“Inōk Rikanaan eo,” Bwebwenato ko jān Kallim̧ur M̧okta (2022)
“Inōk Rikanaan eo,” Bwebwenato ko jān Kallim̧ur M̧okta
Jenesis 5; Moses 6–7
Inōk Rikanaan eo
Ekōjkan tōmak ilo Irooj kar lo̧mo̧o̧ren jikin eo
Irooj Jisōs Kraist eaar kajjitōk ippān Inōk n̄an jiron̄ armej ro n̄an ukweļo̧k. Ak Inōk ekar ļōmņak eban em̧m̧an an ekōnono. Eaar mijak bwe armej ro remaron̄ jab ron̄jake e.
Irooj eaar kallim̧ur n̄an kōkajoor im oņake Inōk men̄e jet iaan armej ro raar dike ta eo Inōk ekar katakin.
Kallim̧ur eo an Irooj ekar leļo̧k peran n̄an Inōk. Inōk eaar pokake Irooj im kar katakin armej ro kōn kajoor. Eaar kwaļo̧k kōn Jisōs Kraist, ukweļo̧k, peptaij, im Jetōb Kwojarjar. Jet armej raar tōmak Inōk im kar kōņaan ļoor Irooj.
Inōk eaar wōr an mālim jān Anij n̄an peptaij. Aolep armej ro me raar tōmak Inōk raar peptaij im epaakeļo̧k Irooj. Ejjeļo̧k en eaar jeram̧ōļ kōnke raar lale doon. Raar ņaetaer Zaion kōnke raar mour ilo iakwe doon im jim̧we.
Juon raan Irooj eaar kwaļo̧k n̄an Inōk juon visōn kōn aolepān ta eo enaaj waļo̧k ioon laļ in. Inōk eaar lo mour, mej, im Jerkakpeje eo an Jisōs Kraist. Inōk eaar jeļā bwe ilo raan ko āliktata gospel eo enaaj jepļaaktok. Eaar bar lo Itok eo Kein Karuo an Jisōs
Em̧ool, aolep armej ro ilo jikin eo Zaion raar tōmak Inōk im kar ukweļo̧k. Kōnke raar lale doon im kar mour ilo aenōm̧m̧an, Irooj ekar bōk er n̄an jokwe Ippān.