stories) ak pija ko ilo Itok, Ļoor Eō—N̄an Kajjojo Armej im Baam̧le Ko, ba n̄an ajri ro kōn ippān doon eo an Josep ippān brother ro an. Kwaļo̧k aorōkin wāween an Josep kar kwaļo̧k iakwe n̄an brother eo an.
-
Riiti naan ko jān Jenesis 45:4–15 me ej kōmeļeļeik men ko Josep ekar kōm̧m̧ane n̄an kwaļo̧k an kar iakwe baam̧le eo an. Kajjitōk ippān ajri ro n̄an kōtōnn̄e rej kōm̧m̧ani ta eo eoon ko rej kōmeļeļeiki. N̄an waanjon̄ak, remaron̄ kōtōnn̄e kajjitōk ippān juon uwaan baam̧le eo n̄an “ruwaaktok” (eoon 4) ak leļo̧k n̄an juon uwaan baam̧le m̧ōn̄ā(lale eoon 11).
-
Al juon al kōn iakwe, āinwōt “Ewōr Aibojoj Ibeļakin” (Al ko Al in Ajri, 136). Jipan̄ ajri ro jin̄n̄aik juon annan̄ in peier im je ilo annan̄ eo ta eo remaron̄ kōm̧m̧ane n̄an kwaļo̧k iakwe n̄an baam̧le eo aer.
Kōjeraam̧m̧an ko an Priesthood rej jipan̄ eō.
Jekab ekar kōjeraam̧m̧an ļaddik ro nejin im ļaddik ro jibūn (lale Jenesis 48–49). Rainn jemaron̄ bōk kōjeraam̧m̧an ko an priesthood me ej letok n̄an kōj kaeņōm̧m̧an, kōmour, tōl, im kajoor ilo jetōb.
Jemaron̄ bōk kōjeraam̧m̧an ko jān ro rej kabwijer priesthood eo.
M̧akūtkūt ko Maron̄ Kōm̧m̧ani
-
Kwaļo̧k n̄an ajri ro juon pija in an Jekab kōjeraam̧m̧an ļaddik ro nejin ak pija in an kōjeraam̧m̧an ko an priesthood (lale pija ko ilo annan̄ in; lale barāinwōt Gospel Art Book, no. 12). Kajjitōk ippān ajri ro n̄an kōmeļeļeik ta eo ej waļo̧k ilo pija ko.
-
Riit ļo̧k n̄an ajri ro Jenesis 48:8–9. Kōmeļeļeiki bwe Israel, et eo juon etan Jekab, kar jemān Josep im bwe kar kōņaan leļo̧k n̄an ajri ro nejin Josep juon kōjeraam̧m̧an an priesthood. Eļan̄n̄e jabdewōt ajri em̧ōj aer bōk juon kōjeraam̧man an priesthood, kajjitōk ippāer n̄an kwaļo̧k kōn en̄jake eo aer. Ak kwaļo̧k juon am̧ make en̄jake.
-
Jipan̄ ajri ro ļōmņak kōn un ko me remaron̄ kajjitōk kōn juon kōjeraam̧m̧an an priesthood. Barāinwōt jipan̄ er ba etan ro rej kabwijer priesthood eo remaron kajjitōk ippāer, āinwōt baba, jim̧m̧a, ak rikarejar m̧aan.
Imaron̄ jeorļo̧k bōd.
Ta eo ajri ro remaron̄ ekkatak kōn jeorļo̧k bōd jān waanjon̄ak eo an Josep ilo an kar jeorļo̧k an ļōm̧aro jein im jatūn bōd?
M̧akūtkūt ko Maron̄ Kōm̧m̧ani
-
Kōjerbal peij in m̧akūtkūt eo an wiik in n̄an jipan̄ ajri ro kememej wāween an ļōm̧aro ro jein im jatūn Josep kar nana n̄an e. Riit ļo̧k n̄an ajri ro Jenesis 50:17, kwaļo̧k aorōkin an ļōm̧aro jein im jatūn kar burom̧ōj kōn bōd ko rekar kōm̧m̧ani n̄an jeorļo̧k aer bōd. Riit eoon 21 n̄an kwaļo̧k bwe Josep ekar joļo̧k an ļōm̧ro jein im jatūn bōd—ekar jab bar illu ipper.
-
Al ippān doon “Help Me, Dear FatherAl ko Al in Ajri,99). N̄e kwoj al kōn jeorļo̧k bōd, kajjitōk ippān ajri ro n̄an jitōn̄ Josep ilo peij in m̧akūtkūt eo. N̄e kwoj al kōn ukweļo̧k, kajjitōk ippāer n̄an jitōn̄ ļōm̧aro jein im jatūn.
-
Jipan̄ ajri ro ļōmņak kōn jekjek ko me remaron̄ aikuj n̄an jeorļo̧k an bar juon armej bōd. Kajjitōk ippān ajri ro n̄an kaminene ta eo remaron̄ ba ak kōm̧m̧ane n̄an kwaļo̧k jeorļo̧k bōd n̄an armej eo.
Katakin Katak eo: Ajri ro Rerūttoļo̧k
Jeorļo̧k bōd ej bōktok aeņōm̧m̧an.
Brother ro an Josep rekar kōm̧m̧an men ko renana n̄an e. Jekdo̧o̧n Josep ekar jeorļo̧k aer bōd im ekar bōktok aeņōm̧m̧an n̄an baam̧le eo an.
M̧akūtkūt ko Maron̄ Kōm̧m̧ani
-
Jipan̄ ajri ro kōm̧m̧an arin ta in ej waļo̧k jān Jenesis 42–44. Ilo aer kōm̧m̧ane, kajjitōk ippāer wāween aer ļōmņak ta eo Josep ekar en̄jake ke ej bar lo brother ro an ak wāween an brother ro an maron̄ kar en̄jake āliktata ke rekar kile Josep.
-
Kajjitōk ippān ajri ro ta meļeļein n̄an jeorļo̧k bōd an bar juon armej. Jipan̄ er meļeļe bwe jeorļo̧k bōd an bar juon armej ekoba kōm̧m̧an n̄an e kōn iakwe āinwōt an Kraist. Kajjitōk ippān ajri ro ta eo rejeļā kōn bwebwento in Josep ke ekar jeorļo̧k an brother ro an bōd, ak riit ippān ajri ro eoon ko jān Jenesis 45:1–15. Ta eo Josep ekar kōm̧m̧an ak ba n̄an kōtļo̧k bwe brother ro an ren jeļā ke ekar jeorļo̧k aer bōd? Ta eo jemaron̄ ba ak kōm̧m̧ane n̄e ro jet rej kajjitōk bwe jen jeorļo̧k aer bōd.
-
Kajjitōk ippān ajri ro n̄an ļōmņak kōn juon iien rekar jeorļo̧k an juon armej bōd ak armej eo ekar jeorļo̧k aer bōd. N̄an leļo̧k n̄an er iien n̄an ļōmņak, kwaļo̧k juon am̧ make en̄jake, im kam̧ool kōn kōjeraam̧m̧an ko me rekar itok jān jeorļo̧k bōd. Kajjitōk ippān ajri ro n̄an kwaļo̧k en̄jake ko aer, eļan̄n̄e renaaj kar kōņaan. Elmen en̄jake ko rekar en̄jaki. Ta eo jej ekkatak kōn jeorļo̧k bōd jān waanjon̄ak eo an Rilo̧mo̧o̧r? (lale Luk 23:33–34).
Jemedwōj Ilan̄ ekar jilkintok Jisōs Kraist n̄an lo̧mo̧o̧ren kōj.
Bwebwenato in Josep ke ekar lo̧mo̧o̧ren baam̧le eo an jān n̄ūta emaron̄ katakin kōj kōn Jisōs Kraist, eo eaar lo̧mo̧o̧ren kōj jān jerawiwi im mej.
M̧akūtkūt ko Maron̄ Kōm̧m̧ani
-
Je ioon bo̧o̧t eo Josep im Jisōs Kraist. Jipan̄ ajri ro kappukot pea in eoon kein rej ellaajrak im je ioon bo̧o̧t eo men ko me Josep im Jisōs Kraist rej juon wōt kake: Jenesis 37:3 im Matu 3:17; Jenesis 37:26–28 im Matu 26:14–16; Jenesis 45:5–7 im Luk 4:18; im Jenesis 47:12 im Jon 6:35.
-
Kajjitōk ippān ajri ro ta meļeļein n̄an lo̧mo̧o̧r ak lo̧mo̧o̧ren juon armej. Eļan̄n̄e jabdewōt iaami ekar wōr juon an en̄jake kōn aer kar lo̧mo̧o̧ren e jān jorrāān, kajjitōk ippāer bwe ren kwaļo̧k. Ekōj an Josep kar lo̧mo̧o̧ren brother ro an? (lale Jenesis 42:1–3; 45:5–7). Kwaļo̧k juon pija in Rilo̧mo̧o̧r. Ewi wāween an Jisōs kar lo̧mo̧o̧ren kōj?
Ukok eo an Josep Smith, Jenesis 50:27–33 (ilo Bible appendix)
Jemedwōj Ilan̄ ekar kōpooj Josep Smith n̄an erom̧ juon rikanaan ilo raan kein ad.
Taujin iiō ko m̧oktaļo̧k, Josep eo ilo Ijipt ekar lo bwe Irooj enaaj kūr Josep Smith n̄an kōm̧m̧ane juon jerbal eļap ilo raan ko āliktata. Katakin ajri ro wāween an Irooj kar kōjeraam̧m̧an kōj kōn Rikanaan Josep Smith.
M̧akūtkūt ko Maron̄ Kōm̧m̧ani
-
Leļo̧k n̄an ajri ro jidikin kōmeļeļe ko kōn Josep Smith, im kajjitōk ippāer n̄an kajidede ba wōn eo kwoj kōmeļeļe kake. Ekoba jidik meļeļe jān Ukok eo an Josep Smith, Jenesis 50:27–33 (ilo Bible appendix), āinwōt “ekar katakin kōj kōn bujen ko” (lale eoon 28), “ekar letok n̄an kōj naan an Irooj” (lale eoon 30), im “kar etņake etan jān eo jemān” (lale eoon 33). Ālkin an jim̧we uwaak in kajidede eo an ajri ro, kajjitōk ippāer n̄an kappukot jidik meļeļe ko ilo eoon ko. Ta ko jet jemaron̄ ekkatak kōn Josep Smith jān kanaan eo an Josep eo ilo Ijipt?
-
Kwaļo̧k n̄an ajri ro pija ko me rej bōk jikin men ko Josep Smith kekar kōm̧m̧ani ak katakin (lale, n̄an waanjon̄ak, Gospel Art Book, nos. 89–95, 97, 98, 117, 118). Jipan̄ ajri ro ļōmņak kōn kōjeraam̧m̧an ko jej ewōr ippād kōn Josep Smtih. N̄an waanjon̄ak, ewi wāween an kar jerbal ko an jipan̄ kōj epaakeļo̧k Jisōs Kraist?
Kōketak Ekkatak ilo M̧weo
Kajjitōk ippān ajri ro n̄an kwaļo̧k peij in m̧akūtkūt ilo wiik in ippān baam̧le ko aer ilo m̧ōko. Remaron̄ kōjerbale n̄an bar kakeememeje bwebwenato eo an Josep im brother ro an im n̄an ekkōnono kōn aorōkin iakwe ok jeorļo̧k bōd ilo baam̧le ko ad.
Kōkm̧anm̧anļo̧k Ad Katakin
Kwaļo̧k kam̧ool kōn Jisōs Kraist. Men̄e Kalim̧m̧ur M̧okta ejjab ba etan Jisōs Kraist, ak ej ba etan ilo et ko jet, im ej kam̧ool kōn E kōn kōkaļļe ko im bwebwenato ko. Jipan̄ ajri ro ekkatak n̄an kappukot m̧ool ko kōn Rilo̧mo̧o̧r jabdewōt iien rej riiti jeje ko rekwojarjar.