Mau ’ā’amu o te pāpa’ira’a mo’a

Pene 40: Te Mau Orama i Roto i te Hiero i Ketelani: Eperela 1836

“Pene 40: Te Mau Orama i Roto i te Hiero i Ketelani: Eperela 1836,” Te Mau Aamu no Roto Mai i te Parau Haapiiraa e te Mau Parau Fafau (2002), 155–57

“Pene 40,” Te Mau Aamu no Roto Mai i te Parau Haapiiraa e te Mau Parau Fafau, 155–57

Pene 40

Te Mau Orama i Roto i te Hiero i Ketelani

(Eperela 1836)

Apostles blessing sacrament — I te hoê avatea Sabati, ua faatupuhia te hoê pureraa na te mau Feia Mo‘a i roto i te Hiero i Ketelani. Ua haamaitai te mau Aposetolo i te oro‘a. Ua opere o Iosepha Semita e to’na na tauturu i te oro‘a i te mau Feia Mo‘a.

Jesus appearing to Joseph and Oliver — I muri iho ua haere atu o Olive Kaudere e Iosepha Semita i te hoê vahi i roto i te hiero raua ana‘e ra. Ua tuturi raua i raro e ua pure. I muri iho i ta raua pure, ua tupu mai te hoê ohipa faahiahia roa. Ua ite raua i te Fatu ia Iesu Mesia. E mea anaana to’na na mata, mai te auahi. E to’na rouru mai te teatea ïa o te hiona. E to’na hoho‘a mata ua hau atu ïa i te anaana o te mahana.

Jesus accepting the temple — Ua faaite mai o Iesu ia Iosepha e Olive i te tahi mau mea faahiahia roa. Ua parau mai oia e o oia ïa to raua Faaora. Ua pohe oia no raua. E ua tiafaahou mai oia. Ua parau mai Iesu e e mea tia i te mau taata o tei patu i te hiero ia oaoa. Ua parau mai Iesu ua oaoa roa oia no te hiero. E fare mo‘a hoi te reira no’na. Ua parau mai Iesu e ho‘i pinepine mai oia i roto i te hiero. E e paraparau mai oia i te mau Feia Mo‘a. Tera râ, mai te mea e eita te mau Feia Mo‘a e haapao i to’na hiero mo‘a, e eita ïa oia e haere mai.

Moses appearing to Joseph and Oliver — I muri mai ua ite atura o Iosepha e Olive i te mau melahi i roto i te Hiero i Ketelani. Te mea matamua ta raua i ite o Mose ïa. E peropheta hoi o Mose o tei ora i te tau tahito roa ra. Ua aratai o Mose i te nuu o Iseraela i rapaeau i Aiphiti. Te vai nei te aamu o Mose i roto i te Faufaa Tahito e te buka Poe Tao‘a Rahi. Ua horoa mai o Mose i te hoê mana autahu‘araa taa ê roa ia Iosepha e Olive. E i reira e tia ïa ia raua ia tauturu i te Ati Iseraela ia amui mai ia ratou no te mau tufaa fenua atoa o te ao nei.

Elias appearing to Joseph and Oliver — I muri iho ua ite atura o Iosepha e Olive ia Elia. Ua afai mai o Elia i te mana no te autahu‘araa o Aberahama i te Ekalesia a Iesu Mesia. Ua ora o Aberahama i te tau tahito roa. Ua haamaitai te Atua ia Aberahama. Ua horoa mai oia i te hoê mana autahu‘araa taa ê ia Aberahama. E e farii noa te utuafare o Aberahama i te autahu‘araa. E riro mai hoi te mau melo parau-tia o te Ekalesia ei tufaa no te utuafare o Aberahama.

Elijah appearing to Joseph and Oliver — I muri mai ua ite atoa atura o Iosepha e Olive ia Elia. E Peropheta o Elia o tei ora i te tau tahito roa. Ua parau mai o Elia e mea tia i te mau taata ia haapii mai no nia i to ratou ra mau tupuna. E mea tia i te mau taata ia rave i te ohipa hiero no to ratou mau tupuna. Ua horoa mai o Elia i te hoê mana autahu‘araa taa ê ia Iosepha e Olive. E tauturu hoi te mana autahu‘araa i te mau utuafare parau-tia. E tia hoi i te mau melo no teie mau utuafare ia taatihia i te tahi e te tahi. E i muri iho ia ora amui e a muri noa’tu.