“4–10 ni Epereli. Na Lako Yani 14–17: ‘Ni Tu Vakadua, ka Raica na Veivakabulai i Jiova,’“ Lako Mai, Mo Muri Au—Baleta na Lalai: Veiyalayalati Makawa 2022 (2021)
“4–10 ni Epereli. Na Lako Yani 14–17,” Lako Mai, Mo Muri Au—Baleta na Lalai: 2022
Na Wasa Damudamu
4–10 ni Epereli
Na Lako Yani 14–17
“Ni Tu Vakadua, ka Raica na Veivakabulai i Jiova.”
Ni o wilika na Lako Yani 14–17, vola na veivakauqeti vakayalo o ciqoma. Na veivakauqeti oqo e rawa ni vukea nomu tuva mo vakavulica na ivolanikalou kei na dina o sa vulica vei ira na gone.
Vola na Veika o Vakauqeti Kina
Sureta na Veiwasei
Lako Yani 14–17 e vakasinaiti ena italanoa guiguilecavi dredre. Sureta eso na gone me ra wasea e dua na italanoa era sa kila mai na veiwase oqo, vata kei na dua na ka era sa vulica mai kina.
Vakavulica na iVunau: Gone Sobu
Na Turaga ea sereki Mosese kei ira na nona tamata.
Na tawasei ni Wasa Damudamu e dua na caka mana e vakaraitaka vei Mosese kei ira na Isireli e vakacava na kaukauwa ni Turaga. Na kilai tiko ni Nona kaukauwa ena rawa ni vukei ira na gone mera vakararavi Vua.
iTaviqaravi e Rawa ni Caka
-
Vakasamataka na sala eso mo wasea kina na kedra italanoa na Isireli ni ra takosova na Wasa Damudamu me talei, ka guilecavi dredre. Me vaka, e rawa ni vakaisulu mai vakai Mosese o iko se e dua tale na lewe ni tabanalevu me vaka mo ni tukuna na italanoa mai na Lako Yani 14:5, 9–10, 13–16, 19–22. Na gone e rawa ni vakatovo ni idabedabe e Wasa Damudamu, ka ra rawa ni ra muria na tamata e totomuri Mosese tiko ni tura tiko e dua na salatu ena kedra maliwa. Se ra rawa ni totomuria na gone mera wasawasa ka tawase ki na yasa duidui ni rumu ni sa vidai ira o Mosese. Dau vakabibitaka ni Turaga a solia vei Mosese na kaukauwa me wasea na wasawasa me rawa mera sereki na Isireli mai na tiko vakavesu.
-
Sureti ira na gone me ra rokataka na tabana ni itaviqaravi ni o railesuva tiko vata kei ira na italanoa mai na Lako Yani 14:5–22. Era na qai rawa ni cakacaka vata mera tukuna na italanoa ni vakayagataka tiko na tabana ni itaviqaravi.
Na Lako Yani 15:23–25; 16:14–15; 17:1–6
Ena vakarautaka na Turaga me baleta na noqu gagadre.
Na italanoa ni Nona vakarautaka Turaga na kakana kei na wai vei ira na Isireli ena lekutu e vakatavulica vei keda ni rawa ni vakarautaka oKoya na veika eda gadreva. Tugana na cava o rawa ni cakava mo okati ira kina na gone ena kena vulici na italanoa eso oqo.
Na mana mai vua na Kalou e vakani ira vakayago na Isireli; eda gadreva talega na veivakani vakayalo e veisiga. Droinini mai vei Leopold Bruckner
iTaviqaravi e Rawa ni Caka
-
Vukei ira na gone me ra matanataka na veika e yaco ena Lako Yani 15:23–25; 16:14–15; 17:1–6, me totomuri Mosese se o ira na Isireli. Ke rawa, kauta mai e dua na iyaya me vukea na tukunni ni italanoa yadua, me vaka e dua na tabanikau (me sava na wai mai Mara), e dua na tavaya se kuro (me vakatawana na mana), kei na dua na kau kei na vatu (me baleta na wai mai Orepi). E qaravi ira vakacava na Isireli na Kalou? E vakacava beka na Nona qaravi keda ena veisiga yadua?
-
Wasea vakalekaleka na italanoa mai na Lako Yani 15:23–25; 16:14–15; 17:1–6 (raica talega na “Sa Liutaki Isirel o Mosese,” ena iTukuni ni Veiyalayalati Makawa). Ni ko wasea, sureti ira na gone me ra droinitaka na iyaloyalo ni italanoa yadua. Na cava eda vulica baleta na Kalou mai na i sa italanoa eso oqo?
Au rawa ni tokoni ira na noda parofita.
Na kedrau italanoa o Eroni kei Uri ni rau tabea na ligai Mosese na parofita e rawa ni vakatauvatani ki na noda sasaga meda tokoni ira na noda parofita bula.
iTaviqaravi e Rawa ni Caka
-
Sureta e tolu na gone me mai tucake e mata ni rumu ka totomuri Mosese, Eroni, kei Uri tiko ni o tukuna na italanoa mai na Lako Yani 17:8–16. Na cava eda rawa ni cakava nikua me vukea na noda parofita, me vakai rau o Eroni kei Uri ni rau vukei Mosese na parofita?
-
Vakaraitaka e dua na iyaloyalo ni parofita bula, ka taroga vei ira na gone o cei okoya. Vukei ira na gone me ra nanuma na veika sa vakatavuvulitaka na parofita wale tikoga oqo. Kerei ira na gone mera wasea eso na sala era sa muria tiko kina na parofita. Lagata vata e vica na tikina ni “Muria na Parofita,” oka kina na iotioti ni tikina (iVolanisere ni Lalai, 110 – 11).
Vakavulica na iVunau: Gone Qase Cake
Au rawa ni vulica meu dau muria tikoga na Yalotabu.
E kila mai o Mosese na ivakatakila me liutaki ira vakacava na Isireli mera the kosova na Wasa Damudamu (raica na Vunau kei na Veiyalayalati 8:2–3). E rawa vakacava me vukei ira na gone o vakavulica na italanoa oqo mera cakacakataka na nodra ivakatakila yadudua?
iTaviqaravi e Rawa ni Caka
-
Vakaraitaka na iyaloyalo kei Mosese ni tawasea tiko na Wasa Damudamu ena ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale. Kerei ira na gone mera railesuva na Lako Yani 14:5–22 ka wasea eso na ka era kila me baleta na italanoa. Na cava e kuria na Vunau kei na Veiyalayalati 8:2–3 ki na noda kilamatata na italanoa? Tukuna me baleta e dua na ka ea tukuna vei iko na Yalo Tabu ena nomu vakasama se lomamu, ka sureti ira na gone mera tukuna na veika era sotava.
-
Vakananumi ira na gone na italanoa kei Nifai ka muria na Yalotabu ni sa lako me kauta mai na peleti parasa (raica na 1 Nifai 4:1–6). Vukei ira na gone mera raica ni o Mosese talega ea muria na Yalo ni liutaki ira na nona tamata mera kosova na Wasa Damudamu. Vukei ira na gone mera vola e dua na tikina vou ki na “Nephi‘s Courage” (Children’s Songbook, 120–21) me baleta ni a vakarautaka na Turaga e dua na sala vei Mosese ena nona vakaraitaka na yaloqaqa ka vakamuria na Yalo. Me ra lagata vata na qaqana vou.
Na Lako Yani 15:23–25; 16:14–15; 17:1–6
Ena vakarautaka na Turaga me baleta na noqu gagadre.
Kevaka eda vuki vei Jisu Karisito, e rawa ni vukei keda oKoya ena gauna ni dredre ni noda bula, me vaka ga ni a vukei ira na luvei Isireli oKoya.
iTaviqaravi e Rawa ni Caka
-
Vida na kalasi ki na veisasa se ilawalawa lalai, ka lesia na ilawalawa yadua mera wilika e dua vei ira na tikini: Na Lako Yani 15:23–25; 16:14–15; 17:1–6. Kerei ira na gone ena ilawalawa yadua mera droinitaka na iyaloyalo eso e matataka na veika era sa wilika ena veitikina oqo, ka qai kerei ira na lewe ni kalasi tale eso mera vakilakila na veika era sa droinitaka. Vukei ira na gone me ra raica na cava e vakatavulica na italanoa oqo baleti Jisu Karisito. Na veivakatovolei cava beka e nodra na tamata nikua? E vukei keda vakacava na Tamada Vakalomalagi kei Jisu Karisito ena noda veivakatovolei?
-
Ni ko railesuva na italanoa oqo, tarogi ira na gone na cava na vuna sa ka bibi sara kina na madrai kei na wai vei ira na luvei Isireli. Na cava beka ena yaco kevaka ea sega ni tu vei ira na veika oqo? Vukei ira na gone mera kilamatata ni madrai kei na wai ni sakaramede sa gadrevi vakayalo vei keda (raica na Joni 4:13–14; 6:35, 48–51). E rawa beka ni o kerea vei ira na gone me ra wasea na lomadra me baleta na sakaramede.
Eda na vakalougatataki ni da tokoni ira na noda iliuliu ni Lotu.
Era sa qaqa na luvei Isireli ena ivalu kei ira na Amalekaiti ena gauna ga ea laveti kina ki cake ligai Mosese. Na cava e rawa meda vulica mai na italanoa oqo me baleta na nodra tokoni na noda iliuliu?
iTaviqaravi e Rawa ni Caka
-
Me vukei ira na gone mera railesuva na italanoa ena Lako Yani 17:8–16, vola ena papa: O cei ea vukei Mosese ena gauna ni ivalu? Na cava era a cakava? Na cava a qai yaco? Sureti ira na gone mera vaqara na kena isau ena veitikina. Na cava e vakavulica na italanoa oqo me baleta na sala e rawa ni da vukea kina me gumatua na matanitu ni Kalou? Na cava e rawa ni da cakava me laveta, tokona, ka muri ira na noda iliuliu ni Lotu?
-
Sureti ira na gone mera wilika na Lako Yani 17:8–16 ka droinitaka na iyaloyalo ni veika era sa wilika. Vakayaloqaqataki ira mera vola ena nodra droini e dua na itukutuku era sa vulica mai na italanoa. Na cava e itukutuku bibi kina oqo vei keda nikua?
Vakauqeta na Vuli e Vale
Sureti ira na gone mera digitaka e dua na italanoa mai na nomu veivosaki nikua. Vukei ira mera vakasamataka eso na ka era rawa ni cakava ena loma ni macawa mai oqo mera vakayagataka kina na veika e vakavulica tiko na italanoa o ya.
Vakatorocaketaki Noda Veivakavulici
Era dau taleitaka na gone na italanoa. Era rawata vakavinaka na gone mera kilamatata na ivakavuvuli ni kosipeli ni rawa ni ra raica ena nodra bula na tamata dina. Ni ko wasea na italanoa mai na ivolanikalou, navuca mo wasea na veika o sotava ena nomu bula ka vakavulica na ivakavuvuli vata ga. E rawa talega ni o sureti ira na gone me ra wasea na nodra veikasotavi.