« ថ្ងៃទី ១៣–១៩ ខែ មិថុនា ។ សាំយូអែល ទី១ ៨–១០; ១៣; ១៥–១៨ < ដ្បិតចម្បាំងនេះស្រេចនៅព្រះយេហូវ៉ាវិញ > » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ១៣–១៩ ខែ មិថុនា ។ សាំយូអែល ទី១ ៨–១០; ១៣; ១៥–១៨ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២២
ដាវីឌ និង កូលីយ៉ាត ដោយ ស្ទីហ្វ ណិតធើខត់ថ៍
ថ្ងៃទី ១៣–១៩ ខែ មិថុនា
សាំយូអែល ទី១ ៨–១០; ១៣; ១៥–១៨
« ដ្បិតចម្បាំងនេះស្រេចនៅព្រះយេហូវ៉ាវិញ »
ទោះបីជាសកម្មភាពខាងក្រោមត្រូវបានរៀបចំឡើង សម្រាប់កុមារតូចៗ ឬកុមារធំៗក៏ដោយ បងប្អូនអាចសម្របសកម្មភាពទាំងនោះដើម្បីបំពេញតម្រូវការរបស់បងប្អូនទៅនឹងអ្នកទាំងឡាយណាដែលបងប្អូនបង្រៀន ។
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
សូមបង្ហាញរូបភាពដាវីឌ និងកូលីយ៉ាតចេញមកពី គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។ សូមអញ្ជើញកុមារឲ្យចែកចាយអំពីអ្វីដែលពួកគេបានដឹងអំពីរឿងនេះ ហើយសួរពួកគេនូវសំណួរទាំងឡាយ ដើម្បីជួយពួកគេចងចាំនូវផ្នែកនៃរឿងដែលពួកគេមិនបាននិយាយ ។
បង្រៀនគោលលទ្ធិ ៖ កុមារតូចៗ
ព្រះអម្ចាស់ជ្រាបដឹងពីគំនិតនៅក្នុងដួងចិត្តខ្ញុំ ។
ការចែកចាយរឿងរ៉ាវអំពីរបៀបដែលព្រះអម្ចាស់បានប្រាប់ដល់សាំយូអែលឲ្យជ្រើសរើសដាវីឌជាស្តេច អាចជួយអោយកុមារដឹងថា ព្រះអម្ចាស់ស្គាល់យើងម្នាក់ៗយ៉ាងជាក់ច្បាស់ ។
សកម្មភាពដែលអាចជ្រើសរើស
-
សូមចែកចាយនូវរបៀបដែលព្រះអម្ចាស់បានប្រាប់សាំយូអែលថា ដាវីឌនឹងក្លាយជាស្តេចនៃសាសន៍អ៊ីស្រាអែល ( សូមមើល សាំយូអែល ទី១ ១៦:១–១៣ ) ។ នៅពេលបងប្អូននិទានរឿង បងប្អូនអាចឲ្យក្មេងម្នាក់ធ្វើជាតំណាងឲ្យសាំយូអែល ។ គាត់ ឬនាងអាចផ្តល់មកុដក្រដាសដល់ក្មេងម្នាក់ទៀតដែលតំណាងឲ្យដាវីឌ ។ សូមចែកចាយទីបន្ទាល់របស់បងប្អូនថា ព្រះអម្ចាស់ស្គាល់ពីដួងចិត្តរបស់ដាវីឌហើយថាទ្រង់ស្គាល់យើងម្នាក់ៗផងដែរ ។
-
សូមចែកចាយបទពិសោធន៍មួយដែលបងប្អូនបានទទួលអារម្មណ៍ដឹងថា ព្រះអម្ចាស់ទ្រង់ស្គាល់បងប្អូន ។ សូមច្រៀងចម្រៀងដែលបង្រៀនថា ព្រះអង្គសង្រ្គោះស្គាល់ ហើយស្រឡាញ់យើងដូចជាបទ « ព្រះយេស៊ូវជាសម្លាញ់យើង » ( សៀវភៅចម្រៀងកុមារទំព័រ ៣៧ ) ។
សេចក្ដីជំនឿទៅលើព្រះយេស៊ូវអាចជួយខ្ញុំឲ្យមានសេចក្តីក្លាហាន ។
កុមារអាចយល់យ៉ាងងាយស្រួលអំពីដាវីឌវ័យក្មេង ពីព្រោះទោះបីជាដាវីឌតូចក៏ដោយក៏គាត់បានយកឈ្នះឧបសគ្គដ៏ធំបានដែរ ។ សូមជួយពួកគេឲ្យមើលឃើញនូវប្រភពនៃសេចក្តីក្លាហាន និងកម្លាំងរបស់គាត់គឺជាសេចក្តីជំនឿនៅលើព្រះយេស៊ូវគ្រីស្ទ ។
សកម្មភាពដែលអាចជ្រើសរើស
-
សូមរំឭករឿងឡើងវិញជាមួយកុមារអំពីដាវីឌ និងកូលីយ៉ាត ( សូមមើល « ដាវីឌ និងកូលីយ៉ាត » នៅក្នុង ដំណើររឿងព្រះគម្ពីរសញ្ញាចាស់ ) ហើយឲ្យពួកគេដាក់វេនគ្នាសម្ដែងរឿងនេះ ។ សូមបំផុសគំនិតកុមារដែលធ្វើពុតជាកូលីយ៉ាតឲ្យនិយាយថា « ចូរឲ្យមនុស្សម្នាក់ចេញមកតនឹងអញលមើលចុះ » ( សាំយូអែល ទី១ ១៧:១០ ) ។ សូមបំផុសគំនិតកុមារដែលធ្វើពុតជាដាវីឌឲ្យនិយាយថា « អញមកឯឯងដោយនូវព្រះនាមរបស់ព្រះយេហូវ៉ា » ( សាំយូអែល ទី១ ១៧:៤៥ ) ។ សូមថ្លែងទីបន្ទាល់ថា នៅពេលណាយើងមានជំនឿលើព្រះអម្ចាស់ ទ្រង់នឹងជួយយើងឲ្យមានសេចក្តីក្លាហានដូចជាដាវីឌអញ្ចឹងដែរ ។
-
សូមប្រើទំព័រសកម្មភាពសប្ដាហ៍នេះ ដើម្បីបង្ហាញថាតើកូលីយ៉ាតមានកម្ពស់ប៉ុន្មានបើប្រៀបធៀបទៅនឹងក្មេងប្រុសម្នាក់ដូចជាដាវីឌ ។ សូមពន្យល់ថាកងទ័ពអ៊ីស្រាអែលបានខ្លាចកូលីយ៉ាតយ៉ាងខ្លាំង ។ សូមឲ្យកុមារធ្វើពុតជាខ្លាច ។ សូមបង្ហាញរូបភាពព្រះយេស៊ូវគ្រីស្ទ ហើយប្រាប់ពួកគេថា ពីព្រោះដាវីឌបានមានជំនឿលើព្រះអម្ចាស់ គាត់អាចមានភាពក្លាហាន ។ សូមឲ្យពួកគេក្រោកឈរឡើងខ្ពស់ដូចជាពួកគេក្លាហាន ។
-
សូមអញ្ជើញកុមារឲ្យពួកគេដើរដូចជាដាវីឌទៅប្រយុទ្ធនឹងកូលីយ៉ាត នៅពេលដែលពួកគេកំពុងច្រៀងចម្រៀងអំពីភាពក្លាហាន ដូចជាបទ « ខ្ញុំនឹងធ្វើជាអ្នកក្លាហាន » ( សៀវភៅចម្រៀងកុមារ ទំព័រ ៨៥ ) ។
មិត្តល្អអាចជាពរជ័យដល់យើង ។
មិត្តភាពរវាងយ៉ូណាថាន និងដាវីឌ គឺជាគំរូដ៏អស្ចារ្យនៃពរជ័យដែលអាចចេញមកពីមិត្តល្អ ។
សកម្មភាពដែលអាចជ្រើសរើស
-
សូមគូររូបមនុស្សពីរនៅលើក្តារខៀន មួយគឺតំណាងឲ្យដាវីឌ និងម្នាក់ទៀតតំណាងឲ្យយ៉ូណាថាន ។ សូមអានឃ្លាពីរបីទៅកាន់កុមារមកពី សាំយូអែល ទី១ ១៨:១–៤ ដែលបញ្ជាក់ពីសេចក្តីស្រឡាញ់ដែលមិត្តភក្តិទាំងពីរនាក់នេះមានចំពោះគ្នា ។ សូមឲ្យក្រដាសរូបបេះដូងទៅកុមារម្នាក់ៗ ហើយសួរពួកគេពីរបៀបដែលពួកគេអាចបង្ហាញសេចក្តីស្រឡាញ់ទៅកាន់មិត្តភក្តិម្នាក់ ។ ក្រោយពីកុមារម្នាក់ៗចែកចាយគំនិតរបស់ពួកគេហើយ សូមបិទរូបក្រដាសបេះដូងទៅលើក្តារខៀន ។
-
សូមប្រាប់កុមារអំពីមិត្តល្អម្នាក់ដែលជួយបងប្អូនឲ្យរស់នៅតាមដំណឹងល្អ ឬស្ថាបនាសេចក្តីជំនឿរបស់បងប្អូនលើព្រះយេស៊ូវគ្រីស្ទ ហើយអញ្ជើញកុមារឲ្យចែកចាយអំពីអ្នកដែលជួយពួកគេផងដែរ ។ សូមអញ្ជើញកុមារឲ្យសម្ដែងពីរបៀបដែលពួកគេធ្វើល្អដាក់មិត្តភក្តិម្នាក់ ។
បង្រៀនគោលលទ្ធិ ៖ កុមារធំៗ
សាំយូអែល ទី១ ៨:៦; ៩:១៥–១៧; ១០:១–២៤; ១៦:១–១៣
មនុស្សទាំងឡាយដែលបម្រើនៅក្នុងសាសនាចក្រគឺត្រូវបានហៅដោយព្រះ ។
ដំណើររឿងទាំងឡាយអំពីព្រះជ្រើសរើសសូល និងដាវីឌឲ្យធ្វើជាស្តេច អាចជួយឲ្យថ្នាក់របស់បងប្អូនយល់ពីរបៀបដែលមនុស្សត្រូវបានហៅឲ្យបម្រើនៅក្នុងសាសនាចក្រសព្វថ្ងៃនេះ ។ ដំណើររឿងទាំងនេះអាចជួយស្ថាបនាសេចក្តីជំនឿ ថា ការហៅបម្រើគឺមកពីព្រះតាមរយៈអ្នកបម្រើដែលមានសិទ្ធិអំណាចរបស់ទ្រង់ ។
រចនារូបភាព សាំយូអែលចាក់ប្រេងតែងតាំង សូល © Lifeway Collection/បានទទួលអជ្ញាបណ្ណពី goodsalt.com
សកម្មភាពដែលអាចជ្រើសរើស
-
នៅលើចម្រៀកក្រដាសដាច់ដោយឡែកពីគ្នា សូមសរសេរសេចក្តីថ្លែងការណ៍ និងបទគម្ពីរដូចតទៅនេះ ៖ ប្រជាជនចង់បានស្តេចមួយអង្គ ( សាំយូអែល ទី១ ៨:៦ ) ព្រះអម្ចាស់មានព្រះបន្ទូលទៅកាន់សាំយូអែលថា សូលនឹងឡើងស្នងរាជ្យ ( សាំយូអែល ទី១ ៩:១៥–១៧ ) សាំយូអែលតែងតាំងសូល ( សាំយូអែល ទី១ ១០:១ ) សាំយូអែលណែនាំសូលដល់ប្រជាជន ( សាំយូអែល ទី១ ១០:២៤ ) ។ សូមឲ្យកុមារអានវគ្គបទគម្ពីរទាំងនេះ ហើយរៀបវាឲ្យត្រឹមត្រូវតាមលំដាប់លំដោយ ។
-
រៀនជាមួយគ្នានូវមាត្រាទី ៥ នៃសេចក្តីជំនឿ ។ សូមប្រាប់កុមារដោយសង្ខេបអំពីរបៀបដែលបងប្អូនទទួលបានការហៅបម្រើ ដើម្បីបង្រៀននៅក្នុងថ្នាក់អង្គការបឋមសិក្សា ។ តើបងប្អូនដឹងយ៉ាងដូចម្តេចថា បងប្អូនត្រូវបានហៅដោយព្រះ ? សូមថ្លែងទីបន្ទាល់ថា ព្រះបំផុសគំនិតអ្នកដឹកនាំទាំងឡាយឲ្យហៅមនុស្សឲ្យបម្រើ ។
« តែព្រះយេហូវ៉ាទ្រង់ទតចំពោះក្នុងចិត្តវិញ » ។
វាជារឿងធម្មតាទេដើម្បីវិនិច្ឆ័យអ្នកដទៃដោយផ្អែកទៅលើអ្វីដែលយើងអាចមើលឃើញប៉ុន្តែផ្នែកនៃការប្រែក្លាយ ឲ្យ កាន់តែដូចព្រះយេស៊ូវគឺការរៀនពីរបៀបមើលដូចទ្រង់ទតមើល - ដោយមើលទៅលើ« ក្នុងចិត្ត »( សាំយូអែល ទី ១ ១៦:៧ ) ។
សកម្មភាពដែលអាចជ្រើសរើស
-
សូមអញ្ជើញកុមារឲ្យស្រម៉ៃមើលថា ពួកគេត្រូវបានសុំឲ្យធ្វើការជ្រើសរើសនរណាម្នាក់ឲ្យធ្វើជាស្តេច ។ តើពួកគេនឹងស្វែងរកគុណសម្បត្តិអ្វីខ្លះ ? សូមអានជាមួយគ្នា សាំយូអែល ទី១ ១៦:៦–៧ ដើម្បីស្វែងរកអ្វីដែលព្រះអម្ចាស់មានព្រះបន្ទូលមកកាន់សាំយូអែល នៅពេលគាត់កំពុង តែស្វែង រកស្តេចថ្មីមួយសម្រាប់សាសន៍អ៊ីស្រាអែល ។ តើយើងរៀនអ្វីខ្លះពីការណែនាំរបស់ព្រះអម្ចាស់ ?
-
សូមបង្ហាញកម្មវត្ថុមេរៀន ដើម្បីបង្ហាញដល់កុមារថា ការវិនិច្ឆ័យដែល យើងបាន ធ្វើដោយ ផ្អែកទៅលើ « ឫកពាខាងក្រៅ » ( ខទី ៧ ) ប្រហែលជាមិនត្រឹមត្រូវ ទេ ។ ជាឧទាហរណ៍ អ្នកអាចបង្ហាញពួកគេនូវអាហារ ឬសៀវភៅ មួយក្បាលដែលមានក្រដាសរុំ ឬគម្របបិទជិតដែលមិនត្រូវនឹងខ្លឹមសារពិតរបស់វា ។ តើ សាំយូអែល ទី១ ១៦:៧ និងកម្មវត្ថុមេរៀននេះណែនាំអំពីរបៀបដែលយើងគួរមានទស្សនៈចំពោះខ្លួនឯង និងមនុស្សដទៃទៀតយ៉ាងដូចម្តេច ?
-
សូមចែករំលែកបទពិសោធន៍ដែលបងប្អូនបានរៀនពីមូលហេតុ ដែលបងប្អូនគួរ « មើលចំពោះក្នុងចិត្ត » មិនមែនមើលតែ « ឫកពាខាងក្រៅ » នោះទេ ( ខទី ៧ ) ។ សូមលើកទឹកចិត្តកុមារឲ្យចែកចាយបទពិសោធន៍ស្រដៀងនេះដែលពួកគេបានមាន ។ សូមច្រៀងចម្រៀងមួយបទដែលបញ្ជាក់ពីគោលការណ៍នេះ ដូចជាបទ « ខ្ញុំនឹងដើរជាមួយអ្នក » ឬ « We Are Different » ( សៀវភៅចម្រៀងកុមារទំព័រ ៧៨ ខ្មែរ, ២៦៣ អង់គ្លេស ) ។
ព្រះយេស៊ូវគ្រីស្ទអាចជួយខ្ញុំឲ្យ យក ឈ្នះ លើឧបសគ្គបាន ។
កុមារអាចប្រឈមមុខនឹងបញ្ហាទាំងឡាយដែលពិបាក ដែលហាក់ដូចជាការយកឈ្នះលើយក្សកូលីយ៉ាត ។ គំរូរបស់ដាវីឌអាចផ្តល់ក្តីសង្ឃឹមដល់ពួកគេថា ព្រះអម្ចាស់នឹងជួយច្បាំងចម្បាំងទាំងឡាយរបស់ពួកគេ ។
សកម្មភាពដែលអាចជ្រើសរើស
-
សូមចាត់តាំងឲ្យកុមារគូររូបភាពនៃផ្នែកផ្សេងៗនៃសាច់រឿងដែលមាននៅក្នុង សាំយូអែល ទី១ ១៧:២០–៥៤ ។ សូមបង្ហាញរូបភាពតាមលំដាប់លំដោយនៅលើក្តារខៀន ហើយអញ្ជើញកុមារឲ្យចែកចាយរឿងដោយនិយាយអំពីរូបភាពនីមួយៗដែលពួកគេបានគូរ ។ តើព្រះអម្ចាស់មានព្រះទ័យឲ្យយើងរៀនអ្វីខ្លះពីរឿងនេះ ?
-
សូមជួយកុមារឱ្យធ្វើបញ្ជីនៅលើក្តារខៀនអំពីបញ្ហាលំបាកមួយចំនួន ដែលមនុស្សម្នាក់ៗអាចនឹងប្រឈមមុខ ។ សូមអញ្ជើញពួកគេឲ្យស្វែងរកនូវអ្វីដែលដាវីឌបាននិយាយ ដែលអាចលើកទឹកចិត្តដល់នរណាម្នាក់ដែលប្រឈមមុខនឹងបញ្ហាទាំងនេះ ( សូមមើល សាំយូអែល ទី១ ១៧:២៦, ៣២, ៣៤–៣៧, ៤៥–៤៧ ) ។ សូមប្រាប់កុមារអំពីរបៀបដែលព្រះយេស៊ូវគ្រីស្ទបានជួយបងប្អូននៅគ្រាដែលបងប្អូនមានទុក្ខលំបាក ។
សូមលើកទឹកចិត្តឲ្យមានការរៀនសូត្រនៅឯគេហដ្ឋាន
សូមសួរកុមារនូវសំណួរអំពីអ្វីដែលពួកគេបានរៀននៅថ្ងៃនេះ ។ សូមសរសេរសំណួរ ហើយចែកក្រដាសសំណួរនោះដល់កុមារម្នាក់ៗមួយច្បាប់ដើម្បីយកទៅផ្ទះ និងពិភាក្សាជាមួយគ្រួសាររបស់គេ ។
ការកែលម្អការបង្រៀនរបស់យើង
សូមជួយកុមារឲ្យគិតស្រមៃអំពីបទគម្ពីរ ។ ជាញឹកញាប់កុមារយកចិត្តទុកដាក់ខ្លាំងជាង នៅពេលដែលពួកគេអាចមើលរូបភាពទាំងឡាយដែលទំនងទៅនឹងដំណើររឿងនៅក្នុងព្រះគម្ពីរ ឬការបង្រៀនទាំងឡាយ ។ សូមពិចារណាប្រើរូបភាពនៅក្នុង សៀវភៅរូបភាពដំណឹងល្អ ឬនៅលើ ChurchofJesusChrist.org ។