Nin̄nin̄ Moses

Kōjparok ritōl eo tokālik an riIsrael ro

Kiin̄ Pero ej reilo̧k n̄an aelōn̄ kiin̄ eo

Baam̧le eo an Jekab raar erom̧ armej ro rem̧m̧an ilo Ijipt. Raar ņa etāier RiIsrael ro. Pero, kiin̄ eo an Ijipt, ekar mijak bwe juon raan enaaj kanooj lōn̄ riIsrael ro im bwe remaron̄ bōk Ijipt, kōn menin ekar kōm̧m̧an bwe riIsrael ro ren an rikōm̧akoko.

Exodus 1:7–14

Innām Pero eaar kean̄ er bwe aolep m̧aanje riIsrael nin̄nin̄ ļaddik rej aikuj mej. Baam̧le ko an riIsrael ro raar lukkuun mijak.

Exodus 1:15–22

Jochebed, Miriam, im nin̄nin̄ Moses ilo reba eo

Juon kōrā in Israel etan in Jochebed eaar ļōmņake juon wāween n̄an oņake ļaddik eo nejin ej kab lo̧tak. Eaar likūt nin̄nin̄ eo nejin ilo juon iep im kar katileeke iep eo ilo ujooj ko raitok iturin Reba Nile. Miriam sister eo an nin̄nin̄ eo eaar lale im oņake.

Exodus 2:1–4

Leddik eo nejin Pero ej jibwe nin̄nin̄ Moses

Ke ej tutu ilo reba eo, leddik eo nejin Pero eaar lo iep eo. Eaar lo nin̄nin̄ in Israel eo ej jan̄ im kar kōņaan bōke e bwe en nejin. Miriam eaar itok ippān leddik eo nejin Pero im kar kajjitōk n̄e emaron̄ bōktok juon kōrā in Israel n̄an lale nin̄nin̄ eo.

Exodus 2:5–6

Leddik eo nejin Pero, Jochebed, Miriam, im nin̄nin̄ Moses

Miriam eaar boktok jinen, Jochebed, n̄an leddik eo nejin Pero. Leddik eo nejin Pero eaar errā n̄an kōļļāik an Jochebed lale nin̄nin̄ eo.

Exodus 2:8–9

Leddik eo nejin Pero, Jochebed, im Moses

Nin̄nin̄ in Israel eo eaar rūttoļo̧k. Leddik eo nejin Pero eaar lale āinwōt n̄e nejin make. Eaar ņa etan Moses.

Exodus 20:10