Kabwarabwara n tamnein Mote iaon te Maunga are Nebo, © Providence Collection/licensed from goodsalt.com

Meei 16–22

Te Tua Kaua 6–8; 15; 18; 29–30; 34

“Kona Tarataraiko bwa Kona Aki Mwanuoka Iehova”

Iangoia bwa ko na kanga ni kangaraoi mwakuri n te kabwarabwara aei nakon kainnanoia ataei ake ko reireiniia. N aron te katooto, ngkana ko reireiniia ataei aika a uarereke, ko kona ni buokiia nakon te bwabetito man kangaraoan mwakuri ake iaan “Kawakina au berita a uoti kakabwaia” n te mwakoro ibukiia ataei ake a ikawai riki.

Korei Am Namakin

Kaunga te Tibwatibwa

Kaoia ataei bwa ana tibwai baike a reiakin ibukin Mote n te Moanrinan ke n te mwenga n wiki aika a tia n nako. Ngkana e riai, kaoti tamnein rongorongon maiun Mote are e na kona ni kauringiia. Tuangiia bwa n te bong aei ko na maroroakina taekan bwaai ake e reirei Mote n rabanen maiuna i aon te aba.

Reirei te Reirei: Ataei aika a Uarereke

Te Tua Kaua 6:5

I kona n tangira te Uea ma nanou ni kabanea.

E reirei Mote nakoia tibun Iteraera bwa a riai n tangira te Uea ma nanoia ni kabanea, tamenia, ao korakoraia. Iangoia kawaia ake e kona ni buokiia ataei ake ko reireiniia ni kakorakora aia tangira ibukin Tamara are i Karawa ao Iesu Kristo.

Waaki ni Kakukurei aika a Kona ni Karaoaki

• Korea te aati i aon te burakibooti, tamnein te aomata, ao te bai ae korakora. Wareka Te Tua Kaua 6:5, ao kotea te tamnei n am tai n atongi taeka aika “nano,” “tamnei,” ao “korakora.” Kaoia ataei bwa a na ikaruoruo n kotea te tamnei n aia tai kaain te kiraati ni wareki kiibu aikai.

• Anenea te kuna ae reirei taekan ana tangira te Atua, n aron “My Heavenly Father Loves Me” (Children’s Songbook, 228–29). Buokiia ataei ni kakaei taeka n te kuna are e kaotia bwa e tangiriira Tamara are i Karawa. Buokiia bwa a na iangoia kawai are ti kona iai ni kaotia ae ti tangiria naba.

Te Tua Kaua 6:6–9

Koroboki aika a tabu bon ana taeka te Atua.

Te reirei i nanon Te Tua Kaua 6:6–9 e na buokiia tibun Iteraera n “a na tarataraia bwa [a] na aki mwanuokina Iehova” ao Ana taeka (kibu 12). Ko na kanga ni buokiia ataei ni kariki koroboki aika a tabu bwa mwakoron maiuia?

Waaki ni Kakukurei aika a Kona ni Karaoaki

• Kaoa te ataei bwa e na karabai kaobiin koroboki aika tabu n te ruu ao ataei ake tabeman a kamaki mataia. Ngkanne kaoiia ataei bwa a na kaurei mataia ao ni kataia ni kakaei booki aika a tabu. Kabonganai boto n iango man Te Tua Kaua 6:6–9, tibwauaia ma ataei bwa Mote e tuangiia tibun Iteraera bwa a na kamenai koroboki aika a tabu n taabo ake a kona iai n norii ao n reirei mai iai ni katoa bong. Buokiia ataei ni iango taabo ni mwengaia are a kona ia ni kamenai aia boki aika a tabu bwa aonga n nonori ni katoa bong.

• Anenea te kuna ae irekereke ma koroboki aika tabu, n aron “Search, Ponder, ao Pray” (Children’s Songbook, 109). Kaota am koaua bwa koroboki aika a tabu bon ana taeka te Atua, ao tuangiia ataei bwa e na kanga ni kakabwaia maium.

Iesu Kristo bon te burabeti n ai aron Mote.

Te Tua Kaua 18:15–18

Burabeti a reireiniira taekan Iesu Kristo.

E taetae ni burabeti Mote bwa E na roko Iesu Kristo ao bwa ti na riai ni kakauonga nakon ana taeka n reirei Iesu.

Waaki ni Kakukurei aika a Kona ni Karaoaki

• Buoka temanna te ataei ni wareka Te Tua Kaua 18:18, ao tuangiia ataei bwa te Burabeti n ai aron Mote are e na kateirakea te Atua bon Iesu Kristo. Aron buokaia ataei n nori kawai ake a titebo iai Mote ma Iesu, uota tamnein baike e karaoi Mote ao baike e karaoi Iesu, ao angania ataei bwa a na katomatomai. N aron te katooto, ko kona n uota tamnein Mote ao Iesu ni katabuia tabeman ao n anga reirei (tara Gospel Art Book, nambwa. 15, 16, 38, 39).

• Kaota tamnein te burabeti ni bong aikai nakoia ataei, ao tibwaua te bwai teuana are e reirei i aon te Tia Kamaiu. Kaoiia ataei bwa a na korea tamnein te burabeti ma aia utu.

Reirei te Reirei: Ataei aika a Ikawai Riki

Te Tua Kaua 6:6–9

I kona n kawakin ana taeka te Atua i nanou.

E reirei Mote bwa ti riai ni kawakina ana taeka te Atua i nanora, ao e angania tibun Iteraera te reirei bwa a na kanga n kawakina ana taeka te Atua i moaia n tainako. Ko na kanga ni kaungaia ataei bwa a na reirei man ana taeka te Atua n te bong koraki?

Waaki ni Kakukurei aika a Kona ni Karaoaki

• Iaon te burakibooti, korei taeka ao mwakoro n taeka man Te Tua kaua 6:6–9 are e kaotia bwa ningai ao ni kanga ae tibun Iteraera a kona n uringa ana taeka te Atua (n aron tekateka, nakonako, wene, bai, ao auti). Kaoiia ataei bwa ana kakaei taeka aikai ni kiibu aikai. Tera ae a reirei taeka aikai i aon aron karikani koroboki aika a tabu bwa mwakoron maiura n te bong koraki? Tuangiia ataei bwa tera ae a kona ni karaoia n uringa ana taeka te Atua ni katoaa bongin maiuia.

• Angania ataei ni bane te mwakoro ni beba, ao kaoiia bwa a na korei taeka man Te Tua Kaua 6 are e mate nanoia iai. Tuangiia bwa bukin tera ngkai a rinei taeka akanne. Tuangiia bwa a kona ni katamaroa aia beba ao ni katekei ni mwengaia bwa a na ururingnga. Kaungaia ataei bwa a na korei ao ni kaoti taeka ake a kunei ni koroboki aika a tabu.

Te Tua Kaua 15:7–11

I kona ni beku ma te kukurei ni buokiia naake a kainnano.

Taian reirei n Te Tua Kaua 15:7–11 e kona ni buokiia ataei ake ko reireiniia n oota bwa buokakiia tabeman e raka riki nakon ae tii te mwakuri. E riai ni karaoaki ma te nano ae tauraoi.

Waaki ni Kakukurei aika a Kona ni Karaoaki

• Korea antai, bukin tera, ao n te aro raa i aon te burakibooti. Kaoiia ataei bwa a na wareka Te Tua Kaua 15:7–11 ni kakaea bwa antai ae ti riai ni buokia, bukin tera ti riai ni buokiia, ao tera ae ti riai n namakinna n ara tai n ibuobuoki. Angania te tai bwa a na korei baike a kunei i aon te burakibooti. Anenea te kuna are e kamatoa te rongorongo ni kiibu aikai, n aron “Have I Done Any Good?” (Hymns, nambwa 223).

• Tuangiia ataei bwa a na iangoa temanna ae a kona ni buokia—riki n aia utu. Angania aia tai bwa a na korea te bwai ae a na karaoia n te wiki aei ni buoka te aomata anne. Ngkana e kona, karaoi babaire n ibuobuoki n te kiraati nakon temanna ae kainnano.

Te Tua Kaua 30:8–10

Kawakinan au berita e uoti kakabwaia.

N ai aroia tibun Iteraera, ti kainnanoia kauring ibukin maiuakinan ara berita. Warekan Te Tua Kaua 30:8–10 e kona ni buokiia ataei ni mataata riki bwa tera te berita ae tabu ao ni kaungaia ni kawakin aia berita aika tabu.

Waaki ni Kakukurei aika a Kona ni Karaoaki

• Titirakinia ataei bwa tera te berita (ngkana a kainnanoa te ibuobuoki, tuangiia bwa a na taraa nanona n “Berita ae Tabu” i nanon te Kairi nakon Koroboki aika Tabu [scriptures.ChurchofJesusChrist.org]). Korea te baoki ae uoua mwakorona i aon te burakibooti ma atuuna aikai: aia berita tibun Iteraera ao Ana berita te Atua. Kaoiia ataei bwa a na wareka Te Tua Kaua 30:8–10 ao ni kanoa te baoki aei. (Ngkana e riai, buokiia ataei bwa a na atai nanon taeka n kibu 9.) Kaota am koaua i aon kakabwaia ake a reke iroum man kawakinan am berita aika a tabu.

• Kaoiia ataei bwa a na korei i aon te burakibooti berita ake ti karaoi n te bwabetito ao Ana berita Tamara are i Karawa nakoira (tara Reirei ao Berita aika Tabu 20:37, 77). Tera ae ti kona ni karaoia n uringa te Kamaiu n tainako ao ni kawakin ara berita aika tabu?

Kaungaa te Kamatebwai n te Mweenga

Kaoia ataei ao a na taraia ae aongkoa ngkoe kaain aia utu, ao tuangiia bwa ana tuangko teuana te bwai ae a reiakinna man te kiraati n te bong aei. Kaungaia bwa a na tibwai baike a tuangko ma kaain aia utu ngkana a okira mwengaia.

Kanakoraoan Ara Anga reirei

Anga titiraki aika a kaunga te nano. Tabeki titiraki ake a kaoiia ataei bwa a na aki tii taekini taeka ma a na tibwauai aia koaua ni koaua n te euangkerio. N aron te katooto, ngkana kam maroroakini tuua, ko kona ni tuangiia ataei bwa a na tibwai bwa e kanga kawakinan tuua ni kakabwaiaia.