Ester 2–5; 7–9

Lerooj Ester

Peran ilo juon iien ekauwōtata

Jet RiIsrael ro raar ņaetaer Riju ro. Ester eaar juon Riju im kar jokwe ilo Persia. Ro jinen im jemen raar mej, kōn menin eo rilikin Mordikeaii eaar oņake e. Kar kajjitōk bwe en itok n̄an jikin eo an kiin̄ eo ippān kōrā ro jet ilo āneo. Kiin̄ eo eaar kōņaan juon leroij kāāl, im eaar kālet Ester.

Ester 2:2–7, 16–17 

Kiin̄ eo eaar wōr juon an rijerbal etan Heman eo eļap an kajoor. Heman eaar jipan̄ kiin̄ eo tōl āneo. Kiin̄ eo eaar kōm̧m̧an bwe aolep ren bun̄pedo n̄an Heman.

Ester 3:1–2 

Ak Mordikeai eban bun̄pedo n̄an Heman. Mordikeai enaaj bun̄pedo wōt n̄an Irooj. Menin ekōm̧m̧an bwe Heman en illu. Eaar kōņaan kaje Mordikeai im aolep Riju ro.

Exodus 20:5; Ester 3:5–6, 8

Heman eaar jiron̄ļo̧k kiin̄ eo ke Riju ro reban ļoor kakien ko an kiin̄ eo. Kōn menin kiin̄ eo eaar kōtļo̧k Heman n̄an kōm̧m̧ane juon kien ekāāl ilo jet raan, aolep Riju ro renaaj mej.

Ester 3:8–11, 13 

Mordikeai eaar kajjitōk ippān Ester n̄an kōnono n̄an kiin̄ eo. Kiin̄ eo emaron̄ ukōt kakien eo an Heman im lo̧mo̧o̧ren Riju ro. Ak Ester ekar mijak. Jet iien kiin̄ eo ekar m̧an armej ro raar itok n̄an ippā ilo ejjeļo̧k kajjitōk.

Ester 4:5–11

Mordikeai eaar kajjitōk ippān Ester n̄an ļōmņak kōn Riju ro me renaaj mej. Mordikeai eaar ba bwe Irooj eaar bōlen likūt Ester ilo jikin eo an kiin̄ eo n̄an lo̧mo̧o̧ren Riju ro.

Ester 4:13–14

Ester eaar jeļā ej aikuj kōnono ippān kiin̄ eo, men̄e e emaron̄ bar mej. Ester eaar kajjitōk ippān aolep Riju ro im rijerbal ro an n̄an jitlo̧k ippān.

Ester 4:15–16 

Ālkin jitlo̧k jilu raan, Ester eaar kōpooj e make im ilo̧k im loļo̧k kiin̄ eo.

Ester 5:1

Ke eaar jibadōkļo̧k kiin̄ eo, eaar eļļo̧ke jokwon gold eo an. Meļeļe bwe kiin̄ eo ekar m̧ōņōņō in lo e im kar jab m̧an e. Eaar kajjitōk ta eo ekar kōņaan. Ester eaar jiron̄ļo̧k kiin̄ eo bwe armej ro an rej pād ilo kauwōtata. Kōn kakien eo an Heman, e im aolep Riju ro ilo āneo naaj mej.

Ester 5:2–3; 7:4–6

Kiin̄ eo ekar lukkuun illu ippān Heman im ba ren m̧an e n̄an mej. Kiin̄ eo eaar kōm̧m̧ane juon kakien kāāl n̄an kōjparok Riju ro. Kiiō raar kōtļo̧k n̄an jurake er make n̄e juon ej kajjieon̄ in kōmetak er.

Ester 7:9–10; 8:10–11

Tōmak eo an Ester ilo Irooj im an peran n̄an kōnono n̄an kiin̄ eo n̄an lo̧mo̧o̧ren armej ro an. Ijeļo̧kin mej im būrom̧ōj, eaar wōr juon kejota. Riju ro raar m̧ōņōņō ippān doon.

Ester 8:16–17; 9:18–32