Եսթերը աղոթում է

Եսթեր, ըստ՝ Ջեյմս Ջոնսոնի

Հուլիսի 25-31-ը

Եսթեր

«Գուցէ մի այսպիսի ժամանակի համար ես դու … հասել»

Բոլոր սուրբ գրությունները վկայում են Հիսուս Քրիստոսի մասին։ Մտածեք, թե ինչպես կարող եք օգնել երեխաներին հասկանալ Փրկիչի ազդեցությունը Եսթերի պատմության մեջ:

Գրի առեք ձեր տպավորությունները

կիսվելու պատկերակ

Հրավիրեք կիսվել

Երեխաներին ցույց տվեք Եսթերի նկարը (տես այս շաբաթվա համառոտ շարադրանքը Եկ, հետևիր ինձ. Անհատների և ընտանիքների համար ձեռնարկում): Երբ երեխաները պահում են նկարը, հրավիրեք նրանց կիսվել ինչ-որ բանով, որը նրանք գիտեն Եսթերի պատմության մասին:

ուսուցման պատկերակ

Ուսուցանեք վարդապետությունը. կրտսեր խմբի երեխաներ

Եսթեր 2.5–7

Ես կարող եմ ծառայել իմ ընտանիքին։

Երբ Եսթերի ծնողները մահացան, նրա զարմիկը՝ Մուրթքեն հոգ էր տանում նրա մասին: Դուք կարող եք օգտագործել նրանց փորձը որպես հնարավորություն՝ խոսելու մեր ընտանիքի անդամներին ծառայելու մասին:

Հնարավոր վարժություններ

• Գրատախտակին նկարեք պատկերներ, որոնք ներկայացնում են Եսթերին, նրա ծնողներին և նրա զարմիկ Մուրթքեին: Բացատրեք, որ Եսթերի ծնողները մահացան, ուստի Եսթերին պետք էր մեկը, ով հոգ կտաներ նրա մասին: Երեխաների համար կարդացեք Եսթեր 2․7-ը և խնդրեք նրանց ուշադրություն դարձնել, թե ինչ արեց Մուրթքեն։ Օգնեք երեխաներին մտածել իրենց ընտանիքի այն անդամների կարիքների մասին, որոնց երեխաները կարող են օգնել:

• Հրավիրեք երեխաներից մի քանիսին որևէ բարի գործ կատարել՝ ծառայելով իրենց ընտանիքներից մեկին և խնդրեք մյուս երեխաներին գուշակել, թե ինչ են անում: Հրավիրեք նրանց խոսել այն գործերի մասին, որոնք նրանք կատարում են իրենց ընտանիքներին օրհնելու համար, ապա պատմեք ձեր կատարած որոշ գործերի մասին:

• Միասին երգեք որևէ երգ մեր ընտանիքներին օգնելու մասին, օրինակ՝ «When We’re Helping» (Children’s Songbook, 198): Կիսվեք ձեր վկայությամբ այն մասին, որ օգնելով մեր ընտանիքներին, մենք ուրախություն ենք զգում:

Եսթեր 4.15–16

Ես կարող եմ քաջ լինել։

Երեխաները, որոնց դուք ուսուցանում եք, կհայտնվեն այնպիսի իրավիճակներում, երբ քաջ լինելու համար Տիրոջ օգնության կարիքը կունենան: Ինչպե՞ս կարող եք օգնել երեխաներին սովորել Եսթերի քաջության օրինակից:

Հնարավոր վարժություններ

• Արդյո՞ք ձեր ուսուցանած երեխաները գիտեն, թե ինչ է նշանակում քաջ լինել։ Կիսվեք մի պարզ սահմանումով, օրինակ՝ «Քաջ լինել՝ նշանակում է անել այն, ինչ ճիշտ է, նույնիսկ երբ վախենում ես»: Կիսվեք Եսթերի պատմությունով (see «Եսթեր թագուհին» Հին Կտակարանի պատմություններ) և օգնեք երեխաներին հասկանալ, թե Եսթերն ինչպես էր քաջություն դրսևորում: Թող երեխաներն օգտագործեն այս շաբաթվա գործնական աշխատանքի էջի պատկերները և կրկին պատմեն պատմությունը:

• Ցույց տվեք Եսթերի նկարը (տես այս շաբաթվա համառոտ շարադրանքը Եկ հետևիր ինձ․ Անհատների ու ընտանիքների համար ձեռնարկում): Երեխաների հետ երգեք որևէ երգ քաջ լինելու մասին, ինչպես օրինակ՝ «I Will Be Valiant» (Children’s Songbook, 162): Նշեք երգի բառերն ու արտահայտությունները, որոնք նկարագրում են Եսթերին և վկայում, որ Փրկիչը կարող է օգնել երեխաներին համարձակ լինել:

• Երեխաներին պատմեք այն ժամանակների մասին, երբ Հիսուս Քրիստոսը քաջ էր, օրինակ, երբ Նա տառապեց մեր մեղքերի համար Գեթսեմանում և խաչի վրա (տես Մատթեոս 26.36–39, 27.33–35): Խնդրեք երեխաներին պատմել մի իրավիճակի մասին, երբ նրանք քաջություն են դրսևորել (նախապես կապվեք նրանց ընտանիքների հետ և նրանցից մի քանի օրինակ խնդրեք): Ի՞նչն օգնեց նրանց քաջ լինել։ Պատմեք երեխաներին, թե ինչպես է Տերը օգնել ձեզ քաջ լինել, երբ վախենում էիք:

  Եսթերը և թագավորը

  Եսթերը կանգնած է թագավորի առջև, ըստ՝ Միներվա Կ․ Թեյչերթի

ուսուցման պատկերակ

Ուսուցանեք վարդապետությունը. ավագ խմբի երեխաներ

Եսթեր 4.14

Ես կարող եմ գործիք լինել Աստծո ձեռքերում։

Երբ Եսթերը վախեցավ, Մուրթքեն քաջալերեց նրան՝ ուսուցանելով, որ գուցե Տերը նրան թագուհի է դարձրել «մի այսպիսի ժամանակի համար» (Եսթեր 4.14): Խորհեք, թե ինչպես է Տերը պատրաստում ձեր ուսուցանած երեխաներին՝ ուրիշներին օրհնելու հնարավորությունների համար:

Հնարավոր վարժություններ

• Հրավիրեք մեկին երաժշտական գործիքով երգեր նվագել երեխաների համար կամ ցուցադրել մեկի նկարը, որը ինչ-որ գործիք է նվագում: Ի՞նչ է նշանակում գործիքներ լինել Աստծո ձեռքերում: Երեխաների հետ վերանայեք Եսթերի պատմությունը (տես «Եսթեր թագուհին» Հին Կտակարանի պատմություններ), և խնդրեք նրանց պատմել, թե Եսթերն ինչպես էր գործիք Տիրոջ համար՝ Իր նպատակներն իրականացնելու գործում: Մենք ինչպե՞ս կարող ենք գործիքներ լինել Տիրոջ համար:

• Եսթերի պատմությունը վերանայելուց հետո յուրաքանչյուր երեխայի թիկունքում կցեք մի քարտ՝ պատմվածքի հերոսներից մեկի անունով: Հրավիրեք, որ երեխաները փորձեն պարզել, թե ում անունն է իրենց մեջքին՝ մյուս երեխաներին ուղղելով նմանատիպ հարցեր. «Արդյո՞ք այս մարդն արդար էր» կամ «Այս անձը կի՞ն էր»: Ապա քննարկեք, թե ինչպես են Մուրթքեն ու Եսթերը Տիրոջ գործիքները եղել հրեաներին փրկելու համար:

Եսթեր 3.1-11, 4.10-17

Երկնային Հայրն օգնում է ինձ քաջ լինել, երբ ես վախենում եմ։

Ե՞րբ եք տեսել, որ ձեր ուսուցանած երեխաները քաջություն դրսևորեն: Ի՞նչ փորձառություններով կարող եք կիսվել, երբ քաջ լինելու համար Տիրոջ օգնության կարիքն ունեիք:

Հնարավոր վարժություններ

• Գրատախտակին գրեք՝ Մուրթքեն քաջություն դրսևորեց… և Եսթերը քաջություն դրսևորեց … Խնդրեք մի քանի երեխաների կարդալ Եսթեր 3.1–11-ը, իսկ մյուսներին՝ կարդալ Եսթեր 4.10–17-ը: Խնդրեք նրանց օգտագործել իրենց կարդացածը՝ գրատախտակի նախադասությունները լրացնելու համար: Ապա գրեք Ես քաջություն կդրսևորեմ… և խնդրեք երեխաներին թվարկել, թե Երկնային Հայրն ինչ է ուզում, որ նրանք անեն, որը քաջություն են պահանջում: Ինչպե՞ս կարող ենք նմանվել Մուրթքեին և Եսթերին:

• Հրավիրեք երեխաներին մտածել այն իրավիճակների մասին, երբ գուցե դժվար լինի ճիշտը գործել: Գրատախտակին գրեք Եսթերի քաջարի խոսքերը. «Ես այնուհետեւ թագաւորի մօտ պիտի գնամ … եւ եթէ կմեռնեմ թող մեռնեմ» (Եսթեր 4.16): Օգնեք երեխաներին կիրառել Եսթերի խոսքերը իրենց համար՝ «թագաւորի մօտ պիտի գնամ» խոսքերը փոխարինելով որևէ արդար, բայց դժվար ընտրության խոսքերով, որը նրանք, գուցե, ստիպված են կատարել: Ապա խնդրեք նրանց «մեռնել» բառը փոխարինել որևէ տհաճ գործողությունով, որը բխում է ճիշտը գործելուց: Ինչո՞ւ ավելի լավ է ճիշտ վարվել, նույնիսկ եթե կան ծանր հետևանքներ:

• Ցուցադրեք տեսանյութը՝ «Choose the Harder Right» (ChurchofJesusChrist.org), և խնդրեք երեխաներին ընտրել իրենց կյանքի «ավելի դաժան ճիշտը»: Քննարկեք, թե Հիսուս Քրիստոսն ինչպես է այս սկզբունքի օրինակը հանդիսանում:

Եսթեր 4.1–3, 10–17

Ծոմապահությունը կարող է օգնել ինձ և օրհնել մյուսներին։

Կարիքի ժամանակ Եսթերն ու հրեաները ծոմ պահեցին: Ինչպե՞ս կարող եք օգնել ձեր ուսուցանած երեխաներին հասկանալ ծոմի հոգևոր օրհնությունները:

Հնարավոր վարժություններ

• Հանձնարարեք երեխաներին կազմել այն պատճառների ցուցակը, որոնց համար նրանք կարող են ծոմ պահել (անհրաժեշտության դեպքում կարդացեք «Ծոմ և ծոմապահության նվիրատվություններ» վերնագիրը Հավատքին հավատարիմ գրքույկից, էջ 66–69): Ապա խնդրեք նրանց կարդալ Եսթեր 4.1–3, 10–17-ը և պարզել, թե հրեաներն ու Եսթերը ինչու էին ծոմ պահում: Խրախուսեք երեխաներին մտածել մի պատճառ, որի համար նրանք կարող են հատուկ օգնության կարիք ունենալ Տիրոջից, և առաջարկեք այդ պատճառը դարձնել իրենց ծոմի մասը հաջորդ ծոմապահության կիրակի օրը:

• Հրավիրեք երեխաներին ձևացնել, թե իրենց ընկերոջը բացատրում են՝ ինչու են ծոմ պահում: Նրանք ի՞նչ կասեն: Ուղղորդեք նրանց Սուրբ գրքերի ուղեցույցի «Ծոմ, ծոմապահություն» բաժինը (scriptures.ChurchofJesusChrist.org), եթե նրանք օգնության կարիք ունեն: Կիսվեք փորձով այն մասին, երբ ծոմ պահեցիք՝ Տիրոջ օգնությունը ստանալու համար: Հրավիրեք երեխաներին կիսվել փորձառություններով, որ նրանք ունեցել են ծոմապահության հետ կապված։

սովորելու պատկերակ

Խրախուսեք տնային ուսումնասիրությունը

Միասին որևէ երգ երգեք մի սկզբունքի մասին, որը դուք սովորել եք դասարանում այսօր (գաղափարների համար, տես այբբենական ցանկ Children’s Songbook): Խրախուսեք նրանց երգել երգը իրենց ընտանիքների հետ:

Բարելավել մեր ուսուցումը

Ապրեք համաձայն ձեր ուսուցանածի: Ձեր ուսուցումն ավելի զորեղ կլինի, եթե անձնական փորձից կարողանաք վկայել ավետարանով ապրելու օրհնությունների մասին: Երբ ընտրեք երեխաներին սովորեցնելու սկզբունքները, խորհեք, թե դուք ինչպես կարող եք լիարժեք ապրել այդ սկզբունքներով: (Տես Ուսուցանել Փրկիչի ձևով, 13–14։)

գործնական աշխատանքի էջ. ես կարող եմ քաջ լինել