2 Kiin̄ Ro 5

Ilaisha Ej Kōmour Neaman

Wāween an juon kabwilōn̄lōn̄ eļap maron̄ itok ālkin juon tōmak eļam waan

Ijoko rettoļo̧k ilo Syria, ewōr juon em̧m̧aan etan Neaman ekar jokwe ie. Ekar juon kapen em̧m̧an ilo jarin tariņae eo an Risyria ro. Ak Neaman ekar wōr juon an nan̄inmej ekōmetak ilo kūlin ņa etan lōpa.

2 Kiin̄ Ro 5:1

Rijerbal eo an kōrā eo pāleen Neaman ekar juon leddik in Israel. Leddik in ekar wōr an tōmak ilo Irooj. Ekar ba bwe eļan̄n̄e Neaman emaron̄ loļo̧k rikanaan Ilaisha, Neaman enaaj mouri jān nan̄inmej eo an.

2 Kiin̄ Ro 5:2–4

Neaman ekar ito itak ilo juon iaļ aetok n̄an kappukot Ilaisha. Neaman ekar ļōmņak enaaj mour jān juon kabwilōn̄lōn̄ eļap.

2 Kiin̄ Ro 5:5–8

Neaman ekar itok n̄an m̧weo im̧ōn Ilaisha ippān rijerbal ro an, im jariot ko. Ilaisha ekar jilkinļo̧k rijerbal ro an n̄an bōkļo̧k naan in kapilōk ko an Irooj n̄an Neaman. Irooj enaaj kōmour Neaman eļan̄n̄e enaaj tuļo̧k ilo Reba Jordan jiljilimjuon alen.

2 Kiin̄ Ro 5:9–10

Neaman ekar lukkuun illu kōnke ekar kōņaan bwe rikanaan eo an Irooj en kajju itok im kōmour e. Neaman ekar ellotaan bwe Reba Jordan ekar jab lukkuun em̧m̧an in wōt reba ko reļļap ilo Syria.

2 Kiin̄ Ro 5:11–12

Ak rijerbal ro an Neaman rekar kajjitōk etke Neaman eban kōm̧m̧ane kain jerbal ļam waan rōt in. Men̄e ekar jab lukkuun meļeļe Neaman, rikanaan eo an Irooj ekar kajjitōk bwe en kōm̧m̧ane.

2 Kiin̄ Ro 5:13

Neaman ekar bōjrak an utiej buruōn im ekar ron̄jake rijerbal ro an. Ekar tuļo̧k ilo Reba Jordan jiljilimjuon alen. Innām Irooj ekar kōmouri Neaman, āinwōt an kar Ilaisha ba. Neaman ekar jeļā bwe Ilaisha ekar juon rikanaan im em̧ool elōn̄ juon Irooj.

2 Kiin̄ Ro 5:14–15