Mau ’ā’amu o te pāpa’ira’a mo’a

Pene 15: Te Hoê Misioni i te Mau Ati Lamana: Setepa 1830

“Pene 15: Te Hoê Misioni i te Mau Ati Lamana: Setepa 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 58–60

“Pene 15,” Te Mau Aamu no Roto Mai i te Parau Haapiiraa e te Mau Parau Fafau, 58–60

Pene 15

Te Hoê Misioni i te Mau Ati Lamana

(Setepa 1830)

Oliver Cowdery — Ua hinaaro Iesu ia rahi atu te mau taata e faaroo i te evanelia. Ua hinaaro oia i te tahi mau Feia Mo‘a ia haere atu i te misioni. Ua parau atu oia ia Olive Kaudere ia haere atu i te misioni i te mau taata Initia.

Jesus speaking to Nephite — Ua parauhia te mau Initia i roto i te Buka a Moromona te mau Ati Lamana. Ua hinaaro o Iesu i te mau Ati Lamana ia tai‘o i te Buka a Moromona. E rave rahi mau peropheta o ta’na i fafau atu e e farii te mau Ati Lamana i te Buka a Moromona. I teie nei, o te taime ïa no te haapao i taua fafauraa ra.

Jesus speaking to Lamanites — E faaite mai te Buka a Moromona no nia i te tupuna o te mau Ati Lamana o tei ora e 2.000 matahiti i mairi a‘enei. Te faaite maira oia i te Ati Lamana i te mau fafauraa o ta Iesu i parau atu ia ratou. Ua tauturu hoi te reira ia ratou ia tiaturi ia Iesu e i te evanelia. E e haapii hoi te reira ia ratou ia tatarahapa e ia bapetizohia.

men of the Church — Ua hinaaro te tahi atu mau taata ia haere atu na muri iho ia Olive Kaudere. Ua hinaaro ratou ia poro i te evanelia i te mau Ati Lamana. Ua hinaaro ratou ia horoa atu i te Buka a Moromona i te mau Ati Lamana. Ua parau mai te Fatu e toru ana‘e taata te tia ia haere.

missionaries teaching Native Americans — Na mua a‘e ua haere atu te mau misionare i te mau taata Initia i te fenua Niu Ioka. Aita i rahi te mau Initia i reira o te nehenehe ia tai‘o. Ua horoa atu te mau misionare i te Buka a Moromona ia ratou.

missionaries greeting Native Americans — E i muri iho ua haere atu te mau misionare i Ohio no te haapii i te tahi mau Initia. Ua oaoa te mau Initia i te faarooraa i te Buka a Moromona. Ua oaoa hoi ratou i te faarooraa i te mau parau no nia i to ratou mau tupuna.

missionaries leaving on horseback — Ua faarue atu te mau misionare i Ohio. Ua haere atu ratou i te hoê oire i parauhia o Inidipenideni, i te Mataeinaa Iakona, i Misouri. E mea rahi Initia i Misouri.

Native Americans reading from Book of Mormon — Ua porohaere te mau misionare i te evanelia ia ratou. Ua horoa ratou i te mau Buka a Moromona i te mau Initia. Ua oaoa roa hoi te mau taata Initia. Ua haamauruuru ratou i te mau misionare no te Buka a Moromona.

people telling missionaries to stay away — Aita te tahi mau taata i Misouri i tiaturi i te evanelia. Aita ratou i tiaturi i te Buka a Moromona. Ua parau ratou i te mau misionare eiaha e haere atu e farerei i te mau Initia.

missionaries leaving Missouri — Ua parau te mau taata e tiahi te mau faehau i te mau misionare mai te mea eita ratou e faarue i taua vahi ra. Ua tupu hoi te oto o te mau misionare i to ratou faarooraa i taua parau api ra. Ua haere atu ratou e poro i te evanelia i te tahi atu mau taata i Misouri.

Parley P. Pratt speaking to Joseph — O Pale P. Paraita te hoê o te mau misionare. Ua haere atu oia e faaite ia Iosepha i te ohipa o ta ratou i rave. Ua parau atu oia o Pale e misioni maitai roa ta ratou. Ua haapii ratou i te evanelia i te mau taata e rave rahi.