Exodus 19–20; 24; 31–34; Duteronomi 4–7

Moses ilo Toļ Sainai

Jipan̄ armej ro keememej Irooj

Moses im Riisrael ro rekar ito itak ilo āne jem̧aden. Rekar itok n̄an juon toļ etan Toļ Sainai.

Exodus 19:1

Moses ekar tallōn̄e toļ ko bwe en kōnono ippān Irooj. Irooj ekar kōnono n̄an Moses bwe E ekar kōņaan jelm̧ae Riisrael ro n̄an kōnono ippāer.

Exodus 19:3, 9–11

Riisrael ro rekar itok n̄an laļ in Toļ Sainai, im Irooj ekar kōm̧m̧an bwe juon kōdo̧ en kar pataat n̄an jepooļe toļ eo. Irooj eaar pād ilo kōdo̧ eo. Eaar kōnono n̄an Riisrael ro im leļo̧k n̄an er kien ko. Toļ eo ekar em̧akūtkūt ke ej kōnono.

Exodus 19:16–19; 20:1–17; Duteronomi 4:12–13, 33; 5:4–5

Riisrael ro remijak. Rekar kajjitōk ippān Moses n̄an kōnono ippān Irooj bwe Moses en maron̄ kwaļok n̄an er ta eo Irooj ekar kōņaan.

Exodus 20:18–19

Moses ekar bōk Aron im 70 Riisrael elder ro n̄an toļ eo in bōk eļapļo̧k katak ko an Irooj. Irooj ekar waļo̧k n̄an er.

Exodus 24:1, 9–11

Innem Irooj ekar ba n̄an Moses bwe en likūt elder ro im wōnlōn̄ļo̧k wōt ilo toļ eo. Moses ekar pokake. Irooj ekkein kōjerbal addin Pein n̄an je kakien im kien ko An ioon pileij dōkā ko. Ium̧win 40 raan, Irooj ekar katakin Moses elōn̄ men ko.

Exodus 24:12–18; 31:18

Ke Moses eaar pād ilo To̧l Sinai, armej in Israel ro rekar mōk in kōttar e. Rekar ba n̄an Aron n̄an kōm̧m̧an ekjab n̄an er bwe ren kabun̄jar n̄ani āinwōt kar ekjab ko ilo Ijipt. Aron ekar kakobaiki gold ko aer im kōm̧m̧ane juon ekjab in juon kau jidikdik.

Exodus 32:1–4

Riisrael ro rekar kabun̄ jar n̄an ekjab eo im leļo̧k kein katok ko aer n̄an e. Rej ba bwe ekjab gold eo ekar kanemkwoj er jān Ijipt im jab Irooj.

Exodus 32:4–6, 21–24

Irooj ekar jeļā bwe Riisrael ro rekar kabun̄jar n̄an ekjab im meļo̧kļo̧k E. Ekar kakien Moses bwe en ro̧o̧l ļo̧k im ba n̄an armej ro bwe ren ukweļo̧k.

Exodus 32:7–10

Moses ekar to laļ tak jān Toļ Sinai im lo Riisrael ro rekar kabun̄ jar n̄an kau jidikdik eo kōm̧m̧an jān gold. Ekar lukkuun illu. Armej ro rekar jab pojak n̄an pokake kakien im kien ko Irooj ekar je. Moses ekar rube pileij dōkā ko im kakkure kau jidikdik kōm̧m̧an jān gold. E ekar jipan̄ Riisrael ro bwe ren ukweļo̧k im keememej Anij eo aer em̧ool.

Exodus 32:15–20, 25–29

Moses ekar kajjitōk ippān Irooj n̄an jeorļo̧k bōd an Riisrael ro im n̄an kōm̧m̧an kallim̧ur ippen bar juon alen. Moses ekar kallim̧ur n̄an tōl im katakin er.

Exodus 32:30–34

Irooj ekar kajjitōk ippān Moses n̄an ejaake pileij dōkā ko rekāāl im bar ro̧o̧l ļo̧k Toļ Sainai. Irooj ekar kōm̧m̧ane juon kallim̧ur kāāl ippān Riisrael ro im kar leļo̧k n̄an er Kien Ko Jon̄oul An.

Exodus 20:2–17; 34:1–17, 28; Duteronomi 6:24–25; 7:12–13