Pene 58

Ua Faarue te Mau Feia Mo‘a Matamua i Navu

(Setepa 1845–Fepuare 1846)

mobs telling lies

I muri iho i te poheraa o Iosepha Semita ua mana‘o ihora te mau pŭpŭ taata iino e mou te Ekalesia. Aita ratou i ite e e maiti te Fatu i te hoê faahou taata faatere apî. Ua hinaaro te pŭpŭ taata iino ia haamou i te Ekalesia. Ua faaite te mau ve‘a i te mau parau haavare no nia i te mau Feia Mo‘a. Ua parau ratou e te taparahi nei te mau Feia Mo‘a i te taata e te eiâ atoa nei ratou.

First Presidency speaking with Governor of Illinois

Aita roa te Tavana Rahi o taua tufaa fenua ra i hinaaro ia tauturu i te mau Feia Mo‘a. Ua parau mai oia e te au ore nei te mau pŭpŭ taata iino ia ratou. Ua parau atu oia i te mau Feia Mo‘a ia faanuu atu i te tooa o te râ. No reira ua parau atu o Birigama Ioune e haere atu ratou i te tooa o te râ. Tera râ, ua hinaaro ratou i te tahi taime no te faaineineraa. Ua hinaaro ratou i te moni no te hoo mai i te maa e te ahu. E mea tia hoi ia ratou ia hamani i te mau pereoo tura‘i e ia hoo mai i te mau puaatoro. E mea tia atoa ia ratou ia hoo atu i to ratou mau fare.

mobs stealing from the Saints

Aita te mau pŭpŭ taata iino i hinaaro ia horoa i te tahi taime rii i te mau Feia Mo‘a no te faaineine ia ratou. Aita te mau taata i hinaaro ia hoo mai i te fare o te mau Feia Mo‘a. Ua haavi te tahi o te mau pŭpŭ taata iino i te mau Feia Mo‘a ia haere atu i rapae i to ratou mau fare. E i muri iho ua tutu‘i ratou i to te mau Feia Mo‘a mau fare.

Saints getting ready to leave Nauvoo

Ua rave itoito te mau Feia Mo‘a i te ohipa no te faaineine ia ratou no te faarue ia Navu. Ua tâpû ratou i te mau raau e ua hamani i te mau pereoo tura‘i. Ua hoo mai ratou i te mau animala. Ua haaputu ratou i te mau maa. Ua hinaaro hoi te mau Feia Mo‘a ia faaoti i te hiero na mua a‘e ratou e faarue atu ai.

Saints working on Nauvoo Temple

Ua horoa ratou i te moni no te paturaa i te hiero. Ua rave ratou i te ohipa no te paturaa i te hiero. E ua oti te mau piha e rave rahi. Ua haamo‘a ratou i te mau piha tataitahi i te otiraa. Ua faaohipa ratou i te hoê piha no te mau ohipa bapetizoraa no te mau taata i pohe. Ua faatupu ratou i te hoê amuiraa i roto i te hiero na te mau melo atoa o te Ekalesia.

Saints crossing Mississippi River

Ua tae mai te tau to‘eto‘e e e mea to‘eto‘e roa hoi. Ua haavî te mau pŭpŭ taata iino i te mau Feia Mo‘a e rave rahi ia faarue i to ratou mau fare. Ua tuu atu te mau Feia Mo‘a i ta ratou mau mea atoa i roto i te mau pereoo tura‘i. Ua tura‘i atu ratou i to ratou mau pereoo tura‘i i nia i te mau poti. E ua tere atu ratou i te tahi pae mai o te anavai pape ra o Misisipi.

Saints crossing frozen Mississippi River

No te to eto‘e rahi, ua paari roa te anavai. E ua haere atu o Birigama Ioune e te tahi o te mau Feia Mo‘a na nia i to ratou mau pereoo tura‘i i te tahi pae mai o te anavai na nia i te pape paari.

Saints sharing food and clothing

Ua puhapa te mau Feia Mo‘a i te pae anavai pape. Aita hoi to te tahi o te mau taata ahu mahanahana i rava‘i. Ua to‘eto‘e roa ratou. Aita hoi ta te tahi pae maa i rava‘i. Te mau Feia Mo‘a o tei rava‘i ta ratou maa e te mau ahu ua horoa atu ïa ratou i te reira i te mau taata nava‘i ore. Ua faaea te mau Feia Mo‘a i te pae anavai pape no te tahi mau mahana. E i muri iho ua faanuu atu ratou e ua faatia faahou i te hoê puhuparaa. Ua maiti o Birigama Ioune i te mau taata faatere. Ua tauturu te mau taata faatere i te mau taata i te faaineineraa no te haere atu i roto i te mou‘a i te pae tooa o te râ.