Jenesis 30; 37

Ettōņak ko Rekūrm̧ool an Josep

Juon apan̄ an baam̧ļe eo n̄an iakwe doon

Rejel im Jekob rekar jar elōn̄ iiō ko bwe en wōr juon nejierro ļaddik. Irooj ekar uwaake jar ko aer ke Josep ekar ļotak. Josep ekar ļaddik eo nejier eutiejtata ippān Jekob, im ekar leļo̧k n̄an Josep juon kopā emake wōt. Ļaddik ro 10 nejin Jekob me rerūtto rekar ebanban.

Jenesis 30:22–24; 37:1–4

Ke kar 17 an Josep iiō, ekar wōr juon an ettōņak eim̧we ke enaaj kar aiini wūt grain ko ilo melaaj ko ippān ļaddik ro jein. Ejouj in wūt grain ko an Josep rekar aitok im utiej. Ak ejouj in wūt grain ko an bratōr ro an rekar bun̄ badikdik n̄an ko an Josep. Ke Josep ekar ba n̄an ļaddik ro jein kōn ettōņak eo, rekar illu ippān.

Jenesis 37:2, 5–8

Tokālik, Josep ekar ettōņak juon ettōņak eim̧we. Ilo ettōņak eo an, al, allōn̄, im 11 iju ko rekar bun̄ badikdik n̄an e. Josep ekar ba n̄an baam̧le eo an kōn ettōņak eo. Ettōņak in ekar kōm̧m̧an bwe āinwōt Josep enaaj tōl baam̧le eo an. Ļaddik ro jein Josep rekar jino aer illu ļo̧k wōt ippān. Rekar dike ettōņak ko an.

Jenesis 37:9–11

Juon raan ļaddik ro jein Josep rekar etal ettoļo̧k jān m̧weo bwe ren naajdik sip ko. Jekob ekar jilkinļo̧k Josep n̄an pukōt er.

Jenesis 37:12–19

Jet iaan ļaddik ro jein Josep rekar kōņaan m̧an e. Rekar bōk nuknuk ko̧pā eo an Josep im kar joļo̧k e n̄an ilowaan juon ron̄.

Jenesis 37:20–24

Ke Josep ekar pād ilowaan ron̄ eo, ļaddik ro jein rekar ioon riito itak ro rej etal n̄an Ijipt. Ļaddik ro jein rekar kālet n̄an wia kake Josep āinwōt juon rikam̧akoko n̄an riito itak ro kōn wōņāān ņe 20 m̧ōttan jelba.

Jenesis 37:25–28

Innem ļaddik ro jein Josep rekar likūt bōtōktōk in goat ilo nuknuk ko̧pā eo an. Ļaddik ro jein rekar etal ippān Jemāer, Jekob, im kar kwaļo̧k n̄an e nuknuk ko̧pā eo. Rekar riabe Jekob im ba n̄an e ke kiru awiia ko rekar kij Josep.

Jenesis 37:31–33

Jekob ekar jan̄ kōnke ekar ļōmņak, Josep ekar mej.

Jenesis 37:32–35

Ak Josep ekar mour wōt. Ekar pād ettoļo̧k jān kapijuknen ilo Ijipt, mour āinwōt juon rikam̧akoko.

Jenesis 37:36