Mau ’ā’amu o te pāpa’ira’a mo’a

Pene 23: Te Parau Haapiiraa e te Mau Parau Fafau: Atete–Novema 1831

“Pene 23: Te Parau Haapiiraa e te Mau Parau Fafau: Atete–Novema 1831,” Te Mau Aamu no Roto Mai i te Parau Haapiiraa e te Mau Parau Fafau (2002), 90–92

“Pene 23,” Te Mau Aamu no Roto Mai i te Parau Haapiiraa e te Mau Parau Fafau, 90–92

Pene 23

Te Parau Haapiiraa e te Mau Parau Fafau

(Atete–Novema 1831)

Joseph leaving Missouri — Ua faarue atu o Iosepha Semita e te tahi pae o te Feia Mo‘a i Misouri. Ua ho‘i atu ratou i Ketelani, Ohio. Ua faatupuhia te hoê amuiraa i Ohio.

Joseph writing revelations — Ua horoa mai te Fatu ia Iosepha Semita e rave rahi mau heheuraa. Ua papai o Iosepha Semita i teie mau heheuraa. Ua hinaaro te Feia Mo‘a ia tuu atu i teie heheuraa i roto i te hoê buka, e ia topahia te i‘oa o teie buka te Buka no te Mau Faaueraa. I muri mai ua topahia te i‘oa o taua buka ra te Parau Haapiiraa e te Mau Parau Fafau.

Joseph speaking with member — Ua parau Iesu ia Iosepha e e mea faufaa roa teie mau heheuraa. No ŏ mai te reira i te Atua ra. E parau mau te reira mau mea atoa. Ua horoa mai Iesu e piti faahou heheuraa ia Iosepha. Te hoê heheuraa no te pae matamua ïa o te Parau Haapiiraa e te Mau Parau Fafau. E te piti ra no te pae hopea ïa. Te faaite mai nei hoi te reira e ua riro te Parau Haapiiraa e te Mau Parau Fafau ei buka faufaa roa.

modern-day chapel — Te faaite mai nei te Buka Fafau ia tatou tataitahi e ua faaho‘i-faahou-hia mai te Ekalesia a Iesu Mesia i nia i te fenua nei.

priesthood bearers giving blessing — Te faaite mai nei te Buka Fafau no nia i te autahu‘araa. E farii faahou te mau tane parau-tia atoa i te mana no te autahu‘araa.

couple reading Book of Mormon — Te faaite mai nei te Buka Fafau no nia i te Buka a Moromona. E nehenehe i te mau taata ia tai‘o i te Buka a Moromona. E ite hoi te mau taata atoa i te evanelia a Iesu Mesia.

sisters sharing food — Te haapii atoa mai nei te Buka Fafau i te Feia Mo‘a ia aroha e ia horoa atu i te tao‘a na te tahi e te tahi. Te Feia Mo‘a o te horoa atu i te tao‘a i te tahi e te tahi, e faaîhia ïa ratou i te Varua Maitai.

Heavenly Father and Jesus Christ — Te haapii mai nei te Buka Fafau i te mau faaueraa a te Atua. E nehenehe i te Feia Mo‘a o te haapao i teie mau faaueraa ia patu ia Ziona. E tia hoi ia ratou ia ora i pihai iho i to tatou Metua i te Ao ra e ia Iesu e a muri noa’tu.

people reading Doctrine and Covenants — Ua parau mai Iesu e mea tia i te mau melo atoa o te Ekalesia ia tai‘o i te Buka Fafau.

Joseph at printing press — I muri iho i te amuiraa ua haere atu o Olive Kaudere i Misouri. Ua rave atu oia i te mau heheuraa o ta Iosepha i papai. Ua horoa atu oia i te reira i te hoê taata nenei parau. Ua parau atu oia i te taata nenei parau ia nenei e 3.000 buka, area râ ua tapeahia te neneiraa parau e te mau taata iino, e ua haamouhia te rahiraa o teie mau api parau.

girl holding Doctrine and Covenants — Ua haamauruuru te Feia Mo‘a i to tatou Metua i te Ao ra no te mau heheuraa i roto i te Buka Fafau. Ua fafau ratou i te Atua e e faaite ratou i te tahi atu mau taata e no ŏ mai teie mau heheuraa i te Atua ra.