Jenesis 42–46

Josep im N̄ūta eo

Juon iien em̧m̧an n̄an juon brother n̄an kakobaiktok baam̧le eo an

Baam̧le eo an Jekob rekar kwo̧le kōn juon n̄ūta. Kōn menin Jekob ekar jilkinļo̧k ļaddik ro nejin n̄an Ijipt n̄an wia m̧ōn̄ā. Ekar likūt wōt ļaddik eo ediktata nejin, Benjamin, ilo m̧weo. Ekar mijak in luuji Benjamin āinwōt an kar luuji ļaddik eo nejin etan Josep elōn̄ iiō ko m̧oktaļo̧k. Ekar jab jeļā ke ļaddik ro nejin rerūtto rekar wia kake Josep āinwōt juon rikam̧akoko.

Jenesis 42:1-4

Ilo tōre in, Josep ekar juon ritōl eutiej ilo Ijipt. Ekar bōk eddoin wia kake m̧ōn̄ā ilo iien n̄ūta eo. Em̧m̧aan ro jein rekar ioone Josep im kar kajjitōk ippān kijeer m̧ōn̄ā. Rekar jab kile e.

Jenesis 42:5–8

Josep ekar kile er, ak ekar āinwōt n̄e ejaje kajeer. Ekar kajjitōk ippāer kōn baam̧le ko aer bwe en lale n̄e jemān im ļaddik eo jatin an etan Benjamin rekar mour wōt.

Jenesis 42:10–14

Innām Josep ekar leļo̧k kijen em̧m̧aan ro jein m̧ōn̄ā. Ekar ba n̄an er bwe ren jab bar ro̧o̧l ļo̧k im kappok m̧ōn̄ā ijjeļo̧kin n̄e renaaj bōktok diktata eo jatier, Benjamin, ippāer tok.

Jenesis 42:15–20

Ke ekar bar maat kijen baam̧le eo m̧ōn̄ā, Jekob ekar jeļā ke ej aikuj jilkinļo̧k Benjamin ippān ļo̧k ļōm̧aro nejin n̄an Ijipt. Jekob ekar mijak wōt kōn an kōtļo̧k bwe Benjamin en etal. Ak Juda, juon iaan em̧m̧aan ro jein, kar kallim̧ur bwe enaaj kōjparok Benjamin.

Jenesis 43:1–15

Ke em̧m̧aan ro jein rekar jepļaak n̄an Ijipt, Josep ekar kōm̧m̧an bwe en āinwōt n̄e Benjamin eo ekar kwo̧o̧te kap jelba eo. Ekar kōņaan bwe en lale eļan̄n̄e em̧m̧aan ro jein rerūtto rekar oktak. Juda ekar akweļape Josep bwe en jab kajeiki Benjamin ak en kaje e.

Jenesis 44

Josep ekar m̧ōņōņō in loe bwe em̧m̧aan ro jein em̧ōj aer oktak. Rekar lukkuun iakwe Benjamin rekar kōjparok e. Kōn menin, āliktata, Josep ekar ba n̄an er wōn e.

Jenesis 42:21–24; 45:1–4

Josep ekar joļo̧k an em̧m̧aan ro jein bōd kōn aer kar wia kake e n̄an erom̧ juon rikam̧akoko. Josep ekar ba bwe ekar karōk eo an Irooj n̄an jipan̄ baam̧le eo aer bwe ren mour wōt ilo iien n̄ūta eo.

Jenesis 45:5-8

Em̧m̧aan ro jein Josep rekar bar jepļaak n̄an ippān Jemāer, Jekob, im ba n̄an er aolep men ko rekar waļo̧k. Jekob ekar kam̧akūt aolepān baam̧le eo an n̄an Ijipt.

Jenesis 45:24–28; 46:1–26

Pero ekar karuwaineneik baam̧le eo an Jekob. Ekar leļo̧k n̄an er jikin im mennin mour ko bwe en maron̄ bwijjin kijeer m̧ōn̄ā. Baam̧le eo an Jekob ekar jokwe ilo aeņōm̧m̧an ium̧win juon iien aitok.

Jenesis 45:16–23