Te Mau Taata o te Tia ia Tatou ia Ite

Aberahama

E peropheta o Aberahama o tei ora i te tau tahito roa. Te vai nei te aamu no Aberahama i roto i te Faufaa Tahito e te buka Poe Tao‘a Rahi.

Ati Iseraela

Te mau taata Ati Iseraela o tei faaea i te fenua Palesetina i te matamua roa.

Ati Lamana

Ua piihia te mau Inidia e Ati Lamana i roto i te Buka a Moromona.

Bennett, John C.

E tavana oire o John C. Bennett no te oire o Navu. Aita oia i au ia Iosepha Semita.

Brother Allen

E melo o Allen no te Ekalesia e ua tapiripirihia oia i te tâ e te huruhuru moa i te tufaa fenua ra i Misouri.

Captain Allen

E raatira faehau hoi o Captain Allen no te fenua Hau Marite. Ua haere mai oia e ani i te mau tane no te Ekalesia ia riro ei mau Faehau Momoni.

Copley Leman

A melo hoi oia no te Ekalesia i Ketelani, Ohio, e aita roa oia i hinaaro ia horoa i to’na fenua no te mau melo o te Ekalesia.

Elia

Ua horoa mai o Elia i te mana no te autahu‘araa taa ê ia Iosepha Semita e Olive Kaudere i roto i te hiero i Ketelani.

Eliaha

E peropheta oia o tei ora i te matamua roa. Ua horoa mai oia i te hoê mana taa ê no te autahu‘araa ia Iosepha Semita e Olive Kaudere i roto i te hiero i Ketelani.

Enoha

E peropheta hoi o Enoha o tei ora i te tau tahito roa. Ua patu oia i te oire o Ziona. E te vai nei te aamu o Enoha i roto i te buka Poe Tao‘a Rahi.

Te Atua

Ua riro mau to tatou Metua i te Ao ra, o Iesu Mesia, e te Varua Maitai ei mau Atua. E mau mana rahi ana‘e to ratou.

Fatu

I te tahi mau taime te parau nei tatou ia Iesu Mesia ei Fatu.

Haede, Oresona

E Aposetolo hoi o Oresona Haede. Ua haamaitai hoi oia i te fenua ra o Palesetina no te mau tamarii a Aberahama.

Hareti, Maratini

Ua tauturu o Maratini Hareti ia Iosepha Semita i te iritiraa i te mau api auro. Ua mo‘e te tahi o te mau api parau no te Buka a Moromona ia’na.

Iakobo

E Aposetolo hoi o Iakobo na Iesu. Ua horoa mai hoi o Petero, Iakobo, e Ioane i te Autahu‘araa a Melehizedeka ia Iosepha Semita e Olive Kaudere.

Iesu Mesia

E Faaora o Iesu Mesia no tatou. O oia te tamaiti a to tatou Metua i te Ao ra. I te tahi mau taime te parau nei tatou ia Iesu e Fatu.

Inidia

Ua ora hoi te mau Inidia i te mau tufaa fenua atoa o te Fenua Hau Marite. I te tahi mau taime ua piihia te mau Inidia e mau Ati Lamana.

Ioane

O Ioane te hoê o te mau Aposetolo a Iesu. Ua horoa mai o Petero, Iakobo e Ioane i te Autahu‘araa a Melehizedeka ia Iosepha Semita e Olive Kaudere.

Ioane Bapetizo

Ua ora o Ioane i nia i te fenua i to Iesu haereraa mai i nia i te fenua nei. Ua horoa mai o Ioane Bapetizo i te Autahu‘araa a Aarona ia Iosepha Semita e Olive Kaudere.

Ioune, Birigama

O Birigama Ioune te hoê o te mau Aposetolo. O oia hoi te taata faatere o tei aratai i te mau pionie. O oia atoa te hoê peropheta no te Ekalesia i muri mai i to Iosepha poheraa.

Ioune, Phineas

O Phineas Ioune te taeae o Birigama Ioune.

Kaudere, Olive

Ua tauturu o Olive Kaudere ia Iosepha Semita i te iritiraa i te mau api auro. Ua rave itoito oia i te ohipa no te tautururaa i te Ekalesia a Iesu Mesia.

Kimibala, Hebera C.

E Aposetolo o Hebera C. Kimibala. Ua haere atu oia i ta’na misioni i te fenua Baratane.

Kimiball, Spencer W.

O Spencer W. Kimiball te 12 o te mau peropheta o te Ekalesia. E aposetolo hoi oia e e peropheta atoa.

Melehizedeka

E peropheta o Melehizedeka o tei ora i te tau tahito roa. Ua farii oia i te autahu‘araa.

Momoni

Ua piihia te mau melo o te Ekalesia i te tahi mau taime e mau Momoni, no te mea te tiaturi nei ratou i te Buka a Moromona.

Moroni

E peropheta hoi o Moroni o tei ora i nia i te fenua Amerika i te tau tahito roa. Ua huna oia i te mau api auro i raro i te repo i nia i te Aivi Cumora.

Mose

E peropheta o Mose o tei ora i te tau tahito roa. Ua aratai oia i te Ati Iseraela i rapaeau i te fenua Aiphiti. Ua horoa atu oia i te hoê autahu‘araa taa ê ia Iosepha Semita e Olive Kaudere i roto i te hiero i Ketelani.

Mr. Chandler

Ua hoo atu o Mr. Chandler i te mau otaro parau paari i te mau Feia Mo‘a i Ketelani. Te faaitehia ra te mau papairaa a Aberahama i nia i teie mau otaro parau.

Mr. Hale

E metua tane hoi o Mr. Hale no Ema Semita.

Naiete, Nuela

Ua pohe roa o Nuela Naite i te ma‘i i to Satane tamataraa i te tapea ia’na eiaha ia pure. Ua faaora o Iosepha Semita ia Nuela Naiete.

Noa

E peropheta o Noa o tei ora i te tau tahito roa. Ua farii o Noa i te autahu‘araa.

Page, Hairamu

Ua parau o Hairamu Page e te vai ra ta’na hoê ofa‘i no te horoa ia’na te mau heheuraa no te Ekalesia.

Paraita, Pale P.

Ua haere atu o Pale P. Paraita i te misioni no te haapii atu i te mau Inidia.

Paterige, Etuada

O Etuada Paterige te episekopo matamua no te Ekalesia.

Petero

O Petero o te hoê o te mau Aposetolo a Iesu. Ua horoa mai o Petero, Iakobo, e Ioane i te Autahu‘araa a Melehizedeka ia Iosepha Semita e Olive Kaudere.

Phelepe, Viliamu W.

Ua tauturu o Viliamu W. Phelepe i te haamataraa i te haapiiraa i te Mataeinaa Iakona, i Misouri.

Pionie

E mau Feia Mo‘a te mau pionie o tei haere atu i roto i te mau Mou‘a Ofa‘i.

Ridigoni, Sidene

O Sidene Rigidoni te hoê o na tauturu o Iosepha Semita.

Ritedi, Viliadi

E hoa o Viliadi Ritedi no Iosepha Semita. Tei te fare auri hoi o Viliadi Ritedi i pihai iho ia Iosepha i te taime a taparahihia ai o Iosepha i te fare auri i Karategi.

Satane

O Satane te hoê diabolo. Ua hinaaro o Satane ia tapea i te ohipa a to tatou Metua i te Ao ra i nia i te fenua nei. Ua hinaaro o Satane ia haamou i te Ekalesia a Iesu Mesia i nia i te fenua nei.

Semita, Alavina

O Alavina Semita te taeae paari a‘e o Iosepha Semita. Ua pohe oia. Ua ite o Iosepha i te hoê orama no nia ia Alavina i roto i te Basileia Tiretiera o te ra‘i ra.

Semita, Ema

O Ema Semita te vahine a Iosepha Semita. O oia hoi te vahine faatere matamua no te Sotaiete Totauturu. Ua faaineine oia i te hoê buka himene na te Ekalesia.

Semita, Hairamu

O Hairamua Semita hoi te hoê taeae paari a‘e o Iosepha. Ua taparahihia o Hairamu i roto i te fare auri i Karategi raua o Iosepha.

Semita, Iosepha

O Iosepha Semita te peropheta matamua e te peresideni no Te Ekalesia a Iesu Mesia i te Feia Mo‘a i te Mau Mahana Hopea Nei. Ua horoa mai o Iesu i te mau heheuraa ia Iosepha Semita e ua faaitehia te reira i roto i te Buka Fafau. Ua taparahihia o Iosepha Semita i te fare auri i Karategi.

Semita, Iosepha, Metua

O Iosepha Semita, Metua te metua tane o Iosepha Semita.

Semita, Lucy

O Lucy Semita te metua vahine o Iosepha Semita.

Semita, Samuela

O Samuela Semita te taeae apî a‘e o Iosepha Semita. O oia te misionare matamua no te Ekalesia.

Sino, Eliza R.

Eliza R. Sino te hoê melo no te Sotaiete Tauturu matamua.

Tavana Rahi ra o Boggs

E tavana rahi o Boggs no Misouri. Aita oia i hinaaro ia tauturu i te mau Feia Mo‘a.

To Tatou Metua i te Ao ra

Ua riro to tatou Metua i te Ao ra ei Metua no to tatou mau tino varua. Te pure nei tatou i to tatou Metua i te Ao ra. I te tahi mau taime te parau nei tatou i to tatou Metua i te Ao ra o te Atua.

Te Tuahine ra o Vilate Kimibala

O te Tuahine ra o Kimibala te vahine a Hebera C. Kimibala. E melo hoi oia no te Sotaiete Tauturu o tei faatia-matamua-hia.

Tela, Ioane

O Ioane Tela te hoê o te mau hoa o Iosepha Semita. Tei te fare auri atoa oia i te taime a tapeahia ai o Iosepha i reira. E i muri mai ua riro oia ei Peresideni no te Ekalesia.

Uitima, Davida

O Davida Uitima te hoê o te mau ite o tei ite i te mau papaa parau auro. Ua tauturu hoi oia i te haamataraa i te Ekalesia i te 6 no Eperela 1830.

Uitima, Petero

Ua tauturu atoa o Petero Uitima i te haamataraa i te Ekalesia i te 6 no Eperela 1830.

Uitini, Nuela

O Nuela Uitini te episekopo piti o te Ekalesia.

Varua Maitai

E tino varua hoi to te Varua Maitai. Te tauturu nei oia i to tatou Metua i te Ao ra e ia Iesu. E mana hoi to’na no te horoa atu i te mau Feia Mo‘a i te hoê horoaraa taa ê. E faaite atu hoi te Varua Maitai ia ratou ia ite i te mea tano.

Viliamu, Ferederika G.

O Ferederika G. Viliamu te hoê o na tauturu o Iosepha Semita.