Ti’i nō te Mesia

12–18 nō Tītema

Malaki

« Tē parau mai ra Iehova, i aroha na vau ia ’outou »

’Ua here te Fatu i te mau tamari’i tā ’outou e ha’api’i ra. Nāhea ’outou e tauturu ai i te mau tamari’i ’ia ’ite i tōna here ’a ha’api’i ai ’outou i te ha’api’ira’a tumu tei ’itehia i roto i te Buka a Malaki ?

Pāpa’i i te mau mana’o e tae mai

ītona fa’a’itera’a

Tītau i te mana’o

’A tai’o i te pereota i muri nei i roto ia Malaki 1:2 : « Tē parau mai ra Iehova, i aroha na vau ia ’outou. » ’A ani i te tamari’i tāta’itahi ’ia fa’a’ite mai i te tahi rāve’a e ’ite ai rātou ē, ’ua here te Fatu ia rātou. I muri iho i te mau fa’a’itera’a a te tamari’i tāta’itahi, ha’amāuruuru iāna, ’e ’a fa’a’ite i tō ’outou ’itera’a pāpū nō ni’a i te here o te Fatu nō taua tamari’i ra.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī

Malaki 3:10–12

E ha’amaita’i te Metua i te ao ra iā’u ’ia ’aufau ana’e vau i te tuha’a ’ahuru.

Noa atu ’aita te mau tamari’i ’āpī tā ’outou e ha’api’i ra e ’āpī nei i te moni, e nehenehe rā tā rātou e ha’api’i i ni’a i te mau ha’amaita’ira’a ’o te ’aufaura’a i te tuha’a ’ahuru.

Mau ’ohipa ri’i e nehenehe e rave

• Tauturu i te mau tamari’i ’ia tai’o 10 i te mau mea na’ina’i, mai te mau moni i ni’a i te ’api ’ohipara’a o teie hepetoma. ’A ani ia rātou ’ia fa’ata’a hō’ē o teie mau mea i te toe’a, ’e ’a fa’ata’a ē, teie te huru ’o te tuha’a ’ahuru o tā tātou e hōro’a nei i te Fatu ra. E hōro’a tātou iāna ra hō’ē i ni’a i te ’ahuru o tā tātou e fāri’i nei. ’A fa’a’ite i tō ’outou ’itera’a pāpū nō ni’a i te huru o tā te Fatu ha’amaita’ira’a ia tātou a ’aufau ai tātou i te tuha’a ’ahuru. E hīmene ’āmui i te hō’ē hīmene nō ni’a i te tuha’a ’ahuru, mai te « Je donne ma dîme au Seigneur » (Chants pour les enfants, 148b).

• A pāpa’i i te hō’ē ha’amāramarama i ni’a i te tāpura ’ere’ere, ’e ’a tai’o Malaki 3:10 i te mau tamari’i. ’A ani ia rātou ’ia fa’atoro te rima i ni’a i te ha’amāramarama i te taime a tai’o ai ’outou i te parau « te mau ha’amāramarama o te ra’i. » ’A fa’aite te aura’a, ’oia ho’i tē hōro’a mai nei te Metua i te ao ra ia tātou i te mau ha’amaita’ira’a rahi ’ia ’aufau ana’e tātou i te tuha’a ’ahuru. ’A pēni ai te mau tamari’i i te ’api ’ohipara’a nō teie hepetoma, ’a ’āparau nō ni’a i te mau tumu e ’aufau ai tātou i te tuha’a ’ahuru.

• ’A fa’a’ite i te hō’ē ’ā’amu nō te ve’a Hoa ’aore rā, nō roto i tō ’outou iho orara’a nō ni’a i te ’aufaura’a i te tuha’a ’ahuru. E ani i te mau tamari’i ’ia fa’aro’o i te mau ha’amaita’ira’a e tae mai nā roto i te ’aufaura’a i te tuha’a ’ahuru.

Malaki 4:5–6

’Ua tā’atihia tātou ’ei mau ’utuāfare i roto i te hiero.

Nā roto i te mau tāviri autahu’ara’a nō te tā’atira’a tā Elia i hōro’a mai ia Iosepha Semita i roto i te hiero nō Ketelani, e nehenehe te mau ’utuāfare e tāhō’ē hia nō te ta’u a muri atu. ’A ha’api’i ai ’outou i teie parau mau, ’a ha’apa’o maita’i i te mau mana’o o te mau tamari’i ’aore to râtou mau ’utuāfare i tā’atihia i roto i te hiero.

Mau ’ohipa ri’i e nehenehe e rave

• Tai’o i te Malaki 4:5 i te mau tamari’i. I muri iho, ’a parau ia rātou ē, ’ua tupu teie fafaura’a i te taime ’a fā mai ai o Elia ia Iosepha Semita i roto i te hiero nō Ketelani (hi’o « Pene 40 : Te mau ’ōrama i roto i te hiero i Ketelani », i roto i Te mau ’ā’amu nō roto mai i te Parau Ha’api’ira’a ’e te mau Parau Fafau, 157). ’A fa’a’ite i te hō’ē hōho’a nō teie ’ohipa i tupu (hi’o i te Buka hōho’a nō te ’evanelia, N°95), ’e ’a ani i te mau tamari’i ’ia fa’atoro i ni’a ia Elia ’e ia Iosepha Semita. ’A fa’ata’a, nō te mea ’ua haere mai ’o Elia, e nehenehe ia tātou ’ia tā’atihia ’ei mau ’utuāfare i roto i te hiero. ’A fa’a’ite i tō ’outou ’itera’a pāpū nō ni’a i te faufa’a ’ia tā’atihia ’ei ’utuāfare.

• ’A parau i te mau tamari’i nō ni’a i tō ’outou here i tō ’outou ’utuāfare ; fa’a’ite i te hō’ē hōho’a mai te mea e nehenehe. ’A ani i te tahi mau tamari’i ’ia fa’a’ite mai i tō rātou mana’o nō ni’a i tō rātou ’utuāfare. ’A hīmene ’āmui i te hō’ē hīmene nō ni’a i te ’utuāfare, mai te « E ti’a i te ’utuāfare ’ia ora tāhō’ē » (Te mau hīmene, N°184), ’e ’a fa’a’ite pāpū ē, tē hina’aro nei te Metua i te ao ra i te mau ’utuāfare ’ia tā’ati-’āmui-hia ’e ’o teie te tahi tumu e rave rahi hiero tā tātou. E tauturu i te mau tamari’i ’ia māramarama ē, nō Iesu Mesia tātou e nehenehe ai ia tā’atihia i te mau melo o te ’utuāfare tei ’ore i haere i te hiero i roto i teie orara’a. E ani i te mau tamariʼi ’ia nīnoʼa i te tahi hōhoʼa nō tō rātou ’utuāfare ’āmui i ni’a i te ra’i.

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari

Malaki 3:8–12

E ha’amaita’i mai te Metua i te ao ra iā’u ’ia ’aufau ana’e au i te tuha’a ’ahuru.

Te ’aufaura’a te tuha’a ahuru e hau roa atu te reira i te fa’aro’o i te Metua i te ao ra ’e ia Iesu Mesia i te parau o te moni. E aha tā te mau tamari’i tā ’outou e ha’api’i nei ē māramarama nei nō ni’a i te tuha’a ’ahuru ? Nāhea ’outou ’ia tauturu ia rātou ’ia tupu i te fa’aro’o nō te aufaura’a i te tuha’a ’ahuru ?

Mau ’ohipa ri’i e nehenehe e rave

• ’A pāpa’i i ni’a i te tāpura ’ere’ere i te mau uira’a nō ni’a i te tuha’a ’ahuru mai teie te huru : e aha te tuha’a ’ahuru ? Nāhea vau i te ’aufau i te tuha’a ’ahuru ? Nō te aha te tuha’a ’ahuru ? E aha te mau ha’amaita’ira’a nō te ’aufaura’a i te tuha’a ’auhuru? E ani i te mau tamari’i ’ia ’imi i te Malaki 3:8–12 ’e « Te mau tuha’a ’ahuru, te tuha’a ’ahuru » i roto i te Buka arata’i nō te mau pāpa’ira’a mo’a (scriptures.ChurchofJesusChrist.org) ’e ē pāpa’i i te mau pāhonora’a tei noaa ma ia rātou. ’A ani ia rātou ’ia fa’a’ite mai i te mau pahonora’a te tahi i te tahi. E aha tō tātou huru ’ia ’aufau ana’e tātou i te tuha’a ’ahuru ?

• Fa’a’ite i te video « Tē ha’api’i nei Iesu i te parau nō te lepeta a te vahine ’ivi » (ChurchofJesusChrist.org), ’aore rā, ’a tai’o ’āmui i te Mareko 12:41–44. E aha tā teie ’ā’amu e ha’api’i mai nei ia tātou nō ni’a i te mana’o o te Fatu nō ni’a i tā tātou mau ō ?

• ’A pāpa’i i te hō’ē ha’amāramarama i ni’a i te tāpura ’ere’ere, ’e ’a ani i te mau tamari’i ’ia pāpa’i i te mau ha’amaita’ira’a i roto i te ha’amāramarama tei fāri’ihia nā roto i te ’aufaura’a i te tuha’a ’ahuru (nō te mau mana’o ’ē atu, ’a hi’o Malaki 3:10–12). E ani i te mau tamari’i ’ia fa’a’ite mai i te hō’ē hi’ora’a nāhea rātou ’aore rā tō rātou ’utuāfare i te ha’amaita’i-ra’a-hia i te ’aufaura’a i te tuha’a ’ahuru. ’Aore rā e nehenehe tā ’outou e fa’a’ite i te hō’ē hi’ora’a nō tō ’outou iho orara’a e mea nāhea te ’aufaura’a i te tuha’a ’ahuru i te fa’arahi i tō ’outou fa’aro’o i te Metua i te ao ra ’e ia Iesu Mesia.

Te fāra’a Elia ia Iosepha Semita ’e ia Olive Kaudere i roto i te hiero nō Ketelani

Fa’ahōho’ara’a nō te fāra’a mai o Elia ia Iosepha Semita ’e ia Olive Kaudere i roto i te hiero nō Ketelani, nā Robert T. Barrett

Malaki 4:5–6

« E tono vau i te peropheta ra ia Elia ia ’outou na. »

’Ua tupu te parau tohu a Malaki nō ni’a ia Elia i te taime a fā mai ai Elia ia Iosepha Semita i roto i te hiero nō Ketelani ’e ’ua hōro’a iāna i te mau tāviri o te autahu’ara’a o te fa’ati’a i te mau ’utuāfare ’ia tā’ati-’āmui-hia ’e a muri noa atu. E nehenehe ’outou e titau atu i te tahi ta’ata i roto i te pāroita o tei pi’i hia i te ’ohipa hiero ’e te ’ā’amu ’utuāfare (mai te hō’ē melo o te peresidenira’a pupu peresibutero ’e ’aore rā te peresidenira’a Sōtaiete Tauturu) nō te tauturu ia ’outou ’ia ha’api’i i teie ha’api’ira’a tumu i te mau tamari’i. ’A ha’amana’o ’ia vai ara noa ’outou i ni’a i te mau mana’o o te mau tamari’i tei ’ore ā i tā’atihia e to rātou mau ’utuāfare.

Mau ’ohipa ri’i e nehenehe e rave

• ’A pāpa’i i te pereota tāta’itahi mai roto mai i te Malaki 4:5–6 i ni’a i te hō’ē ’āpī parau ta’a ’ē. ’A hōro’a i te mau ’āpī parau i te mau tamari’i, ’e ’a ani ia rātou ’ia ’āpapa i te mau pereota i roto i te ’ana’ira’a tano. ’A tai’o ’āmui i te mau ’īrava, ’e ’a ’āparau i te mau uira’a mai teie i muri nei : o vai tā te Fatu i fafau e tono hia mai ? E aha te taime ’oia i parau ai ē, e tae mai teie ta’ata ? E aha tā te Fatu i parau ē, e nā reira teie ta’ata ? Nō te aha e ti’a ai i teie ta’ata ’ia haere mai ? I hea teie parau tohu i te tupu ra’a ? (hi’o Te Parau Ha’api’ira’a ’e te mau Parau Fafau 110 :13–16).

• ’A pāpa’i i ni’a i te tāpura i te hō’ē uira’a mai teie E aha te aura’a nō te ’ā’au o te mau tamari’i ’ia fāriu atu i tō rātou mau metua ? (hi’o Malaki 4:6). E ani i te mau tamari’i ’ia feruri hōhonu i teie uira’a a māta’ita’i ai rātou i te video « ’Ua ru’uru’uhia tō rātou ’ā’au i ni’a ia ’outou » (ChurchofJesusChrist.org). I muri iho ’a ani i te mau tamari’i ’ia fa’a’ite mai i tō rātou mau mana’o nō ni’a i te uira’a i ni’a i te tāpura. ’A ’āparau ’āmui i te mau ’itera’a rau tā ’outou ’aore rā, tā te mau tamari’i i ha’api’i mai nō ni’a i te ’ā’amu o te ’utuāfare.

• A fa’a’ite i te hōho’a o Elia i roto i te arata’i ha’api’ira’a nō teie hepetoma i roto Mai, pe’e mai—nō te ta’ata hō’ē ’e te ’utuāfare. ’A ani i te mau tamari’i ’ia fa’a’ite mai i te mea tā rātou i ’ite nō ni’a i te ’ohipa i tupu nō ni’a i te ’ohipa tā teie hōho’a e fa’a’ite ra (hi’o ato’a Te Parau Ha’api’ira’a ’e te mau Parau Fafau 110 :13–16). ’A fa’a’ite pāpū, maoti ’o Elia i fa’aho’i fa’ahou mai te mana tā’atira’a i te mau ’utuāfare e nehenehe ai te mau ’utuāfare e tāhō’ē-hia a muri noa atu—ē tae noa atu i te mau ’utuāfare tei ’ore i fāri’i i teie rāve’a i roto i te orara’a tāhuti nei. Mai te mea ē, ’ua ’āmui atu ’outou i roto i te hō’ē tā’atira’a, nō ’outou iho ’e ’aore rā, nō te hō’ē ta’ata i pohe, ’a ’āparau i te mau mea tā ’outou i fāri’i i roto i taua ’ōro’a ra. ’A ani i te mau tamari’i ’ia fa’a’ite mai i tō rātou mau mana’o nō ni’a i tō rātou iho mau ’utuāfare ’e nō ni’a i te fa’anahora’a a te Atua nō te tauturu i te mau ’utuāfare ’ia vai ’āmui ē a muri noa atu.

ītona ’apora’a mai

Fa’aitoito i te ha’api’ira’a i te fare

’A ani i te mau tamari’i ’ia feruri i te hō’ē mea tā rātou i ha’api’i mai i roto i te piha ha’api’ira’a i teie mahana, ’e ’a ani i te tahi mau tamari’i ’ia fa’a’ite mai i te reira. ’A fa’a’itoito i te mau tamari’i ato’a ’ia fa’a’ite atu ’e tō rātou ’utuāfare i te hō’ē mea tā rātou i apo mai nō ni’a i te mau ha’api’ira’a a Malaki.

Ha’amaita’i i tā tātou ha’api’ira’a

E tītau i te mau tamariʼi i roto i te mau ’āparauraʼa ʼevanelia. E hinaʼaro paha ʼoutou i te feruri i te mau rāveʼa ʼanaʼanatae nō te tītau i te mau tamariʼi ʼāpī hou i roto i te mau ’āparauraʼa ʼevanelia. ’Ei hi’ora’a, e nehenehe te mau tamari’i e hōro’a te pōpō te tahi i te tahi ’e ’ia fa’a’ite i tā rātou pāhonora’a i te hō’ē uira’a ’ia tāpe’a ana’e rātou i te pōpō.

’api ’ohipara’a : e ha’amaita’i mai te Metua i te ao ra iā’u ’ia ’aufau ana’e au i te tuha’a ’ahuru