Mau ’ā’amu o te pāpa’ira’a mo’a

Pene 9: Te Ekalesia Mau a Iesu Mesia: 6 no Eperela 1830

“Pene 9: Te Ekalesia Mau a Iesu Mesia: 6 no Eperela 1830,” Te Mau Aamu no Roto Mai i te Parau Haapiiraa e te Mau Parau Fafau (2002), 40–42

“Pene 9,” Te Mau Aamu no Roto Mai i te Parau Haapiiraa e te Mau Parau Fafau, 40–42

Pene 9

Te Ekalesia Mau a Iesu Mesia

(6 no Eperela 1830)

Joseph receiving revelation — Te faaea ra o Iosepha Semita i te oire ra i parauhia o Faiete. Tei te tufaa fenua Niu Ioka taua oire ra o Faiete. Ua parau mai o Iesu Mesia ia Iosepha e teie te taime no te faatia faahou i te ekalesia mau i nia i te fenua nei. Ua faaue mai Iesu ia Iosepha ia faatia i te Ekalesia.

Joseph instructing Church leaders — Ua haapao Iosepha Semita i te reira. I te 6 no Eperela 1830, ua faatupu oia i te hoê apooraa. Ua haere mai e pae taata i te apooraa no te tauturu ia Iosepha no te haamata i te Ekalesia. E teie te i‘oa o teie mau taata, o Olive Kaudere, Hairamu Semita, Samuela Semita, Davida Uitima, e Petero Uitima. Ua bapetizo-pauroa-hia ratou. Ua haere atoa mai te tahi atu mau taata no te hi‘ohi‘o i taua apooraa ra.

Joseph ordaining elder — Ua pure teie mau taata i te Metua i te Ao ra. Ua faatoro‘a o Iosepha ia Olive e peresibutero i roto i te Ekalesia. E i muri iho ua faatoro‘a o Olive ia Iosepha.

Joseph blessing sacrament — Ua haamaitai o Iosepha raua o Olive i te oro‘a, e ua horoa atu i te mau taata.

Joseph confirming members — Ua tuu atu o Iosepha raua o Olive i to raua rima i nia i te upoo o te mau taata tataitahi. Ua haamau ia ratou ei mau melo no te Ekalesia a Iesu Mesia. Ua horoa atu raua i te horoa a te Varua Maitai i taua mau taata ra. Ua haamauruuru atu ratou i te Atua.

man bearing testimony — Ua tae atoa mai te tahi atu mau taata i taua apooraa ra. Ua faatoro‘a Iosepha e Olive i te tahi o taua mau taata ra. Ua horoa atu hoi oia i te autahu‘araa ia ratou. Ua oaoa roa hoi te mau taata o tei faatoro‘ahia. Ua parau mai ratou e ua here ratou i te Atua. Ua faaite mai ratou e nahea to te Atua haamaitairaa ia ratou.

Joseph receiving revelation — Ua horoa mai Iesu i te hoê heheuraa ia Iosepha Semita i roto i taua apooraa ra. Ua parau mai o Iesu e e peropheta o Iosepha. Ia parau ana‘e te hoê peropheta, te parau ra ïa oia no Iesu. E mea tia i te mau melo no te Ekalesia ia faaroo i te peropheta. E mea tia ia ratou ia haapao i ta’na parau.

Joseph baptizing his mother — I muri mai i te apooraa e rave rahi mau taata i bapetizohia. Ua bapetizohia te metua vahine e te metua tane o Iosepha. Ua riro te 6 no Eperela ei mahana faahiahia roa. Ua faatia-faahou-hia te Ekalesia mau a Iesu Mesia i nia i te fenua nei.