Rut 1–4

Rut im Neomi

Anjo̧ ioon mālijjon̄ ko kōn iakwe im m̧ool

Neomi im baam̧le eo an raar em̧akūtļo̧k n̄an Moab kōnke ejabwe m̧ōn̄ā ilo āneen Juda. Innām ļeo pāleen Neomi eaar mej. Ļaddik ro nejin Neomi raar m̧areik kōrā ro jān Moab etāer Orpah im Rut. Raar lale Neomi ium̧win 10 iiō ko.

Rut 1:1–4

Innām ļōm̧aro pāleen Orpah im Rut raar mej. Kiiō kōrā rein raar ajimakeke. Neomi eaar jab maron̄ kwaļo̧k m̧ōn̄ā n̄an Rut im Orpah.

Rut 1:5, 8–10

Orpah eaar ro̧o̧l n̄an kapijuknen. Ak Rut eaar kōņaan wōt pād im kōjparok Neomi. Rut im Neomi raar ron̄ ke ānen Juda ebar lōn̄ m̧ōn̄ā ie, kōn menin raar bar etal n̄an ijo.

Rut 1:16–19

Rut im Neomi raar tōkeakļo̧k ilo Juda ilo iien toktake jikin kallib. Raar aikuj m̧ōn̄ā. Eo nukun Neomi etan Boaz ewōr make an jikin kallib ilo Juda. Eaar kōtļo̧k an Rut ebbōk bwe in m̧ōn̄ā jān jikin kallib eo an. Ekar ļap jerbal.

Ruth1:22; 2:3

Boaz eaar kautiej Rut kōnke eaar kanooj ļap an jerbal im kōnke ekar m̧ool n̄an Neomi im Irooj. Eaar jiron̄ļo̧k rijerbal ro an n̄an leļo̧k eļapļo̧k m̧ōn̄ā jān jikin kallib ko n̄an Rut.

Rut 2:5–17

Neomi eaar kōņaan bwe Rut en wōr an baam̧le. Eaar rōjan̄ Rut bwe en m̧areiki Boaz. Rut eaar jeļā bwe n̄e e im Boaz renaaj m̧are, renaaj jim̧or kōjparok Neomi.

Rut 3:1–2; 4:15

Rut eaar kālet bwe en kajjitōk ippān Boaz bwe en m̧areiki. Boaz eaar jeļā bwe Rut ekar juon kōrā eo em̧ool im wānōk. Ekar errā.

Rut 3:3–18; 4:13

Rut im Boaz raar m̧are. Tokālik Rut eaar bar wōr juon nejin ļaddik. Eaar erom̧ jim̧aan David, kiin̄ eo tokālik. Elōn̄ iiō ko tokālik, Jisōs Kraist eaar lo̧tak ilo menmenbwij in.

Rut 4:13–17