Moses im Wōjke eo Euruur

Moses im Wōjke eo Euruur, jān Harry Anderson

M̧aaj 21–27

Exodus 1–6

“Iar Keememej Bujen eo Aō”

Jino am̧ kōppopo n̄an katakin ilo am̧ riiti Exodus 1–6. Unin Tōl eo ilo Wiik in ilo Itok, Ļoor Eō—N̄an Kajjojo Armej im Baam̧le Ko emaron̄ jipan̄ eok meļeļe jebta kein, im laajrak in emaron̄ lewaj n̄an eok aitia ko.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k jejjo men ko maron̄ kōjerbali me rej iookļo̧k bwebwenato ko ilo jebta kein—n̄an waanjon̄ak, juon pāājket kileplep ak juon nin̄nin̄ to̧le. Kajjitōk ippān ajri ro n̄an kōjerbale men ko n̄an kwaļo̧k m̧ōttan ko rem̧m̧an tata ilo bwebwenatoon Moses.

pija ej bōk jikin katakin

Katakin Katak eo: Ajri ro Reddikļo̧k

Exodus 1–2

Anij emaron̄ jerbal ilo an kōjerbal eō n̄an kakūrm̧ool jibadbad ko an.

Moses ekar wōr juon an jerbal eļap ilo kanemkwoj Israel jān kamakoko. Ak eban kar maron̄ kadedeikļo̧k menin eļan̄n̄e jinen, sister eo an, lio eo nejin Potipar, im kōrā ro jet retiljek kar jab kōjparok im kea kōn e.

M̧akūtkūt ko Maron̄ Kōm̧m̧ani

• Kōjerbal peij in m̧akūtkūt eo an wiik in im “Miriam” (ilo Old Testament Stories) n̄an ba n̄an ajri ro wāween an Jochebed (jinen Moses), Miriam (sister eo an), im leddik eo nejin Potipar kar kea kōn Moses. Kwaļo̧k bwe kōn kōrā rein retiljek im ro jet, Moses ekar pād ilo kōjparok im enaaj juon raan tōl ro nejin Israel n̄an ineem̧m̧an. Kajjitōk ippān ajri ro n̄an jin̄n̄aik juon pija in armej ro rej kea kōn er.

  Nin̄nin̄ eo Moses ilo iiep eo

  Moses in the Bulrushes, © Providence Collection/licensed from goodsalt.com

• Al ippān doon juon oal kōn jerbal in jipan̄, āinwōt “‘Give,’ Said the Little Stream” (Children’s Songbook, 236). Jipan̄ ajri ro ļōmņake men ko reļam waan me remaron̄ kōm̧m̧ani n̄an jipan̄ ro jet ilo m̧ōko, ilo m̧ōn jar eo, im ilo jikin jikuuļ.

Exodus 3

Jisōs enaaj jipan̄ eō kōm̧m̧ane men ko rem̧m̧an.

Moses ekar inepata kōn eļan̄n̄e enaaj kar maron̄ kanemkwoj ri Israel ro jān Ijipt. Ak Irooj ekar kallim̧ur bwe E enaaj jipan̄ Moses. Jipan̄ ajri ro bōk tōmak bwe Rilo̧mo̧o̧r enaaj jipan̄ er barāinwōt.

M̧akūtkūt ko Maron̄ Kōm̧m̧ani

• Ba n̄an ajri ro kōn wāween an Irooj kar leļo̧k Moses juon jerbal eaorōk n̄an kōm̧m̧ane. Riiti eoon ko kar kāāleti Exodus 3, ak riiti “Moses the Prophet” (ilo Old Testament Stories). Kwaļo̧k wāween an Moses kar en̄jake (lale Exodus 3:6, 11) im ta eo Irooj ekar ba n̄an e (lale eoon ko 12 im 14). Kajjitōk ippān ajri ro n̄an āliji ippam̧ naan eo “Certainly I will be with thee,” im kwaļo̧k juon iien Irooj ekar pād ippam̧ ke ekar wōr juon jerbal eaorōk Ej aikuj kōm̧m̧ane.

• Jipan̄ ajri ro ļōmņak kōn jekjek ko n̄e naaj kajjitōk ippāer n̄an kōm̧m̧ane juon men epen. Kōmeļeļeik bwe āinwōt an Jisōs kar jipan̄ Moses, Jesus enaaj barāinwōt jipan̄ er. Al juon al kōn wāween an Jisōs jipan̄ kōj, āinwōt “I Will Walk with Jesus” (ChurchofJesusChrist.org). Kam̧ool bwe Rilo̧mo̧o̧r enaaj jipan̄ kōj n̄e jej inepata im mijak.

• M̧wijit pepa ko im kōm̧m̧an jekjek in heart im je iooer wāween ko Irooj ej jipan̄ ajri ro. Kapedoik pepa ko me jekjek in wōt heart. Kajjitōk ippān ajri ro n̄an kajjojo kāālet pepa heart ko, im jipan̄ er riiti ta eo em̧ōj je ioon pepa ko.

Exodus 3:1–5

Imaron̄ kwaļo̧k kautiej ilo jikin ko rekwojarjar.

Kōjerbal bwebwenatoon Moses im wōjke eo ej urur n̄an jipan̄ ajri ro meļeļe etke jej kōm̧m̧ani men ko rekwojarjar kōn kautiej.

M̧akūtkūt ko Maron̄ Kōm̧m̧ani

• Riiti Exodus 3:1–5, im kōmeļeļeik bwe Moses ekar kwaļo̧k an kautiej ilo an kar utūk juuj ko an. Ta eo jej kōm̧m̧ane n̄an kwaļo̧k kautiej ilo m̧ōn jar eo? Al juon al kōn kautiej, āinwōt “Reverence Is Love” (Al ko Al in Ajri, 31). Jipan̄ ajri ro pukot naan ko ilo al eo me ej katakin kōj wāween ad kwaļo̧k kautiej. Etke Irooj ekōņaan bwe jen kautiej?

• Kwaļo̧k jet iaan pijaan jekjek ko ijo je jaikuj kautiej im jet jikin ko jejab aikuj kautiej ie, āinwōt kweilo̧k in kwojkwoj eo, jar, juon paak, im juon pade in kemeem. Kajjitōk ippān ajri ro n̄an kōjeņoļo̧k pija ko n̄an kwaļo̧k ia eo jej aikuj kautiej ie.

• Kajjitōk ippān ajri ro n̄an jin̄n̄aik pijaier make, im jitōn̄ļo̧k pija ko aer ilo aer kōmeļeļeik wāween aer maron̄ kautiej kōn m̧ōttan ko kajjojo ilo ānwbinnier, āinwōt mejāer, lo̧jiln̄ier, lo̧n̄iier, peier, im neer.

pija ej bōk jikin katakin

Katakin Katak eo: Ajri ro Rerūttoļo̧k

Exodus 1–2

Anij ej jerbal ilo an kōjerbal kōj kajjjojo n̄an kakūrm̧ool jibadbad eo An.

Elōn̄ armej rekar jipan̄ kakūrm̧ool jibadbad eo an Anij ilo aer kōjparok mour eo an Moses ke ekar dik. Ekōjkan am̧ maron̄ jipan̄ ajri ro kwoj katakin meļeļe kōn jerbal eo eaorōk jej aolep kōm̧m̧ane n̄an kakūrm̧ool ankilaan Anij?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo rejeļā kōn Moses ke ekar juon nin̄nin̄. Kōjerbal peij in m̧akūtkūt eo ilo wiik in im Exodus 1:22; 2:1–10 n̄an kakaduuiki bwebwenato in mour eo an Moses ke ekar dik. Riiti eoon ko ilo jeje ko rekwojarjar ilo peij in m̧akūtkūt eo, im kajjitōk ippān ajri ro ta eo kajjojo kōrā rekar kōm̧m̧ane n̄an kōjparok mour eo an Moses.

• Ba n̄an ajri ro kōn armej ro em̧m̧an ippam̧ kōnke aer tiljek ilo jerbal n̄an Anij im ro m̧ōttāer, men̄e rej jerbal ilo wāween ko reddik. Kajjitōk ippān ajri ro n̄an kōnono kōn armej ro rejeļā kajjier ro rej tiljek ilo jerbal n̄an Anij im ro jet. Ta eo ijo koņaad ilo jerbal eo an Anij?

Exodus 3–4

Irooj enaaj jipan̄ eō kadedeikļo̧k Ankilaan.

Moses ekar en̄jake an jab maron̄ kūr eo an, ak Irooj ekar kallim̧ur bwe Enaaj pād ippān Moses im jipan̄ e. Ekōjkan an bwebwenato in maron̄ im̧we ajri ro rej katakin?

M̧akūtkūt ko Maron̄ Kōm̧m̧ani

• Kōjerbal bwebwenato eo ilo Exodus 3; 4:1–17, kōtļo̧k bwe ajri ro ren kajjojo bōk koņaer n̄an kōtōnn̄e er Moses. Eļan̄n̄e ekkar, bōktok If possible, bring props for them to use, such as a flashlight and a plant to represent the burning bush.

• Kajjitōk ippān ajri ro n̄an riiti Exodus 3:11; 4:1, 10 im kappukot wāween an Moses kar en̄jake kōn an kajjitōk ippān Pero n̄an kanemkwoj ri Israel ro. N̄aat eo rekar āinwōt juon ilo en̄jake ko aer? Ta naan in kapilōk eo ajri ro renej kar kwaļo̧k n̄an Moses n̄an e? Jipan̄ er lo wāween an Irooj kar kōketak Moses (lale Exodus 3:12; 4:2–9, 11–12).

• Kwaļo̧k juon en̄jake ke kwar en̄jake an Anij kar jipan̄ eok kakūrm̧ool juon kūr ak jerbal n̄an E ilo jet wāween. Kajjitōk ippān ajri ro n̄an kwaļo̧k juon iien me Irooj ekar jipan̄ er.

Exodus 3:1–5

Imaron̄ kwaļo̧k kautiej ilo jikin ko rekwojarjar.

Irooj ekar kajjitōk bwe Moses en utūk juuj ko an ilo an urur wōjke eo āinwōt juon kōkaļļe in kautiej. Ekōjkan am̧ maron̄ kōjerbal bwebwenato in n̄an katakin ajri ro kōn kautiej?

M̧akūtkūt ko Maron̄ Kōm̧m̧ani

• Riiti Exodus 3:1–5, im kajjitōk ippān ajri ro n̄an letok ilo tukaduin eoon ko ilo naan ko aer make. Ta eo jemaron̄ kōm̧m̧ane n̄an kwaļo̧k ad kautiej ilo jikin ko rekwojarjar, āinwōt ilo m̧ōn jar eo ak ilo tampeļ eo? Jipan̄ ajri ro ejaake “pāāk in kautiej ko” n̄an bōk n̄an m̧ōko me epād ie m̧ōttan pepa ko me aitia ko repād ie kōn wāween kautiej. Kajjitōk ippāer n̄an kwaļo̧k aitia kein ippān baam̧le ko aer.

• Al ippān doon juon al kōn kautiej, āinwōt “Reverence Is Love” (Al ko Al in Ajri, 31), im kajjitōk ippān kajjojo ajri n̄an je im kwaļo̧k juon meļeļein kautiej pedped wōt ilo naan ko ilo al eo.

• Kōjerbal pijaan Jisōs Ej Karreoik Tampeļ eo(Gospel Art Book, no. 51) n̄an ba bwebwenato eo ilo Matu 21:12–13. Ewi wāween an m̧wilin Moses ilo Exodus 3:1–5 oktak jān m̧wilin ri wia ro? Etke Rilo̧mo̧o̧r eo eaar kōņaan bwe jen kōm̧m̧ani men ko rekwojarjar ilo kautiej?

pija ej bōk jikin ekkatak

Kōketak Ekkatak ilo M̧weo

N̄an jipan̄ ajri ro kwaļo̧k ta eo rekar ekkatak jān Exodus 1–6, kōketak er n̄an jin̄n̄aik juon pija in juon iaan armej rekar ekkatak kake er ilo kūlaaj eo n̄an kwaļo̧k n̄an baam̧le eo aer.

Kōkm̧anm̧anļo̧k Ad Katakin

Ajri ro rej jeraam̧m̧an jān bar āliji. Jab mijak n̄an bar ālij m̧akūtkūt ko elōn̄ alen, eļaptata ippān ajri ro reddikļo̧k. Menin enaaj jipan̄ ajri ro keememej ta eo kwoj katakin.

peij in m̧akūtkūt eo: Anij ej jerbal ilo an kōjerbal kōj kajjojo n̄an kakūrm̧ool Jibadbad eo An